Медицинские услуги (Грузия - Тендер #70834959)

საქართველოს მთავრობის 2025 წლის 31 დეკემბრის N655 დადგენილებით დამტკიცებული „დედათა და ბავშვთა ჯანმრთელობის“ 2026 წლის სახელმწიფო პროგრამის „გენეტიკური პათოლოგიების ადრეული გამოვლენის“ კომპონენტის ფარგლებში, სამედიცინო მომსახურების შესყიდვა.

1.2.1. შესყიდვის მიზანს წარმოადგენს გენეტიკური პათოლოგიების ადრეული გამოვლენა:
ა) გენეტიკურ პათოლოგიებზე სკრინინგული გამოკვლევა სამმაგი ტესტსისტემით;
ბ) სკრინინგით ვერიფიცირებული ორსულების ინვაზიური კვლევა (ამნიოცენტეზი) კარიოტიპირების მეთოდით.
1.2.2. კომპონენტით გათვალისწინებული მომსახურების მიმწოდებლისათვის სავალდებულოა პროგრამის მე-9 მუხლის (დამატებითი პირობები) მე-7 პუნქტით გათვალისწინებული მომსახურებების არსებობა/ მოთხოვნების დაკმაყოფილება;
1.2.3. მიმწოდებელმა უნდა უზრუნველყოს ქ. თბილისის მასშტაბით არსებული ქალთა კონსულტაციებიდან (ან შესაბამისი ანტენატალური მომსახურების მიმწოდებელთან) საანალიზო მასალის რეგულარული შეგროვება და მოსარგებლეთა დროული ინფორმირება. ამ პუნქტით განსაზღვრული ინფორმაციის/დოკუმენტების წარმოდგენისას, მიმწოდებელმა უნდა მიუთითოს ქ. თბილისის მასშტაბით არსებული ქალთა კონსულტაციების ან შესაბამისი ანტენატალური მომსახურების მიმწოდებლის სახელწოდება, მისამართი და საიდენტიფიკაციო კოდი;
1.2.4. მიმწოდებელმა უნდა უზრუნველყოს ხელმისაწვდომობა სისხლის ბანკთან (სავალდებულოა სკრინინგით ვერიფიცირებული ორსულების ინვაზიური კვლევისას (ამნიოცენტეზი) კარიოტიპირების მეთოდით). იმ შემთხვევაში, თუ პრეტენდენტს უშუალოდ არ აქვს შესაძლებლობა, უზრუნველყოს ხელმისაწვდომობა სისხლის ბანკთან, მან უნდა წარმოადგინოს ქვეკონტრაქტ(ებ)ი აღნიშნული საწარმოო ტრანსფუზიოლოგიური საქმიანობის ლიცენზიის მქონე ორგანიზაციასთან/ორგანიზაციებთან;
1.2.5. კომპონენტით გათვალისწინებული მომსახურების ზედამხედველობა ხორციელდება გეგმურ ამბულატორიულ შემთხვევათა ზედამხედველობის წესის შესაბამისად;
1.2.6. კომპონენტით გათვალისწინებული მომსახურების გაწევა გათვალისწინებულია მაღალი რისკის ორსულთა შემდეგი ჯგუფებისათვის ქ. თბილისის მასშტაბით:
ა) ქრომოსომული/გენური პათოლოგიის არსებობა ერთ-ერთ მშობელთან და/ან ოჯახის წევრთან;
ბ) ნაადრევი ბავშვის დაბადება თანდაყოლილი განვითარების მანკით;
გ) ანამნეზში მკვდრადშობადობა ან ჩვეული აბორტები (3-ზე მეტი); დ) ქალის ასაკი 35 და მეტი წლის;
ე) ნაყოფის ულტრაბგერითი გამოკვლევით განვითარების მანკის ნიშნების აღმოჩენა;
ვ) ერთ-ერთი მშობლის ნარკომანია და ალკოჰოლიზმი;
ზ) ხელოვნური განაყოფიერება;
თ) ორსულს აქვს ინსულინდამოკიდებული შაქრიანი დიაბეტი;
ი) ორსულობის პერიოდში მავნე ფაქტორების ზემოქმედება:
ი.ა) ტერატოგენური მოქმედების მედიკამენტები (ანტიკონვულსანტები, იზოტრეტინოინი, ვარფარინი, ციტოსტატიკები);
ი.ბ) ინფექციების მწვავე ფორმები: ციტომეგალოვირუსის და ტოქსოპლაზმას მწვავე ფორმები, სიფილისი, წითურა; ი.გ) ტერატოგენური მოქმედების ქიმიური აგენტები;
ი.დ) მაიონიზირებელი რადიაცია.
1.2.7. მომსახურების შესრულებისას გათვალისწინებული უნდა იქნას აღნიშნულ სფეროში საქართველოში მოქმედი კანონმდებლობა და საერთაშორისო შეთანხმებები.

