Услуги в области строительства (Грузия - Тендер #71052996)

1.1.1 ტექნიკური ზედამხედველობის მომსახურების სახელმწიფო შესყიდვა.

1.2.1 შესასრულებელი სამუშაოების დასახელება:
ბათუმის ბულვარში, 2026 წლის განმავლობაში მიმდინარე ინფრასტრუქტურულ სამუშაოებზე ტექნიკური ზედამხედველობის მომსახურების სახელმწიფო შესყიდვა.

1.2.2 ზოგადი ნაწილი:
1.2.2.1 მოქმედი ნორმატიულ-ტექნიკური დოკუმენტაციის მოთხოვნათა შესაბამისად ტექნიკური ზედამხედველობის მომსახურება მოიცავს სამუშაოების ხარისხის სისტემატიური კონტროლის განხორციელებას.
1.2.2.2 ტექნიკური ზედამხედველობა ხორციელდება სამუშაოების, გამოყენებული მასალების, მოწყობილობებისა და დანადგარების მოქმედი ტექნიკური რეგლამენტების მოთხოვნებთან და საპროექტო-ტექნიკურ პირობებთან, აგრეთვე, სამშენებლო კომპანიასთან შემსყიდველის მიერ გაფორმებული სახელშეკრულებო პირობებთან შესაბამისობის უზრუნველყოფის მიზნით.
1.2.2.3. ტექნიკურმა ზედამხედველმა უნდა განახორციელოს საშემსრულებლო ტექნიკური დოკუმენტაციის წარმოებაზე კონტროლი მოქმედი ნორმატიულ-ტექნიკური დოკუმენტაციის მოთხოვნებთან შესაბამისობაში.

