Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #70975154)

სააგენტოს ბალანსზე რიცხული 6 ერთეული დიზელგენერატორის 2026 წლის შეკეთებისა და ტექნიკური მომსახურების შესყიდვა

მომსახურება გულისხმობს დაზიანებული დიზელ-გენერატორის შეკეთებას და საჭიროების შემთხვევაში დეტალების შეცვლას, პრეისკურანტში მითითებული დიზელ-გენერატორის მოდელის და სიმძლავრის შესაბამისი ქარხნული თავსებადი დეტალებით.
მომწოდებელი უნდა იღებდეს პასუხისმგებლობას შემდეგზე - მომსახურეობა უნდა განხორციელდეს შესაბამისი კვალიფიკაციის მქონე სპეციალისტების მიერ, სამუშაოების მსვლელობის დროს გათვალისწინებული უნდა იყოს უსაფრთხოების ნორმების დაცვა.
გამოძახებული სპეციალისტი აღჭურვილი უნდა იყოს ყველა საჭირო ხელსაწყოთი და მომწოდებელმა სამუშაოების წარმოებისას დაუდევრობის შედეგად მიყენებული ზიანი უნდა აღმოფხვრას საკუთარი ხარჯებით.
მიმწოდებელი ვალდებულია (ხელშეკრულების გაფორმებისას) გამოყოს არანაკლებ 2 საკონტაქტო პირი (ატვირთოს/წარმოადგინოს სატელეფონო ნომრები და ელექტრონული ფოსტის მისამართები).
დავალება გაიცემა, როგორც სიტყვიერად, ასევე ელექტრონულ ფოსტაზე შეტყობინების გაგზავნის გზით.
ელექტრონულ ფოსტაზე შეტყობინების მიღების თარიღი ჩაითვლება შესასრულებელი დავალების გაცემის თარიღად.
მომსახურე ფირმას უნდა შეეძლოს ერთდროულად მინიმუმ 2 (ორი) გეოგრაფიულად დაშორებულ ობიექტზე (საქართველოს მასშტაბით) ჩაატაროს სარემონტო სამუშაოები.

მომსახურების განხორციელების ვადები - ხელშეკრულების გაფორმებიდან 2026 წლის 31 დეკემბრის ჩათვლით, შემსყიდველის მოთხოვნის შესაბამისად, გამოძახებიდან არაუმეტეს 48 საათის განმავლობაში. მიმწოდებელი ვალდებულია გენერატორების შეკეთება და ტექნიკური მომსახურება განახორციელოს დეფექტური აქტის შედგენის და შემსყიდველის თანხმობის შემდეგ, სადაც აღნიშნული უნდა იყოს გასაწევი მომსახურების დეტალური აღწერა შესაბამისი ღირებულებით.

მომსახურეობის განხორციელების ადგილი - საქართველოს მასშტაბით:

1) დიზელ-გენერატორი (""EMSA"" EGK 180-24N2) - 35 kva - ქ. თბილისი სოფელი კიკეთი;
2) დიზელ-გენერატორი UNIVERSAL - 77 kVa - ქ. თბილისი, დ. აღმაშენებლის გამზირი №150 (სსიპ გარემოს ეროვნული სააგენტოს ადმინისტრაციული შენობა);
3) დიზელ-გენერატორი TMGR-34 სიმძლავრე 34 KVA - ქ. თბილისი, დ. აღმაშენებლის გამზირი №150 (სსიპ გარემოს ეროვნული სააგენტოს ადმინისტრაციული შენობა);
4) დიზელ-გენერატორი ETT jenerator 40 kva - ქ. თბილისი, ვაშლიჯვარი, მარშალ გელოვანის გამზირი №32ა;
5) დიზელ-გენერატორი GENPOWER 33 kva - ქ. ქუთაისი, ავტომშენებლის ქ. №41;
6) TOPCULAR 2023წ. 175კვტ (თურქული წარმოების) - ქ. ბათუმი, ადლიის ქუჩა 102ა.

