Инженерные услуги (Грузия - Тендер #70925028)

შს სამინისტროს ადმინისტრაციულ შენობებში (ქ. თბილისი, ავჭალის ქ. N7 და ქ. ქობულეთი დაბა ჩაქვი, ბათუმის ქ. N20) არსებული სამგზავრო ლიფტების უსაფრთხო ექსპლუატაციის მიზნით, ტექნიკური ინსპექტირების მომსახურების შესყიდვა.

1.2.1 მიმწოდებელმა აკრედიტებული ორგანიზაციის მიერ თითოეულ ლიფტზე უნდა განახორციელოს დამიწების კონტურის წინაღობის ლაბორატურიული შემოწმება და შესაბამისი აქტის გაცემა;
1.2.2 მომსახურების გაწევის ვადაში, ობიექტზე დაშვების უფლების მისაღებად მიმწოდებელი ვალდებულია შემსყიდველს მიმართოს წერილობით;
1.2.3 მომსახურება უნდა განხორციელდეს კვირის ნებისმიერ დღეს, სამუშაო და არა სამუშაო საათებში შემსყიდველთან წინასწარ შეთანხმების საფუძველზე.
1.2.4 მიმწოდებელი ვალდებულია მომსახურება გაწიოს მოქმედი კანონმდებლობისა და არსებული სტანდარტების შესაბამისად;
1.2.5 შემსყიდველი უფლებამოსილია მიმწოდებლისაგან მოითხოვოს სრული ინფორმაცია გასაწევი მომსახურების მიმდინარეობის შესახებ;
1.2.6 ობიექტზე დაშვებისათვის მომწოდებელი ვალდებულია, მომსახურების დაწყებამდე არანაკლებ 5 (ხუთი) დღით ადრე შემსყიდველს წერილობით მიაწოდოს ჩასატერებელი სამუშაოების ჩამონათვალი და მათი სპეციფიკა, ასევე მომსახურების უსაფრთხოდ ჩატარებაზე პასუხისმგებელ მივლინებულ პირთა სია: სახელის, გვარის, პირადი ნომრის, თანამდებობის, მათთვის მინიჭებული უფლების (სამუშაოთა ხელმძღვანელი, სამუშაოთა მწარმოებელი, მეთვალყურე, ბრიგადის წევრი) მითითებით;
1.2.7 მიმწოდებელი ვალდებულია მის მიერ გადმოცემულ პერსონალის სიაში ცვლილების აუცილებლობის შესახებ ინფორმაცია, შემსყიდველს წერილობით აცნობოს ამ პერსონალის ობიექტზე დაშვებამდე არანაკლებ 2 (ორი) სამუშაო დღით ადრე; ობიექტზე დაშვებისას ყველა მივლინებულმა პირმა/მუშაკმა სავალდებულოდ თან უნდა იქონიოს პირადობის დამადასტურებელი დოკუმენტი (მოწმობა/პასპორტი);
1.2.8 შემსყიდველი მივლინებულ პირების, აუცილებლობის შემთხვევაში ანიჭებს შენობაში არსებულ კომუნიკაციებთან (ელ-ენერგია, წყალი და ა.შ.) წვდომის შესაძლებლობას.
1.2.9 მივლინებულმა პირებმა სამუშაოები უნდა აწარმოონ გამოყენებისათვის ვარგისი დამცავი საშუალებების (ჩაფხუტი, სათვალე, ხელთათმანები და სხვა) სავალდებულო გამოყენებით. აღნიშნული საშუალებები ობიექტზე დაშვებისას თან უნდა იქონიონ/მოიტანონ მივლინებულმა პერსონალმა;
1.2.10 მომსახურების სრულად დამთავრების შემდეგ სამუშაოთა მწარმოებელმა უნდა გაიყვანოს ბრიგადა მომსახურების გაწევის ადგილიდან, ტერიტორია მოაწესრიგოს და აცნობოს შემსყიდველის მხრიდან გამოყოფილ შესაბამის პირს.
1.2.11 მომსახურეობა უნდა განხორციელდეს კვალიფიციური სპეციალისტების მიერ და აღჭურვილი ყველა საჭირო ხელსაწყოებით. მომსახურების გაწევის დროს დაცული უნდა იყოს უსაფრთხოების ნორმები;
1.2.12 მიწოდებლის ბრალეულობით დანადაგარის დაზიანების შემთხვევაში, მიმწოდებელი ვალდებულია საკუთარი ხარჯებით უზრუნველყოს დაზიანების აღმოფხვრა.
1.2.13 მომწოდებელმა სამუშაოების წარმოებისას დაუდევრობის შედეგად მიყენებული ზიანი უნდა აღმოფხვრას საკუთარი ხარჯებით;
1.2.14 შესყიდვის ღირებულება უნდა მოიცავდეს დამიწების კონტურის წინაღობვის გაზომვის მომსახურებას.