1.2.3. ტექნიკური ზედამხედველი ვალდებულია:
1.2.3.1 კონკრეტული პროექტის დაწყებამდე, უზრუნველყოს შესაბამისი კვალიფიკაციისა და რაოდენობის სპეციალისტების შეთანხმება შემსყიდველთან, რომლებიც განახორციელებენ კონკრეტული პროექტის ზედამხედველობას.
1.2.3.2 განახორციელოს ტექნიკური ზედამხედველობა სამშენებლო სამუშაოების წარმოებასა და მათ ხარისხიანად შესრულებაზე, საპროექტო დოკუმენტაციისა და მოქმედი ტექნიკური რეგლამენტების საფუძველზე;
1.2.3.3 თავისი საქმიანობა აწარმოოს ტექნიკური ზედამხედველობის შესახებ ნორმატიული დოკუმენტების მოთხოვნათა შესაბამისად;
1.2.3.4 შეამოწმოს სამუშაოს წარმოებისას გამოსაყენებელი მასალების, დეტალების, კონსტრუქციების, მოწყობილობების პასპორტების (სერთიფიკატების), ლაბორატორიული ანალიზების, გამოცდების არსებობა, მათი შესაბამისობა პროექტით მოთხოვნილ პარამეტრებთან (ასეთის არსებობის შემთხვევაში) და წარუდგინოს შემსყიდველს;
1.2.3.5 საჭიროების შემთხვევაში მოითხოვოს სამშენებლო კომპანიისაგან სამშენებლო მასალების დამატებითი ლაბორატორიული გამოცდების განხორციელება;
1.2.3.6 არ დაუშვას სამშენებლო ობიექტზე დაბალხარისხიანი სამშენებლო მასალების, დეტალებისა და კონსტრუქციების შემოზიდვა, რომლებიც ვერ პასუხობენ პროექტით გათვალისწინებულ სტანდარტებს და ტექნიკურ პირობებს; კონტროლი გაუწიოს მოქმედი ტექნიკური რეგლამენტების შესაბამისად საშემსრულებლო ტექნიკური დოკუმენტაციის წარმოებას და მიიღოს მონაწილეობა მათ შედგენაში;
1.2.3.7 საპროექტო დოკუმენტაციაში გამოვლენილი დეფექტების აღმოფხვრისათვის საკითხის დროულად დაყენება და შესრულებაზე კონტროლი;
1.2.3.8 კონტროლი გაუწიოს სამუშაო პროცესში წარმოქნილი ცვლილებების მუშა ნახაზებში დროულად შეტანას და გადახრები შეუთანხმოს შემსყიდველს;
1.2.3.9 არ დაუშვას სამშენებლო სამუშაოების მიმდინარეობისას გარემოს დაცვისა და სამშენებლო მოედნის, სამუშაო გარემოს უსაფრთხოების ნორმების მოთხოვნების დარღვევა;
1.2.3.10 უზრუნველყოს ყველა იმ მოთხოვნებისა და რეკომენდაციების დროულად შესრულება, რომელიც სამუშაოების მიმდინარეობის პროცესში იქნება შემუშავებული, წინააღმდეგ შემთხვევაში შემსყიდველთან შეთანხმების საფუძველზე შეაჩეროს მიმდინარე სამუშაოები;
1.2.3.11 პერიოდულად, სამუშაოების შესაბამისი ეტაპის (სახეობის) წარდგენამდე, შეამოწმოს შესრულებული ცალკეული სამუშაოების შესაბამისობა დამტკიცებულ საპროექტო დოკუმენტაციასთან, ხელი მოაწეროს მათი შესრულების აქტებს;
1.2.3.12 შემსყიდველ ორგანიზაციაზე წარდგენამდე მოახდინოს ფარული სამუშაოების აქტების, ფორმა #-2-ებისა და მიღება-ჩაბარების აქტების შემოწმება და შესაბამისობის დადგენა ფაქტიურად შესრულებული სამუშაოებსა და საპროექტო-სახარჯთაღრიცხვო დოკუმენტაციით და ხელშეკრულებით გათვალისწინებულ მოთხოვნებთან, აგრეთვე ხელმოწერით დაადასტუროს აღნიშნული დოკუმენტაცია;
1.2.3.13 არ დაუშვას სამუშაოების შეფერხება ან უხარისხოდ შესრულება, ან/და მათი საპროექტო დოკუმენტაციასთან შეუსაბამობა, ან/და სამშენებლო ნორმებისა და წესების დარღვევა, ან/და ობიექტზე სამუშაოების წარმოების დროს წარმოქნილი კონსტრუქციების ხარვეზები;
1.2.3.14 შემსყიდველის მოთხოვნის შემთხვევაში, დაუყოვნებლივ მიაწოდოს მას ტექნიკური ზედამხედველობის განხორციელებასთან დაკავშირებული ნებისმიერი ინფორმაცია.
1.2.3.15 საჭიროების შემთხვევაში პროექტსა და ხელშეკრულებაში ცვლილების შეტანის მიზანშეწონილობისა და აუცილებლობის შესახებ მიმწოდებლის მიერ შემსყიდველზე წარსადგენი წინადადებების შესწავლა/დამოწმება შესაბამისი ცვლილების განხორცილების მიზნით;
1.2.3.16 სამუშაოების შესრულების სახელშეკრულებო ვადებთან და გეგმა-გრაფიკთან შესაბამისობის კონტროლი;
1.2.3.17 სამუშაოების დასრულების შემდეგ შემსყიდველისათვის პროექტის შესრულების შესახებ საერთო ანგარიშის (დასურათებული, ელექტრონული და ბეჭდური ფორმით).

1.2.4 ტექნიკური ზედამხედველის პასუხისმგებლობა
1.2.4.1 ტექნიკური ზედამხედველი პასუხისმგებელია თავის მოვალეობათა ობიექტურ და კვალიფიციურ შესრულებაზე. ამასთან, უხარისხოდ შესრულებული და შეუსრულებელი სამუშაოების მიღების, აგრეთვე, საშემსრულებლო ტექნიკური დოკუმენტაციის არაკვალიფიციურად წარმოების შემთხვევაში ტექნიკური ზედამხედველი პასუხს აგებს მოქმედი კანონმდებლობისშესაბამისად.
1.2.4.2. ტექნიკური ზედამხედველი პასუხისმგებელია დამკვეთისათვის წარდგენილ ტექნიკურ ანგარიშებში (რაპორტებში), აგრეთვე, სამშენებლო/სამონტაჟო სამუშაოების შესრულების შუალედურ ან/და საბოლოო აქტებში (მათ შორის ფორმა #2, მიღება-ჩაბარებისა და ფარული სამუშაოების აქტები) მითითებულ მონაცემების სისწორეზე;

