Автотранспортные услуги (Грузия - Тендер #70945200)

სსიპ "ილია წინამძღვრიშვილის სახელობის კოლეჯის" სპეციალური საგანმანათლებლო საჭიროების მქონე (სსსმ) პირის და შეზღუდული შესაძლებლობების მქონე (შშმ) პირის სტატუსის მქონე სტუდენტებისათვის სამგზავრო სატრანსპორტო საშუალებების მძღოლთან ერთად დაქირავების მომსახურების შესყიდვა.

სსიპ ილია წინამძღვრიშვილის სახელობის კოლეჯის 4 (ოთხი) სსსმ ან/და შშმ სტუდენტის ტრანსპორტირების მიზნით ავტომანქანის დაქირავება მძღოლთან ერთად.

სტუდენტთა ავტოსატრანსპორტო საშუალებით გადაყვანის მომსახურება უნდა განხორციელდეს წინასწარ დადგენილი მარშრუტის მიხედვით ტექნიკურად გამართული, შესაბამისი მოცულობისა და რაოდენობის ავტოსატრანსპორტო საშუალებ(ებ)ით.

სატრანსპორტო საშუალების ადგილების რაოდენობა ითვლება შემდეგი ფორმულით: ვინაიდან სსსმ ან/და შშმ პირები საჭიროებენ ინდივიდუალურ მიდგომას, აუცილებელია 1 სტუდენტზე გამოყოფილი იქნეს 2 ერთეული (ერთმანეთის მომიჯნავე) ინდივიდუალური დასაჯდომი ადგილი.

სატრანსპორტო საშუალებას უნდა ჰქონდეს არანაკლებ 8 დასაჯდომი ადგილი, სატრანსპორტო საშუალების ტევადობა უნდა შეესაბამებოდეს სატრანსპორტო საშუალებაში სტაციონარულად დამონტაჟებულ სკამებზე დამჯდარ მდგომარეობაში გადასაყვან ადამიანთა რაოდენობას.

სატრანსპორტო საშუალებებს გავლილი უნდა ჰქონდეთ ტექნიკური დათვალიერება - რაც შემსყიდველის მიერ გადამოწმდება ტექ ინსპექტირების ავტორიზებული ცენტრების ელექტორნულ სისტემებში.

წარმოადგინოს ქვეკონტრაქტორი (არსებობის შემთხვევაში) მძღოლის გამოცდილებისა და ავტოსატრანსპორტო საშუალების ტექნიკური დათვალიერების დამადასტურებელი დოკუმენტი ასევე ყველა ის დოკუმენტი რისი წარმოდგენაც მოეთხოვება ტენდერში მონაწილე პრეტენდენტს.

დაცული უნდა იყოს მოქმედი კანონმდებლობის შესაბამისი უსაფრთხო გადაადგილების ყველა ნორმა. ტრანსპორტირებისას უზრუნველყოფილი უნდა იყოს ისეთი პირობები, რომელიც გამორიცხავს მგზავრთა ჯანმრთელობის ზიანს. ასევე, ტრანსპორტირებისას ავტოსტრანსპორტო საშუალება აღჭურვილი უნდა იყოს სპეციალური ნიშნით, რომელიც მიუთითებს, რომ ხორციელდება ბავშვების გადაყვანა. ავტოსანტრანსპორტო საშუალებებში დაცული უნდა იყოს სანიტარულ-ჰიგიენური ნორმები და ყოველდღიურად უნდა ხდებოდეს დეზინფიცირება. სალონში სავალდებულოა სალონის განათების, ცეცხლმაქრისა და პირველადი სამედიცინო დახმარების ჩანთის ქონა.

კოლჯში სწავლა იწყება 9:00 სთ და სრულდება 15:00 სთ.

მომსახურე მძღოლს უნდა გააჩნდეს ავტოსატრანსპორტო საშუალებისათვის კანონდებლობით დადგენილი შესაბამისი კატეგორიის მართვის მოწმობა.

