Текстильные изделия (Грузия - Тендер #70857159)

“2020–2030 წლებისთვის საქართველოს ახალგაზრდული პოლიტიკის კონცეფციის” ერთ-ერთი მნიშვნელოვანი მიმართულებაა ახალგაზრდებისთვის რეკრეაციული ინფრასტრუქტურისა და სერვისების ხელმისწვდომობის გაზრდა, რაც მოიცავს ახალგაზრდული ბანაკების ინფრასტრუქტურის განვითარებასა და ხარისხიანი საბანაკე პროგრამების დანერგვასა და განხორციელებას. გარდა ამისა, “საქართველოს ახალგაზრდული სტრატეგია 2023-2026”-ის პირველი მიზანია “ახალგაზრდების განვითარებისა და მათი პოტენციალის გამოვლენის ხელშეწყობა”, რომლის მიღწევის ერთ-ერთი საუკეთესო პრაქტიკა არის ხარისხიანი საბანაკე სერვისების ხელმისაწვდომობის ზრდა. საბანაკე პროგრამები ახალგაზრდებს შესაძლებლობას აძლევს, გამოავლინონ საკუთარი პოტენციალი, ჩაერთონ მათთვის საინტერესო აქტივობებში, მოახდინონ სოციალიზაცია და ა.შ. ზემოაღნიშნული მიზნის მისაღწევად, სსიპ “ახალგაზრდობის სააგენტო”, ახალგაზრდული ღონისძიებების ხელშეწყობის“ პროგრამის ფარგლებში, ზუგდიდის მუნიციპალიტეტის სოფელ ანაკლიაში გეგმავს ახალგაზრდული ბანაკის განხორციელებას, რომლის მონაწილეებიც იქნებიან ბავშვები და ახალგაზრდები. შესყიდვის ობიექტს წარმოადგენს აღნიშნული ბანაკის განხორციელების პროცესში მონაწილეთა, საწოლის თეთრეულის და პლედების, ასევე საწმენდი ტილოებისა და თოკების შესყიდვა.

1.2.1 შესყიდვის ობიეტის აღწერილობა:

1. საწოლის თეთრეული - ერთსაწოლიანი თეთრეულის კომპლექტი, ქსოვილის შემადგენლობა: არანაკლებ 50% ბამბის ბოჭკოვანი ქსოვილი. ზომა: ზეწარი - 1.5მX2მ, კონვერტი - 1.5მX2მ, ბალიშისპირი - 0.5მX0.7მ (ერთ მხარეს ბალიშისპირს უნდა ჰქონდეს გადაკეცილი კონვერტი არანაკლებ 15 სმ). ქსოვილს რეცხვისას ფერი არ უნდა გადასდიოდეს (ფერები შემსყიდველთან შეთანხმებით, მაქსიმუმ 3 ფერი) - 600 ცალი.

2. პლედები - ქსოვილი არანაკლებ 50% შალი, ზომა - 140X200, დამუშავება ავერლოკით, წონა არანაკლებ 1800 გრ. ფერი შემსყიდველთან შეთანხმებით - 20 ცალი.

3. ჩვარი ლურჯი - მაგიდის საწმენდი, შემადგენლობა- მიკრობოჭკოვანი ქსოვილი (ე.წ. მიკროფიბრა), უნდა იყოს რბილი და გააჩნდეს წყლის მაქსიმალური შეწოვების უნარი, ზომები: არანაკლებ 40X40 სმ -70 ცალი.

4. იატაკის დასამუშავებელი პირსახოცი (ტილო) - შემადგენლობა: მიკრობოჭკოვანი ქსოვილი (ე.წ. მიკროფიბრა), უნდა ჰქონდეს კარგი შეწოვის უნარი, ზედაპირზე არ უნდა ტოვებდეს ქსოვილის ბუსუსებს. ზომა არანაკლებ 80X50სმ. რბილი და სქელი, გათავალისწინებული მრავალჯერადი გამოყენებისთვის - 60 ცალი.

