Верхняя одежда (Грузия - Тендер #70945734)

ა(ა)იპ ბათუმის გამწვანებისა და ლანდშაფტური დაგეგმარების სამსახურის თანამშრომლებისათვის უნიფორმის სახელმწიფო შესყიდვა.

• მაისური მოკლე მკლავით (მრგვალი საყელოთი) - 340 ცალი.
• პოლოს სტილის მაისური მოკლე მკლავით - 40 ცალი.
• პოლოს სტილის მაისური გრძელი მკლავით - 20 ცალი.
• მაისური გრძელი მკლავით (მრგვალი საყელოთი) - 100 ცალი.
• საზაფხულო კეპი - 120 ცალი.
• შარვალი - 150 ცალი.
• მოსასხამი ქალებისათვის - 20 ცალი.
• უსაფრთხოების ჟილეტი - 90 ცალი.

1.2.1 შესყიდვის ობიექტი (მაისური მოკლე მკლავით (მრგვალი საყელოთი); პოლოს სტილის მაისური მოკლე მკლავით; პოლოს სტილის მაისური გრძელი მკლავით; მაისური გრძელი მკლავით (მრგვალი საყელოთი); შარვალი; მოსასხამი ქალებისათვის) იკერება ინდივიდუალური, თითოეულ თანამშრომელზე ზომის აღებით (ყოველ თანამშრომელზე ზუსტი ზომის მორგებით). მიმწოდებელი ვალდებულია ხელშეკრულების გაფორმებიდან არაუგვიანეს 5 (ხუთი) სამუშაო დღის ვადაში აიღოს ზომები.
1.2.2 არაზუსტი ზომების შემთხვევაში, შესყიდვის ობიექტი დაუბრუნდება მიმწოდებელს გასასწორებლად. აღნიშნული ხარვეზი მიმწოდებელმა უნდა აღმოფხვრას შემსყიდველის მიერ საქონლის დაბრუნებიდან 5 (ხუთი) სამუშაო დღის ვადაში.
1.2.3 მოწოდებული შესყიდვის ობიექტის ჩაბარება და შესაბამისი მიღება-ჩაბარების აქტის გაფორმება მოხდება მხოლოდ ხელშეკრულებით გათვალისწინებული შესყიდვის ობიექტის სრულად მოწოდების შემდეგ.
1.2.4 საქონლის დამზადების პროცესში მწვანე ფერის ტონალობა (მუქი ან/და ღია) უნდა შეთანხმდეს მიმწოდებელთან.
1.2.5 ხელშეკრულების გაფორმების შემდეგ, საქონლის მიწოდებისას, თუ კონტროლის განმახორციელებელი პირი ვიზუალური დათვალიერების შედეგად ჩათვლის, რომ შესყიდვის ობიექტი განსხვავდება ტექნიკური აღწერილობისგან ან/და ელექტრონულ ტენდერში წარმოდგენილი ნიმუშისგან, შემსყიდველი უფლებამოსილია მიმწოდებელს მოსთხოვოს, მოთხოვნიდან (მოთხოვნა შესაძლებელია განხორციელდეს ელ.ფოსტის ან ოფიციალური წერილის მეშვეობით) 20 (ოცი) სამუშაო დღის განმავლობაში წარმოადგინოს ექსპერტიზის დასკვნა საქონლის ტექნიკურ მოთხოვნებთან შესაბამისობის დადგენის მიზნით. მიმწოდებელმა საკუთარი ხარჯით უნდა წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“, SGS, INTERTEK ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული დასკვნა.
1.2.6 შემსყიდველის მოთხოვნის შესაბამისად, შესყიდვის ობიექტს უნდა გააჩნდეს იარლიყი სადაც დაფიქსირდება გამოყენებული ქსოვილის შემადგენლობა, მწარმოებელი კომპანია და მოხმარების წესები. ასევე უნდა ჰქონდეს ზომის აღმნიშვნელი. უნდა იყოს ინდივიდუალურად შეფუთული.
1.2.7 იმის გათვალისწინებით, რომ შესაძლებელია ესკიზებზე ზუსტად არ იყოს შესაძლებელი შესყიდვის ობიექტის რომელიმე შემადგენელი დეტალის ფერის ტონალობის და თარგის აღქმა, პრეტენდენტი ვალდებულია საქონლის თარგი და ფერი ნიმუშის წარმოდგენის ეტაპზე შეათანხმოს შემსყიდველთან და შეიკეროს შემსყიდველის მოთხოვნის შესაბამისად.

* მოსაწოდებული საქონლის შესახებ დამატებითი ინფორმაცია, რაოდენობა და ტექნიკური მახასიათებლები, იხილეთ მიმაგრებულ ფაილში - ტექნიკური დავალება (დანართი №1).
* მოსაწოდებელი საქონელის ესკიზები იხილეთ მიმაგრებულ ფაილში - ,,უნიფორმის ესკიზები
* მოსაწოდებელი საქონლის ლოგო არის მზადების პროცესში. სამართლებრივი პროეცდურების დასრულების შემდგომ შემსყიდველი უზრუნველყოფს ლოგოტიპის გადაცემას მიმწოდებლისათვის.

საქონლის მიწოდება უნდა განხორციელდეს ხელშეკრულების გაფორმებიდან 25 კალენდარული დღის განმავლობაში.