მომსახურების გაწევისას, ავტოსატრანსპორტო საშუალებები უნდა იყოს გამართულ და სუფთა/გარეცხილ მდგომარეობაში, კომფორტული სალონით, სტანდარტული სავარძლებით, ქარხნული ღვედებით, აღჭურვილი გათბობისა და კონდიცირების სისტემებით.

მგზავრობის პერიოდში მძღოლი არ უნდა ეწეოდეს თამბაქოს.

შესყიდვის ობიექტის მოცულობა დეტალურად წარმოდგენილია ფასების ცრილში (პუნქტი 1.3). ამასთან, შემსყიდველი არ იღებს ვალდებულებას ფასების ცხრილით მოცემული დღეების სრულად ათვისებაზე, ანგარისწორების საფუძველი იქნება რეალურად შესრულებული მომსახურება. მგზავრთა რაოდენობა, მარშრუტების დასახელება და მომსახურების დღეთა რაოდენობა საორიენტაციოა და შესაძლებელია შეიცვალოს შემსყიდველის შეტყობინების საფუძველზე.

ხელშეკრულების გაფორმებიდან 2026 წლის 31 დეკემბრის ჩათვლით, რეალური საჭიროების შესაბამისად.

მომსახურება გაწეულ უნდა იქნეს ქალაქ მცხეთასა და მის მუნიციპალურ ტერიტორიაზე არსებულ სოფლებში, წინამდებარე ფასების ცხრილში 1.3 პუნქტში ატვირთულ ცხრილში მითითებული მარშრუტების შესაბამისად.
პრეტენდენტმა უნდა გაითვალისწინოს, რომ მარშრუტების დასახელება და მომსახურების დღეების რაოდენობა საორიენტაციოა.

პრეტენდენტმა სისტემაში უნდა ატვირთოს ინფორმაცია სატრანსპორტო საშუალების თაობაზე, შემსყიდველის მიერ წარმოდგენილი ფორმის მიხედვით.

ტენდერში მონაწილეობის მსურველს 2019 წლის 01 იანვრიდან მოცემულ ტენდერში წინადადებების მიღების დასრულების დღემდე, მინიმუმ 2 წელი უნდა ჰქონდეს განხორციელებული ავტოსატრანსპორტო საშუალებით მგზავრთა გადაყვანის მომსახურება. პრეტენდენტმა მოთხოვნილი გამოცდილების დასტურად უნდა წარმოადგინოს ხელშეკრულებ(ები)ა, საბოლოო მიღება-ჩაბარების აქტ(ებ)ი და ანგარიშფაქტურ(ები)ა (არსებობის შემთხვევაში - ვრცელდება ანგარიშფაქტურაზე);

შენიშვნა: სახელმწიფო შესყიდვის განხორციელების შემთხვევაში, საკმარისია შესაბამისი SPA/NAT/CMR ნომერის წარმოდგენა - ამ შემთხვევაში დამატებითი დოკუმენტაციის (ხელშეკრულებ(ები)ა, მიღება-ჩაბარების აქტ(ები)ი, დადასტურებული ანგარიშ-ფაქტურ(ები)ა) წარმოდგენა სავალდებულო არ არის.

პრეტენდენტმა სისტემაში უნდა ატვირთოს:
1. ავტოსატრანსპორტო საშუალების სარეგისტრაციო მოწმობის ასლი
2. ავტოსატრანსპორტო საშუალების ფოტოსურათები (ანფასი და ინტერიერი).