მიმწოდებელი გასაწევ მომსახურებასა და თანმდევ სათადარიგო ნაწილებზე (გარდა სახარჯი მასალებისა, მაგ.: ზეთი, ფილტრი, ანტიფრიზი) უნდა ავრცელებდეს არანაკლებ 6 (ექვსი) თვიან გარანტიას. გარანტიის ვადის ათვლა დაიწყება მიღება-ჩაბარების აქტის გაფორმების (ხელმოწერის) დღიდან.
საგარანტიო პერიოდის განმავლობაში აღმოჩენილი ხარვეზის შემთხვევაში, მიმწოდებელი ვალდებულია საკუთარი ხარჯებით უზრუნველყოს ხარვეზის (მათ შორის ხარვეზიანი ნაწილის შეკეთება ან შეცვლა ახლით) აღმოფხვრა, შემსყიდველის წერილობითი დავალების მიღებიდან არაუმეტეს 3 (სამი) სამუშაო დღის ვადაში. (სირთულის მიხედვით).

პრეტენდენტს 2023 წლის პირველ იანვრიდან - 2026 წლის 01 იანვრამდე ჯამურად უნდა გააჩნდეს გენერატორების შეკეთების ან/და ტექნიკური მომსახურების არანაკლებ 20,000.00 (ოცი ათასი) ლარის ღირებულების განხორციელების გამოცდილება. აღნიშნულის დასადასტურებლად პრეტენდენტმა ერთიან ელექტრონულ სისტემაში, სატენდერო წინადადებასთან ერთად უნდა ატვირთოს შესაბამისი ხელშეკრულებები და მიღება-ჩაბარების აქტები/ანგარიშ-ფაქტურები, ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT, CMR ან სხვა ნომრები.

2.9.1. პრეტენდენტის მიერ წარმოდგენილ პრეისკურანტში დაფიქსირებული საქონლის და მომსახურების ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტის შესაბამის პოზიციაზე დაფიქსირებულ ერთეულის სავარაუდო ღირებულებას, აღნიშნული შეუსაბამობა გამოიწვევს პრეტენდენტის დისკვალიფიკაციას აღნიშნულ ტენდერში. ამასთან, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს. ამასთანავე, თუ რომელიმე პოზიციაზე პრეტენდენტი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0”, ხოლო იმ პოზიციებზე სადაც შესაბამისი უჯრა ცარიელია (სიმბოლო „-“ აღნიშნავს ცარიელ უჯრას) , იგულისხმება, რომ აღნიშნულ პოზიციაზე შემსყიდველის მიერ საქონელი და/ან მომსახურება არ მოითხოვება. ცხრილში მითითებული მომსახურების ფასი უნდა იყოს საბოლოო და საჭიროების შემთხვევაში მოიცავდეს კონკრეტული მომსახურების გაწევასთან დაკავშირებული თანმდევი მომსახურების ღირებულებასაც.

2.9.2. სატენდერო წინადადების ფასის გაანგარიშებისას პრეტენდენტმა ასევე უნდა გაითვალისწინოს, რომ მომსახურების მიწოდება განხორციელდება საქართველოს ტერიტორიაზე, კერძოდ სატენდერო დოკუმენტაციის 1.5 პუნქტში მითითებულ მისამართებზე. აღნიშნულ მისამართებზე მომსახურება უნდა განხორციელდეს ტრანსპორტირების საფასურის გარეშე.

2.9.3. ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს ყველა დასახელების საქონელსა და მომსახურებაზე. ამასთან, პროპორციული პროცენტული ფასდაკლების შემდგომ, თუ პრეისკურანტში საბოლოო ერთეულის ფასი მიღებულია არამთელი, მრავალნიშნა ციფრი, მაშინ ის პრეტენდენტის მიერ უნდა შემცირდეს და დამრგვალდეს მეასედამდე (თეთრების სიზუსტით). შესაბამისად უნდა შემცირდეს პრეისკურანტის საბოლოო ჯამური ღირებულებაც.

