Услуги в области бухгалтерского учета, аудита и налогообложения (Грузия - Тендер #70925011)

სსიპ – ივანე ჯავახიშვილის სახელობის თბილისის სახელმწიფო უნივერსიტეტისათვის 2026 წლის საჭიროებისთვის საშემფასებლო-აუდიტორული მომსახურების შესყიდვა.
მომსახურების დაფინანსება განხორციელდება სსიპ ივანე ჯავახიშვილი სახელობის თბილისის სახელმწიფო უნივერსიტეტის ეკონომიკური საქმიანობიდან მიღებული შემოსავლებით.

შესყიდვის მოცულობა: განისაზღვრება პერიოდულად, შეფასების მიზნებიდან და შესაფასებელი ობიექტის სპეციფიკიდან გამომდინარე, (რაოდენობა სავარაუდოა და შესაძლებელია შეიცვალოს ხელშეკრულების მიმდინარეობის პერიოდში, ერთეულის ფასისა და ხელშეკრულების საბოლოო ჯამური ღირებულების შეუცვლელად).

მომსახურება იქნება ეტაპობრივად, შემსყიდველის წინასწარი წერილობითი მოთხოვნის საფუძველზე, (ელექტრონული ფოსტის საშუალებით) მოთხოვნიდან არაუგვიანეს 10 (ათი) სამუშაო დღის ვადაში, რომელიც უნდა დასრულდეს 2026 წლის 20 დეკემბერს.

შესაფასებელი ობიექტების ჩამონათვალი განისაზღვრება ხელშეკრულების დანართი 1 -ის (ტექნიკური დავალება/ხარჯთაღრიცხვა) მიხედვით, შეფასების მიზნებიდან და შესაფასებელი ობიექტის სპეციფიკიდან გამომდინარე - ,,შემსყიდველის” წინასწარი მოთხოვნის საფუძველზე. რაზედაც გაფორმდება ,,შეთანხმება’’, სადაც მოცემული იქნება კონკრეტულ ეტაპზე გასაწევი მომსახურების რაოდენობა და შესრულების ვადა.
,,მიმწოდებელმა’’ მომსახურება უნდა უზრუნველყოს ,,ტექნიკურ დავალებაში" აღწერილის შესაბამისად, მომსახურების გაწევის პერიოდში შეფასებულ ქონებაზე უნდა წარმოადგინოს ელექტრონულად დამოწმებული ანგარიში/დასკვნა. ელ. მისამართი: lia.bakashvili@tsu.ge

პრეტენდენტს უნდა გააჩნდეს საჯარო სექტორში განხორციელებული ანალოგიური ხასიათის სირთულისა და შინაარსის მქონე საშემფასებლო მომსახურების გაწევის შესახებ გამოცდილება - 01/01/2023 დან 01/01/2026-მდე პერიოდში არანაკლებ ორი შესრულებული პროექტი / ხელშეკრულება აღნიშნული პერიოდის თითოეულ წელზე.
აღნიშნულის დასადასტურებლად საკმარისია საქართველოს სახელმწიფო შესყიდვების ერთიანი ელექტრონული სისტემის ტენდერის უნიკალური ნომერის SPA/NAT /CMR ნომრების მითითება, სადაც შესაძლებელი იქნება მოთხოვნილი დოკუმენტების გადამოწმება

სატენდერო განცხადებების SPA/NAT/MEP/CMR… ნომრების მითითებით ცხრილის წარმოდგენის შემთხვევაში დოკუმენტი „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.