5. კაპრონის თოკი - 20 მეტრიანი, ფერი შემსყიდველთან შეთანხმებით - 20 ცალი.

საქონლის მიწოდება უნდა განხორციელდეს ერთ ეტაპად, ხელშეკრულების გაფორმებიდან 2026 წლის 20 მაისის ჩათვლით.

1.5.1 მისაწოდებელი საქონელი უნდა აკმაყოფილებდეს სატენდერო დოკუმეტაციის 1.2 პუნქტით განსაზღვრულ ტექნიკურ მახასიათებლებს;

1.5.2. საქონლის მიწოდება უნდა განხორციელდეს მიმწოდებლის ხარჯით შემსყიდველის მისამართზე: ქ. თბილისი, ვაჟა-ფშაველას გამზ. N76ბ, სსიპ "ახალგაზრდობის სააგენტოს" ადმინისტრაციული შენობა.

1.5.3. მიმწოდებელი ვალდებულია გადასცეს შემსყიდველს ახალი, უფლებრივად და ნივთობრივად უნაკლო საქონელი, რომელიც სრულად უნდა შეესაბამებოდეს სატენდერო დოკუმეტაციის 1.2 პუნქტით განსაზღვრულ ტექნიკურ მახასიათებლებს.

1.5.4. შემსყიდველი უფლებამოსილია მოახდინოს საქონლის ინსპექტირება და მისი სატენდერო დოკუმენტაციის მოთხოვნებთან შეუსაბამობის შემთხვევაში უარი თქვას მის მიღებაზე;

3.1.1.1 პრეტენდენტი ვალდებულია უზრუნველყოს შემსყიდველ ორგანიზაციაში, სატენდერო დოკუმენტაციის 1.3 პუნქტში ატვირთული ფასების ცხრილის ყველა პოზიციების თითო-თითო ნიმუშის წარმოდგენა.
3.1.1.2 პრეტენდენტის მიერ წარდგენილი შესყიდვის ობიექტის ნიმუშები დაზუსტებას არ ექვემდებარება.

ქ. თბილისი, ვაჟა-ფშაველას გამზ. 76ბ. სსიპ "ახალგაზრდობის სააგენტოს" ადმინისტრაციული შენობა.

1.იმ შემთხვევაში თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება მოხდება სრულად მოწოდებული საქონლის შესაბამისად, უნაღდო ანგარიშსწორებით ლარში.

ანგარიშსწორება მოხდება მხარეებს შორის მიღება-ჩაბარების აქტის გაფორმებისა და ანგარიშ-ფაქტურის გამოწერიდან (დღგ-ს გადამხდელის შემთხვევაში) 10 (ათი) სამუშაო დღის ვადაში.

ქეთევან გელაშვილი, 551215857, kgelashvili43@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული პრეტენდენტის მიერ შექმნილი დოკუმენტები და/ან ინფორმაცია (გარდა ხარჯთაღრიცხვისა) უნდა იქნას ელექტრონულად ხელმოწერილი შესაბამისი უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ მის მიერ შექმნილ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. „სახელმწიფო შესყიდვის განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმწიფო შესყიდვების სააგენტოს მიერ დადგენილი სახელმძღვანელო ინსტრუქცია). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
სხვა დამატებითი დოკუმენტაცია/ინფორმაცია, რომელიც არ არის პრეტენდენტის მიერ შექმნილი, მათ შორის, გეგმები და პროექტის ნახაზები, დასკვნები, MAF, უცხოური დოკუმენტების თარგმანი, ექსპერტიზის დასკვნები, აკრედიტაცია/ნებართვა, ხელშეკრულება, მიღება-ჩაბარების აქტები, დიპლომი/სიგელი/სერთიფიკატი, ტექპასპორტი, ფოტოსურათი, ესკიზი და სხვა, მათ დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
სახელმწიფო შესყიდვების ერთიან ელექტრონულ სისტემაში პრეტენდენტის მიერ შექმნილი ყველა დოკუმენტი (წინადადების სახით) ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი უნდა იქნას Excel-ის ფორმატის სახით.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ პრეისკურანტში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.