1.4.1. სამედიცინო მომსახურების გაწევა უნდა განხორციელდეს ხელშეკრულების გაფორმებიდან, მაგრამ არაუადრეს 2026 წლის 1 აპრილიდან 2026 წლის 31 დეკემბრის ჩათვლით.

1.5.1. მომსახურების გაწევა უნდა განხორციელდეს ქ. თბილისის მასშტაბით. პრეტენდენტმა სატენდერო წინადადებასთან ერთად უნდა წარმოადგინოს ინფორმაცია მომსახურების გაწევის მისამართ(ებ)ის შესახებ.

2.3.1 მოთხოვნა პრეტენდენტის მატერიალურ-ტექნიკური ბაზის შესახებ მიმწოდებელმა ტენდერით გათვალისწინებული მომსახურება უნდა განახორციელოს მაღალტექნოლოგიური სამედიცინო ლაბორატორიის მეშვეობით, რისთვისაც, საკუთრებაში/სარგებლობაში უნდა ჰქონეს სულ მცირე ქვემოთ ჩამოთვლილი მატერიალურ-ტექნიკური საშუალებები. აღნიშნული მოთხოვნები განსაზვრულია
კომპონენტით გათვალისწინებული მომსახურების მიმწოდებლისათვის სავალდებულოა პროგრამის მე-9 მუხლის (დამატებითი პირობები) მე-7 პუნქტით:
ა) მაღალტექნოლოგიური სამედიცინო ლაბორატორია, რომელიც აღჭურვილია:
ა.ა) ავტომატური იმუნოლოგიური რიდერითა და ვოშორით;
ა.ბ) სინათლის მიკროსკოპით;
ა.გ) ინვერსიული მიკროსკოპით;
ა.დ) ავტომატური პროგრამული უზრუნველყოფით კარიოტირების სისტემის დასალაგებლად, რომლის მგრძნობელობაც არის 98% და მეტი;
ა.ე) ლამინირებული ბოქსებით;
ა.ვ) ინკუბატორებით;
ა.ზ) ცენტრიფუგით;
ა.თ) პრეციზიული გამაცხელებლით.
ბ) გენეტიკური პათოლოგიების მონაცემთა რეგიონალური პარამეტრების ბაზა, რომელშიც ასახულია მინიმუმ 3000 სკრინინგული კვლევისა და 300 კარიოტიპირების მონაცემი;
გ) საოპერაციო (სკრინინგით ვერიფიცირებული ორსულების ინვაზიური კვლევისას (ამნიოცენტეზი) კარიოტიპირების მეთოდით); ზემოაღნიშნულის დასტურად, პრეტენდენტმა სატენდერო წინადადებასთან ერთად, სახელმწიფო შესყიდვების ერთიანი ელექტრონული სისტემის მეშვეობით უნდა წარმოადგინოს საკუთრების ან/და სარგებლობის (მაგ: იჯარით აღებული) დამადასტურებელი შესაბამისი დოკუმენტაცია/ ინფორმაცია (ჩამონათვალი) მის მფლობელობაში არსებული მატერიალურ-ტექნიკური ბაზის შესახებ. აგრეთვე, ფოტომასალა. ფოტომასალას თან უნდა ახლდეს პრეტენდენტის განმარტება იმის თაობაზე, თუ კონკრეტულად რომელი ფოტოსურათი შეესაბამება „ა.გ“ ქვეპუნქტებით განსაზღვრულ თითოეულ მოთხოვნას.

