Марки, чековые книжки, банкноты, акции, рекламные материалы, каталоги и справочники (Грузия - Тендер #70998322)

2026 წლის განმავლობაში, ა(ა)იპ "თბილისის სპორტისა და ახალგაზრდობის ცენტრი"-ს მიერ შეკვეთით ნაბეჭდი სარეკლამო მასალის - ბრენდირებული პროდუქციის სახელმწიფო შესყიდვა.

შეკვეთით ნაბეჭდი სარეკლამო მასალის - სხვადასხვა სახის ბრენდირებული პროდუქციის ბეჭდვა, დამზადება და მიწოდება დანართი №1 (ტექნიკური დავალების) შესაბამისად.

1.2.1 შესყიდვის ობიექტი დამზადებული უნდა იქნას მაღალ პოლიგრაფიულ დონეზე, ნაბეჭდი ასოები უნდა იკითხებოდეს გარკვევით, კონტურები უნდა იყოს მკაფიო, ფერები ნათელი, არაბუნდოვანი, შესყიდვის ობიექტზე დატანილი წარწერა, ლოგო და ა.შ. უნდა იყოს მდგრადი და არ უნდა გადადიოდეს ფერები. ხარისხის ხარვეზის შემთხვევაში (მკრთალი, წყვეტილი, გაორებული ან ზედმეტად მკვეთრი ანაბეჭდი, ასევე მელნის ლაქები და მისთანები პროდუქციაზე, არაპროპორციული კეცვა, ნაკეცზე აცლილი საღებავი, ტექსტილზე დატანილი ვიზუალის არასათანადოდ დაკვრა და სხვა დეფექტები) შესრულება არ იქნება მიღებული შემსყიდველის მიერ.

1.2.2 შეკვეთით ნაბეჭდი სარეკლამო მასალის საბოლოო დიზაინი, მის დაბეჭდვამდე, დადასტურებული უნდა იყოს შემსყიდველი ორგანიზაციის უფლებამოსილი წარმომადგენლის მიერ.

1.2.3 მხოლოდ შემსყიდველი ორგანიზაციის მოთხოვნის შემთხვევაში, მიმწოდებელი ვალდებულია წარმოადგინოს დასაბეჭდი მასალის ტესტ-ვარიანტი ან/და უზრუნველყოს შემსყიდველი ორგანიზაციის მიერ გამოყოფილი პირის დასწრება უშუალოდ ბეჭდვის პროცედურის განხორციელებისას.

1.2.4 ტექნიკური დავალების პოზიციები შემსყიდველი ორგანიზაციის მოთხოვნით, ითვალისწინებს შესაძლო რამდენიმე სახეობის დამზადებას (მაგ. ქართული და ინგლისური, თეთრი ფერის, apple green და ა.შ.) კონკრეტული პოზიციის აღწერილობის შესაბამისად.

დანართ №1-ში (ტექნიკური დავალება) და დანართ №2-ში (ფასების ცხრილი) მითითებული რაოდენობები სავარაუდოა და ხელშეკრულების მოქმედების პერიოდში შესაძლებელია შეიცვალოს მოთხოვნის შესაბამისად. ამასთან შემსყიდველი ორგანიზაცია არ არის ვალდებული სრულად აითვისოს ტექნიკურ დავალებასა და ფასების ცხრილში მითითებული შესყიდვის ობიექტის რაოდენობა.

საქონლის მიწოდება განხორციელდება ეტაპობრივად, ხელშეკრულების გაფორმების თარიღიდან 2026 წლის 31 დეკემბრის ჩათვლით. შემსყიდველი ორგანიზაციის მოთხოვნიდან 5 (ხუთი) კალენდარული დღის ვადაში, ხოლო იმ შემთხვევაში თუ შესყიდვის ღირებულება აღემატება 1000 ლარს, შემსყიდველი ორგანიზაციის მოთხოვნიდან 7 (შვიდი) კალენდარული დღის ვადაში.

