Полные или частичные строительные работы и публичные работы (Грузия - Тендер #70811854)

ბსუ-ს შენობების სხვადასხვა სარეაბილიტაციო სამუშაოები

1.2..1. ელექტრონული ტენდერის ფარგლებში შესასრულებელი სამუშაოების აღწერა, მოცულობები მოცემულია მიმაგრებულ ფაილში დანართი №1 - ტექნიკური დავალება.
1.2.2. ელექტრონული ტენდრით გათვალისწინებულ სამუშაოებზე გამოყენებული ყველა მასალა უნდა აკმაყოფილებდეს საქართველოში მოქმედ სამშენებლო ნორმებსა და სტანდარტებს, უნდა იყოს ეკოლოგიურად სუფთა და ჯანმრთელობისათვის არასახიფათო.
1.2.3. საჭიროების შესაბამისად, სამუშაოების მიმდინარეობის პროცესში, უნივერსიტეტის პერსონალის უსაფრთხოების დაცვისთვის, მიმწოდებელმა უნდა უზრუნველყოს სამუშაო პერიმეტრის შემოსაზღვრა დამცავი ბარიერებისა ან/და გამყოფი ლენტების მეშვეობით.

1.4.1. სამუშაოების შესრულების ვადად განისაზღვრება ხელშეკრულების დადებიდან არაუგვიანეს 20 (ოცი) კალენდარული დღე.
1.4.2. თუ შესყიდვის ობიექტის მიწოდების ვადა ემთხვევა არასამუშაო დღეს, ასეთ შემთხვევაში მიწოდების ვადად განისაზღვრება მომდევნო სამუშაო დღე.

1.5.1. სამუშაოების შესრულების ადგილებია:
- ქ. ბათუმი, ნინოშვილის/რუსთაველის ქ. №35/32;
- ქ. ბათუმი, ფიროსმანის ქ. №5

1.6.1 შესრულებული სამუშაოს ხარისხის საგარანტიო ვადად განისაზღვრება საბოლოო მიღება-ჩაბარების აქტის გაფორმებიდან 3 (სამი) წელი, ხოლო პროექტის ფარგლებში მიწოდებული საქონლის საგარანტიო ვადად - არანაკლებ 1 (ერთი) წელი.
1.6.2 სამუშაოების დასრულების შემდეგ, საგარანტიო ვადის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.
1.6.3. საგარანტიო ვადის დენა იწყება საბოლოო მიღება - ჩაბარების აქტის გაფორმების, ხოლო ხელშეკრულების შეწყვეტის შემთხვევაში - მისი შეწყვეტის მომენტიდან.
1.6.4. თუ საგარანტიო ვადის განმავლობაში აღმოჩნდება ნაკლი, მიმწოდებელი ვალდებულებას ღებულობს საკუთარი ხარჯით აღმოფხვრას ნებისმიერი ნაკლი შემსყიდველის მიერ მითითებულ ვადაში.