2.4.1.1. სატრანსპორტო საშუალებას უნდა მართავდეს შესაბამისი კატეგორიის მართვის მოწმობის მქონე მძღოლი (წარმოდგენილი უნდა იქნას მართვის მოწმობა და შემოთავაზებული სატრანსპორტო საშუალების ფლობის დამადასტურებელი დოკუმენტი);

2.4.1.2. თუ პრეტენდენტი თვითონ ასრულებს მძღოლის ფუნქციებს, პრეტენდენტი ვალდებულია წარმოადგინოს წერილობითი ინფორმაცია მოცემულ ელექტრონულ ტენდერში მძღოლის ფუნქციების შეთავსების თაობაზე.

იმ შემთხვევაში, როდესაც პრეტენდენტი გეგმავს მომსახურება განახორციელოს ქვეკონტრაქტორის მეშვეობით, პრეტენდენტმა უნდა წარმოადგინოს ქვეკონტრაქტორთან დაკავშირებით მძღოლის გამოცდილების დამადასტურებელი დოკუმენტი, მძღოლის გამოცდილება შესაძლებელია დადასტურდეს მგზავრთა გადაყვანის მომსახურებაზე გაფორმებული ხელშეკრულებით და შესაბამისი მიღება-ჩაბარების აქტით ან სხვა ისეთი დოკუმენტით (გარდა მართვის მოწმობისა), რაც დაადასტურებს ავტოსატრანსპორტო საშუალებით მგზავრთა გადაყვანის მომსახურების გაწევას, ასევე მოხდება ავტოსატრანსპორტო საშუალების ტექნიკური დათვალიერების დოკუმენტაციის გადამოწმება.

ქვეკონტრაქტორი არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – “შავ სიაში“ ან „გაფრთხილებულ მომწოდებელთა სიაში“;
იმ შემთხვევაში, თუ პრეტენდენტი მომსახურების გაწევას არ გეგმავს ქვეკონტრაქტორის საშუალებით, დამატებით წარმოდგენილი უნდა იქნას პრტენდეტის წერილობითი დადასტურება, მასზედ რომ ქვეკონტრაქტი არ გამოიყენება.

მოცემულ ელექტრონულ ტენდერში გამარჯვებული პრეტენდენტი თუ ქვეკონტრაქტორს აიყვანს სახელწმიფო შესყიდვის ხელშეკრულების გაფორმების შემდგომ, მან აღნიშნული გადაწყვეტილება უნდა აცნობის შემსყიდველს ქვეკონტაქტორთან ხელშეკრულების გაფორმებამდე 3 (სამი) სამუშაო დღით ადრე.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაციის მოთხოვნის შემთხვევაში, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას;

ექსპერტიზის ან აუდიტორის დასკვნის წარმოდგენის შემთხვევაში, წარმოდგენილი უნდა იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი (სერთიფიკატი და სხვა) ან სახელმწიფოს მიერ აღიარებული სხვა დამადასტურებული დოკუმენტი. ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექსპერტო დასკვნის წარმოდგენა.

ანგარიშსწორება მიმწოდებელთან განხორციელდება ეტაპობრივად, ყოველი თვის ბოლოს გაფორმებული მიღება-ჩაბარების აქტის საფუძველზე, ფაქტობრივად გაწეული მომსახურების შესაბამისად (მომსახურების გაწევის დამადასტურებელი ტაბელის შესაბამისად).

ანგარიშსწორება განხორციელდება მიღება-ჩაბარების აქტის გაფორმებიდან არაუგვიანეს 10 სამუშაო დღის განმავლობაში.

თორნიკე წიწილაშვილი, 574118558, TMK@procurement.gov.ge

10.1.1. ფასების ცხრილი/ხარჯთაღრიცხვა ერთიან ელექტრონულ სისტემაში უნდა აიტვირთოს PDF-ის ფორმატით, დამოწმებული კვალიფიცუუყრი ელექტრონული ხელმოწერით/შტამპით, სატენდერო პირობების 1.3. მოცემული ცხრილის შესაბამისად.
10.1.2. ხარჯთაღრიცხვაში ერთეულის ღირებულება წარმოდგენილი უნდა იყოს ლარის მეასედის სიზუსტით