Машины, оборудование и канцелярские принадлежности, за исключением компьютеров, принтеров и мебели (Грузия - Тендер #71031266)

პლასტიკური ბარათების, საბეჭდი მოწყობილობის სახარჯი მასალების, ლამინაციის ფირებისა და ფერადი რიბონების სახელმწიფო შესყიდვა

იხ. მიმაგრებული ფაილი

ხელშეკრულების გაფორმებიდან 45 სამუშაო დღის განმავლობაში

ქ. თბილისი, გორგასალის ქ. N24, საქართველოს გენერალური პროკურატურის ადმინისტრაციული შენობა

ა) საგარანტიო ვადა: მიღება-ჩაბარების აქტის გაფორმებიდან 1 წელი.
ბ) მიმწოდებელი ვალდებულია: საგარანტიო პერიოდში, მოწოდებული საქონლის სწორი ექსპლუატაციის პირობებში დაზიანების შემთხვევაში, დაზიანებული შეცვალოს იმავე პარამეტრების და მახასიათებლების მქონე ახალი მოწმობ(ებ)ით/ვიზიტორის (სტუმრის) ბარათ(ებ)ით, ლამინაციის ფირით ან/და ფერადი რიბონით.
გ) მიმწოდებელი ვალდებულია: საგარანტიო პერიოდში მიწოდებულ შესყიდვის ობიექტზე დაბეჭდვით შემსყიდველის საბეჭდი მოწყობილობის დაზიანების შემთხვევაში, საკუთარი ხარჯებით უზრუნველყოს ნებისმიერი ზიანის ანაზღაურება, მათ შორის საბეჭდი მოწყობილობის დაზიანებისგან გამოწვეული საგარანტიო მომსახურების შეჩერებით გამოწვეული ზიანის ანაზღაურება.
დ) მიმწოდებელი ვალდებულია: დაზიანებ(ებ)ის შესახებ წერილობითი, სატელეფონო ან სიტყვიერი შეტყობინებიდან 15 კალენდარულ დღეში საკუთარი ხარჯებით უზრუნველყოს ბ) და გ) ქვეპუნქტებში მოცემული საგარანტიო პირობების შესრულება.

მიმწოდებელმა ფასების ცხრილის შესაბამის გრაფაში უნდა დააფიქსიროს მოსაწოდებელი საქონლის მარკა, მოდელი, და წარმოშობის ქვეყანა. იმ შემთხვევაში, თუ სატენდერო წინადადებით წარმოდგენილ ფასების ცხრილში არ იქნება მითითებული შემოთავაზებული საქონლის მარკის, მოდელისა და წარმოშობის ქვეყნის შესახებ ინფორმაცია, პრეტენდენტი დაექვემდებარება დისკვალიფიკაციას. აღნიშნული ინფორმაციის ცვლილება შემდგომი დაზუსტების დროს დაუშვებელია, წინააღმდეგ შემთხვევაში პრეტენდენტი ასევე დაექვემდებარება დისკვალიფიკაციას.

პრეტენდენტს ბოლო სრული სამი წლის (02.03.2023.- 02.03.2026 წ.) განმავლობაში უნდა გააჩნდეს, ამ ტენდერის გამოცხადების თარიღამდე დასრულებული ანალოგიური საქმიანობის გამოცდილება, რისთვისაც პრეტენდენტმა შესყიდვების ერთიანი ელექტრონული სისტემის საშუალებით უნდა წარმოადგინოს ინფორმაცია შესყიდვების ელექტრონულ სისტემაში მოცემული შესყიდვის განცხადებისა და/ან ხელშეკრულების რეგისტრაციის ნომრების მითითებით, და/ან შესაბამისი ხელშეკრულებები, მიღება-ჩაბარების აქტები და შესრულებასთან დაკავშირებული სხვა დოკუმენტები სრულად, ან/და ამ ტენდერისთვის შემსყიდველი სახელმწიფო ორგანიზაციის მიერ გაცემული დოკუმენტი, საიდანაც შესაძლებელი იქნება შესაბამისი გამოცდილების შინაარსის და ღირებულების იდენტიფიცირება.

