Автотранспортные услуги (Грузия - Тендер #71052997)

შენობის გარეთ ქორწინების რეგისტრაციის მიზნებისთვის საჭირო ტრანსპორტირების მომსახურების სახელმწიფო შესყიდვა.

1.2.1 შესყიდვის ობიექტს წარმოადგენს სატრანსპორტო საშუალების დაქირავება მძღოლთან ერთად, მგზავრთა ტრანსპორტირების მიზნით. მომსახურების მიწოდება უნდა განხორციელდეს მოთხოვნის შესაბამისად (სსიპ იუსტიციის სახლის წარმომადგენლისგან მოთხოვნის შესახებ მიმწოდებელს ეცნობება არაუგვიანეს 4 საათისა).
1.2.1 ქ. თბილისის მასშტაბით მიმწოდებელი ვალდებულია უზრუნველყოს მომსახურების მიწოდება, არანაკლებ 6 ავტოსატრანსპორტო საშუალებით. ერთი სატრანსპორტო საშუალების მგზავრთა ადგილების რაოდენობა უნდა შეადგენდეს არანაკლებ 3 ერთეულს. ქ. ბათუმის მასშტაბით მიმწოდებელი ვალდებულია უზრუნველყოს მომსახურების მიწოდება, არანაკლებ 3 ავტოსატრანსპორტო საშუალებით. ერთი სატრანსპორტო საშუალების მგზავრთა ადგილების რაოდენობა უნდა შეადგენდეს არანაკლებ 3 ერთეულს.
1.2.2. საქართველოს მასშტაბით (გარდა ქ. თბილისისა და ქ.ბათუმისა) მიმწოდებელი ვალდებულია საჭიროების შემთხვევაში უზრუნველყოს მომსახურების გაწევა თითოეული გასვლითი წერტილისთვის ერთდროულად 2 ავტოსატრანსპორტო საშუალებით მომსახურება. სატრანსპორტო საშუალებ(ებ)ის მგზავრთა ადგილების რაოდენობა უნდა შეადგენდეს არანაკლებ 3 ერთეულს.
1.2.3. მომსახურების გაწევისთვის კილომეტრაჟის ათვლა დაიწყება იუსტიციის სახლის მოთხოვნით განსაზღვრული ადგილიდან/მისამართიდან - სსიპ იუსტიციის სახლის ფილიალიდან და/ან ქორწინების სახლებიდან. მომსახურების ანგარიშსწორება განხორციელდება ფაქტობრივად გავლილი მანძილის მიხედვით, მანქანის მოძრაობის საწყისი პუნქტიდან დანიშნულების პუნქტამდე (უკუმიმართულების გათვალისწინებით, ხოლო აუცილებელი საჭიროების შემთხვევაში საქართველოს კანონმდებლობით დადგენილ უქმე დღეებში და არასამუშაო საათებში, მგზავრთა საცხოვრებელ სახლამდე მიყვანის გათვალისწინებით).
1.2.4. ერთეულის ფასის მითითებისას პრეტენდენტმა უნდა გაითვალისწინოს მოცდენის დრო (მაგალითად ქორწინების რიტუალისთვის საჭირო დრო).
1.2.5. მომსახურების გაწევა უნდა მოხდეს: 10:00-21:00 საათებში _ მითითებული დროის (დაწყება-დასრულება) ცდომილება შესაძლებელია არაუმეტეს ± 30 წუთი.
1.2.6. მომსახურებისთვის განკუთვნილი მანქანების გამოშვების წელი უნდა იყოს არანაკლებ 2010 წლისა.
1.2.7. მიმწოდებელმა მომსახურების განხორციელებისთვის უნდა უზრუნველყოს სატრანსპორტო საშუალების ყოველდღიურად საექსპლუატაციოდ გამართულ მდგომარეობაში ყოფნა;
1.2.8. მანქანების ვიზუალური მდგომარეობა უნდა იყოს გამართული.
1.2.9. მანქანებში უნდა იყოს შენარჩუნებული სისუფთავე. დაცული უნდა იყოს ჰიგიენური ნორმები;
1.2.10. მომსახურების გაწევა უნდა განხორციელდეს ავსტოსატრანსპორტო საშუალებ(ებ)ით, რომელსაც გავლილი აქვს გეგმიური ტექნიკური დათვალიერება.
1.2.11. სატრანსპორტო საშუალება აღჭურვილი უნდა იყოს გათბობისა და კონდიცირების სისტემით;
1.2.12. შემსყიდველის მიერ ტრანსპორტირება შესაძლებელია მოთხოვნილ იქნეს აუცილებელი საჭიროების შემთხვევაში საქართველოს კანონმდებლობით დადგენილ უქმე და დასვენების დღეებში.

ხელშეკრულების გაფორმებიდან, მაგრამ არაუადრეს 2026 წლის 1 აპრილიდან - 2028 წლის 31 მარტის ჩათვლით.

მომსახურების გაწევა უნდა განხორციელდეს მთელი საქართველოს მასშტაბით დანართთი №1 - ფასების ცხრილში განსაზღვრული მისამართების შესაბამისად.

