Услуги по исследованию рынка и экономики, опросы и статистика (Грузия - Тендер #70945738)

სსიპ ივანე ჯავახიშვილის სახელობის თბილისის სახელმწიფო უნივერსიტეტის მიერ საგრანტო პროექტის Erasmus+ CBHE პროგრამის დარგლებში დაფინანსებული პროექტის Curriculum Development - Joint MA Program in Political Science (კოორდინატორი ს.დუნდუა) დაფინანსებით საქმიანობის შედეგების შეფასების მომსახურების სახელმწიფო შესყიდვა.

შესყიდვის ობიექტის მინიმალური ტექნიკური მახასიათებლები:

პროექტის მიზნები:
პროექტის: „კურიკულუმის განვითარება - ერთობლივი სამაგისტრო პროგრამა პოლიტიკის მეცნიერებაში“, მთავარი მიზანია პოლიტიკურ მეცნიერებაში მოდერნიზებული, ინტერნაციონალიზებული და დიგიტალიზებული ერთობლივი სამაგისტრო პროგრამის შემუშავებისა და განხორციელების გზით, ხელის შეუწყოს მმართველობის, მშვიდობის, უსაფრთხოებისა და ადამიანური განვითარების გაუმჯობესებას და გააძლიეროს აქტიური მოქალაქეობა აღმოსავლეთ პარტნიორობის ქვეყნებს შორის. პროექტის ფარგლებში ახალი ერთობლივი სამაგისტრო პროგრამის იმ ინსტიტუციებთან თანამშრომლობით შექმნით, რომლებსაც პოლიტიკის მეცნიერებაში, ასევე, სხვა, მესამე ქვეყნების ინსტიტუტებთან მსგავსი ერთობლივი პროგრამების ჩამოყალიბების დიდი გამოცდილება აქვთ, მყარი საფუძველი ჩაეყრება პროფესიონალურად მომზადებული პოლიტიკის მეცნიერებისა და ანალიტიკოსების მომზადებას. შედეგად, გაიზრდება ახალი აკადემიური ცოდნისა და ღრმა პოლიტიკური ექსპერტიზის შექმნის შესაძლებლობები.

პროექტის სპეციფიური მიზნებია:
● სპეციფიური მიზანი 1: აკრედიტაციის ევროპული მიდგომის გამოყენებით, აღმოსავლეთ პარტნიორობის ქვეყნებს შორის პოლიტიკურ მეცნიერებათა ერთობლივი მაგისტრატურის პროგრამის ინოვაციური სასწავლო გეგმისა და მართვის მექანიზმების შემუშავება;
● სპეციფიური მიზანი 2: ევროკავშირის ხარისხის სტანდარტებთან შესაბამისობა და პოლიტიკური მეცნიერების ერთობლივი სამაგისტრო პროგრამის აკრედიტაციის მოპოვება საერთაშორისო და ეროვნულ დონეზე;
● სპეციფიური მიზანი 3: პოლიტიკის მეცნიერების ერთობლივი სამაგისტრო პროგრამის მრავალმხრივი, ინოვაციური მართვისა და სწავლების მეთოდების დანერგვის მიზნით უმაღლესი საგანმანათლებლო დაწესებულებების სასწავლო და ადმინისტრაციული პერსონალის გაძლიერება;
● სპეციფიური მიზანი 4: პოლიტიკური მეცნიერების ერთობლივი სამაგისტრო პროგრამისთვის ერთობლივი ვირტუალური საგანმანათლებლო სივრცის შექმნის გზით უმაღლესი საგანმანათლებლო დაწესებულებების შესაძლებლობების გაძლიერება;
● სპეციფიური მიზანი 5: დისემინაციის, ერთობლივი კვლევისა და შრომის ბაზართან დაახლოების გზით საერთაშორისო პოლიტიკური მეცნიერების სფეროში ჩართულობა. ● სპეციფიური მიზანი 6: ინფორმაციის გავრცელების, თანამშრომლობითი კვლევისა და შრომის ბაზრის მოთხოვნების გათვალისწინების გზით, ერთობლივი სასწავლო აქტივობების განხორციელება და ტესტირება სწავლებაში.

