Машины, оборудование и канцелярские принадлежности, за исключением компьютеров, принтеров и мебели (Грузия - Тендер #70811851)

ბრენდირებული საკანცელარიო ნივთების სახელმწიფო შესყიდვა.

შესასყიდი ბრენდირებული საკანცელარიო საქონლის დეტალური აღწერილობა და პარამეტრები მოცემულია სატენდერო დოკუმენტაციის დანართ N2-ში.

სატენდერო დოკუმენტაციის დანართი N2 შემდგომში განისაზღვრება როგორც სახელმწიფო შესყიდვის შესახებ ხელშეკრულების განუყოფელი ნაწილი.

ბრენდირებული საკანცელარიო ნივთების საბოლოო დიზაინი უნდა დამტკიცდეს შემსყიდველის მიერ საქონლის მიწოდებამდე.

საქონლის მიწოდების ვადაა: ხელშეკრულების გაფორმებიდან 45 (ორმოცდახუთი) კალენდარული დღე.

საქონლის მიწოდება უნდა განხორციელდეს სრული სახელშეკრულებო მოცულობით სსიპ საქართველოს მუნიციპალური განვითარების ფონდის მისამართზე: ქ. თბილისი, დ. აღმაშენებლის გამზ. N150.

პრეტენდენტი ვალდებულია სატენდერო დოკუმენტაციის დანართ №1-ში მიუთითოს შემოთავაზებული საქონლის წარმოშობის ქვეყნის და მწარმოებლის შესახებ ინფორმაცია. აღნიშნული ინფორმაციის წარმოუდგენლობა გამოიწვევს პრეტენდენტის დისკვალიფიკაციას, გარდა შემთხვევისა როდესაც შესყიდვის ობიექტის წარმოშობის წყაროს ან მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.

პრეტენდენტს, 2022 წლის 1 იანვრიდან წინამდებარე ელექტრონული ტენდერისათვის „წინადადებების მიღება დასრულებულია“ სტატუსის მინიჭების თარიღამდე პერიოდში, არაუმეტეს 5 (ხუთი) ხელშეკრულების ფარგლებში, გაწეული უნდა ჰქონდეს არანაკლებ 40,000.00 (ორმოცი ათასი) ლარის ღირებულების ბრენდირებული საკანცელარიო საქონლის მიწოდების გამოცდილება.

პრეტენდენტმა გამოცდილების დადასტურების მიზნით უნდა წარმოადგინოს ხელშეკრულებ(ებ)ა და შესაბამისი მიღება-ჩაბარების აქტ(ებ)ი/ანგარიშფაქტურ(ებ)ა/ზედნადებ(ებ)ი.
იმ შემთხვევაში, თუ ხელშეკრულებ(ებ)ა გაფორმებული იყო სახელმწიფო შესყიდვების ერთიანი ელექტრონული სისტემის გამოყენების გარეშე, შესაძლებელია წარმოდგენილი იყოს დოკუმენტაცია/ინფორმაცია სახელმწიფო შესყიდვების ერთიანი ელექტრონულ სისტემის საშუალებით ჩატარებული შესყიდვის საშუალების ნომრის (SPA, DAP; NAT, DEP; MEP; TEP; GEO: CMR ან სხვა არსებობის შემთხვევაში) შესახებ.

პრეტენდენტის მიერ, სახელმწიფო შესყიდვების ერთიანი ელექტრონული სისტემის მეშვეობით წარმოსადგენი დოკუმენტაციის ჩამონათვალი:

1. განფასებული დანართი N1 (ფასების ცხრილი), შესყიდვის ობიექტის წარმოშობის ქვეყნისა და მწარმოებელი კომპანიის შესახებ ინფორმაციის სავალდებულოდ მითითებით.