2.2.1.1 პრეტენდენტს 2023 წლიდან წინამდებარე ტენდერის გამოცხადებამდე პერიოდში უნდა გააჩნდეს ანალოგიური/მსგავსი მომსახურების (ტრანსპორტირების მომსახურება) გამოცდილება, (გეოგრაფიული არეალი უნდა მოიცავდეს ქ. თბილისს, არანაკლებ ერთ რეგიონს აღმოსავლეთ საქართველოში და არანაკლებ ერთ რეგიონს დასავლეთ საქართველოში) რომელთა ღირებულება ჯამურად უნდა შეადგენდეს არანაკლებ 500 000 ლარს საქართველოს კანონმდებლობით დადგენილი ყველა გადასახადის ჩათვლით. აღნიშნულის დასტურად, პრეტენდენტის მიერ წარმოდგენილი უნდა იქნეს შესაბამისი ხელშეკრულებები და გაწეულ მომსახურებაზე გაფორმებული მიღება-ჩაბარების აქტები ან/და ექსპერტიზის დასკვნები ან/და ნებისმიერი სხვა სახის დოკუმენტი, რომელიც დაადასტურებს აღნიშნული მომსახურების გაწევის ფაქტს.
2.1.1.2 პრეტენდენტს 2023 წლიდან წინამდებარე ტენდერის გამოცხადებამდე პერიოდში შესრულებული უნდა ჰქონდეს ანალოგიური/მსგავსი მომსახურების (ტრანსპორტირების მომსახურება) არანაკლებ 1 (ერთი) ხელშეკრულება, სახელმწიფო შემსყიდველი ორგანიზაციის დაკვეთით, რომლის ღირებულება არ უნდა იყოს 100 000 ლარზე ნაკლები. აღნიშნულის დასტურად, პრეტენდენტის მიერ წარმოდგენილი უნდა იქნეს შესაბამისი ხელშეკრულება და გაწეულ მომსახურებაზე გაფორმებული მიღება-ჩაბარების აქტები ან/და ექსპერტიზის დასკვნები ან/და ნებისმიერი სხვა სახის დოკუმენტი, რომელიც დაადასტურებს აღნიშნული მომსახურების გაწევის ფაქტს, ასევე ამავე დამკვეთისაგან გაცემული დადებითი სარეკომენდაციო წერილი, რომელიც გაცემული უნდა იქნას წინამდებარე ტენდერის გამოცხდების შემდგომ პერიოდში.
2.1.1.3 იმ შემთხვევაში, თუ მომსახურება გაწეულია კერძო სამართლის იურიდიული პირის ან ფიზიკური პირის დაკვეთით, (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ მომსახურების შესრულების ამსახველი ფინანსური დოკუმენტაცია: საგადასახადო ანგარიშ-ფაქტურები და შემყიდველის მოთხოვნის შემთხვევაში ამონაწერი საბანკო ანგარიშებიდან.
2.1.1.4 იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT და ა.შ ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT და ა.შ ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;
4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);
4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

3 Процентов

6 Процентов

ხელშეკრლულების უზრუნველყოფის გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულების მოქმედების ვადას.

6.5.1.მიმწოდებელი ვალდებულია სახელმწიფო შესყიდვების მარეგულირებელი კანონმდებლობის მოთხოვნათა გათვალისწინებით, ხელშეკრულების გაფორმებამდე წარმოადგინოს ხელშეკრულების შესრულების უზრუნველყოფის საბანკო გარანტია. საბანკო გარანტია წარმოდგენილი უნდა იქნას საქართველოში მოქმედი საბანკო დაწესებულების ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან.
6.5.2. თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს „თეთრი სიის წარმოების წესისა და პირობების დამტკიცების შესახებ“ სახელმწიფო შესყიდვების სააგენტოს თავმჯდომარის 2016 წლის 26 თებერვლის №2 ბრძანების შესაბამისად.
6.5.3. მიმწოდებლის მიერ ხელშეკრულებით ნაკისრი ვალდებულებების შეუსრულებლობის, აგრეთვე ნაწილობრივი ან არაჯეროვანი შესრულების მიზეზით ხელშეკრულების შეწყვეტის შემთხვევაში, შემსყიდველი უფლებამოსილია განახორციელოს საბანკო გარანტიის სრული ოდენობით გამოყენება.
6.4.4.იმ შემთხვევაში, თუ მიმწოდებელი უზრუნველყოფს ხელშეკრულებით ნაკისრი ვალდებულებების სრულად შესრულებას ან ხელშეკრულების მოქმედება შეწყდება მიმწოდებლისაგან დამოუკიდებელი მიზეზებით, შემსყიდველი ვალდებულია მიმწოდებლის წერილობითი მოთხოვნის საფუძველზე უზრუნველყოს ხელშეკრულების შესრულების უზრუნველყოფის საბანკო გარანტიის დაუყოვნებლივ დაბრუნება.

7.2.1. ყოველთვიურად, მომსახურების გაწევის შემდეგ, ფაქტობრივად გაწეულ მომსახურებაზე, ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნის საფუძველზე მხარეთა უფლებამოსილი წარმომადგენლების ხელმოწერით გაფორმდება მიღება-ჩაბარების აქტი.
7.2.2. ანგარიშსწორება განხორციელდება ყოველთვიურად, უნაღდო ანგარიშსწორებით, ეროვნულ ვალუტაში – ლარში, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.
7.2.3. წინასწარი ანგარიშსწორება არ გამოიყენება.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღე.

ალექსანდრე ჟვანია, 591447034, alzhvania@psh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა Excel-ის ფორმატით წარმოდგენილი ფასების ცხრილისა) უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.