1.2.5 ტექნიკური ზედამხედველის მომსახურების რეჟიმი:
1.2.5.1 სამუშაოების ხარისხის სისტემატიური კონტროლის მიზნით სამუშაოთა ტექნიკური ზედამხედველობა განხორციელებული უნდა იქნას ყოველდღიურ რეჟიმში.
1.2.5.2 დანართის სახით წარმოდგენილია საორიენტაციო ინფრასტრუქტურული პროექტების ნუსხა სავარაუდო ღირებულებით, რომელშიც შესაძლებელია კორექტირების შეტანა ან ჩანაცვლება. ხელშეკრულების გაფორმების შემდგომ თითოეული საზედამხედველო ობიექტის შესახებ ინფორმაციას დამკვეთი შემსრულებელს მიაწვდის წერილობითი სახით.

1.2.6 სხვა პირობები:
1.2.6.1 თუ მომსახურების გაწევის პერიოდში ამოიწურება სატენდერო პირობებით მოთხოვნილი სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ აკრედიტაციის მოქმედების ვადა ან შეწყდება აკრედიტაციის მოქმედება მთლიანად ან ნაწილობრივ რომელიმე სფეროში - ობიექტის სამშენებლო სამუშაოებზე ტექნიკური ზედამხედველობა - ინსპექტირება შემსყიდველი უფლებამოსილია შეწყვიტოს ხელშეკრულება და მიმწოდებლის წინააღმდეგ გამოიყენოს, ხელშეკრულებითა და კანონმდებლობით გათვალისწინებული სანქციები.

შენიშვნა: პრეტენდენტის მიერ ფასების ცხრილის დანართი N2 წარმოდგენა დასაშვებია Excel-ის ფორმატის ფაილის სახით სატენდერო დოკუმენტაციაში მოცემული დანართი N2–ის მიხედვით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს). ფასების ცხრილის დანართი N2-ის წარმოუდგენლობა, განუფასებლად წარმოდგენა ან თუ წარდგენილ ფასების ცხრილის დანართი N2 განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს, აღნიშნული დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

1.4.1 მომსახურების გაწევის ვადის ათვლა დაიწყება ფასების ცხრილით დანართი N2 გათვალისწინებულ კონკრეტულ პროექტის მშენებლობაზე გაფორმებული ხელშეკრულების შემდგომ, რაზედაც შემსყიდველის მიერ მიმწოდებელს ეცნობება წერილობითი ფორმით;
1.4.2 მომსახურების გაწევის ვადა განისაზღვრება 2026 წლის 30 ნოემბრის ჩათვლით;
1.4.3 თუ ფასების ცხრილით დანართი N2 გათვალისწინებული სამშენებლო სამუშაოების დასრულება ვერ განხორციელდა 2026 წლის 30 ნოემბრის ჩათვლით, ასეთ შემთხვევაში მიმწოდებელი ვალდებულია ტექნიკური ზედამხედველობა განახორციელოს სამშენებლო სამუშაოების საბოლოო დასრულებამდე, ყოველგვარი დამატებითი ანაზღაურების გარეშე;
1.4.4 მომსახურება უნდა განხორციელდეს საქართველოში მოქმედი სამშენებლო ნორმების, წესებისა და ტექნიკური დავალების შესაბამისად.

1.5.1 მომსახურების გაწევის ადგილია ბათუმის ბულვარის ტერიტორია.