სავალდებულოდ გასათვალისწინებელი შენიშვნები:
• დანართი N1 წარმოდგენილი უნდა იყოს PDF ფორმატში. იმ შემთხვევაში, თუ პრეტენდენტი არის რეზიდენტი პირი, PDF დოკუმენტი სავალდებულოდ დამოწმებული უნდა იყოს პრეტენდენტის უფლებამოსილი წარმომადგენლის კვალიფიციური ელექტრონული ხელმოწერით ან ორგანიზაციის კვალიფიციური ელექტრონული შტამპით. იმ შემთვხევაში, თუ პრეტენდენტი არ არის რეზიდენტი პირი, PDF დოკუმენტი სავალდებულოდ დამოწმებული უნდა იყოს პრეტენდენტის უფლებამოსილი პირის ხელმოწერით და (ბეჭდის არსებობის შემთხვევაში) ორგანიზაციის ბეჭდით.
• იმ შემთხვევაში, თუ დანართი N1 არ იქნება წარმოდგენილი, განუფასებლად იქნება წარმოდგენილი, ან განუფასებელი პოზიციების რაოდენობა აღემატება განსაფასებელი პოზიციების 5%-ს, დაზუსტების მოთხოვნა არ გამოიყენება, შესაბამისად, განხორციელდება პრეტენდენტის დისკვალიფიკაცია შესყიდვის პროცედურებიდან.
• წინადადების ფასი გამოსახული უნდა იყოს ეროვნულ ვალუტაში - ლარში, საქართველოს კანონმდებლობით განსაზღვრული ყველა გადასახადის გათვალისწინებით და საქონლის მიწოდებასთან დაკავშირებული ყველა ხარჯის ჩათვლით. წინადადების ფასი შესყიდვების ერთიან ელექტრონულ სისტემაში მითითებული უნდა იქნეს დღგ-ს ჩათვლით.
• ხარჯები, რომლებიც სატენდერო წინადადების ფასში არ იქნება გათვალისწინებული, არ ანაზღაურდება.
• დანართი N1-ით განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, იგულისხმება "მსგავსი", "ანალოგი", ან "ეკვივალენტური".
• გამარჯვებულ პრეტენდენტთან ხელშეკრულება გაფორმდება ეროვნულ ვალუტაში - ლარში.
• წინადადების ფასად განიხილება სისტემის მეშვეობით, ელექტრონული ტენდერის შესაბამის ველში დაფიქსირებული საბოლოო ფასი.
• ხელშეკრულებით გათვალისწინებული შესყიდვის ობიექტის ღირებულება არ შეიძლება აღემატებოდეს ელექტრონულ ტენდერში გამარჯვებული პრეტენდენტის მიერ სისტემის მეშვეობით დაფიქსირებულ სატენდერო წინადადების საბოლოო ფასს.
• პრეტენდენტის მიერ დაშვებული მექანიკური შეცდომა, როგორიცაა არასწორი ჯამის, ან ნამრავლის მითითება, სიტყვიერი და ციფრობრივი გამოსახულების შეუსაბამობა, შესაძლებელია შესწორდეს დაზუსტების გარეშე, ერთეულის ფასის უპირატესობის პრინციპის გათვალისწინებით, იმ შემთხვევაში, თუ აღნიშნული არ აღემატება სისტემის შესაბამის ველში დაფიქსირებულ საბოლოო ფასს.
• წინამდებარე ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იყოს ქართულ ენაზე. დოკუმენტების ან/და ინფორმაციის უცხო ენაზე წარმოდგენის შემთხვევაში, მათ უნდა დაერთოთ საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
• პრეტენდენტს არ აქვს უფლება წარმოადგინოს ალტერნატიული სატენდერო წინადადება.

2. სატენდერო დოკუმენტაციის 2.2.1 პუნქტით (პრეტენდენტის გამოცდილებასთან დაკავშირებული მოთხოვნები) განსაზღვრული წარმოსადგენი დოკუმენტაცია.