200 ლარი და მეტი მოცულობის შეკვეთის შემთხვევაში, მიმწოდებელი ვალდებულია თავად უზრუნველყოს საქონლის მიწოდება შემსყიდველის მოთხოვნის შესაბამისად, სატენდერო დოკუმენტაციის 1.4 პუნქტით გათვალისწინებულ ვადებში, შემდეგ მისამართებზე:

- ქ. თბილისი, თავისუფლების მოედანი 4
- ქ. თბილისი, ადამ მიცკევიჩის 27

2.2.1.1 პრეტენდენტს 2024 წლის 1 იანვრიდან სატენდერო წინადადების მიღების დაწყებამდე უნდა ჰქონდეს ანალოგიური, შეკვეთით ნაბეჭდი სარეკლამო მასალის მიწოდების გამოცდილება ჯამში არანაკლებ 20 000.00 (ოცი ათასი) ლარის ოდენობით.

2.2.1.2 გამოცდილების დასადასტურებლად, პრეტენდენტმა ერთიანი ელექტრონული სისტემის საშუალებით უნდა წარმოადგინოს ინფორმაცია 2.2.1 პუნქტში არსებული დანართი №3-ის სახით. ასევე, საქონლის მიწოდების დამადასტურებელი დოკუმენტები: ხელშეკრულებები და ამ ხელშეკრულებ(ებ)ის შესრულების დამადასტურებელი დოკუმენტაცია, მიღება-ჩაბარების აქტ(ებ)ი, დადასტურებული საგადასახადო ანგარიშ-ფაქტურები (არსებობის შემთხვევაში), ან მოქმედი კანონმდებლობით გათვალისწინებული დოკუმენტ(ებ)ი, რომლითაც დადასტურდება ანალოგიური საქონლის მიწოდების გამოცდილება.

2.2.1.3 სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ შემსყიდველის მიერ შესრულების დამადასტურებელი დოკუმენტაცია ატვირთულია ერთიანი ელექტრონულ სისტემის შესაბამის ველში, საკმარისია შესაბამისი განცხადების ნომრ(ებ)ის (SPA, NAT, CMR, MEP, DAP და სხვა ნომრები) წარმოდგენა. აღნიშნულის დასადასტურებლად, პრეტენდენტმა უნდა უზრუნველყოს უფლებამოსილი პირის მიერ ხელმოწერით დამოწმებული ინფორმაციის წარმოდგენა სატენდერო დოკუმენტაციის 2.2.1 პუნქტში არსებული დანართი №3-ის შესაბამისად.

2.2.1.4 თუ სატენდერო დოკუმენტაციის 2.2.1 პუნქტის 2.2.1.1 , 2.2.1.2 , 2.2.1.3 ქვეპუნქტებით მოთხოვნილი დოკუმენტაციიდან არ იდენტიფიცირდება სატენდერო დოკუმენტაციით მოთხოვნილი გამოცდილების შესაბამისი საქონლის მიწოდების შინაარსი, შემსყიდველი უფლებამოსილია პრეტენდენტს მოსთხოვოს ხელშეკრულების სრულყოფილი ვერსიის, ან/და ტექნიკური დავალების, ან/და სხვა მსგავსი დოკუმენტის ან/და ინფორმაციის წარმოდგენა, საიდანაც ნათლად უნდა იკვეთებოდეს შესყიდვის ობიექტის შინაარსი და დეტალური აღწერილობა.

2.2.1.5 იმ შემთხვევაში, თუ პრეტენდენტი არის უცხოური საწარმო ან მისი წარმომადგენლობა/ფილიალი საქართველოში:

ა) სათაო კომპანიის მიერ გაცემული ნებისმიერი სახის ცნობა ან/და ინფორმაცია დამოწმებული უნდა იყოს სათაო კომპანიის ხელმძღვანელობაზე უფლებამოსილი პირის მიერ, ასევე, წარმოდგენილი უნდა იყოს ხელისმომწერი პირის უფლებამოსილების დამადასტურებელი დოკუმენტი.

ბ) სათაო კომპანიიდან ან/და უცხო ქვეყნიდან მოთხოვნილი ინფორმაციის დამადასტურებელი დოკუმენტაციის ასლების წარმოდგენის შემთხვევაში, მათი ორიგინალთან (დედანთან) შესაბამისობა დამოწმებული უნდა იყოს ნოტარიულად.

2.2.1.6 უცხოურ ვალუტაში გაწეული მომსახურების შემთხვევაში, მათი ღირებულების დაანგარიშება მოხდება ლარებში, სამუშაოების შესრულების დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

2.2.1.7 ტენდერში ამხანაგობის მონაწილეობა:

ა) იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში.

