Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #70901815)

"KARCHER"-ის ფირმის წარმოების მტვერსასრუტების, ავტოსატრანსპორტო საშუალებების მაღალი წნევით რეცხვის და ქიმწმენდის აპარატების შეკეთება და ტექნიკური მომსახურება.

ტექნიკური დავალება: იხილეთ მიბმული ფაილი (პრეისკურანტი) 1.3 პუნქტში.

მომსახურების გაწევის აუცილებელი და სავალდებულო პირობები:

- დაზიანებული ნაწილი უნდა შეიცვალოს ახალი (არა მეორადი) სათადარიგო ნაწილით. მეორადი სათადარიგო ნაწილის გამოყენება შესაძლებელია მხოლოდ შემსყიდველთან შეთანხმებით. მოცემულ შემთხვევაში, მეორადი სათადარიგო ნაწილის ფასი განისაზღვრება მხარეთა ურთიერთშეთანხმების საფუძველზე საბაზრო ფასის გათვალისწინებით;

- შეცვლილი სათადარიგო ნაწილი მიმწოდებელმა უნდა გადასცეს შემსყიდველს;

- მომსახურება გაწეულ უნდა იქნეს თითოეულ კონკრეტულ შემთხვევაზე დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი;

- მომსახურების გაწევის პერიოდში მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი.

შენიშვნა: პრეისკურანტში, საცხებ-საპოხი მასალისთვის განსაზღვრული ერთეული მომსახურების სავარაუდო ღირებულების შესაბამის გრაფაში მითითებული ტარიფი გულისხმობს ერთჯერადად გაწეული მომსახურების ღირებულებას და არ არის დამოკიდებული მომსახურების გაწევისას გამოსაყენებელი საცხებ-საპოხი მასალის რაოდენობაზე/მოცულობაზე.

მომსახურების გაწევის ვადები: მომსახურება უნდა განხორციელდეს 2026 წლის 01 აპრილიდან 2027 წლის 31 მარტის ჩათვლით, ეტაპობრივად, შემსყიდველის მოთხოვნის შესაბამისად - შემსყიდველის მიერ მიმწოდებლის სერვის-ცენტრში შესაკეთებელი ტექნიკის მიტანიდან არაუგვიანეს 15 სამუშაო დღის განმავლობაში (დეფექტური აქტი შედგენილი უნდა იქნას აღნიშნულ ვადაშივე).

შემსყიდველის მხრიდან მოთხოვნა/შეტყობინება ტექნიკის შეკეთების საჭიროების შესახებ შესაძლებელია განხორციელდეს ელ-ფოსტაზე გაგზავნილი შეტყობინებით, ან ოფიციალური წერილის სახით. მიმწოდებელი ვალდებულია შეტყობინების მიღებიდან არაუგვიანეს მომდევნო სამუსაო დღისა უზრუნველყოს შესაკეთებელი ტერქნიკის სერვის-ცენტრში მიღება (აღნიშნულის დამადასტურებელი დოკუმენტის შედგენის უზრუნველყოფით) მომსახურების გაწევის მიზნით.

მომსახურების გაწევის ადგილი: ქ. თბილისი, მიმწოდებლის სერვის ცენტრი.

შესაკეთებელი ტექნიკის მიმწოდებლის სერვის-ცენტრში და შეკეთების შემდგომ უკან ტრანსპორტირებას უზრუნველყოფს შემსყიდველი.

შეცვლილი სათადარიგო ნაწილების საგარანტიო ვადა:

ელექტრო და მექნიკურ ნაწილებზე არანაკლებ 3 (სამი) თვე, - გაწეულ მომსახურებაზე მიღება-ჩაბარების აქტის გაფორმებიდან;

გარანტია არ ვრცელდება აქსესუარებზე, გარდა ქარხნული წუნის გამოვლინების შემთხვევებისა.

გაწეულ მომსახურებაზე საგარანტიო პერიოდის განმავლობაში გამოვლენილი ხარვეზის ან ნაკლის გამოსწორება მიმწოდებელმა უნდა უზრუნველყოს საკუთარი ხარჯებით (შემსყიდველი უზრუნველყოფს შესაკეთებელი ტექნიკის სერვის ცენტრში მიტანას, ხოლო უკან ტრანსპორტირებას შეკეთების შემდგომ უზრუნველყოფს მიმწოდებელი საკუთარი ხარჯებით), მიმწოდებლის სერვის-ცენტრში შესაკეთებელი ტექნიკის მიტანიდან არაუგვიანეს 5 (ხუთი) კალენდარული დღის განმავლობაში.