კომპანიის წევრებს, რომლებიც დაკავებული იქნებიან სატენდერო დოკუმენტაციის ტექნიკური დავალებით გათვალისწინებული სამუშაოების შესრულებაზე უნდა გააჩნდეთ:
1. სერთიფიცირებული აკრედიტირებული ორგანოს მიერ გაცემული მოძრავი ქონების შეფასების მოქმედი სერთიფიკატი.
2. სერთიფიცირებული აკრედიტირებული ორგანოს მიერ გაცემული უძრავი ქონების შეფასების მოქმედი სერთიფიკატი.
3. საჯარო სექტორში აუდიტორული მომსახურების გაწევის უფლების დამადასტურებელი სერთიფიკატი თანახმად საქართველოს კანონის „სახელმწიფო აუდიტის სამსახურის შესახებ“.
* აღნიშნული დოკუმენტი პრეტენდენტის მიერ წარმოდგენილი (ატვირთული) უნდა იყოს სატენდერო წინადადებასთან ერთად.
* შემფასებლების სერტიფიკატები მოქმედი უნდა იყოს ხელშეკრულების მოქმედების ვადის განმავლობაში, ხოლო ხელშეკრულების მოქმედების პერიოდში სერტიფიკატ(ებ)ის მოქმედების ვადის გასვლის შემთხვევაში, მიმწოდებელი ვალდებულია წარმოადგინოს პერსონალის ახალი სერტიფიკატ(ებ)ი, ან შემსყიდველთან შეთანხმებით ჩაანაცვლოს არსებული პერსონალი სხვა იმავე ან უკეთესი კვალიფიკაციის და გამოცდილების მქონე სერტიფიცირებული შემფასებლ(ებ)ით.

* საჯარო სექტორში აუდიტორული მომსახურების გაწევის უფლების დამადასტურებელი სერთიფიკატი მოთხოვნილია იმ დანიშნულებით, რომ პრეტენდენტს ჰქონდეს საჯარო სექტორში სამუშაოების შესრულების გამოცდილება.

პრეტენდენტი კომპანია რეგისტრირებული უნდა იყოს ვებგვერზე www.saras.gov.ge. აუდიტორული ფირმების სახელმწიფო რეესტრში,

პრეტენდენტმა უნდა ატვირთოს სატენდერო დოკუმენტაციის 1.3 ველში მოცემული სრულად შევსებული "ფასების ცხრილი", ფასების ცხრილის წარმოუდგენლობის ან მისი განუფასებლად წარმოდგენის შემთხვევაში, პრეტენდენტი დაექვემდებარება დისკვალიფიკაციას დაზუსტების გარეშე

ვინაიდან ხელშეკრულებით ნაკისრი ვალდებულების შესრულება დამოკიდებულია მხოლოდ პრეტენდენტის/ აუდიტორული კომპანიის ინტელექტუალურ ცოდნასა და გამოცდილებაზე, მიგვაჩნია, რომ ფასწარმოქმნის დეკვატურობის დასაბუთების შეფასება ობიექტურ კრიტერიუმებზე დაყრდნობით შეუძლებელია, ფასის ოდენობის დადგენა მიმწოდებლის პრეროგატივაა და დამატებით მისი ადეკვატურობის დასაბუთება საჭიროებას არ წარმოადგენს.
ყოველივე ზემოაღნიშნულიდან გამომდინარე, დისკრეციული უფლებამოსილების ფარგლებში, სატენდერო კომისია მიიჩნევს, რომ ამ კონკრეტულ შესყიდვაში არ გამოიყენოს ფასწარმოქმნის ადეკვატურობის დასაბუთება სსიპ სახელმწიფო შესყიდვების სააგენტოს თავმჯდომარის 2017 წლის 14 ივნისის N12-ე ბრძანების „ელექტრონული ტენდერის ჩატარების წესის დამტკიცების შესახებ“ მე-18 მუხლის მე-5 პუნქტის საფუძველზე.

ანგარიშსწორება მოხდება უნაღდო ანგარიშსწორების ფორმით ეროვნულ ვალუტაში, ეტაპობრივად.
ანგარიშსწორება იწარმოებს შემსყიდველსა და მიმწოდებელს შორის საშემფასებლო მომსახურებაზე წარმოდგენილი ,,შეთანხმების“, დასკვნის, შესაბამისი საგადახდო დოკუმენტის (თუ ,,მიმწოდებელი“ არის დღგ–ს გადამხდელი საგადასახდო ანფარიშ-ფაქტურის) და მიღება-ჩაბარების შუალედური აქტის საფუძველზე.

ანგარიშსწორება იწარმოებს შემსყიდველსა და მიმწოდებელს შორის მიღება-ჩაბარების შუალედური აქტისა და შესაბამისი ანგარიშ-ფაქტურის (ინვოისის) საფუძველზე, დოკუმენტაციის სრულყოფილი სახით წარმოდგენის შემდეგ 10 სამუშაო დღის განმავლობაში.

ლია ბაყაშვილი, 577578848, lia.bakashvili@tsu.ge

10.1.1. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. პრეტენდენტის მიერ შექმნილი და ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.