Инженерные услуги (Грузия - Тендер #70944936)

სსიპ ივანე ბერიტაშვილის ექსპერიმენტული ბიომედიცინის ცენტრის შენობის უკანა ფასადის ნაწილში მიშენებული საევაკუაციო გასასვლელი კიბის უჯრედის დემონტაჟის სამუშაოებისთვის საჭირო საპროექტო-სახარჯთაღრიცხვო დოკუმენტაციის მომზადების მომსახურების შესყიდვა.

სსიპ - ივანე ბერიტაშვილის ექსპერიმენტული ბიომედიცინის ცენტრის (ს/კ 205297007) შენობის (მის.: ქ.თბილისი, ლ.გოთუას ქ.#14, ს/კ 01.10.13.015.125) უკანა ფასადის ნაწილში არსებული კიბის უჯრედი, რომელიც შენობის სამ სართულს, მათ შორის ორ მიწისქვედა სართულს, აკავშირებს ერთმანეთთან, არის ავარიულ მდგომარეობაში. აღნიშნული კიბის უჯრედის მდგრადობის საკითხი შესწავლილი იქნა სსიპ ლევან სამხარაულის სახელობის სასამართლო ექსპერტიზის ეროვნული ბიუროს მიერ (იხ. დანართი) და დადგინდა, რომ აღნიშნული კიბის უჯრედის უსაფრთხო ექსპლუატაციისთვის საჭიროა, მისი დემონტაჟი და ახლის მოწყობა, რაც მიწის ქვეშ არსებული კედელების, საფეხურებისა და შუალედური ბაქნების გაძლიერებას ან ჩანაცვლებას მოითხოვს. დაკავშირებული რეკომენდირებული სამუშაოები მოიცავს კიბის მიწისზედა კონსტრუქციის დემონტაჟს და მიწისქვედა სართულებზე მის კონსერვაციას ლითონის კონსტრუქციითა და თუნუქით გადახურვით, ასევე კიბის უჯრედის გასწვრივ პარაპეტის და ჰორიზონტალური წყალშემკრები მილის ან ღარის მოწყობას და შენობის უკანა ნაწილში არსებული საყრდენი კედლის გაძლიერებას ან ახლის მოწყობას. შესაბამისი სარემონტო სამუშაოებისთვის საჭიროა სრული საპროექტო და საპროექტო- სახარჯთაღრიცხვო დოკუმენტაციის შედგენა, რომელიც უნდა განხორციელდეს, რესურსული და გამსხვილებული ხარჯთაღრიცხვის წარმოდგენით, დეფექტური აქტის, პროექტისა და ხარჯთაღრიცხვის ექსპერტიზის ჩათვლით. საჭიროების შემთხვევაში პრეტენდენტმა უნდა განახორციელოს შესაბამისი სამშენებლო ნებართვების მოპოვება, პროექტის და ხარჯთაღრიცხვის კორექტირება. სამუშაოების ჩატარების პროცესში აღმოჩენილი საპროექტო- სახარჯთაღრიცხვო დოკუმენტაციაში აღმოჩენილი ხარვეზების გასწორება. დეფექტური აქტის შედგენა, ესკიზების დამზადება რესურსული და გამსხვილებული ხარჯთაღრიცხვის წარმოდგენით. საჭიროების შემთხვევაში ესკიზების და ხარჯთაღრიცხვის კორექტირება.
კერძოდ, საპროექტო-სახარჯთაღრიცხვო დოკუმენტაციის შეზღუდულ ვადებში მომზადებისთვის საჭიროა:
1. გეოლოგია და გეოლოგიური საექსპერტო დასკვნა;
2. ტოპოგრაფია, აზომვითი ნახაზი;
3. თანხმობა სსიპ -ქალაქ თბილისის მუნიციპალიტეტის არქიტექტურის სამსახურიდან.
4. არქიტექტურული პროექტი;
5. კონსტრუქციული პროექტი და კონსტრუქციული საექსპერტო დასკვნა;
6. დემონტაჟის ორგანიზების პროექტი/ ახალი მშენებლობის ორგანიზების პროექტი (მოპი);
