Фармацевтические продукты (Грузия - Тендер #70901858)

„იმუნიზაციის“ სახელმწიფო პროგრამის „სპეციფიკური შრატებისა და ვაქცინების შესყიდვის“ კომპონენტის ფარგლებში გველის შხამის საწინააღმდეგო შრატის შესყიდვა.

გველის შხამის საწინააღმდეგო შრატი უნდა გამოიყენებოდეს საქართველოში გავრცელებული შხამიანი გველებიდან (გიურზა, კავკასიური გველგესლა, ცხვირრქოსანი გველგესლა, ველის გველგესლა) მინიმუმ 3-ის საწინააღმდეგოდ, რომელთაგან ერთი აუცილებლად უნდა იყოს გიურზას საწინააღმდეგო მოქმედების. შრატის აქტიური ნივთიერება უნდა შეიცავდეს ცხენის იმუნოგლობულინის მოლეკულების ფრაგმენტებს F(ab)2.

რაოდენობა: 180 ფლაკონი.

შენიშვნა: პრეპარატი უნდა გამოიყენებოდეს ნებისმიერი ასაკის და კატეგორიის პირებში.

„საქონლის“ მოწოდება უნდა განხორციელდეს ორ ეტაპად: პირველ ეტაპზე - 30 ფლაკონი ხელშეკრულების გაფორმებიდან 45 დღეში და მეორე ეტაპზე 150 ფლაკონი არაუგვიანეს 2026 წლის 30 ნოემბრისა.

INCOTERMS-2010-ით დადგენილი წესების თანახმად, DDP საწყობის პირობით, კახეთის გზატკეცილი #99;
„საქონელი“ უნდა იყოს წარმოდგენილი მწარმოებლის შესაბამისი ორიგინალი შეფუთვით და მწარმოებლის მიერ დადგენილი შენახვის პირობების დაცვით;
„საქონლის“ უვარგისობის შემთხვევაში „მიმწოდებელი“ სრულად და დროულად უზრუნველყოფს უვარგისი პროდუქციის შეცვლას, ამასთან აანაზღაურებს შესაძლო მიყენებულ ზარალს.

პირველ ეტაპზე მოწოდებული შრატის ვარგისიანობის ვადა მოწოდების მომენტისთვის უნდა იყოს არანაკლებ 1 წელი, ხოლო მეორე ეტაპზე მოწოდებული შრატის - არანაკლებ 2028 წლის 01 აპრილისა.

მისაწოდებელი „საქონლის“ ხარისხი უნდა შეესაბამებოდეს სატენდერო წინადადებით წარმოდგენილ ინფორმაციას, კერძოდ: „საქონელი“ უნდა იყოს წარმოდგენილი ორიგინალი მწარმოებლის შეფუთვით, უნდა შეესაბამებოდეს ფასების ცხრილში მითითებულ მახასიათებლებს, ასევე გათვალისწინებული უნდა იყოს ყველა ის გარემოება, რამაც შეიძლება ხარისხზე გავლენა მოახდინოს.

შესყიდვის ობიექტის უხარისხობის/წუნდების შემთხვევაში „შემსყიდველი“ წერილობით აცნობებს „მიმწოდებელს“ წუნდების მიზეზების მითითებით. „მიმწოდებელი“ საკუთარი სახსრებით უზრუნველყოფს შესყიდვის ობიექტის ნაკლის აღმოფხვრას ან შეცვლას გონივრულ ვადაში (30 კალენდარული დღის ვადაში) „შემსყიდველის“ ინტერესების გათვალისწინებით, შემსყიდველის მხრიდან დამატებითი დანახარჯის გაწევის გარეშე.

მწარმოებელი კომპანიის და წარმოშობის ქვეყნის შესახებ ინფორმაცია წარმოდგენილი უნდა იქნას ფასების ცხრილის შესაბამისად.

1. პრეტენდენტმა უნდა წარმოადგინოს:
დოკუმენტი მისაწოდებელი „საქონლის“ საქართველოში რეგისტრაციის შესახებ;
ან
წერილობითი ვალდებულება რომ მოწოდებამდე განახორციელებს „საქონლის“ რეგისტრაციას;
ან
წერილობითი ვალდებულება რომ საქართველოს შრომის, ჯანმრთელობისა და სოციალური დაცვის სამინისტროში წარადგენს შესაბამის დოკუმენტებს, რაც აუცილებელია „შემსყიდველის“ შუამდგომლობის საფუძველზე, ერთჯერად იმპორტზე საქართველოს შრომის, ჯანმრთელობისა და სოციალური დაცვის სამინისტროდან შესაბამისი ნებართვის მისაღებად;

2. პრეტენდენტმა უნდა წარმოადგინოს „საქონლის“ ინსტრუქცია (უცხო ენაზე წარმოდგენის შემთხვევაში ნათარგმნი ქართულ ენაზე და ნოტარიულად დამოწმებული).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2022 წლის პირველი იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

უნაღდო ანგარიშსწორება ლარში, „მიმწოდებლის“ საბანკო ანგარიშზე თანხის ჩარიცხვის გზით. „საქონლის“ მიწოდების შემდეგ, "მიღება-ჩაბარების" აქტის საფუძველზე.

"მიღება-ჩაბარების აქტის" გაფორმებიდან არაუგვიანეს 20 სამუშაო დღისა.

ნინო მარჯანიძე, 593689988, nino.marjanidze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების ტექნიკური დოკუმენტაციისა და სატენდერო წინადადების ფასი წარდგენით „პრეტენდენტი“ ავტომატურად გამოხატავს თანხმობას და უზრუნველყოფს ამ პუნქტის „ა“-ვ“ ქვეპუნქტებში განსაზღვრულ მოთხოვნების შესრულებას:

ა. სატენდერო წინადადება უნდა იყოს ელექტრონულად დამოწმებული „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნების შესაბამისად.
ბ. სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
გ. ანგარიშსწორება განხორციელდება უნაღდო ანგარიშსწორებით, ლარში, ფაქტობრივად გაწეული „მომსახურების“ შესაბამისად. მიღება-ჩაბარების აქტის საფუძველზე, გაფორმებიდან და საგადასახადო ანგარიშ-ფაქტურის წარმოდგენიდან 20 (ოცი) სამუშაო დღის განმავლობაში.
დ. პრეტენდენტის მიერ სატენდერო წინადადების (დოკუმენტაცია) წარმოდგენა დასაშვებია უცხო ენაზე, ასეთ შემთხვევაში სატენდერო დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.
ე. ფასების ცხრილში ერთეულის ღირებულება უნდა განისაზღვროს მეასედის სიზუსტით.
ვ. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია, მოთხოვნიდან 2 სამუშაო დღის ვადაში წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2022 წლის პირველი იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.