1. მიმწოდებელი უნდა იყოს შემოთავაზებული საქონლის მწარმოებელი, ან ოფიციალური პარტნიორი, რის დასადასტურებლადაც მიმწოდებელმა უნდა წარმოადგინოს მწარმოებლის ავტორიზაციის წერილი (ე.წ. MAF - Manufacturer Authorization Form);

2. პრეტენდენტის მიერ წარმოდგენილ უნდა იქნეს ბარათის მწარმოებლის სახელზე გაცემული ISO 9001 სერთიფიკატი;

3. წარმოდგენილი დოკუმენტები უნდა იყოს მოქმედი.

2.9.1.შემოთავაზებული საქონელის იდენტიფიცირებისთვის პრეტენდენტმა სისტემის მეშვეობით უნდა წარმოადგინოს ინფორმაცია/დოკუმენტაცია (მწარმოებლის ოფიციალური ვებ-ბმული ან/და მწარმოებლის წერილი ან/და ტექნიკური პასპორტი), რომელიც დაადასტურებს შემოთავაზებული საქონელის ტექნიკური მახასიათებლების შესაბამისობას სატენდერო დოკუმენტაციით განსაზღვრულ შესყიდვის ობიექტის მახასიათებლებთან.

2.9.2 დოკუმენტების უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხევაში თუ პრეტენდენტის მიერ შემოთავაზებული საქონელის ტექნიკური პარამეტრების იდენტიფიცირებისთვის წარმოდგენილი იქნება მწარმოებლის ოფიციალური ვებ-გვერდის მისამართი, სადაც მოცემული ინფორმაცია იქნება უცხოურ ენაზე, აღნიშნული არ საჭიროებს თარგმანს.

2.9.3 პრეტენდენტის მიერ ერთიან ელექტრონულ სისტემაში ატვირთული შესაბამისი დოკუმენტები უნდა იყოს უფლებამოსილი პირის მიერ კვალიფიციური ელექტრონული შტამპით ან კვალიფიციური ელექტრონული ხელმოწერით დამოწმებული, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად.

პრეტენდენტმა უნდა წარმოადგინოს 5-5 ცალი სამსახურეობრივი მოწმობისა და ვიზიტორის ბარათის მზა ნიმუში, მისი პარამეტრების პრინტერზე და პროგრამულ სისტემასთან თავსებადობის დადგენის მიზნით.

ქ. თბილისი, გორგასალის ქ. N24, საქართველოს გენერალური პროკურატურის ადმინისტრაციული შენობა

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. პრეტენდენტის მიერ წარმოდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება მოხდება უნაღდო ანგარიშსწორებით ლარში.

ფასი მოცემული უნდა იყოს საქართველოს კანონმდებლობით გათვალისწინებული ყველა გადასახადის და მიწოდებასთან დაკავშირებული ყველა ხარჯის გათვალისწინებთ.

ანგარიშსწორება განხორციელდება მიღება–ჩაბარების აქტის და საქართველოს კანონმდებლობით დადგენილი შესაბამისი დოკუმენტაციის წარმოდგენის შემდეგ, ყველა დოკუმენტი ხელმოწერილი უნდა იყოს მხარეთა უფლებამოსილი წარმომადგენლ(ებ)ის მიერ.

ანგარიშსწორება მოხდება მიღება–ჩაბარების აქტის გაფორმებიდან და შესაბამისი ფინანსური დოკუმენტაციის წარმოდგენიდან 10 (ათი) სამუშაო დღის განმავლობაში.

ქეთევანი მეტრეველი, 577169903, kemetreveli@pog.gov.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.7 სატენდერო წინადადების ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.8 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.9 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - „კითხვა/პასუხის“ მეშვეობით, ან/და სატენდერო კომისიის აპარატში, ქ. თბილისი, გორგასლის ქ. N24.