2.2.1.1. ტენდერში მონაწილე პრეტენდენტს 2023 წლის 01 იანვრიდან ტენდერის გამოცხადების თარიღამდე შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინარსიის სამშენებლო-სარეაბილიტაციო სამუშაოებზე ტექნიკური ზედამხედველობის განხორციელების გამოცდილება, ღირებულებით არანაკლებ 52320.00 (ორმოცდათორმეტი ათას სამასოცი) ლარის ოდენობით დღგ-ს ჩათვლით.
2.2.1.2. ინფორმაცია წარმოდგენილი უნდა იქნეს დანართი N3-ის შესაბამისად.
2.2.1.3. პრეტენდენტმა უნდა წარმოადგინოს მომსახურების გაწევის დამადასტურებელი დოკუმენტების ასლები, კერძოდ:
ა) ხელშეკრულების ასლები;
ბ) მომსახურების შესრულების მიღება-ჩაბარების აქტების ქსეროასლები;
2.2.1.4 სახელმწიფო შეყიდვის შემთხვევაში თუ პრეტენდენტის მიერ წარმოდგენილ გამოცდილების შესახებ ინფორმაციის დანართი N3-ში მითითებული იქნება NAT/SPA/CMR ან სხვა ნომრები და ხელშეკრულების შესრულების მიმდინარეობის ანგარიშში ატვირთული იქნება "ა" და "ბ" ქვეპუნქტებით გათვალისწინებული ხელშეკრულების ასლები ხარჯთაღრიცხვით/ფასების ცხრილით, მომსახურების შესრულების მიღება-ჩაბარების აქტების ქსეროასლები; ამ შემთხვევაში მათი დამატებით წარმოდგენა საჭიროებას არ წარმოადგენს.
2.2.1.5 იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა "ბ " ქვეპუნქტით მოთხოვნილი დოკუმენტაციისა (მიღება-ჩაბარების აქტების ქსეროასლები;) პრეტენდენტი ვალდებულია დამატებით წარმოადგინოს შესრულებულ სამუშაოზე დადასტურებული საგადასახადო ზედნადების ან/და ანგარიშ-ფაქტურის ქსეროასლები;
2.2.1.6. იმ შემთხვევაში თუ პრეტენდენტი გამოცდილების სახით წარმოადგენს ქვეკონტრაქტის ფარგლებში შესრულებულ ხელშეკრულებებსა და მათი შესრულების დოკუმენტაციას (მიღება-ჩაბარების აქტები, დადასტურებული საგადასახადო ზედნადების ან/და ანგარიშ-ფაქტურის ქსეროასლები), აღნუშნული დოკუმენტაციის გარდა პრეტენდენტმა ასევე უნდა წარმოადგინოს შემსყიდველ ორგანიზაციასა და ძირათად კონტრაქტორ კომპანიას შორის გაფორმებული წერილობითი შეთანხმება ან/და სხვა რაიმე დამადასტურებელი დოკუმენტი, რომლითაც დასტურდება შემსყიდველისა და ძირათადი კონტრაქტორი კომპანიის შათანხმება ქვეკონტრაქტორი კომპანიის აყვანის შესახებ. თუ შემსყიდველ ორგანიზაციასა და ძირათად კონტრაქტორ კომპანიას შორის არ იქნება გაფორმებული წერილობითი შეთანხმება ქვეკონტრაქტორის კომპანიის აყვანის შესახებ ასეთ შემთხვევაში პრეტენდენტს ქვეკონტრაქტის ფარგლებში შესრულებული სამუშაო გამოცდილებად არ ჩეთვლება.
2.2.1.7 თითოეული დოკუმენტის ასლი წარმოდგენილი უნდა იქნეს სრულყოფილად (ყველა გვერდი და დანართი) გარკვევით და უნდა იყოს წაკითხვადი.

2.7.1.1 პრეტენდენტი უნდა წარმოადგენდეს ინსპექტირების ორგანოს სსტ ISO/IEC 17020:2012/2013 შესაბამისად და აკრედიტებული უნდა იყოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ ქვემოთ ჩამოთვლილ საზედამხედველო მომსახურების მიმართულებით:
- ობიექტზე შესრულებული სამუშაოების ინსპექტირება (მათ შორის ფორმა N2-ის მიხედვით),
- ობიექტის (1.სამრეწველო და სამოქალაქო შენობა-ნაგებობების, 2. ელექტროქსელების 3. სუსტი დენების, 4. წყალმომარაგების, კანალიზაციის, წყალარინების ქსელების და სისტემების;) სამშენებლო სამუშაოებზე ტექნიკური ზედამხედველობა-ინსპექტირება.
2.7.1.2 ზემოთ აღნიშნულის დამადასტურებლად პრეტენდენტმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული აკრედიტაციის მოწმობა შესაბამის დანართებთან ერთად.

