Спортивные услуги (Грузия - Тендер #70948879)

ქალაქ თბილისის მუნიციპალიტეტის ვაკის რაიონის გამგეობის მიერ ფრენბურთში და კალათბურთში ტურნირის ჩატარების ორგანიზების მომსახურება.

მომწოდებელმა უნდა უზრუნველყოს ფრენბურთში და კალათბურთში ტურნირების ჩატარების ორგანიზების მომსახურება.

ტექნიკური დავალება:

1. ტურნირის ჩატარება ფრენბურთში:

ღონისძიება გაიმართება ფრენბურთის ეროვნულ ფედერაციასთან შეთანხმებით ოლიმპიური პრინციპით და FIVB სტანდარტის დაცვით ვაკის ტერიტორიაზე არსებულ სპორტულ დარბაზში, რომელიც აღჭურვილი იქნება ტურნირისთვის საჭირო ინვენტარით, მას გაუძღვებიან ლიცენზირებული მსაჯები. შეჯიბრში მონაწილეობას მიიღებენ ვაკის რაიონის ტერიტორიაზე მოქმედ სკოლებში არსებული ვაჟთა და გოგონათა გუნდები. გამოვლინდება 2 გამარჯვებული გუნდი (გოგონათა და ვაჟთა გუნდები), რომლებიც დაჯილდოვდებიან თასებით, მედლებითა და სიგელებით.

გასაწევი მომსახურება:

· ტურნირი გაგრძელდება ორი დღის განმავლობაში 2026 წლის მარტის ან აპრილის თვეში, თარიღი დაზუსტდება ხელშეკრულების გაფორმების დროს.
· ღონისძიების ჩატარების ადგილია: ვაკის რაიონის ტერიტორიაზე არსებული სპორტული დარბაზი, რომელიც აღიჭურვება ფრენბურთის ტურნირისთვის საჭირო ინვენტარით.
· ტურნირში მონაწილეობას მიიღებენ ვაკის რაიონის ტერიტორიაზე მდებარე სკოლებში არსებული ვაჟთა და გოგონათა გუნდები (გუნდების რაოდენობა უნდა იყოს არანაკლებ 8 გუნდისა და თითო უნდა შედგებოდეს 10 მონაწილისგან).
· მიმწოდებელმა უნდა უზრუნველყოს გუნდების დაკომპლექტება და რეგისტრაცია ხელშეკრულების გაფორმებიდან არაუმეტეს 3 (სამი) დღის ვადაში.

საჭირო ინვენტარი და პერსონალი:

· მიმწოდებელმა უნდა უზრუნველყოს ლიცენზირებული მსაჯები - 3 (1 მსაჯი-ინფორმატორი და 2 მსაჯი-მდივანი).
· მიმწოდებელმა უნდა უზრუნველყოს შესაბამისი კვალიფიკაციის 1 ექიმი.
· მიმწოდებელმა უნდა უზრუნველყოს სპორტული დარბაზის აღჭურვა შეჯიბრისთვის აუცილებელი ყველა საჭირო ინვენტარით.
· მიმწოდებელმა უნდა უზრუნველყოს შეჯიბრისთვის ელექტრონული ტაბლოს, ფრენბურთის ბადისა და 4 ცალი ბურთის შეძენა, რომელიც ტურნირის დასრულების შემდეგ საჩუქრად გადაეცემათ გამარჯვებულ გუნდებს.
· მიმწოდებელმა შეჯიბრის მონაწილეები უნდა უზრუნველყოს ორი ფერის 40 ცალი ტანზე გადასაცმელით (ფერი და წარწერა შემსყიდველთან შეთანხმებით).
· ბანერი - 1 ცალი (ზომა: 200X300სმ დიზაინი და წარწერა შემსყიდველთან შეთანხმებით)· მიმწოდებელმა შეჯიბრის მონაწილეები უნდა უზრუნველყოს სასმელი წყლით (100 ცალი 0,5ლ-იანი წყლის ბოთლი).

