Следственные услуги и услуги по обеспечению безопасности (Грузия - Тендер #70951045)

იუსტიციის სახლების საგანგაშო და სახანძრო სიგნალიზაციით მომსახურების სახელმწიფო შესყიდვა.

1.2.1 მომსახურებასთან დაკავშირებული დეტალური ინფორმაციისათვის გთხოვთ იხილოთ დანართი №1 -ტექნიკური დავალება
1.2.2 მომსახურება უნდა განხორციელდეს დანართში №2 - „ობიექტების ჩამონათვალი“ მითითებულ ობიექტებში დამონტაჟებული საგანგაშო და სახანძრო სიგნალიზაციის სისტემების მეშვეობით.
1.2.3 იუსტიციის სახლებში არსებული სასიგნალიზაციო ტექნიკის ჩამონათვალი იხილეთ დანართში №3 - „იუსტიციის სახლებში არსებული სიგნალიზაციის მოდელები“.
1.2.4 პრეტენდენტმა ერთიანი ელექტრონული სისტემის საშუალებით უნდა წარმოადგინოს შევსებული დანართი №4 - „პრეისკურანტი“. პრეისკურანტში პრეტენდენტის მიერ მითითებული ერთეულის ფასები არ უნდა აღემატებოდეს შესაბამის პოზიციაზე მითითებულ სავარაუდო მაქსიმალურ ზღვრულ ღირებულებას.
1.2.5 ელექტრონული ტენდერის საერთო სავარაუდო ღირებულებასა და ხელშეკრულების ღირებულებაში გათვალისწინებული იქნება მიმწოდებელის მიერ მომსახურების განმავლობაში გამოსაყენებელი მოწყობილობების/მომსახურების ლიმიტი (50 000 ლარის ოდენობით). აღნიშნული მოწყობილობების/მომსახურების ერთეულის ღირებულება განისაზღვრება დანართის №4 - „პრეისკურანტი“ შესაბამისად.
1,2.6 პრეტენდენტმა უნდა წარმოადგინოს სრულყოფილად განფასებული ფასების ცხრილი, რომელშიც მომსახურების ღირებულებასთან ერთად უნდა მიეთითოს განგაშის შემთხვევაში თითოეულ ობიექტზე გამოცხადების (რეაგირების) მაქსიმალური დრო, რომელიც არ უნდა აღემატებოდეს 25 წუთს.
1.2.7 მიმწოდებელმა უნდა უზღუნველყოს საგანგაშო და სახანძრო სიგნალიზაციის სისტემების ტექნიკური მხარდაჭერა და სერვისის გამართულად და შეუფერხებლად ფუნქციონირების უზრუნველყოფა.

1.4.1 ხელშეკრულების გაფორმებიდან, მაგრამ არაუადრეს 2026 წლის 1 აპრილიდან - 2027 წლის 31 მარტის ჩათვლით (12 კალენდარული თვე).
1.4.2 1.4.2 ობიექტებზე, რომლებშიც მიმდინარეობს სამშენებლო სამუშაოები, მომსახურება განხორციელდება დანართში (ფასების ცხრილი) მითითებული ვადის შესაბამისად.

1.5.1. მომსახურება უნდა განხორციელდეს სატენდერო დოკუმენტაციის 1.2 პუნქტით გათვალისწინებულ დანართში №2 (ობიექტების ჩამონათვალი) მითითებულ მისამართებზე.
1.5.2. მომსახურება უნდა განხორციელდეს დანართით №3 გათვალისწინებული საგანგაშო და სახანძრო სიგნალიზაციის სისტემების მეშვეობით.

1.7.1.1. მიმწოდებელი იძლევა გარანტიას, რომ გაწეული მომსახურების ხარისხი უპასუხებს სატენდერო დოკუმენტაციითა და ხელშეკრულების პირობებით გათვალისწინებულ მოთხოვნებს.
1.7.1.2. შესყიდვის ობიექტის ხარისხი უნდა შეესაბამებოდეს ამ სფეროში არსებულ სტანდარტებსა და ტექნიკურ ნორმებს.
1.7.1.3. იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, უხარისხო ან მეორადი გამოყენების, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით. ხარვეზის აღმოფხვრისთვის გამოიყენება წინამდებარე სატენდერო დოკუმენტაციის 1.2. პუნქტის დანართის №1 (ტექნიკური დავალება) გათვალისწინებული პირობები, რომელიც ასევე გახდება სახელმწიფო შესყიდვის შესახებ ხელშეკრულების განუყოფელი ნაწილი.
1.7.1.4. მიმწოდებლის მხრიდან გამოყენებული მოწყობილობების შეცვლის (ახლით დამონტაჟების) შემთხვევაში მიმწოდებელის მხრიდან მასზე უნდა გავრცელდეს გარანტია მომსახურების გაწევის პერიოდის ვადით. შესაბამისად, შეცვლილი მოწყობილობის (მომსახურების გაწევის პერიოდის განმავლობაში) ხელახალით შეცვლის საჭიროების დადგომისას (გარდა შემსყიდველის ბრალეულობით გამოწვეული ზიანისა) მისი ღირებულების გათვალისწინება არ მოხდება შემსყიდველის მხრიდან (არ მოხდება ხელშეკრულებით გათვალისწინებული მასალისა და მოწყობილობის ლიმიტირებული ღირებულებიდან (50 000 ლარიდან) თანხის გამოქვითვა).