შემსყიდველის მხრიდან მოთხოვნა/შეტყობინება ტექნიკის შეკეთების საჭიროების შესახებ შესაძლებელია განხორციელდეს ელ-ფოსტაზე გაგზავნილი შეტყობინებით, ან ოფიციალური წერილის სახით. მიმწოდებელი ვალდებულია შეტყობინების მიღებიდან არაუგვიანეს მომდევნო სამუშაო დღისა უზრუნველყოს შესაკეთებელი ტერქნიკის სერვის-ცენტრში მიღება (აღნიშნულის დამადასტურებელი დოკუმენტის შედგენის უზრუნველყოფით) მომსახურების გაწევის მიზნით.

შენიშვნა: საგარანტიო ვადის შესახებ ინფორმაციის წარმოდგენისას პრეტენდენტი ვალდებულია დააკონკრეტოს საგარანტიო პერიოდი.

2.8.1.1. ქვეკონტრაქტორ(ებ)ის არსებობის შემთხვევაში, პრეტენდენტმა სატენდერო წინადადებასთან ერთად უნდა წარმოადგინოს:

ა) მხარეთა შორის გაფორმებული ხელშეკრულებ(ები)ა (წარმოდგენილ ხელშეკრულებაში, ხელშეკრულების საგანში გარკვევით უნდა იკითხებოდეს (ტექსტის შინაარსიდან ირვეოდეს) ინფორმაცია წინამდებარე ტენდერით განსაზღვრული ანალოგიური მომსახურების გაწევის თაობაზე. ამასთანავე, სავალდებულოა რომ ხელშეკრულების მოქმედების (შესრულების) ვადა იყოს არაუადრეს 2027 წლის 31 მარტისა.

ბ) ქვეკონტრაქტორ(ებ)ის სერვის-ცენტრ(ებ)ის საკუთრების და/ან სარგებლობის უფლების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი). ამასთან, თუ სერვის-ცენტრი მეიჯარეს აქვს იჯარით, იჯარის ვადა შესაბამისი ხელშეკრულებით განსაზღვრული უნდა იყოს არაუადრეს 2027 წლის 31 მარტისა. ამასთან, სერვის-ცენტრის იჯარის შემთხვევაში უნდა იქნას წარმოდგინილი როგორც იჯარის ხელშეკრულება და განახლებული საჯარო რეესტრის ამონაწერი. ასევე ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე.

შენიშვნა:

- პრეტენდენტმა უნდა წარმოადგინოს წინამდებარე ტენდერის გამოცხადების შემდგომი თარიღით განახლებული საჯარო რეესტრის ამონაწერი;

- ქვეკონტრაქტორის გამოუყენებლობის შემთხვევაში, პრეტენდენტი ვალდებულია წარმოადგინოს ინფორმაცია აღნიშნულის თაობაზე;

2.9.1. პრეტენდენტი ვალდებულია წარმოადგინოს შემდეგი ინფორმაცია/დოკუმენტაცია:

ა) ინფორმაცია მომსახურების გასაწევად შემოთავაზებული სერვის-ცენტრ(ებ)ის (ასეთის არსებობის შემთხვევაში) ადგილმდებარეობის შესახებ (შესაბამისი მისამართ(ებ)ის მითითებით). ამასთან ერთად, შემოთავაზებული სერვის-ცენტრის საკუთრების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი) - იმ შემთხვევაში, თუ სერვის-ცენტრი წარმოადგენს პრეტენდენტის საკუთრებას;

ბ) იჯარის ხელშეკრულება, რომლის მიხედვითაც იჯარის ვადა უნდა იყოს არაუადრეს 2027 წლის 31 მარტისა - იმ შემთხვევაში, თუ სერვის-ცენტრი პრეტენდენტს აქქვს სარგებლობის უფლებით.
ასევე, ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე (განახლებული საჯარო რეესტრის ამონაწერი და ა.შ.);

შენიშვნა: პრეტენდენტმა უნდა წარმოადგინოს წინამდებარე ტენდერის გამოცხადების შემდგომი თარიღით განახლებული საჯარო რეესტრის ამონაწერი.