1.4.1 მომსახურების გაწევის ვადა: მიმწოდებელმა ლიფტების ტექნიკური ინსპექტირება უნდა განახორციელოს მოთხოვნიდან 15 კალენდარული დღის განმავლობაში, ხოლო შეუსაბამობის არსებობის შემთხვევაში, შემსყიდველის მიერ მათი აღმოფხვრის შემდეგ არაუმეტეს 10 კალენდარული დღის ვადაში ჩაატაროს საბოლოო ინსპექტირება და არაუმეტეს 5 კალენდარულ დღეში, შესაბამის ორგანოში წარადგინოს დოკუმენტაცია, სერტიფიკატის გაცემის მიზნით;
1.4.2 მომსახურების გაწევის დროს მიმწოდებლის მიერ შეუსაბამობების აღმოჩენის შემთხვევაში უნდა გაიცეს ინსპექტირების ოქმი, რომლის შესაბამისადაც შემსყიდველი ვალდებულია გონივრულ ვადაში აღმოფხვრას შეუსაბამობა;
1.4.3 შემსყიდველის მიერ შეუსაბამობის აღმოფხვრის შემდეგ, მიმწოდებელი ვალდებულია საკუთარი ხარჯებით განახორციელოს ლიფტის განმეორებითი ინსპექტირება და შემსყიდველს გადასცეს სერთიფიკატი, რომლის მოქმედების ვადა უნდა შეადგენდეს გაცემის დღიდან არანაკლებ 3 წელს.

ტექნიკური ინსპექტირების შედეგად გაცემული დოკუმენტი მიმწოდებლმა შემსყიდველს უნდა გადასცეს შემდეგ მისამართზე: ქ. თბილისი გულუას ქუჩა N10, საქართველოს შსს ადმინისტრაციული შენობაში.

მიმწოდებელი ვალდებულია საკუთარი ხარჯებით განახორციელოს ლიფტის (განმეორებითი - საჭიროების შემთხვევაში) ინსპექტირება და შემსყიდველს გადასცეს სერთიფიკატი, რომლის მოქმედების ვადა უნდა შეადგენდეს გაცემის დღიდან არანაკლებ 3 წელს.

2.7.1.1 პრეტენდენტი უნდა იყოს სსიპ „აკრედიტაციის ერთიანი ეროვნული ორგანო - აკრედიტაციის ცენტრი“-ს მიერ სერტიფიცირებული, რის დამადასტურებლადაც უნდა წარმოადგინოს შესაბამისი ინფორმაცია/დოკუმენტი.

2.9.1 პრეტენდენტმა უნდა წარმოადგინოს ინფორმაცია არანაკლებ ორი მობილური სატელეფონო ნომრის და არანაკლებ ორი ელ-ფოსტის მისამართის შესახებ, - საკონტაქტო პირების მითითებით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით შესყიდვის ობიექტის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტობრივად მოწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ლაშა ლევერაშვილი, 598979794, lashalevera13@gmail.com / mia@procurement.gov.ge; ტექნიკურ საკითხებთან დაკავშირებით დაუკავშირდით ქრისტინე ცაციაშვილს ტელ: 577 53-95-99.

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.
10.2. პრეტენდენტის მიერ ერთიან ელექტრონულ სისტემაში ასატვირთი დოკუმენტები:

10.2.1 მომსახურების ფასების ცხრილი (დანართი N1) (მომსახურების ფასების ცხრილის წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).

10.2.2 სატენდერო დოკუმენტაციის 2.7.1 და 2.9.1 პუნქტებით გათვალისწინებული ინფორმაცია/დოკუმენტაცია.