2.2.1.1. ტენდერში მონაწილე პრეტენდენტს (შესყიდვაში მონაწილეობის მსურველ პირს) 2022 წლის 1 იანვრიდან ტენდერის გამოცხადებამდე პერიოდში, საქართველოს ტერიტორიაზე ან/და სხვა ქვეყნის ტერიტორიაზე შესრულებული უნდა ჰქონდეს შენობა-ნაგებობების სამშენებლო, სარემონტო და სარეაბილიტაციო სამუშაოების მიწოდების გამოცდილება სამუშაოების მიწოდების გამოცდილება საერთო ღირებულებით არანაკლებ 30000 (ოცდაათი ათასი) ლარისა.
2.2.1.2. ამასთან, გამოცდილებაში ჩაითვლება მხოლოდ ელექტრონული ტენდერის გამოცხადებამდე დასრულებული სამუშაოები, რაზედაც გაფორმებულია მიღება-ჩაბარების აქტები.
2.2.1.3. იმ შემთხვევაში თუ, სამუშაოების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენებით (w.w.w. http:// procurement. gov. ge/) და საბოლოო მიღება-ჩაბარების აქტი დამკვეთის (შემსყიდველი) მიერ ატვირთული არის სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს დოკუმენტაცია/ინფორმაცია სახელმწიფო შესყიდვების ერთიან ელექტრონულ სისტემის საშუალებით ჩატარებული შესყიდვის საშუალების ნომრის (SPA, DAP; NAT, DEP; MEP; TEP; GEO: CMR ან სხვა არსებობის შემთხვევაში) შესახებ.
2.2.1.4. იმ შემთხვევაში, თუ პრეტენდენტს ცხრილში მითითებული აქვს არასახელმწიფო შესყიდვაც, მაშინ მან უნდა წარმოადგინოს ამ შესყიდვებზე ხელშეკრულებები, მიღება-ჩაბარების აქტები (ან მასთან გათანაბრებული დოკუმენტაცია), აღნიშნულ სამუშაოებზე დადასტურებული საგადასახადო ანგარიშ-ფაქტურების ქსეროასლები და ამ ხელშეკრულების ფარგლებში გადახდის დამადასტურებელი დოკუმენტები (საბანკო ან/და სალაროს ქვითრები).
2.2.1.5. პრეტენდენტმა ინფორმაცია გამოცდილების შესაქხებ უნდა წარმოადგინოს დანართი №3-ის სახით.

2.9.1. ფასში ასახული უნდა იყოს საქართველოს კანონმდებლობით გათვალისწინებული ყველა გადასახადი.
2.9.2. ფასების ცხრილში დაუშვებელია სამუშაოების დასახელების, განზომილების ერთეულის, რაოდენობისა და გაუთვალისწინებელი სამუშაოების რეზერვზე განსაზღვრული პროცენტული მაჩვენებლის შეცვლა.
2.9.3. სამშენებლო ობიექტზე მომუშავე პირთა სიცოცხლისა და ჯანმრთელობისათვის უსაფრთხოების წესების დაცვაზე სრულად პასუხისმგებელია მიმწოდებელი. უსაფრთხოებისა და სამშენებლო ნორმებით გათვალისწინებული წესების დაუცველობის შემთხვევაში, მიმწოდებელი ვალდებულია სრულად აანაზღაუროს შესაბამისი ზარალი საქართველოს მოქმედი კანონმდებლობის შესაბამისად.
2.9.4. მიმწოდებელი ვალდებულია სამუშაო ადგილის ფარგლებში უზრუნველყოს გარემოზე ეკოლოგიური ზემოქმედების მინიმუმამდე დაყვანა. მინიმუმამდე დაიყვანოს მუშაობით გამოწვეული ხმაურის, ვიბრაციის და მტვრის გავლენა.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა) დაფიქსირებული ერთეულის ფასებით და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა.

7.2.1. ანგარიშსწორება მოხდება უნაღდო ანგარიშსწორებით ეროვნულ ვალუტაში ლარში;
7.2.2. ანგარიშსწორება განხორციელდება ერთჯერადად მიღება-ჩაბარების აქტის გაფორმებისა და საგადასახადო დოკუმენტაციის წარმოდგენის შემდეგ.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნუგზარ პატარიძე, 577544413, bsubazriskvleva@gmail.com

10.1.1. პრეტენდენტი, რომელიც მონაწილეობას მიიღებს აღნიშნულ ელექტრონული ტენდრში, ავტომატურად ეთანხმება მის ყველა პირობას.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3.სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.5. სამუშაოების წარმოების პროცესში, სამუშაოს ახალი პოზიცი(ებ)ის წარმოქმნის შემთხვევაში, შემსყიდველის მხრიდან ანაზღაურება განხორციელდება გაუთვალისწინებელი სამუშაოების რეზერვიდან საპროექტო ორგანიზაციის მიერ დამატებით წარმოდგენილი ხარჯთაღრიცხვის საფუძველზე მიმწოდებლის მიერ წარმოდგენილი განფასების მიხედვით.
10.1.6. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტ(ებ)ი დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის გათვალისწინებით.