2.7.1 მოთხოვნა ლიცენზიასთან, აკრედიტაციასთან, სტანდარტებთან, ხარისხის შესაბამისობასთან და სხვ. დოკუმენტების შესახებ:
2.7.1.1. შეტყობინება იმის თაობაზე, რომ პრეტენდენტი აკმაყოფილებს გინეკოლოგიურ ამბულატორიული საქმიანობის წარმოებაზე ტექნიკური რეგლამენტით გათვალისწინებულ მოთხოვნებს;
2.7.1.2. შეტყობინება იმის თაობაზე, რომ პრეტენდენტი აკმაყოფილებს ლაბორატორიული საქმიანობის წარმოებაზე ტექნიკური რეგლამენტით გათვალისწინებულ მოთხოვნებს;
2.7.1.3. სკრინინგით ვერიფიცირებული ორსულების ინვაზიური კვლევისათვის (ამნიოცენტეზი) კარიოტიპირების მეთოდით - სანებართვო მოწმობა გინეკოლოგიური პროფილის საქმიანობაში;
2.7.1.4. სამედიცინო დაწესებულების ხელმძღვანელის წერილობითი ვალდებულება იმის შესახებ, რომ მომსახურების განხორციელებაში ჩართული სამედიცინო პერსონალი სერთიფიცირებულია კანონმდებლობით დადგენილი წესის შესაბამისად;
2.7.1.5. სამედიცინო დაწესებულებულებაში დასაქმებული უნდა იყოს, სულ მცირე, შემდეგი სერთიფიკატის მქონე ექიმები: ექიმ-გენეტიკოსი, რადიოლოგი, მეანგინეკოლოგი, ლაბორანტი. ამ პუნქტით განსაზღვრული მოთხოვნების დასადასტურებლად, მიმწოდებელმა სახელმწიფო შესყიდვების ერთიანი ელექტრონული სისტემის მეშვეობით უნდა წარმოადგინოს შესაბამისი სამედიცინო პერსონალის სერთიფიკატ(ებ)ი;
2.7.1.6. მიმწოდებელმა უნდა უზრუნველყოს ხელმისაწვდომობა სისხლის ბანკთან - სკრინინგით ვერიფიცირებული ორსულების ინვაზიურიკვლევისთვის (ამნიოცენტეზი) კარიოტიპირების მეთოდით. ამ პუნქტით განსაზღვრული მოთხოვნების დასადასტურებლად, მიმწოდებელმა სახელმწიფო შესყიდვების ერთიანი ელექტრონული სისტემის მეშვეობით უნდა წარმოადგინოს საწარმოო ტრანსფუზიოლოგიური საქმიანობის ლიცენზია;
2.7.1.7. წინამდებარე სატენდერო დოკუმენტაციის 1.2.3. ქვეპუნქტით გათვალისწინებული პირობის დასადასტურებლად, სახელმწიფო შესყიდვების ერთიანი ელექტრონული სისტემის მეშვეობით, მიმწოდებელმა უნდა წარმოადგინოს სათანადო ინფორმაცია (ცხრილის სახით).

2.8.1.1.წინამდებარე სატენდერო დოკუმენტაციის მხოლოდ კითხვარის 1.2.4. ქვეპუნქტით გათვალისწინებული მომსახურება, პრეტენდენტს შეუძლია დააკმაყოფილოს როგორც უშუალოდ, ისე ქვეკონტრაქტორ(ებ)ის მეშვეობით. ქვეკონტრაქტორის არსებობის შემთხვევაში, პრეტენდენტმა სატენდერო წინადადებასთან ერთად, ერთიანი ელექტრონული სისტემის მეშვეობით უნდა წარმოადგინოს:
1. ინფორმაცია ქვეკონტრაქტორ(ებ)ის შესახებ;
2. ქვეკონტრაქტორ(ებ)ის ლიცენზია/ნებართვა, ასეთის არსებობის/საჭიროების შემთხვევაში;
3. ქვეკონტრაქტორ(ებ)თან დადებული ხელშეკრულებ(ებ)ის/მემორანდუმ(ებ)ის ასლები, რომელიც მოქმედი უნდა იყოს არაუგვიანეს 2027 წლის 31 მარტის ჩათვლით.
4. ამ ხელშეკრულების ფარგლებში დადებული არც ერთი ქვეკონტრაქტი არ ათავისუფლებს მიმწოდებელს ხელშეკრულებით გათვალისწინებული ვალდებულებებისაგან. მიმწოდებელი ქვეკონტრაქტორ(ებ)ის მიერ გაწეულ მომსახურებაზე ისევე აგებს პასუხს, როგორც საკუთარი ძალებით გაწეულზე. მომსახურების მიღება-ჩაბარებისას გაწეული მომსახურების ვადებზე, ხარისხზე, წინამდებარე ხელშეკრულებით განსაზღვრულ პირობებთან და დადგენილ ტექნიკურ პირობებთან შესაბამისაობაზე, შემსყიდველის წინაშე პასუხისმგებელია მხოლოდ მიმწოდებელი, მიუხედავად იმ გარემოებისა მომსახურება გასწია საკუთარი ძალებით, თუ მესამე პირ(ებ)ის - ქვეკონტრაქტორ(ებ)ის მეშვეობით. საბოლოო ურთიერთობა შემსყიდველსა და მიმწოდებელს შორის ხორციელდება ამ კონტრაქტით განსაზღვრული პირობებით.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ჯამურ ღირებულებასთან), ასევე ფასების ცხრილის ერთეულებთან მიმართებაში.