2.9.1 პრეტენდენტი ვალდებულია დანართები წარმოადგინოს იმ ფორმით რა ფორმითაც არის მითითებული სატენდერო დოკუმენტაციაში.

2.9.2 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტები წარმოდგენილი უნდა იყოს ქართულ ენაზე, დოკუმენტების უცხოურ ენაზე წარმოდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი.

2.9.3 ტენდერში ამხანაგობის მონაწილეობის შემთხვევაში პრეტენდენტი ვალდებულია იმოქმედოს სახელმწიფო შესყდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით;

2.9.4 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტი მიენიჭება ქართულ ენოვან დოკუმენტს.

2.9.5 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.

2.9.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

2.9.7 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

2.9.8 2019 წლის 1 იანვრიდან შესყიდვებში მონაწილეობის მსურველები/პრეტენდენტები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

იხილეთ ინსტრუქცია

http://procurement.gov.ge

4.1.3.1. წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის მომსახურების შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

7.2.1. ანგარიშსწორება განხორციელდება მიღება-ჩაბარების აქტის (ფაქტობრივად გაწეული მომსახურების მოცულობების მიღების აქტი) გაფორმების საფუძველზე.
7.2.2. მომსახურეობის ღირებულება განისაზღვრება ყოველ კონკრეტულ ობიექტზე, დადასტურებული (ზედამხედველის მიერ ხელმოწერილი შესრულებული სამუშაოების აქტი - ფორმა N2) შესრულებული სამშენებლო სამუშაოების ღირებულების იმ პროცენტის ოდენობით, რომელიც მიმწოდებელსა და შემსყიდველს შორის გაფორმებულ ხელშეკრულებაში იქნება განსაზღვრული.
7.2.3. იმ შემთხვევაში, თუ განსაზღვრული ან/და გაუთვალისწინებელი გარემოებების გამო მიმწოდებლის მიერ გაწეული მომსახურების ღირებულებამ არ შეადგინა მიმწოდებელსა და შემსყიდველს შორის გაფორმებული ხელშეკრულებით გათვალისწინებული თანხა, შემსყიდველი აუნაზღაურებს მიმწოდებელს მის მიერ ფაქტობრივად გაწეული მომსახურების ღირებულებას გაფორმებული ხელშეკრულებით განსაზღვრული ფასის (პროცენტის) შესაბამისად. აღნიშნულიდან გამომდინარე მიმწოდებელს პრეტენზია არ უნდა გააჩნდეს აუთვისებელი მომსახურების მოცულობათა შესრულებაზე და მის გადახდაზე.

7.3.1 ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღის ვადაში.

ომარ აბუსელიძე, 599852019, omarabuselidze1972@gmail.com

10.1.1 სატენდერო დოკუმენტაციის 1.3 პუნქტით (ატვირთეთ ფასების ცხრილი/ხარჯთაღრიცხვა) გათვალისწინებული დანართი N2 (ფასების ცხრილი);

10.1.2 სატენდერო დოკუმენტაციის 2.2.1 პუნქტით (მიუთითეთ პრეტენდენტის გამოცდილებასთან დაკავშირებული მოთხოვნები) გათვალისწინებული პრეტენდენტის გამოცდილებასთან დაკავშირებული ინფორმაცია დანართი N3-ის მიხედვით და გამოცდილების დამადასტურებელი დოკუმენტები;

10.1.3 სატენდერო დოკუმენტაციის 2.7.1 პუნქტის (მიუთითეთ ლიცენზიასთან, სტანდარტებთან, აკრედიტაციასთან, ხარისხის შესაბამისობასთან და სხვ. დოკუმენტებთან დაკავშირებული მოთხოვნები) 2.7.1.1 ქვეპუნქტის მოთხოვნის დასადასტურებლად წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული აკრედიტაციის მოწმობა შესაბამის დანართებთან ერთად.