გარე შეფასების პროცესის აღწერა:
გარე შეფასებამ უნდა მოიცვას პროექტის სრული პერიოდი - 2023 წლის დეკემბერი- 2026 წლის ნოემბერი. ყველა დეტალი შეთანხმებული იქნება შერჩეულ ექსპერტთან. გარე შეფასების მიზანია:
 პროექტის მთლიანი ციკლის შეფასება;
 პროექტის ფარგლებში განხორციელებული აქტივობების, შუალედური და საბოლოო შედეგების შეფასება პროექტის ზოგად და სპეციფიურ მიზნებთან შესაბამისობის კუთხით;
 პროექტის შიდა ხარისხის უზრუნველყოფის სტრატეგიის სრულად შეფასება
 ლოგიკური ჩარჩოს მატრიცის (LFM) და პროექტის შიდა ხარისხის უზრუნველყოფის გეგმისა და ანგარიშების ანალიზი;
 საკოორდინაციო შეხვედრების ორგანიზება ხარისხის მენეჯმენტის საბჭოსთან;
 დისემინაციის სტრატეგიისა და შესაბამისი აქტივობების ანალიზი, მათ შორის ვებგვერდის, სოციალური მედიის ჭრილში;
 მიზნებისა და შედეგების მიღწევის ეფექტურობის შეფასება;
 რესურსები VS შედეგების კუთხით ეფექტიანობის შეფასება
 გავლენის შეფასება (სარგებელი დაწესებულებების, პერსონალის, სტუდენტებისთვის)
 მდგრადობის შეფასება
 საბოლოო, პროექტის დასკვნით ღონისძიებაში მონაწილეობის მიღება (ოქტომბერი)

შეფასების პროცესის ძირითადი ეტაპები:
დაგეგმვა და ინიცირება
 ივანე ჯავახიშვილის თბილისის სახელმწიფო უნივერსიტეტისა (თსუ) და საზოგადოებრივ საქმეთა ინსტიტუტის (ჯიპას) წარმომადგენლებს შორის საკოორდინაციო შეხვედრა; შეფასების პროცესის საკოორდინაციო საბჭოს შექმნა;
 პროექტის დოკუმენტაციის, თვისებრივი და რაოდენობრივი მონაცემების (გამოკითხვები, ინტერვიუები) შეგროვება და საწყისი ანალიზი;
 შეფასების საბოლოო გეგმის, კვლევითი კითხვებისა და მეთოდოლოგიის შეთანხმება.

შეფასებითი ვიზიტები და ინტერვიუები
 პროექტის კოორდინატორებთან, დაინტერესებულ მხარეებთან, აკადემიურ და ადმინისტრაციულ პერსონალთან ინტერვიუები;
 ფოკუსჯგუფების ჩატარება (საჭიროების შემთხვევაში);
 ჩართულობის, კომუნიკაციისა და კოორდინაციის პროცესების შეფასება;

შეფასების ანგარიშის სამუშაო ვერსიის წარდგენა (საწყისი დრაფტი)
 შეფასების შედეგების, დასკვნებისა და რეკომენდაციების წარმოდგენა;
 პირველადი მონახაზის განხილვა საკოორდინაციო საბჭოს სხდომებზე და შესაბამისი ცვლილებების შეტანა;