2.9.4. პრეისკურანტში საქონლის და მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობისას დაფიქსირებული პრეისკურანტის საბოლოო ჯამური ღირებულების 10%-ს.

2.9.5. შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები.

2.9.6. შესყიდვის ღირებულება უნდა მოიცავდეს საქართველოს მასშტაბით მდებარე სსიპ - გარემოს ეროვნული სააგენტოს ობიექტებზე, ფასთა ცხრილში (პრეისკურანტში) გათვალისწინებული სამუშაოების ჩასატარებლად ტრანსპორტირების ხარჯსა და საქართველოს კანონმდებლობით გათვალისწინებულ ყველა გადასახადს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერთიფიცირებული აუდიტის დასკვნით (დასკვნას თან უნდა ახლდეს დასკვნის გამცემი ორგანოს შესაბამისი უფლებამოსილების დამადასტურებელი დოკუმენტი) ან შესყიდვის ობიექტის მიწოდებასთან დაკავშირებული ანგარიშ-ფაქტურით (ინვოისით), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორება განხორციელდება უნაღდო ანგარიშსწორებით, მიმწოდებლის საბანკო ანგარიშზე თანხის ჩარიცხვით.

ანგარიშსწორება განხორციელდება, მხარეებს შორის გაფორმებული მიღება-ჩაბარების აქტისა და შესაბამისი საგადასახადო დოკუმენტაციის წარმოდგენიდან არაუგვიანეს 10 (ათი) სამუშაო დღის ვადაში.

თორნიკე მაღლაკელიძე, 595744747, Tornike.Maglakelidze@nea.gov.ge

10.1.1. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად (გარდა excel - ის ფორმატის ფაილისა), კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე, ვალდებულია სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.3. პრეტენდენტს არა აქვს უფლება წარმოადგინოს ალტერნატიული წინადადება;
10.1.4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით;
10.1.5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი;
10.1.6. ანგარიშსწორება მოხდება უნაღდო ანგარიშსწორებით.
10.1.7. სატენდერო დოკუმენტაციაში შესყიდვის ობიექტის აღწერილობაში, სადაც მითითებული არის სასაქონლო ნიშანი, პატენტი, მოდელი ან/და კატალოგის ნომერი, წარმოშობის წყარო ან მწარმოებელი (ასეთის არსებობის შემთხვევაში), იგულისხმება „მსგავსი“, „ეკვივალენტური“. ამასთან, სატენდერო დოკუმენტაციით განსაზღვრული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული სატენდერო წინადადება.
10.1.8. სახელმწიფო შესყიდვის დაფინანსების წყარო: 2026 წლის - სახელმწიფო მიზნობრივი ქვეპროგრამა „სააგენტოს მართვა და ადმინისტრირება“.

10.1.9. პრეტენდენტის მიერ შესყიდვების ერთიან ელექტრონულ სისტემაში ასატვირთი ინფორმაცია/დოკუმენტაცია:

ა) ფასების ცხრილი (პრეისკურანტი) - დანართი №1 – როგორც Excel-ის, ისე PDF ფორმატის ფაილის სახით (PDF ფორმატის ფაილი დამოწმებული უნდა იყოს საქართველოს კანონმდებლობის შესაბამისად);

ბ) პრეტენდენტს 2023 წლის პირველ იანვრიდან - 2026 წლის 01 იანვრამდე ჯამურად უნდა გააჩნდეს გენერატორების შეკეთების ან/და ტექნიკური მომსახურების არანაკლებ 20,000.00 (ოცი ათასი) ლარის ღირებულების განხორციელების გამოცდილება. აღნიშნულის დასადასტურებლად პრეტენდენტმა ერთიან ელექტრონულ სისტემაში, სატენდერო წინადადებასთან ერთად უნდა ატვირთოს შესაბამისი ხელშეკრულებები და მიღება-ჩაბარების აქტები/ანგარიშ-ფაქტურები, ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT, CMR ან სხვა ნომრები.