Столовые и общественное питание (Грузия - Тендер #70998251)

ს.ს. „ტუბერკულოზისა და ფილტვის დაავადებათა ეროვნული ცენტრის“ კვების მომსახურების შესყიდვა.

ყავის შესვენება.
- ყავა ამერიკანო (გაფილტრული ყავა, მოწოდებული თერმოსით), ყავა ხსნადი (გრანულებიანი არაერთჯერადი შეფუთვა)/ ჩაი(ერთჯერად პაკეტებში) ორმაგი შეფუთვით)ნაღები (ერთჯერადი შეფუთვით)/ რძე (სარძევე ჭურჭელში)ლიმონი/შაქარი - 200მლ;
- წყალი - 500მლ;
- ტკბილეული:მშრალი ნამცხვრის ასორტი(სტაფილოს ნამცხვარი მასკარპონეს კრემით, კექსის ნაირსახეობა და ა.შ.; კრემიანი ნამცხვრის ასორტი (ნამცხვრის სადგამზე სერვირებული. ნამცხვრის საგემოვნო თვისებების ხარისხი უნდა შეესაბამებოდეს მაღალ სტანდარტს და არ იყოს მოწოდებული მასობრივი წარმოების კომპანიების პროდუქცია) - 80გრ.

სალათები.
- მწვანე სალათის მიქსი: კარამელიზებული გოგრით და მისი მარცვლებით და/ან სხვა - 80გრ;
- ბადრიჯნის სალათი ჩერი პომიდვრით და ზეთისხილით - 80გრ;
- სტაფილოს სალათი - 80გრ;
- ისპანახი კრემსოუსით - 80გრ;
- ქათმის სალათი - 80გრ;
- კიტრი-პომიდვრის სალათი - 80გრ.

ფხალეული.
- ასორტი:ისპანახი, წითელი ფხალი, ბადრიჯანი მჭადის ბურთებით - 100გრ;
- სოკო ნიგვზით, მჭადის ბურთებით - 100გრ;
- ყველის ასორტი (ევროპული ყველი, სულგუნი, შებოლილი სულგუნი)მჭადის ბურთებით - 100გრ;
- სულგუნის ფირფიტები პიტნიანი ნადუღით და მჭადის ბურთებით - 100გრ;
- შებოლილი სალმონის ან სხვა პროდუქტის სენდვიჩი კროასანში - 100გრ.

ცხელი კერძები.
- ქათმის მწვადი (მოწოდებული გამათბობელით) - 150გრ;
- ღორის მწვადი (მოწოდებული გამათბობელით) - 150გრ;
- ხორცის ბურთულები სხვადასხვა სოუსით - 150გრ;
- კატლეტი გარნირით (როგორც ბოსტნეულის, ისე ხორცის. მოწოდებული გამათბობელით) - 150გრ;
- ქათმის ფილეს რულეტი (ლავაშში გადახვეული. ასევე, გამომცხვარი ღუმელში) - 150გრ;
- ოჯახური ღორის ხორცით (მოწოდებული გამათბობელით) - 150გრ;
- კარტოფილი მექსიკურად/კარტოფილი ფრი - 150გრ.

გამომცხვარი.
- იმერული ხაჭაპური (ნაჭერი) - 120გრ;
- ლობიანი (ნაჭერი) - 120გრ;
- ღვეზელი ხორცით/სოკოთი/ტარხუნით - 120გრ;
- კანაპე: გამომცხვარი მრგვალი ფორმის პურით, მრავალინგრედიენტიანი-ყველით, ბეკონით, სალმონით, ბოსტნეულით, ხიზილალით - 80გრ;
- სასმელები: წყალი(1/2ლ), ნატურალური წვენი,კოკა-კოლა მინერალური (1/2ლ) - 200მლ;
- დაჭრილი ხილის ასორტი (სეზონის მიხედვით) მოწოდებული სპეციალური სადგამიანი სერვირებით - 200გრ.

ეტაპობრივად. ხელშეკრულების გაფორმებიდან შემსყიდველის მოთხოვნის შესაბამისად არაუგვიანეს 5 (ხუთი) კალენდარული დღის ვადაში 2026 წლის 31 დეკემბრის ჩათვლით.