შეფასების საბოლოო ანგარიშის წარდგენა
გარე შეფასების ანგარიშის რეკომენდებული სტრუქტურა
1. რეზიუმე (Executive Summary)
 ძირითადი მიგნებების, დასკვნებისა და რეკომენდაციების მოკლე მიმოხილვა.
2. მეთოდოლოგია
 კვლევის დიზაინი, შეფასების კითხვები, მონაცემთა წყაროები, შეფასების შეზღუდვები.
3. პროექტის მიმოხილვა
 კონტექსტი, დაინტერესებული მხარეები, პროექტის მასშტაბი და ფარგლები.
4. მიგნებებისა და დასკვნების ძირითადი ბლოკები
 პროექტის რელევანტურობა;
 პროექტის ზოგადი და კონკრეტული მიზნების მიღწევა;
 რესურსების ეფექტიანობა;
 პროექტის მონაწილე მხარეებს შორის კომუნიკაციისა და კოორდინაციის მექანიზმები;
 რისკების მართვა;
 პროექტის შედეგების მოკლე და გრძელვადიანი გავლენა;
 მდგრადობა.
5. დასკვნები
 ძირითადი დასკვნები.
6. რეკომენდაციები
 ძირითადი რეკომენდაციები.
7. დანართები
 კითხვარები;
 ინტერვიუების ტრანსკრიპტები;
 დამატებითი მასალები;

გარე შეფასების პირობები
● გარე შეფასება უნდა განხორციელდეს ქართულ და ინგლისურ ენაზე, მათ შორის დონორისადმი გაგზავნილი საბოლოო ანგარიში. წარმოდგენილი ინგლისურენოვანი თარგმანი დამოწმებული უნდა იყოს ნოტარიულად;
● გარე შეფასების დოკუმენტის საწყისი მონახაზი/პირველადი ვერსია უნდა დასრულდეს არა უგვიანეს 15 სექტემბრისა;
● გარე შემფასებელი თავისი ხარჯებით (2 სამუშაო დღე) უნდა დაესწროს პროექტის საბოლოო ღონისძიებას 2026 წლის ოქტომბერში, რომელიც ჩატარდება ქალაქ ერევანში, სომხეთში;
● გარე შემფასებელი არ უნდა იყოს პროექტში მონაწილე არცერთ პარტნიორთან რაიმე სახით შრომით ურთიერთობაში (მათ შორის პროექტის ფარგლებში დასაქმებული);
 შემფასებელს გარე შეფასებაზე მონაწილეობაში განაცხადის გაკეთებამდე, არ უნდა აკავშირებდეს რაიმე სახის თანამშრომლობა ან/და სამუშაო გამოცდილება მოცემული პროექტის - კურიკულუმის განვითარება - ერთობლივი სამაგისტრო პროგრამა პოლიტიკის მეცნიერებაში - ფარგლებში;
 გარე შემფასებელს უნდა ჰქონდეს უმაღლესი განათლების და/ან შესაძლებლობების განვითარების პროექტების შეფასებაში მონაწილეობის დადასტურებული ექსპერტიზა.

იხ. დანართი.

ხელშეკრულების ძალაში შესვლიდან 2026 წლის 20 ნოემბრამდე.

შესყიდვის ობიექტის მიწოდების ადგილია სსიპ ივანე ჯავახიშვილის სახელობის თბილისის სახელმწიფო უნივერსიტეტი, მისამართი: ქ. თბილისი, ჭავჭავაძის გამზ. #1.

