Инструменты для контроля физических характеристик (Грузия - Тендер #70811802)

უძრავ მდგომარეობაში მყოფი სატრანსპორტო საშუალების მიერ წარმოქმნილი ხმაურის დონის საზომი პორტატული სისტემები.

- უძრავ მდგომარეობაში მყოფი სატრანსპორტო საშუალების მიერ წარმოქმნილი ხმაურის დონის საზომი პორტატული სისტემების 15 კომპლექტი.

- კომპლექტში შემავალ თითოეულ ხმის დონის მზომ მოწყობილობას და აკუსტიკურ კალიბრატორს უნდა მოყვებოდეს კალიბრაციის სერტიფიკატი.

- საქონლის ღირებულებები მოიცავს შესყიდვის ობიექტის სრული ტექნიკური მხარდაჭერის მომსახურებას (მომსახურება აღწერილია ტექნიკურ დავალებაში) 12 თვის განმავლობაში.

- მიბმული ფაილის სახით იხილეთ ტექნიკური დავალება.

- საქონლის მიწოდების ვადა: ხელშეკრულების ძალაში შესვლის დღიდან 70 (სამოცდაათი) კალენდარული დღის განმავლობაში.

ქ. თბილისი, ქიზიყის ქ. N5, შსს საპატრულო პოლიციის დეპარტამენტის საწყობი.

- შემოთავაზებული საქონლის საგარანტიო ვადის ათვლა იწყება მიღება-ჩაბარების აქტის გაფორმების დღიდან და მიუხედავად ხელშეკრულების მოქმედების ვადისა მოქმედებს არანაკლებ 3 (სამი) წელი;

- საგარანტიო პირობები: ვრცელდება შესყიდვის ობიექტის ყველა კომპონენტზე. საგარანტიო პერიოდში გამოვლენილი დეფექტის აღმოფხვრა უნდა განხორციელდეს შეკეთების ან ახლით შეცვლის პირობით;

- დეფექტის აღმოფხვრის ოპერატიულობა: შეკეთების შემთხვევაში, შემსყიდველის მხრიდან შეტყობინების მიღებიდან 10 (ათი) სამუშაო დღის განმავლობაში, ხოლო ახლით შეცვლის შემთხვევაში, შემსყიდველის მხრიდან შეტყობინების მიღებიდან 70 (სამოცდაათი) კალენდარული დღის განმავლობაში.

- შეტყობინება შესაძლებელია განხროციელდეს როგორც წერილობითი და სატელეფონო შეტყობინების, ისე ელექტრონული ფოსტის საშულებით ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე, ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე.

2.1.1.1. პრეტენდენტი ვალდებულია 1.3. პუნქტით გათვალისწინებული ფასების ცხრილის მე-5 გრაფაში მიუთითოს ინფორმაცია შემოთავაზებული საქონლის წარმოშობის ქვეყნის, მწარმოებლის (ან ბრენდის) და მოდელის შესახებ.

2.1.1.2. პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ ექვემდებარება და გამოიწვევს მის დისკვალიფაკაციას.

2.7.1.1 ხმის დონის მზომი მოწყობილობა უნდა აკმაყოფილებდეს Class 1 ინსტრუმენტის მოთხოვნებს IEC 61672-1 სტანდარტების შესაბამისად (აღნიშნული დოკუმენტ(ებ)ი ატვირთულ უნდა იქნეს ერთიან ელექტრონულ სისტემაში), თუ აღნიშნული დოკუმენტის გამცემი ორგანიზაცია არ არის რომელიმე ევროპული ქვეყნის ან აშშ-ს სახელმწიფო უწყება, ხსენებულ დოკუმენტთან ერთად, ერთიან ელექტრონულ სისტემაში, ასევე ატვირთულ უნდა იქნეს მის გაცემაზე შესაბამისი აკრედიტაციის დამადასტურებელი დოკუმენტიც;

2.7.1.2 კალიბრატორი უნდა აკმაყოფილებდეს Class1 ინსტრუმენტის მოთხოვნებს IEC 60942 სტანდარტის შესაბამისად (აღნიშნული დოკუმენტ(ებ)ი ატვირთულ უნდა იქნეს ერთიან ელექტრონულ სისტემაში), თუ აღნიშნული დოკუმენტის გამცემი ორგანიზაცია არ არის რომელიმე ევროპული ქვეყნის ან აშშ-ს სახელმწიფო უწყება, ხსენებულ დოკუმენტთან ერთად, ერთიან ელექტრონულ სისტემაში, ასევე ატვირთულ უნდა იქნეს მის გაცემაზე შესაბამისი აკრედიტაციის დამადასტურებელი დოკუმენტიც;

2.7.1.3 პრეტენდენტის მიერ წარმოდგენილი უნდა იქნას შემოთავაზებული საქონლის მწარმოებლის (ფასების ცხლილის 1-ლი პოზიციისთვის შემოთავაზებული საქონლის მწარმოებლად განიხილება მთლიანად სისტემის მწარმოებელი ან/და უშუალოდ სისტემაში შემავალი შესაბამისი კონკრეტული კომპონენტის მწარმოებელი) მიერ გაცემული ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან, ან კატალოგიდან რომელიც დაადასტურებს ტექნიკური დავალების 1.2, მე-2 და მე-3 პუნტების შესაბამისად შემოთავაზებული საქონლის შესაბამისობას ტექნიკური დავალებით განსაზღვრულ მოთხოვნებთან, ან აღნიშნული ინფორმაცია ქარხნულად უნდა იქნას დატანილი შემოთავაზებული საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები).