2 Процентов

5 Процентов

6.3.1 ხელშეკრულების უზრუნველყოფის უპირობო და გამოუთხოვადი საბანკო ან სადაზღვევო გარანტიის მოქმედების ვადა მინიმუმ 30 კალენდარული დღით უნდა აღემატებოდეს ხელშეკრულების მოქმედების ვადას (ხელშეკრულების მოქმედების ვადა 2027 წლის 31 იანვრის ჩათვლით).
6.3.2 იმ შემთხვევაში თუ გამარჯვებულმა პრეტენდენტმა შეასრულა სატენდერო პირობებითა და შესაბამისი ხელშეკრულებით ნაკისრი ყველა ვალდებულება, შემსყიდველი ორგანიზაცია უფლებამოსილია დაუბრუნოს მას ხელშეკრულების შესრულების უზრუნველყოფის გარანტია.

6.4.1 იმისათვის, რომ თავიდან იქნას აცილებული რისკი, წარმოქმნილი მიმწოდებლის მიერ ხელშეკრულებით ნაკისრი ვალდებულებების შეუსრულებლობის გამო, წინამდებარე ტენდერში მოითხოვება ხელშეკრულების შესრულების უზრუნველყოფის გარანტია.
6.4.2 ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ასევე შესაძლებელია აღნიშნული გარანტია წარმოდგენილი იქნეს „არარეზიდენტი“ საბანკო ან სადაზღვევო კომპანიიდან, რომელიც დამოწმებული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებებიდან, სახელშეკრულებო ვალუტის შესაბამისად.
6.4.3 გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა დაარღვია ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.
6.4.4 ხელშეკრულების შესრულების უზრუნველყოფის მიზნით წარმოდგენილი საბანკო ან სადაზღვეო დაწესებულების მიერ გაცემული გარანტია გამოიყენება მიმწოდებლის მიერ ვალდებულების დარღვევის გამო შესაბამისი პირგასამტეხლოს, საჯარიმო სანქციების ან/და ზიანის ანაზღაურების მიზნით;
6.4.5 ხელშეკრულების შესრულების უზრუნველყოფის საბანკო ან სადაზღვეო დაწესებულების მიერ გაცემული გარანტიაში მითითებული უნდა იყოს, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და პრეტენდენტის საიდენტიფიკაციო კოდი;
6.4.6 ხელშეკრულების უზრუნველყოფის საბანკო გარანტია წარდგენილ უნდა იქნეს შემსყიდველ ორგანიზაციაში ხელშეკრულების გაფორმებამდე.

7.2.1. კომპონენტით გათვალისწინებული მომსახურების დაფინანსება განხორციელდება გლობალური ბიუჯეტის პრინციპით, ყოველთვიურად, წლიური ასანაზღაურებელი თანხის არაუმეტეს 1/12-ისა.
7.2.2. ანგარიშსწორება მოხდება უნაღდო ანგარისწორებით ლარში, დადგენილების შესაბამისად.

7.3.1. ანგარიშსწორება მოხდება საანგარიშგებო დოკუმენტაციის ინსპექტირების დასრულებიდან 20 (ოცი) სამუშაო დღის განმავლობაში.

ქეთევან ხარაძე, 591919090, kkharadze@moh.gov.ge თათია ლოლაძე, 577224522, taloladze@moh.gov.ge

10.1.1. მიმწოდებელსა და შემსყიდველს შორის ურთიერთობისას გამოყენებული იქნება „2026 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2025 წლის 31 დეკემბრის №655 დადგენილებითა და მოქმედი კანონმდებლობით გათვალისწინებული მოთხოვნები;
10.1.2. ალტერნატიული სატენდერო წინადადება არ მიიღება;
10.1.3. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;
10.1.4. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად;
10.1.5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
10.1.6. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით, რომელთა გადახდა ეკისრება მიმწოდებელს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.7. პრეტენდენტების მიერ სახელმწიფო შესყიდვების ერთიან ელექტრონულ სისტემაში ატვირთული ელექტრონული დოკუმენტები უნდა შეესაბამებოდეს ,,ელექტრონული დოკუმენტისა და ელექტრონული სანდო მომსახურების შესახებ" საქართველოს კანონით მე-3 მუხლის მე-3 პუნქტით დადგენილ მოთხოვნებს;
10.1.8. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.9. სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.