Одежда для профессионального использования, спецодежда и аксессуары (Грузия - Тендер #70924996)

პერსონალური დაცვის აღჭურვილობის (რესპირატორების, რესპირატორის კარტრიჯების და ერთჯერადი კომბინიზონების) სახელმწიფო შესყიდვა.

საქონლის აღწერა (ტექნიკური დავალება) და რაოდენობა:

1.2.1. მთლიანი სახის მრავალჯერადი რესპირატორი, თითოეულს უნდა ერგებოდეს (თავსებადი იყოს) და კომპლექტაციაში მოყვებოდეს კარტიჯ(ებ)ი. შესაძლებელი უნდა იყოს კარტრიჯ(ებ)ის და ფილტრ(ებ)ის მრავალჯერადი შეცვლა; სახის დამფარავი პოლიკარბონატის ლინზა უნდა უზრუნველყოფდეს გამჭვირვალობას და ხედვის ფართო არეალს; ლინზა არ უნდა იორთქლებოდეს და არ იჩხაპნებოდეს; უნდა გააჩნდეს ჯანმრთელობისთვის საზიანო ნაწილაკებისგან გაწმენდის ფუნქცია და საჰაერო მიწოდების სისტემა უნდა იყოს ორმხრივი ან ცალმხრივი, რესპირატორის კონსტრუქციიდან გამომდინარე, იმ პირობით, რომ უზრუნველყოფილი იყოს სუნთქვის შეუფერხებელი პროცესი; უნდა შეესაბამებოდეს შემდეგ სტანდარტს EN136:1998 Class 1 ან Class 2 ან Class 3;

რაოდენობა: 8.00 (რვა) ცალი.

1.2.2. კარტრიჯი, ABE +P3 დაცვით, უნდა შეესაბამებოდეს შემოთავაზებულ მრავალჯერადი გამოყენების მთლიანი სახის რესპირატორს; უნდა უზრუნველყოფდეს დაცვას კომბინირებული ორგანული ანაორთქლებისგან (დუღილის ტემპერატურა 65°C-ზე მეტი), არაორგანული გაზებისა და მჟავა ანაორთქლებისგან, ასევე მყარი და თხევადი აეროზოლური ნაწილაკებისგან (P ტიპი); უნდა შეესაბამებოდეს სტანდარტ(ებ)ს EN 14387:2004 + A1:2008.
შენიშვნა:
მოწოდებული უნდა იქნას 24 წყვილი ან 24 ცალი კარტრიჯი, რესპირატორის კონსტრუქციიდან გამომდინარე, ამასთან ფასების ცხრილში კონკრეტული განზომილება უნდა მიუთითოს პრეტენდენტმა, კერძოდ თუ შემოთავაზებულ მრავალჯერადი გამოყენების რესპირატორს (მთლიანი სახის) ექნება ორმხრივი საჰაერო მიწოდების სისტემა, განზომილებაში უნდა მიეთითოს წყვილი, ხოლო თუ შემოთავაზებულ მრავალჯერადი გამოყენების რესპირატორს (მთლიანი სახის) ექნება ცალმხრივი საჰაერო მიწოდების სისტემა, განზომილებაში უნდა მიეთითოს ცალი.

1.2.3. კომბინიზონი განკუთვნილი უნდა იყოს ერთჯერადი გამოყენებისათვის. დამზადებული უნდა იყოს მსუბუქი, სინთეზური მჭიდრო ქსოვილისაგან. სრულად უნდა ფარავდეს სხეულის ნაწილებს (ტანი, ხელები და ფეხები), წინა მხრიდან ელვა-შესაკრავით, რომელიც უნდა იკვრებოდეს ყელამდე. ელასტიური მანჟეტებით მაჯაზე, წელზე, კოჭზე და კაპიუშონზე, რომელიც უნდა უზრუნველყოფდეს კომბინიზონის სხეულთან მჭიდრო კონტაქტს. მუშაობის დროს უნდა იძლეოდეს თავისუფლად მოძრაობის საშუალებას. კომბინიზონი უნდა იყოს ანტისტატიკური (EN 1149), ბიოლოგიურად დაბინძურებული მყარი ნაწილაკების და სითხეების შეღწევის მიმართ მდგრადი (EN 14126). კომბინიზონზე შიგნიდან ან გარეთ მითითებული უნდა იყოს შესაბამისი ზომა. შეფუთვაზე გარედან დატანილი უნდა იყოს ინფორმაცია კომბინიზონის ზომის, რაოდენობის და მწარმოებლის შესახებ;

რაოდენობა: 1600.00 (ერთი ათას ექვსასი) ცალი.

შენიშვნა:
1. მოწოდებული საქონელი უნდა იყოს ახალი, უნაკლო და სრულად უნდა პასუხობდეს ტექნიკური დავალებით გათვალისწინებულ მოთხოვნებს.
2. მიმწოდებელი ვალდებულია უზრუნველყოს საქონლის ისეთი ტრანსპორტირება, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
3. ერთჯერადი კომბინიზონების ზომები მიწოდებამდე უნდა შეთანხმდეს შემსყიდველთან.
4. შესყიდვის ობიექტის სავარაუდო ნიმუშები ატვირთულია სატენდერო დოკუმენტაციის 1.2 პუნქტში (იხ.დანართი).

შესყიდვის ობიექტის მიწოდება უნდა განხორციელდეს ხელშეკრულების გაფორმებიდან 60 (სამოცი) კალენდარული დღის ვადაში.