მიმწოდებელი უზრუნველყოფს საკვების მიტანას და მომსახურებას (გაშლით და ალაგებით) შემსყიდველის მიერ წინასწარ მითითებულ ადგილზე ქ. თბილისი, აჭარის ქ. N8, სს „ტუბერკულოზისა და ფილტვის დაავადებათა ეროვნული ცენტრი“

მომწოდებელმა უნდა შეძლოს შეკვეთის ოპერატიულად მიღება და მისი პუნქტუალურად განხორციელება ხარვეზების გარეშე.
• შემოთავაზებული ფასი უნდა მოიცავდეს ადგილზე მიტანის სერვისს გამართული და საქართველოს კანონმდებლობით სანიტარული ნორმებისათვის შესაფერისი სატრანსპორტო საშუალებით.
• მომწოდებელს უნდა გააჩნდეს ყველა საჭირო ინვენტარი (მაგიდა (გადასაფარებლით), ფაიფურის/შუშის ჭურჭელი, დანა - ჩანგალი, შესაფერისი ჭიქები, საკვების და წყლის რეზერვუარები, ხელსახოცები, ურნა)
• მომწოდებლის მომსახურებაში უნდა შედიოდეს კვალიფიციური პერსონალი სპეციალური ჩაცმულობით და აღჭურვილობით, რომელიც სერვისის მოწოდების განმავლობაში უნდა ემსახურებოდეს სტუმრებს.
• მომწოდებელი ზედმიწევნით უნდა იცავდეს საკვების მომზადების და მომსახურების საქართველოს კანონმდებლობით განსაზღვრულ ყველა დადგენილ ნორმას სურსათის ეროვნული სააგენტოს რეგულაციების გათვალისწინებით.
• მზა საკვები პროდუქტები/კერძები უნდა იყოს ახალი და საფრთხეს არ უნდა უქმნიდეს ადამიანის ჯანმრთელობას. დაუშვებელია ვადაგასული და საკვებად უვარგისი პროდუქტების მიწოდება
• მზა საკვები პროდუქტების/კერძების მოტანა უნდა განხორციელდეს არა ერთჯერადი ჭურჭლის თანხლებით. დაუშვებელია საკვების მიწოდება პოლიეთილენის პარკებით და სხვა არასათანადო საშუალებებით.
• მიმწოდებელმა უნდა უზრუნველყოს მზა საკვები პროდუქტების/კერძების მოტანასთან ერთად საჭირო არაერთჯერადი ჭურჭლისა (ფაიფურის/შუშის ჭურჭელი, საკვების და წყლის რეზერვუარები) და ინვენტარის მოტანა (მაგიდა გადასაფარებლით) მისი გაწყობით.
• ყველა კერძი და საკვები უნდა იყოს ახლად მომზადებული, წინასწარ შეთანხმებული მენიუს გათვალისიწინებით, შესაბამისი ტემპერატურის და ლამაზად პრეზენტირებული.
• მიმწოდებელმა უნდა უზრუნველყოს სუფრის ალაგების შემდგომ ნარჩენების ჩალაგება და გატანა.
• მომსახურების გაწევის პერიოდში იმ სურსათის ვარგისიანობის ვადა, რომლითაც ტენდერში გამარჯვებული ორგანიზაცია უზრუნველყოფს საკვები პროდუქტის მომზადებას უნდა შეადგენდეს მთლიანი ვადის არანაკლებ 70%-ს.
• მიმწოდებელმა სატენდერო დოკუმენტაციით გათვალსწინებული საკვების მომზადება უნდა განახორციელოს საქართველოში მოქმედი სანიტარულ-ჰიგიენური ნორმებისა და კანონმდებლობით გათვალისწინებული პირობებისა და წესების სრული დაცვით.
• საკვები უნდა იყოს საკვებად ვარგისი და ჯანმრთელობისთვის უვნებელი, რაზეც მიმწოდებელი პასუხს აგებს საქართველოში მოქმედი კანონმდებლობით გათვალისწინებული წესით. იმ შემთხვევაში თუ დადასტურდება პირის/პირების ჯანმრთელობის გაუარესების ფაქტი აღნიშნული კვების პროდუქტების მიღების შემდეგ, აღნიშნულზე სრული პასუხისმგებლობა ეკისრება მომწოდებელს პირის/პირების ჯანმრთელობის მდგომარეობაზე საქართვესლოში მოქმედი კანონმდებლობით.
• ტრანსპორტირება უნდა განხორციელდეს ღონისძიების ადგილამდე საქართველოს კანონმდებლობით გათვალისწინებული ჰიგიენური ნორმების დაცვით. დაუშვებელია კერძების ტრანსპორტირება ისეთი საბარგულების მეშვეობით, სადაც განთავსებული იქნება სხვადასხვა ხელსაწყოები, საცხებ/საპოხი საშუალებები, საწვავი და ნებისმიერი სხვა რამ, რაც მიუღებელია საკვებთან ერთად ტრანსპორტირებისათვის.
• ზედმიწევნით დაიცვას საკვების მომზადების და მომსახურების ყველა დადგენილი ნორმა და ჰიგიენის წესი.
• მომსახურებაში უნდა შედიოდეს კვალიფიციური პერსონალი სპეციალური ჩაცმულობით და აღჭურვილობით.



- სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
- პრეისკურანტში ერთეულის სავარაუდო ღირებულება წარმოადგენს ზღვრულ ფასს და, ამდენად, პრეტენდენტის სატენდერო წინადანებაში დაფიქსირებული ერთეულის ფასი არ უნდა აღემატებოდეს შემსყიდველის მიერ პრეისკურანტით განსაზღვრული მომსახურებისა და საქონლის ერთეულის ფასს. წინააღმდეგ შემთხვევაში, სატენდერო წინადადება არ ჩაითვლება მისაღებად.
- ფასთა კლება პროცენტულად და პროპორციულად უნდა აისახოს პრეისკურანტ(ებ)ში მოცემული ჩამონათვალის ერთეულის ფასებზე.


პრეტენდენტ(ებ)ის მიერ ელექტრონული ვაჭრობის შედეგად პრეისკურანტ(ებ)ის საერთო ფასის შემცირების შემთხვევაში, თუ ერთეულის ფასები დაჯდება მრავალნიშნა ათწილადად, პრეტენდენტ(ებ)ი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტ(ებ)ის ჯამური ღირებულებაც.

შენიშვნა: შესყიდვების მარეგულირებელი კანონმდებლობის შესაბამისად, „ელექტრონულ ვაჭრობად“ ჩაითვლება როგორც ძირითად, ისე დამატებით რაუნდ(ებ)ში პრეტენდენტის მიერ ფასის ნებისმიერი კლება.

იმ შემთხვევაში, თუ ერთიან ელექტრონულ სისტემაში პრეტენდენტის მიერ დაფიქსირებული საბოლოო ფასი მეტია პრეტენდენტის მიერ ერთიან ელექტრონულ სისტემაში ატვირთულ ხარჯთაღრიცხვის დოკუმენტთან (დანართი N1 პრეისკურანტი) შედარებით, პრეტენდეტის საბოლოო ფასად ჩაითვლება ატვირთულ ხარჯთაღრიცხვის დოკუმენტში (დანართი N1 პრეისკურანტი) დაფიქსირებული ფასი.

4.1.1.1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)

4.1.1.2. ფასწარმოქმნის ადეკვატურობის 20%-ით მეტი ფასის კლების შემთხვევაში,დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება განხორციელდება ეტაპობრივად, ფაქტობრივად მოწოდებული მომსახურების მიხედვით, უნაღდო ანგარიშსწორებით, ეროვნულ ვალუტაში - ლარში, მხარეებს შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადებისა ან/და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.

7.3.1 ანგარიშსწორების მოხდება ეტაპობრივად მიღება-ჩაბარების აქტ(ებ)ისა და შესაბამისი დოკუმენტაციის (საგადასახადო ანგარიშ–ფაქტურა, სასაქაონლო ზედნადები და ა.შ.) გაფორმებიდან 30 (ოცდაათი) კალენდარული დღე.

გიორგი გიგუაშვილი, 599092957, TBNationalcntr@procurement.gov.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

10.1.3. ალტერნატიული სატენდერო წინადადება არ განიხილება.

10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ. შ კანონმდებლობით გათვალისწინებული გადასახადები) გათვალისწინებით.

10.1.5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევბში) უნდა მიუთითოს დღგ-ს გათვალისწინებით.

10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.

10.1.8. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.