1.7.1. მიმწოდებელი იძლევა გაწეული მომსახურების სტანდარტებისადმი შესაბამისობის გარანტიას.
1.7.2. მიმწოდებელი ვალდებულია კეთილსინდისიერად და მაღალპროფესიონალურ დონეზე შეასრულოს ნაკისრი ვალდებულება, დროულად განიხილოს „შემსყიდველის“ მიერ წამოჭრილი პრობლემები, რომლებიც დაკავშირებულია ხელშეკრულების შესრულებასთან. შეტყობინების მიღებისთანავე უზრუნველყოს ნებისმიერი უხარისხოდ გაწეული მომსახურების (ტექნიკური თუ კვლევითი ნაწილის ხარვეზის) გამოსწორება 3 სამუშაო დღის ვადაში შემსყიდველის მხრიდან რაიმე დამატებითი დანახარჯების გაწევის გარეშე.
1.7.3. მიმწოდებლის მიერ ამ ვალდებულების შეუსრულებლობის შემთხვევაში შემსყიდველს უფლება აქვს თვითონ მიიღოს ზომები წარმოქმნილი დეფექტების გამოსწორებისათვის და მოსთხოვოს მიმწოდებელს შესაბამისი ხარჯების ანაზღაურება.
1.7.4. მიმწოდებლის მიერ ნებისმიერი ზიანის შემთხვევაში, რომელიც მიადგება შემსყიდველს მიმწოდებლის მიერ ხელშეკრულების პირობების შეუსრულებლობის ან არაჯეროვანი შესრულების გამო ვალდებულებების დარღვევის (ხელშეკრულებით გათვალისწინებული ვალდებულებების შესრულებაზე უარის თქმა, ხელშეკრულებით გათვალისწინებული ვადების დარღვევა, ვალდებულების უხარისხოდ, არაჯეროვნად, არასრულად შესრულება და სხვა.) შემთხვევაში, მიმწოდებელს შეუჩერდება დაფინანსება.

გარე შემფასებელს უნდა გააჩნდეს არანაკლებ ორი წლის (2023 წლის 01 იანვრიდან) პროფესიული საქმიანობის 2 წლიანი გამოცდილება ღირებულებით, არანაკლებ 50 000 ლარისა. ამასთან, მას ყოველ წელიწადს (2023 წლის 01 2024 წლის 31 დეკემბრამდე) შესრულებული უნდა ჰქონდეს, არანაკლებ ერთი ხელშეკრულება, რაც დადასტურებული უნდა იყოს შესაბამისი ხელშეკრულებ(ებ)ით და მიღება-ჩაბარების აქტებით, საბანკო ანგარიშზე ჩარიცხვებით (ბანკის ამონაწერი) ან ცხრილით სატენდერო განცხადებების SPA/NAT/MEP/CMR ნომრების მითითებით.

პრეტენდენტმა უნდა წარმოადგინოს შეფასებაში მონაწილე გუნდის წევრების CV-ები.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება. სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-18 მუხლის მე-5 პუნქტის შესაბამისად, შესყიდვის თავისებურებიდან გამომდინარე (ინტელექტუალური მომსახურება) შემსყიდველი ორგანიზაცია არ ითვალისწინებს ფასწარმოქმნის ადეკვატურობის დასაბუთების ვალდებულებას.

7.2.1. ანგარიშსწორება განხორციელდება უნაღდო ანგარიშსწორებით ეროვნულ ვალუტაში, საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
7.2.2. ანგარიშსწორება შემსყიდველსა და მიმწოდებელს შორის იწარმოებს, ფაქტიურად გაწეული მომსახურების შესაბამისად, მიმწოდებლის მიერ წარმოდგენილი შესაბამისი ანგარისსწორების დოკუმენტების წარმოდგენისა და ინსპექტირებაზე უფლება მოსილი პირ(ებ)ის დადებითი დასკვნის საფუძველზე შედგენილი მიღება-ჩაბარების აქტის საუძველზე.

ანგარიშსწორება შემსყიდველსა და მიმწოდებელს შორის იწარმოებს, ფაქტიურად გაწეული მომსახურების შესაბამისად, მიმწოდებლის მიერ წარმოდგენილი საგადასახადო ანგარიშფაქტურის და ინსპექტირებაზე უფლებამოსილი პირ(ებ)ის დადებითი დასკვნის საფუძველზე შედგენილი მიღება-ჩაბარების აქტის წარმოდგენიდან 10 (ათი) სამუშაო დღის განმავლობაში.

შოთა გაბადაძე, 557411759, shota.gabadadze@tsu.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.