ბ) ამხანაგობის მონაწილეთა ტექნიკური დოკუმენტაციის სატენდერო პირობებთან შესაბამისობა დგინდება მონაწილის მიერ შესასრულებელი ვალდებულებისადმი დადგენილ მოთხოვნასთან მიმართებით, ამ პუნქტის პირველი ქვეპუნქტის მოთხოვნათა გათვალისწინებით. ამასთან, არ არის დასაშვები ამხანაგობის მონაწილეთა გამოცდილების შეკრება.

2.2.1.8 მომსახურების გაწევის იდენტიფიცირების მიზნით, შემსყიდველი უფლებამოსილია მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის წარდგენაც კანონმდებლობით არ არის აკრძალული.

2.9.1. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია დანართ №2-ში (ფასების ცხრილი) მითითებული ერთეულის ფასები, გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი).

2.9.2. დანართი №2 (ფასების ცხრილი) პრეტენდენტის მიერ წარმოდგენილი უნდა იყოს EXCEL-ის და PDF ფორმატის სახით. PDF ფორმატი ელექტრონულად ხელმოწერილი უნდა იყოს შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

4.1.1.2 პრეტენდენტმა, აღნიშნული დასკვნის ღირებულება უნდა დაფაროს საკუთარი ხარჯებით და უზრუნველყოს დასკვნის წარმოდგენა ერთიანი ელექტრონული სისტემის მეშვეობით.

4.1.1.3 იმ შემთხვევაში, თუ პრეტენდენტის მიერ არ იქნა წარმოდგენილი ფასწარმოქმნის ადეკვატურობის დასაბუთება ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია. პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება შემდეგი პირობებით:

7.2.1 ანგარიშსწორების ვალუტა - ლარი.

7.2.2 ანგარიშსწორების ფორმა - უნაღდო, მიმწოდებელთან დადებულ ხელშეკრულებაში მითითებული მიმწოდებლის საბანკო რეკვიზიტების შესაბამისად.

7.2.3 შემსყიდველი იღებს ვალდებულებას გადაუხადოს მიმწოდებელს მიღებული საქონლის ღირებულება ეტაპობრივად, მიწოდებული საქონლის შესაბამისად, მიღება-ჩაბარების აქტის გაფორმებიდან და საგადასახადო ანგარიშ-ფაქტურის წარმოდგენიდან (თუ პირი დღგ-ის გადამხდელია) 10 (ათი) სამუშაო დღის განმავლობაში, გარდა იმ შემთხვევისა როდესაც მიმწოდებელს ხელშეკრულებით გათვალისწინებული პირობების დარღვევისთვის წარმოეშობა პირგასამტეხლო. პირგასამტეხლოს წარმოშობის შემთხვევაში ანგარიშსწორება მოხდება პირგასამტეხლოს დაფარვის საგადახდო დავალების წარმოდგენიდან 10 (ათი) სამუშაო დღის განმავლობაში. თუ კი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ეტაპობრივი ან/და საბოლოო ანგარიშსწორება განხორციელდება მიღება-ჩაბარების აქტის გაფორმებიდან და საგადასახადო ანგარიშ-ფაქტურის წარმოდგენიდან (თუ პირი დღგ-ის გადამხდელია) 10 (ათი) სამუშაო დღის განმავლობაში, გარდა იმ შემთხვევისა როდესაც მიმწოდებელს ხელშეკრულებით გათვალისწინებული პირობების დარღვევისთვის წარმოეშობა პირგასამტეხლო. პირგასამტეხლოს წარმოშობის შემთხვევაში ანგარიშსწორება მოხდება პირგასამტეხლოს დაფარვის საგადახდო დავალების წარმოდგენიდან 10 (ათი) სამუშაო დღის განმავლობაში. თუ კი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ავთანდილ კაკულია, 599253359, tsyc@procurement.gov.ge

10.1.1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.

10.1.2. პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.

10.1.4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი დოკუმენტები ან/და ინფორმაცია წარმოდგენილი უნდა იქნას PDF ფორმატით, ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

10.1.5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

10.1.6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).

10.1.7 იმ შემთხვევაში სატენდერო დოკუმენტაციაში მითითებული იქნება კონკრეტული საქონლის ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.