1.5.1. მისაწოდებელი საქონელი უნდა აკმაყოფილებდეს სატენდერო დოკუმენტაციის 1.2 პუნქტით განსაზღვრულ ტექნიკურ პარამეტრებს;
1.5.2. საქონლის მიწოდება უნდა განხორციელდეს მიმწოდებლის ხარჯით შემსყიდველის შემდეგ მისამართზე: ქალაქი თბილისი, სამღერეთის ქუჩა N3 (შპს "ეკოსერვის ჯგუფი"-ს საწყობი, მიღება-ჩაბარებაზე უფლებამოსილი პირის მიერ მითითებული ოთახი - პირველი სართული).
1.5.3. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო საქონელი.
1.5.4. შემსყიდველი უფლებამოსილია მოახდინოს საქონლის ინსპექტირება და მისი სატენდერო დოკუმენტაციის მოთხოვნებთან შეუსაბამობის შემთხვევაში უარი თქვას მის მიღებაზე.
1.5.5. მიმწოდებელმა საქონლის მიწოდებისას უნდა წარმოადგინოს სასაქონლო ზედნადები, რომელშიც საქონლის დასახელება უნდა ემთხვეოდეს ხელშეკრულებაში მითითებულ საქონლის დასახელებას.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი კომპანია ან/და ბრენდი და მოდელი (მოდელი არსებობის შემთხვევაში (მოდელის არარსებობის შემთხვევაში პრეტენდენტმა უნდა მიეთითოს ტექსტი: ,,მოდელი არ გააჩნია")).
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.
2.1.1.3 იმ შემთხვევაში თუ პრეტენდენტის მიერ შემოთავაზებულ საქონელს არ გააჩნია მოდელი და პრეტენდენტი ფასების ცხრილში არ მიუთითებს ტექსტს ,,მოდელი არ გააჩნია", აღნიშნული დაზუსტებას არ დაექვემდებარება და გამოიწვევს მის დისკვალიფიკაციას.

პრეტენდენტმა უნდა წარმოადგინოს მის მიერ შემოთავაზებული საქონლის მწარმოებლის მიერ დადასტურებული ოფიციალური დოკუმენტი (უცხოენოვანის შემთხვევაში ქართულ ენაზე ნათარგმნი და ნოტარიულად დამოწმებული), ან/და მწარმოებლის ოფიციალური ვებ-გვერდის ლინკი, რომლითაც დადასტურდება, რომ მის შემოთავაზებული საქონელი აკმაყოფილებს სატენდერო პირობების 1.2 პუნქტში მითითებულ შესაბამის სტანდარტებს;

პრეტენდენტის მიერ ერთიან ელექტრონულ სისტემაში ასატვირთი მონაცემები:

2.9.1. პრეტენდენტმა უნდა წარმოადგინოს ფასების ცხრილი სატენდერო დოკუმენტაციის დანართი N1-ს შესაბამისად და სატენდერო დოკუმენტაციის 2.1.1 პუნქტის მოთხოვნათა გათვალისწინებით (ფასების ცხრილის წარმოუდგენლობა, ან ისეთი ფასების ცხრილის წარმოდგენა, რომელშიც განუფასებელი პოზიციების რაოდენობა აღემატება განსაფასებელი პოზიციების 5%-ს, ასევე, სატენდერო დოკუმენტაციის 2.1.1 პუნქტით განსაზღვრული მოთხოვნების ფასების ცხრილში გაუთვალისწინებლობა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).
2.9.2. პრეტენდენტმა უნდა წარმოადგინოს მის მიერ შემოთავაზებული საქონლის მწარმოებლის მიერ დადასტურებული ოფიციალური დოკუმენტი (უცხოენოვანის შემთხვევაში ქართულ ენაზე ნათარგმნი და ნოტარიულად დამოწმებული), ან/და მწარმოებლის ოფიციალური ვებ-გვერდის ლინკი, რომლითაც დადასტურდება, რომ მის მიერ შემოთავაზებული საქონელი აკმაყოფილებს სატენდერო პირობების 1.2 პუნქტში მითითებულ შესაბამის სტანდარტებს;

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
7.2.2 ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში.
7.2.3 დაფინანსების წყარო: შპს ,,ეკოსერვის ჯგუფი“-ს 2026 წლის სახსრები.
7.2.4 ანგარიშსწორება განხორციელდება ფაქტობრივად მოწოდებული საქონლის ღირებულების შესაბამისად, მიღება–ჩაბარების აქტისა და ინსპექტირების დადებითი დასკვნის საფუძველზე, სასაქონლო ზედნადებისა და საგადასახადო ანგარიშ–ფაქტურის (ანგარიშსწორების მომენტში დღგ-ს გადამხდელის შემთხვევაში) მიმწოდებლის მიერ შემსყიდველისთვის წარდგენის შემდეგ.
შენიშვნა: იმ შემთხვევაში თუ მიმწოდებლის მიერ წარმოდგენილ სასაქონლო ზედნადებში მითითებული საქონლის დასახელება არ ემთხვევა ხელშეკრულებაში მითითებულ საქონლის დასახელებას, შემსყიდველი უფლებამოსილია არ აუნაზღაუროს მიმწოდებელს მიწოდებული საქონლის ღირებულება.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო ყველა დოკუმენტაციის წარმოდგენიდან 10 (ათი) სამუშაო დღის ვადაში.

გელა იაკობაშვილი, 577095553, gelaiakobashvili7@gmail.com სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.

10.1.1 ელექტრონულ ტენდერთან დაკავშირებული ყველა დოკუმენტი წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4 ყველგან თუკი სადმე მითითებულია კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება ,,მსგავსი“ ან ,,ექვივალენტური
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.