7. მომიჯნავე შენობებზე ზეგავლენის საექსპერტო დასკვნა და დემონტაჟის ორგანიზების პროექტის საექსპერტო შეფასება;
8. სახარჯთაღრიცხვო დოკუმენტაცია, დეფექტური აქტი. საჭიროების შემთხვევაში სხვა შესაბამისი საპროექტო დოკუმენტაცია;
• მიმწოდებელი ვალდებულია გადასცეს შემსყიდველ ორგანიზაციას სრული საპროექტო-სახარჯთაღრიცხვო დოკუმენტაცია,ხარჯთაღრიცხვა ლოკალურ-რესურსული და მისი სავარაუდო ღირებულება და დეფექტური აქტი.
• პრეტენდენტმა, პროექტირების დროს უნდა იხელმძღვანელოს საქართველოში მოქმედი ტექნიკური რეგლამენტებითა და სტანდარტებით და მათ საფუძველზე დამუშავებული ტექნიკური რეკომენდაციებით, სახელმძღვანელოებით, მითითებებით;
• სახარჯთაღრიცხვო დოკუმენტაცია მომზადდეს მშენებლობის შემფასებელთა კავშირის მიერ გამოცემული ,,მეთოდური ცნობარი“-ს (მშენებლობის და სარემონტო სამუშაოების სახარჯთაღრიცხვო ფასების გაანგარიშების შესახებ) მიხედვით, რესურსული მეთოდით ყველა დანარიცხების გათვალისწინებით, სამშენებლო რესურსების საბაზრო ან, მშენებლობის შემფასებელთა კავშირის მოქმედი ფასთა კრებულით მიმდინარე დონეზე;
• საპროექტო და სახარჯთაღრიცხვო დოკუმენტაციის ექსპერტიზა, წარმოდგენილი სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამის სფეროში აკრედიტებული ნებისმიერი პირის (დასკვნასთან ერთად წამოდგენილი უნდა იქნას უფლებამოსილების შესაბამისი დამადასტურებელი დოკუმენტი) შესაბამისი დასკვნის სახით (ექსპერტიზის მომსახურების ხარჯს უზრუნველყოფს მიმწოდებელი).
• ხარჯთაღრიცხვა შედგენილი უნდა იყოს სამშენებლო სამუშაოების სახელმწფო შესყიდვისას ზედნადები ხარჯებისა და გეგმიური მოგების განსაზღვრის წესის დამტკიცების შესახებ საქართველოს მთავრობის 2014 წლის 14 იანვრის #55-ე დადგენილების შესაბამისად.
• ასევე მომზადებული უნდა იყოს საქართველოში მოქმედი სამშენებლო ნორმების და წესების დაცვით.
• დაინტერესებული პირი უფლებამოსილია ადგილზე დაათვალიეროს შესყიდვის ობიექტი და შემდგომ წარმოადგინოს განფასება.
• საპროექტო-სახარჯთაღრიცხვო დოკუმენტაციის შედგენის მომსახურების მიწოდების ვადები ხელშეკრულების გაფორმებიდან არაუმეტეს 30 კალენდარული დღე.
• საპროექტო-სახარჯთაღრიცხვო დოკუმენტაცია წარმოდგენილი უნდა იქნეს მხოლოდ ქართულ ენაზე. • საპროექტო-სახარჯთაღრიცხვო დოკუმენტაციის ეგზემპლიარების რაოდენობა: ა) საპროექტო დოკუმენტაცია _ 2 ეგზემპლიარი ბეჭდური ( ა3 და ა4 ფორმატები); ბ) სახარჯთაღრიცხვო დოკუმენტაცია _ 2 ეგზემპლიარი ბეჭდური (A-4 ფორმატი); გ) საპროექტო-სახარჯთაღრიცხვო დოკუმენტაციის სრული ელექტრო (დისკი და ექსელ ფაილები) ვერსია _ 1 CD/DWD დისკი; დ) საჭიროების შემთხვევაში მიმწოდებელი ვალდებულია გადასცეს შემსყიდველ ორგანიზაციას საპროექტო-სახარჯთაღრიცხვო დოკუმენტაციის სამუშაო ელექტრონული ფაილები (MS Word, Excel, AutoCAD, ArchiCAD და სხვა).