პრიზები:

· თასი - პირველი ადგილისთვის - 2 ცალი. (ოქროსფერი, სიმაღლე არანაკლებ 50 სმ. გრავირება შემსყიდველთან შეთანხმებით).
· მედლები (პირველი, მეორე და მესამე ადგილისთვის: დიამეტრი არანაკლებ 6სმ; ოქროსფერი - 20 ცალი, ვერცხლისფერი - 20 ცალი და ბრინჯაოსფერი - 20 ცალი; ორმხრივი გრავირებული წარწერით:
ერთ მხარეს შესაბამისი წარწერა- I, II, III, მეორე მხარეს გრავირება ტექსტით- „ვაკის რაიონის გამგეობა“).
სიგელი პირველი (20 ცალი), მეორე (20 ცალი), მესამე (20 ცალი) ადგილებზე გასული მონაწილეებისთვის - ჯამში 60ც. დიზაინი და წარწერა შემსყიდველთან შეთანხმებით.



2. ტურნირის ჩატარება კალათბურთში.

შეჯიბრი გაიმართება კალათბურთის ეროვნულ ფედერაციასთან შეთანხმებით ოლიმპიური პრინციპით ვაკის ტერიტორიაზე არსებულ სპორტულ დარბაზში, რომელიც აღჭურვილი იქნება ტურნირისთვის საჭირო ინვენტარით. მას გაუძღვებიან ლიცენზირებული მსაჯები. ტურნირში მონაწილეობას მიიღებენ ვაკის რაიონის ტერიტორიაზე მოქმედ სკოლებში არსებული ვაჟთა გუნდები. ტურნირში გამოვლინდება 3 გამარჯვებული გუნდი, რომლებიც დაჯილდოვდებიან თასით, მედლებითა და სიგელებით.

გასაწევი მომსახურება:

· ტურნირი გაგრძელდება ხუთი დღის განმავლობაში: 2026 წლის მარტის ან აპრილის თვეში. თარიღი დაზუსტდება ხელშეკრულების გაფორმების დროს.
· მიმწოდებელმა უნდა უზრუნველყოს გუნდების დაკომპლექტება და რეგისტრაცია. ტურნირში მონაწილეობას მიიღებენ სკოლის მოსწავლე ვაჟები.
· მიმწოდებელმა უნდა უზრუნველყოს ლიცენზირებული 4 მსაჯისა და ტურნირის 2 მდივნის მომსახურება.
· მიმწოდებელმა უნდა უზრუნველყოს შესაბამისი კვალიფიკაციის მქონე 1 ექიმის დასწრება ტურნირზე.
· მიმწოდებელმა უნდა უზრუნველყოს ვაკის ტერიტორიაზე კალათბურთის მოედნის მოწყობა კალათბურთის ფარით, კალათბურთის 24 წამიანი ტაბლოთი და მაღალი ხარისხის კალათბურთის ბურთებით (4 ცალი 3x3).
· მიმწოდებელმა უნდა უზრუნველყოს 1 ცალი ბანერის (ზომით - 200/300სმ) დამზადება, რომელზეც დატანებული იქნება ვაკის რაიონის გამგეობის ლოგო და წარწერა - ,, ვაკის თასი - 2026“ (დიზაინი მზადდება დამკვეთთან შეთანხმებით).
· კალათბურთის ჩემპიონატისთვის მიმწოდებელმა უნდა უზრუნველყოს მოთამაშეები მაისურზე გადასაცმელებით (20 ცალი, ორ ფერში, ხარისხი და დიზაინი დამკვეთთან შეთანხმებით).
· მიმწოდებელმა ტურნირის მონაწილეები უნდა უზრუნველყოს სასმელი წყლით ( 0,5ლ წყლის ბოთლით- 200ც).

