Типографские услуги и связанные с ними услуги (Грузия - Тендер #70901859)

შესყიდვის ობიექტს წარმოადგენს მკაცრი აღრიცხვის დოკუმენტების ბეჭდვა და ადგილზე მიწოდების მომსახურება (შემდგომში „მომსახურება“).

1 000 000 (ერთი მილიონი) ცალი საავადმყოფო ფურცელი, რომლის მახასიათებლებია:
1. ფორმატი: A4;
2. წონა: 80-82 გ/მ2.;
3. ფერი: თეთრი, მწვანე;
4. გამოსახულება: 3 ინდივიდუალური ექვსნიშნა ნუმერაცია, მათგან 2 ულტრაიისფერი სხივების ქვეშ გამოსცემს ლუმინისცენციას;
5. დამცავი გლიოშერული ბადეები, ბადეების სამი სახის ერთდროული გამოყენებით;
6. ხაზის მაგივრად გამოიყენება მიკროტექსტი;
7. ინდივიდუალური ექვსნიშნა ნუმერაციით, უნდა იწყებოდეს N 3 500 0001-დან;
8. სფს-ს რეგისტრაციის #55-4515 (მესამე კატეგორია, მარტივი ტიპის).
თანდართული ტექნიკური დავალებისა და ნიმუშის შესაბამისად.

დამატებითი პირობები:
- საავადმყოფო ფურცლის დიზაინი და დაკაბადონება ბეჭდვამდე „მიმწოდებელმა“ უნდა შეუთანხმოს „შემსყიდველს“.
- „მიმწოდებელი“ უნდა აკმაყოფილებდეს ,,მკაცრი აღრიცხვის ფორმების შესახებ” საქართველოს კანონით გათვალისწინებულ მოთხოვნებს.
- „მიმწოდებელი“ ვალდებულია გაითვალისწინოს დროებითი შრომისუუნარობის ექსპერტიზის ჩატარების და საავადმყოფო ფურცლის გაცემის წესის შესახებ საქართველოს შრომის, ჯანმრთელობისა და სოციალური დაცვის მინისტრის 2007 წლის 25 სექტემბრის # 281/ნ ბრძანებით დამტკიცებული ყველა მოთხოვნა.

ეტაპობრივი, "შემსყიდველის" მოთხოვნის შესაბამისად 15 კალენდარული დღის ვადაში, 2026 წლის 1 დეკემბრამდე.

თბილისი, კახეთის გზატკეცილი. #99.

"მიმწოდებელი" ვალდებულია წარმოადგინოს „მკაცრი აღრიცხვის ფორმების შესახებ“ საქართველოს კანონის მუხლი 6-ის 5¹ პუნქტით გათვალისწინებული დოკუმენტი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს ან შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ან პრეტენდენტმა უნდა წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2023 წლის 1 იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

ანგარიშსწორება განხორციელდება უნაღდო ანგარიშსწორებით ლარში. „მიმწოდებლის“ საბანკო ანგარიშზე თანხის ჩარიცხვის გზით ფაქტობრივად გაწეული მომსახურების შესაბამისად.

ანგარიშსწორება განხორციელდება მიღება-ჩაბარების აქტის გაფორმების საფუძველზე 10 (ათი) სამუშაო დღის ვადაში.

ნინო აბაზაშვილი, 595584580, nino.abazashvili@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით „პრეტენდენტი“ ავტომატურად გამოხატავს თანხმობას და უზრუნველყოფს ამ პუნქტის „ა“-„ე“ქვეპუნქტებში განსაზღვრულ მოთხოვნების შესრულებას:
ა. სატენდერო წინადადება უნდა იყოს ელექტრონულად დამოწმებული „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნების შესაბამისად.
ბ. სატენდერო წინადადების წარმოდგენა დასაშვებია უცხო ენაზე, ასეთ შემთხვევაში სატენდერო დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.
გ. სატენდერო წინადადებაში საერთო ფასი (ეროვნული ვალუტა) გამოსახული უნდა იყოს, საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
დ. „მიმწოდებლის“ მიერ სავალდებულოდ წარმოსადგენი დოკუმენტია: პუნქტები 1.3, და 2.7.1 განსაზღვრული დოკუმენტები.
ე. წარმოდგენილ ფასების ცხრილში, ერთეულის ღირებულება (ლარი) უნდა განისაზღვროს მეასედის სიზუსტით.