ხელშეკრულების გაფორმებიდან 30 კალენდარული დღე.

1.5.1. მომსახურება უნდა განხორციელდეს სსიპ ივანე ბერიტაშვილის ექსპერიმენტული ბიომედიცინის ცენტრის ბალანსზე რიცხული შენობისთვის.
1.5.2 .მომსახურების დასრულებისას მიმწოდებელის მიერ საკუთარი ხარჯებით წარმოდგენილი იქნას სრულ საპროექტო-სახარჯთაღრიცხვო დოკუმენტაციაზე სსიპ ,,ლევან სამხარაულის სახელობის სასამართლო ქსპერტიზის ეროვნული ბიურო“-ს, ან/და სხვა აკრედიტირებული პირის მიერ გაცემული საპროექტო-სახარჯთაღრიცხვო დოკუმენტაციის საექსპერტო დასკვნა. იმ შემთხვევაში, თუ დასკვნის გამცემი ორგანო არ იქნება სსიპ „ლევან სამხარაულის სახელობის სასამართლო ექსპერტიზის ეროვნული ბიურო”, მიმწოდებელმა დამატებით უნდა წარმოადგინოს დასკვნის გამცემი პირის აკრედიტაციის დამადასტურებელი დოკუმენტის ასლი.
1.5.3. საპროექტო-სახარჯთაღრიცხვო დოკუმენტაცია წარმოდგენილი უნდა იქნეს მხოლოდ ქართულ ენაზე.
1.5.4. საპროექტო-სახარჯთაღრიცხვო დოკუმენტაციის ეგზემპლიარების რაოდენობა:
1.5.4.1 საპროექტო დოკუმენტაცია - 3 ეგზემპლიარი ბეჭდური (A-3 და A-4 ფორმატები);
1.5.4.2 სახარჯთაღრიცხვო დოკუმენტაცია - 3 ეგზემპლიარი ბეჭდური (A-4 ფორმატი);
1.5.4.3 საჭიროების შემთხვევაში მიმწოდებელი ვალდებულია გადასცეს შემსყიდველ ორგანიზაციას საპროექტო-სახარჯთაღრიცხვო დოკუმენტაციის სამუშაო ელექტრონული ფაილები (MS Word, Excel, AutoCAD, ArchiCAD და სხვა);
1.5.5. დოკუმენტაცია წარდგენილ უნდა იქნას შემდეგ მისამართზე: ქ. თბილისი, გოთუას ქ. # 14.