1. პრეტენდენტის მიერ სახელმწიფო შესყიდვების ერთიან ელექტრონულ სისტემაში დაფიქსირებულ სატენდერო წინადადების საბოლოო ფასსა და წინამდებარე ელექტრონული ტენდერით გათვალისწინებული შესყიდვის ობიექტის სავარაუდო ღირებულებას შორის 20%-ით ან მეტი ოდენობით სხვაობის შემთხვევაში, პრეტენდენტი ვალდებულია საკუთარი ხარჯებით უზრუნველყოს ფასწარმოქმნის ადეკვატურობის, კერძოდ, შემოთავაზებულ ფასად ელექტრონული ტენდერით გათვალისწინებული შესყიდვის ობიექტის მიწოდების შესაძლებლობის დადასტურება.
2. ფასწარმოქმნის ადეკვატურობის დადასტურება უნდა განხორციელდეს შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებებით, ან/და მიღება-ჩაბარების აქტებით, ან/და სასაქონლო ზედნადებებით, ან/და ანგარიშ-ფაქტურებით (ინვოისით), ან/და სხვა ისეთი დოკუმენტით (მაგ. შესაბამის სფეროში აკრედიტებული პირის მიერ გაცემული ექსპერტიზის დასკვნა), რომელიც დაადასტურებს პრეტენდენტის მიერ დაფიქსირებული სატენდერო წინადადების საბოლოო ფასად ელექტრონული ტენდერით გათვალისწინებული შესყიდვის ობიექტის მიწოდების შესაძლებლობას.
3. ფასწარმოქმნის ადეკვატურობის დამადასტურებელი დოკუმენტით, ელექტრონული ტენდერით გათვალისწინებული შესყიდვის ობიექტის მიწოდების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების საბოლოო ფასთან, ასევე შესყიდვის ობიექტის ერთეულ ფასებთან მიმართებით.
4. პრეტენდენტის მიერ წარმოდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება მიმწოდებელთან განხორციელდება ლარში, მიმწოდებლის საბანკო რეკვიზიტებზე, უნაღდო ანგარიშსწორების ფორმით, სახელმწიფო შესყიდვის შესახებ შესაბამისი ხელშეკრულების პირობების თანახმად:
1. მიმწოდებელი ვალდებულია შემსყიდველს საქონელი გადასცეს საქართველოს კანონმდებლობის შესაბამისად გამოწერილი სასაქონლო ზედნადებით.
2. მხარეებს (შემსყიდველი და მიმწოდებელი) შორის გაფორმდება ფაქტობრივად მიწოდებული საქონლის შესაბამისი მიღება-ჩაბარების აქტი.
3. მიმწოდებელი, საქართველოს კანონმდებლობის შესაბამისად გამოწერილ საგადასახადო ანგარიშფაქტურას წარუდგენს (თუ მიმწოდებელი არის დღგ-ს გადამხდელი) შემსყიდველს, ფაქტობრივად მიწოდებული საქონლის შესაბამისი მიღება-ჩაბარების აქტის გაფორმების შემდეგ.

ანგარიშსწორება მიმწოდებელთან განხორციელდება ეტაპობრივად, მიწოდებული საქონლის შესაბამისი მიღება-ჩაბარების აქტის გაფორმებიდან და მიმწოდებლის მიერ საქართველოს კანონმდებლობის შესაბამისად გამოწერილი საგადასახადო ანგარიშფაქტურის წარმოდგენიდან (თუ მიმწოდებელი არის დღგ-ს გადამხდელი) 15 (თხუთმეტი) სამუშაო დღის განმავლობაში.

ნინო ჟორჟოლიანი, 577627157, nzhorzholiani@mdf.org.ge

1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესი“-ს შესაბამისად.
2. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
3. სატენდერო პირობების კონკრეტული ჩანაწერის და სატენდერო კომისიის გადაწყვეტილების/ქმედების თაობაზე განმარტების მიღების საკითხი რეგულირდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესი“-ს მე-8 მუხლის შესაბამისად.