პრიზები:

· თასი - პირველი ადგილისთვის - 1 ცალი. (ოქროსფერი, სიმაღლე არანკლებ 50 სმ. გრავირება შემსყიდველთან შეთანხმებით).
· მედლები (პირველი, მეორე და მესამე ადგილისთვის: დიამეტრი არანაკლებ 6სმ; ოქროსფერი - 10 ცალი, ვერცხლისფერი - 10 ცალი და ბრინჯაოსფერი - 10 ცალი; ორმხრივი გრავირებული წარწერით:
ერთ მხარეს შესაბამისი წარწერა- I, II, III, მეორე მხარეს გრავირება ტექსტით- „ვაკის რაიონის გამგეობა“).
· სიგელი - 30 ცალი I, II, III, ადგილოსნებისთვის, დიზაინი და წარწერა შემსყიდველთან შეთანხმებით.

ხელშეკრულების ძალაში შესვლიდან არაუგვიანეს 2026 წლის 30 აპრილისა.

ფრენბურთისა და კალათბურთის ტურნირები გაიმართება ქალაქ თბილისის მუნიციპალიტეტის ვაკის რაიონის ტერიტორიაზე არსებულ სპორტულ დარბაზში, რომელიც აღჭურვილი იქნება ტურნირისთვის საჭირო ინვენტარით.

პრეტენდენტს უნდა გააჩნდეს 2023 წლიდან არანაკლებ 3(სამი) ანალოგიური მომსახურების (სპორტული ღონისძიე(ბე)ბის ორგანიზება) გაწევის გამოცდილება და უნდა წარმოადგინოს აღნიშნული ინფორმაცია სატენდერო დოკუმენტაციის დანართი N2-ის შესაბამისად. თუ შესყიდვა არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით, ამ შემთხვევაში აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას – ხელშეკრულებ(ები)ა და ამ ხელშეკრულების საფუძველზე გაფორმებული მიღება- ჩაბარების აქტ(ებ)ი და გადახდის დამადასტურებელი დოკუმენტაცია - საგადახდო დავალება. (სახელმწიფო შესყიდვის განხორციელების შემთხვევაში პრეტენდნტმა, ზემოთ ხსენებულ ცხრილში უნდა მიუთითოს სახელმწიფო შესყიდვის შესახებ ერთიან ელ. სისტემაში დაფიქსირებული შესაბამისი განცხადების ნომერი და ამ შემთხვევაში დამატებითი დოკუმენტაციის (ხელშეკრულება, მიღება- ჩაბარების აქტი და გადახდის დამადასტურებელი დოკუმენტაცია - საგადახდო დავალება) წარმოდგენა სავალდებულო არაა)).

პრეტენდენტის მიერ სისტემაში ასატვირთი მონაცემები:

1. განფასების ცხრილი დანართი N1–ის მიხედვით. ხარჯთაღრიცხვის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას;
2. ინფორმაცია (დანართი N2) ბოლო 2 წლის განმავლობაში სპორტული შეჯიბრების ჩატარების გამოცდილების შესახებ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის/აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული მომსახურების გაწევის შესაძლებლობა.
ექსპერტიზის/აუდიტის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორების ვალუტა - ლარი.
დაფინანსების წყარო - ქალაქ თბილისის მუნიციპალიტეტის 2026 წლის ბიუჯეტით ვაკის რაიონის გამგეობისთვის დამტკიცებული ასიგნებები.
ანგარიშსწორების ფორმა - უნაღდო, წინამდებარე ხელშეკრულებაში მითითებული მიმწოდებლის საბანკო რეკვიზიტების შესაბამისად.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნათელა ელიზბარაშვილი, 577228523, natelael@gmail.com

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია ხელმოწერილი ან/და ბეჭედდასმული უნდა იყოს უფლებამოსილი პირის მიერ.

შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით. გარდა Excel-ის ფორმატის ცხრილისა.

ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

პრეტენდენტს არა აქვს უფლება წარმოადგინოს ალტერნატიული სატენდერო წინადადება.