გამოცდილების დამადასტურებელი ინფორმაცია
1. ტენდერში მონაწილე პრეტენდენტს (შესყიდვაში მონაწილეობის მსურველ პირს) 2023 წლის 01 იანვრიდან ტენდერის გამოცხადების დღემდე შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის (სარემონტო და საინჟინრო სამუშაოების საპროექტო-სახარჯთაღრიცხვო დოკუმენტაციის შედგენა) მომსახურება საერთო ღირებულებით არანაკლებ 35000.00 (ოცდათხუთმეტი ათასი ლარი და 00 თეთრი) ლარის ოდენობით;
2. პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის სამუშაოს შესრულების დამადასტურებელი დოკუმენტების ასლები (ხელშეკრულების ასლები, მიღება-ჩაბარების აქტის ასლები, ფორმა №2 ან/და ანალოგიური ტიპის დოკუმენტები, საიდანაც შესაძლებელია სამუშაოების შინაარსისა და ღირებულებების იდენტიფიცირება).
3. იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, ვალდებულია დამატებით წარმოადგინოს აღნიშნულ სამუშაოებზე დადასტურებული საგადასახადო ანგარიშფაქტურების ქსეროასლები. ამასთან, სახელმწიფო შესყიდვის ხელშეკრულების ქვეკონტრაქტორობის შემთხვევაში, პრეტედენდენტმა დამატებით უნდა წარმოადგინოს ამ ხელშეკრულებაში მითითებული ქვეკონტრაქტორთან დაკავშირებული მოთხოვნების შესაბამისი დოკუმენტები (შეტყობინება, ან/და თანხმობა, ან/და % შეზღუდვა და სხვა) (ხელშეკრულებაში ასეთი მოთხოვნის არსებობის შემთხვევაში);
4. სახელმწიფო შესყიდვის შემთხვევაში, თუ პრეტენდენტის მიერ მითითებული იქნება NAT/SPA/CMR ან სხვა ნომრები და ხელშეკრულების შესრულების მიმდინარეობის ანგარიშზე არსებული ინფორმაციებით და ატვირთული დოკუმენტაციებით შესაძლებელი იქნება სამუშაოების შინაარსისა და ღირებულებების იდენტიფიცირება, დამატებითი დოკუმენტის წარმოდგენას არ საჭიროებს.

2.4.1.1. პრეტენდენტს ტენდერით გათვალისწინებული მომსახურების გასაწევად უნდა ჰყავდეს შესაბამისი პროფილის კვალიფიცირებული სპეციალისტი, რომელსაც უნდა გააჩნდეს ტენდერით გათვალისწინებული ანალოგიური ხასიათის, სირთულისა და შინაარსის მომსახურების გაწევის გამოცდილება;

2.4.1.2. ინფორმაცია სპეციალისტის შესახებ წარმოდგენილ უნდა იქნეს დანართის შესაბამისად და ატვირთოს კვალიფიკაციის დამადასტურებელი დოკუმენტები.

1. სახელმწიფო შესყიდვების ერთიან ელექტრონულ სისტემაში ატვირთული დოკუმენტი და/ან ინფორმაცია, გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა, უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს
ხელისმომწერი პირის ხელისმოწერისათვის გაცემული მინდობილობა;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
3. პრეტენდენტის რეკვიზიტები, თუ მის პროფილში არ არის ატვირთული სრულყოფილი ინფორმაცია.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება. სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-18 მუხლის მე-5 პუნქტის შესაბამისად, შესყიდვის თავისებურებიდან გამომდინარე (ინტელექტუალური მომსახურება) შემსყიდველი ორგანიზაცია არ ითვალისწინებს ფასწარმოქმნის ადეკვატურობის დასაბუთების ვალდებულებას.

7.2.1. ანგარიშსწორება იწარმოებს უნაღდო ანგარიშსწორების ფორმით, ეროვნულ ვალუტაში (ლარში), შემსყიდველსა და მიმწოდებელს შორის შედგენილი მიღება-ჩაბარების აქტის საფუძველზე.
7.2.2. მიღება-ჩაბარების აქტის გაფორმებას შემსყიდველი განახორციელებს ცენტრის სამეურნეო სამსახურის მიერ შესაბამისი წარმოდგენილი დადებითი დასკვნის საფუძველზე.

ანგარიშსწორება განხორციელდება მიმწოდებლის მიერ შესაბამისის ანგარიშწორების დოკუმენტების გამოწერის შემდეგ, გაწეულ მომსახურებაზე გაფორმებული მიღება-ჩაბარების აქტის თარიღიდან 10 სამუშაო დღის განმავლობაში

ნარგიზა ხასია, 591017604, nargiza.khasia1@gmail.com ტექნიკური საკითხებთან დაკავშირებით: ცენტრის სამეურნეო სამსახურის უფროსი ალექსანდრე ლიჩკინი ტელ:

1. პრეტენდენტს არ აქვს უფლება წარმოადგინოს ალტერნატიული წინადადება;

2. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;

3. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;