2.2.1.1 პრეტენდენტს 2024 წლიდან წინამდებარე ტენდერის გამოცხადების თარიღამდე პერიოდში უნდა გააჩნდეს ანალოგიური - საგანგაშო და სახანძრო სიგნალიზაციით მომსახურების (აღნიშნული ასევე უნდა მოიცავდეს სასიგნალო აპარატურის შეკეთება/ინსტალაციას) გაწევის გამოცდილება, საქართველოს მასშტაბით არანაკლებ 5 რეგიონში, ჯამური ღირებულებით არანაკლებ 150 000 (ასორმოცდაათი ათასი) ლარი. აღნიშნულის დასტურად პრეტენდენტის მიერ წარმოდგენილი უნდა იქნეს შესაბამისი ხელშეკრულება და გაწეულ მომსახურებაზე გაფორმებული მიღება-ჩაბარების აქტები ან/და ნებისმიერი სხვა სახის დოკუმენტი, რომელიც დაადასტურებს აღნიშნული სამუშაოების შესრულების ფაქტს.
2.2.1.2 იმ შემთხვევაში, თუ მომსახურება შესრულებულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ მომსახურების გაწევის ამსახველი ფინანსური დოკუმენტაცია: დადასტურებული საგადასახადო ანგარიშ-ფაქტურები და შემყიდველის მოთხოვნის შემთხვევაში, ამონაწერი საბანკო ანგარიშებიდან.
2.2.1.3 იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

2.5.1.1. მიმწოდებელი ვალდებულია უზრულველყოს დაცვის ობიექტების გეგმიური შემოწმება.
2.5.1.2. პრეტენდენტი ვალდებულია ერთიანი ელექტონული სისტემის საშუალებით წარმოადგინოს დაცვის ობიექტების გეგმიური შემოწმების შევსებული დანართი №5 - გეგმა გრაფიკი.
2.5.1.3. მიმწოდებლის მიერ სავალდებული გეგმიური შემოწმებისათვის თარიღის არჩევისას/გრაფიკში მითითებისას დაცული უნდა იყოს დაახლოებით ერთ თვიანი ინტერვალი.
2.5.1.4. პრეტენდენტი ვალდებულია ცხრილის შევსებისას მიუთითოს გეგმიური მომსახურების დასრულების (მათ შორის შესაბამისი აქტის წარმოდგენით) კონკრეტული თარიღი თითოეულ ობიექტთან მიმართებაში.
2.5.1.5. პეტენდენტმა გეგმა გრაფიკი უნდა შეავსოს სრულად, ხოლო იმ ობიექტებზე, რომელთა მშენებლობა არ არის დასრულებული, გეგმა გრაფიკი დაკორექტირდება ხელშეკრულების გაფორმების ეტაპზე, მომსახურების გაწევის ვადის შესაბამისად.

იმ შემთხვევაში, თუ პრეტენდენტი წარმოადგენს კერძო სამართლის იურიდიული პირს, მან ერთიანი ელექტრონული სისტემის საშუალებით უნდა წარმოადგინოს "კერძო დაცვითი საქმიანობის შესახებ" საქართველოს კანონით განსაზღვრული შესაბამისი უფლებამოსილი ორგანოს მიერ გაცემული კერძო დაცვითი საქმიანობის მოქმედი ლიცენზია.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;
4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);
4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორება განხორციელდება ეტაპობრივად (ყოველი საანგარიშო თვის დასრულების შემდეგ), უნაღდო ანგარიშსწორებით, ეროვნულ ვალუტაში – ლარში, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე. მომსახურების ფაქტობრივი ღირებულება დაითვლება საგანგაშო და სახანძრო სიგნალიზაციის სისტემის გამართვისა და მიმწოდებლის ქსელში გადართვის თარიღიდან, პროპორციულად დღების შესაბამისად.

7.3.1. ანგარიშსწორება განხორციელდება ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

ალექსანდრე ჟვანია, 591447034, alzhvania@psh.gov.ge

10.1.1. სასურველია დაინტერესებული პირი ადგილზე გაეცნოს არსებულ ვითარებას.
10.1.2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა Excel-ის ფორმატით წარმოდგენილი ფასების ცხრილისა) უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.3 ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4. ალტერნატიული სატენდერო წინადადება არ განიხილება.
10.1.5. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.6. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.7. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.8 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით. ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.9. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.10. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.