1.5.1. შესყიდვის ობიექტის მიწოდება შემსყიდველისათვის უნდა განხორციელდეს ერთჯერადად. საქონლის მიწოდების ადგილია - ქ. ბათუმი, გენერალ ასლან აბაშიძის ქუჩა N14.
1.5.2. მიმწოდებელი საკუთარი ხარჯებით უზრუნველყოფს მიწოდებული საქონლის გადმოტვირთვას და შემსყიდველის მიერ მითითებულ ადგილზე დასაწყობებას.

1.7.1.1 შემოთავაზებული საქონელი უნდა იყოს ახალი და უნაკლო.
1.7.1.2 შესყიდვის ობიექტის საექსპლუატაციო საგარანტიო ვადა უნდა შეადგენდეს მიღება-ჩაბარების აქტის გაფორმების დღიდან მოსასხამზე, კეპზე და ჟილეტებზე არანაკლებ 1 (ერთი) წელს, ხოლო მაისურებზე და შარვლებზე არანაკლებ 6 (ექვსი) თვეს (პრეტენდენტი ვალდებულია ფასების ცხრილში მიუთითოს აღნიშნული ინფორმაცია).
1.7.1.3 მიმწოდებელი იღებს ვალდებულებას, რომ საგარანტიო საექსპლუატაციო ვადაში შესყიდვის ობიექტის მიერ დეფექტის/ხარვეზის/წუნის გამოვლენის შემთხვევაში, შემსყიდველის შეტყობინებიდან 5 (ხუთი) სამუშაო დღეში აღმოფხვრას გამოვლენილი დეფექტი/ხარვეზი/წუნი - შეცვალოს დეფექტის/ხარვეზის/წუნის მქონე საქონელი ახლით.
1.7.1.4 დეფექტის/ხარვეზის/წუნის აღმოჩენის და ახლით შეცვლის შემთხვევაში შესყიდვის ობიექტის ტრანსპორტირება უნდა უზრუნველყოს მიმწოდებელმა.

შენიშვნა: პრეტენდენტმა სატენდერო წინადადებაში უნდა წარმოადგინოს 1.7.1.2 პუნქტით განსაზღვრული მოთხოვნის შესაბამისი ინფორმაცია.

2.1.1.1. პრეტენდენტმა ფასების ცხრილის შესაბამის გრაფაში უნდა მიუთითოს მოსაწოდებელი საქონლის ,,წარმოშობის ქვეყანა და ,,მწარმოებელი. აღნიშნული ინფორმაციის წარმოუდგენლობა არ ექვემდებარება დაზუსტებას და გამოიწვევს ტენდერში მონაწილე პრეტენდენტის დისკვალიფიკაციას.

2.2.1.1 ტენდერში მონაწილე პრეტენდენტს უკანასკნელი წლების განმავლობაში (2024, 2025 წწ.) შესრულებული უნდა ჰქონდეს ტენდერის შინაარსით გათვალისწინებული საქონლის მიწოდების არანაკლებ 20 000 (ოცი ათასი) ლარი გამოცდილება;
2.2.1.2 პრეტენდენტმა უნდა წარმოადგინოს ტენდერის შინაარსით გათვალისწინებული საქონლის მიწოდების დამადასტურებელი დოკუმენტების ასლები (ხელშეკრულების ასლები ხარჯთაღრიცხვით, მიღება-ჩაბარების აქტების ასლები). იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, პრეტენდენტი ვალდებულია დამატებით წარმოადგინოს აღნიშნულ მომსახურებაზე დადასტურებული საგადასახადო ანგარიშ-ფაქტურების ქსეროასლები.
2.2.1.3 იმ შემთხვევაში თუ პრეტენდენტის მიერ შესაბამისი მომსახურების დამადასტურებელი დოკუმენტაცია განთავსებულია შესყიდვების ერთიან ელექტრონულ სისტემაში (https://tenders.procurement.gov.ge/) მაშინ პრეტენდენტის მიერ შესაძლებელია წარმოდგენილი იქნას შესაბამისი SPA, NAT და/ან CMR ნომრები (ამ შემთხევაში დოკუმენტების წარმოდგენა სავალდებულო არ არის).

შესაბამის სფეროში გამოცდილების არ ქონა გამოიწვევს პრეტენდენტის დისკვალიფიკაციას.

3.1.1.1 პრეტენდენტის მიერ წარმოდგენილ უნდა იქნეს შემოთავაზებული საქონლის ნიმუში შესყიდვის ობიექტის თითეულ პოზიციაზე.
3.1.1.2 ტენდერში მონაწილე „დისკვალიფიცირბულ“ პრეტენდენტს ნიმუშის დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშის დაბრუნებაზე.

3.1.3.1 ნიმუშის მიწოდება შემსყიდველისათვის უნდა განხორციელდეს შემდეგ მისამართზე: ქ. ბათუმი, გენერალ ასლან აბაშიძის ქუჩა N14.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთული, საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული მომსახურების გაწევის შესაძლებლობა.


ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

7.2.1 მიმწოდებელთან ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.

7.2.2 ანგარიშსწორება განხორციელდება ხელშეკრულებით გათვალისწინებულ გაწეულ მომსახურებაზე შესაბამისი მიღება-ჩაბარების აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ.

7.3.1 ანგარიშსწორება განხორციელდება მიღება-ჩაბარების აქტისა და შესაბამისი საგადასახადო დოკუმენტების წარმოდგენიდან არაუგვიანეს 10 (ათი) სამუშაო დღის განმავლობაში.

სალომე ჩხარტიშვილი, 597531818, mcvanebatumi@procurement.gov.ge

10.1.1 სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
10.1.3 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
10.1.4 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.