2.9.2. სატენდერო წინადადების ფასი:

ა) პრეისკურანტის ღირებულება წარმოდგენილი უნდა იყოს 1.3 პუნქტში მოცემული პრეისკურანტის ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და პრეისკურანტ(ებ)ის თითოეულ პოზიციაზე მითითებული სავარაუდო მაქსიმალური ერთეულის ფასისა. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ბ) სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
გ) ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო სავარაუდო ღირებულებასთან მიმართებით;
დ) პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად (უცვლელი პროცენტული მნიშვნელობით) უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

2.9.3. პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა აღნიშნულ პოზიციაზე სატენდერო პირობებით განსაზღვრულ ერთეულის სავარაუდო ფასთან მიმართებაში გამოიწვევს პრეტენდენტის დისკვალიფიკაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის პრეისკურანტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება, რისთვისაც შემსყიდველის მიერ განესაზღვრება არაუმეტეს 3 (სამი) სამუშაო დღე. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.

ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში.

წინამდებარე ტენდერით გაფორმებული ხელშეკრულების ფარგლებში გაწეული ტექ-მომსახურების ანაზღაურება განხორციელდება 2026-2027 წლების სახსრებით, მათ შორის:

ა) 2026-2027 წლების სახელმწიფო ბიუჯეტი - 15000 ლარი, მათ შორის: 2026 წლის სახელმწიფო ბიუჯეტი - არაუმეტეს 11250 ლარი, 2027 წლის სახელმწიფო ბიუჯეტი - არაუმეტეს 3750 ლარი;

ბ) BP-სგან მიღებული გრანტი - 10000 ლარი, მათ შორის 2026 წლის დაფინანსების ფარგლებში - 7500 ლარი, 2027 წლის დაფინანსების ფარგლებში - 2500 ლარი;

ანგარიშსწორება შემსყიდველის მიერ მოხდება ფაქტობრივად მოწოდებული შესყიდვის ობიექტის მიხედვით. შს სამინისტროს შესაბამისი სამსახურის მიერ მიღება–ჩაბარების აქტის ხელმოწერის და ანგარიშსწორებისათვის საჭირო დოკუმენტაციის შსს ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ავთანდილი ბუხრაშვილი, 595016533, a.bukhrashvili@mia.gov.ge

10.1.1 სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ტექნიკური დოკუმენტაცია უნდა იყოს წარმოდგენილი PDF ფაილის ფორმატში და მათზე უფლებამოსილი პირის მიერ შესრულებული უნდა იყოს კვალიფიციური ელექტრონული ხელმოწერა ან/და დამოწმებული უნდა იყოს კვალიფიციური ელექტრონული შტამპით (გარდა პრეისკურანტის "Excel" ფაილის ფორმატში წარმოდგენისა და სატენდერო დოკუმენტაციის 4.1.1 პუნქტით მოთხოვნილი დოკუმენტებისა). ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს ნოტარიალურად დამოწმებული შესაბამისი ქართულენოვანი თარგმანები.

10.1.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.3. პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.1.4. პრეტენდენტის მიერ ერთიან ელექტრონულ სისტემაში ასატვირთი დოკუმენტები:

ა)"პრეისკურანტი" - სატენდერო დოკუმენტაციის 2.9.2 პუნქტის მოთხოვნების დაცვით (აღნიშნული დოკუმენტის წარმოუდგენლობა, ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

ბ) სატენდერო დოკუმენტაციის 1.7.1, 2.8.1 და 2.9.1 პუნქტების მოთხოვნებით გათვალისწინებული ინფორმაცია/დოკუმენტაცია (შენიშვნა:საგარანტიო პირობებისა და სერვის-ცენტრის მისამართის შესახებ ინფორმაციისა და ასევე, წინამდებარე ტენდერის ფარგლებში ქვეკონტრაქტორის გამოუყენებლობის შემთხვევაში აღნიშნულის თაობაზე ინფორმაციის მითითება შესაძლებელია PDF ფაილის ფორმატში წარმოდგენილ პრეისკურანტში).

გ) 4.1.1 პუნქტით გათვალისწინებული დოკუმენტაცია - შემსყიდველის მოთხოვნის საფუძველზე, პრეისკურანტის სავარაუდო ღირებულებასტან მიმართებით 20%-ით ან მეტით ფასის კლების განხორციელების შემთხვევაში.