შ ე ნ ი შ ვ ნ ა: იმ შემთხვევაში, თუ პრეტენდენტის მიერ მწარმოებლის ოფიციალური ვებ-გვერდიდან წარმოდგენილ ლინკზე მოცემული ინფორმაცია იქნება ინგლისურ ენოვანი, მისი თარგმნა არ არის აუცილებელი.

2.7.1.4 თუ, ხმის დონის მზომი მოწყობილობა არ არის დარეგისტრირებული სახელმწიფო რეესტრში, მომწოდებელმა საქონლის მოწოდებამდე, არაუგვიანეს ხელშეკრულების ძალაში შესვლის დღიდან 30 კალენდარული დღის განმავლობაში უნდა უზრუნველყოს ხმის დონის მზომი მოწყობილობის ტიპის დამტკიცება და მისი რეგისტრირება დაკანონებული გაზომვის საშუალებების ტიპების სახელმწიფო რეესტრში საქართველოს კანონის „პროდუქტის უსაფრთხოებისა და თავისუფალი მიმოქცევის კოდექსის“ 82-ე და 86-ე მუხლების შესაბამისად და წარმოადგინოს შესაბამისი დოკუმენტ(ებ)ი.“ - წინააღმდეგ შემთხვევაში შემსყიდველი არ მოახდენს საქონლის მიღებას, შეწყვეტს ხელშეკრულებას, ხოლო მიმწოდებლის მიმართ გატარდება კანონმდებლობით განსაზღვრული ღონისძიებები.

- უცხოენოვანი დოკუმენტ(ებ)ის წარმოდგენის შემთხვევაში, მას უნდა დაერთოს საქართველოს მოქმედი კანონმდებლობის შესაბამისად დამოწმებული თარგმანი ქართულ ენაზე.

1. შემოთავაზებული საქონლის ფასი უნდა შეიცავდეს მიმწოდებლის ყველა ხარჯს, მათ შორის ტრანსპორტირების ხარჯსა და საქართველოს კანონმდებლობით დადგენილ ყველა გადასახადს.

2. შემოთავაზებული საქონლის საერთო და ერთეულის ფასების წარმოდგენა დასაშვებია მხოლოდ ლარში.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

4. პრეტენდენტის მიერ შემოთავაზებული საქონლის კონკრეტული დასახელება, საქონლის ტექნიკური მახასიათებლები, მწარმოებელი ქვეყანა, მწარმოებელი ან ბრენდი და მოდელი, ერთეულის ფასი და საერთო ფასი, ასევე ინფორმაცია შემოთავაზებული საქონლის მიწოდების ვადებისა და პირობების შესახებ ასევე ინფორმაცია შემოთავაზებული საქონლის საგარანტიო ვადის შესახებ მითითებულ უნდა იქნეს სატენდერო პირობების 1.3 პუნქტით გათვალისწინებულ დანართ №1-ში ამავე დანართით გათვალისწინებული პირობების შესაბამისად (დანართი №1 ატვირთულ უნდა იქნეს ერთიან ელექტრონულ სისტემაში).

5. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (გარდა სატენდერო დოკუმენტაციის 2.7.1 და 4.1.1 პუნქტებით მოთხოვნილი დოკუმენტ(ებ)ისა) შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით (იხ. ინსტრუქცია შემდეგ ბმულზე: (http://procurement.gov.ge/getattachment/News/news-(50)/eSignature_25-Dec-18.pdf.aspx).
თუ აღნიშნული ვალდებულება დროებით/მუდმივად შეჩერებულ/გაუქმებულ იქნა სხვა ნორმატიული აქტით, პრეტენდენტი თავისუფლდება მოცემული პირობისგან. ასეთ შემთხვევაში დოკუმენტზე შესრულებულ უნდა იქნეს ხელმძღვანელის ან სხვა უფლებამოსილი პირის მიერ სველი ხელმოწერა (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში, ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

6. შემსყიდველის მიერ მოთხოვნილი ყველა დოკუმენტი ან/და ინფორმაცია პრეტენდენტის მიერ ატვირთულ უნდა იქნეს ერთიან ელექტრონულ სისტემაში; დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს მოქმედი კანონმდებლობის შესაბამისად დამოწმებული თარგმანი ქართულ ენაზე.

7. შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და საქართველოს მოქმედი კანონმდებლობის შესაბამისად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში;

8. პრეტენდენტს არ აქვს უფლება წარმოადგინოს ალტერნატიული წინადადება.

- პრეტენდენტის მიერ წარმოდგენილი უნდა იქნას შემოთავაზებული საქონლის ნიმუშები პოზიციების შესაბამისად;

- შემოთავაზებული საქონლის ნიმუშები უნდა შეესაბამებოდეს ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში ასახულ მოთხოვნებსა და პრეტენდენტის მიერ ერთიან ელექტრონულ სისტემაში ატვირთულ ფასების ცხრილში განსაზღვრულ მოთხოვნებს;

- წარმოდგენილი ნიმუშის განხილვის ეტაპზე მოხდება მისი ფუნქციონალის დემონსტრირება;

- შესყიდვის ობიექტის ყველა კომპონენტი უნდა იყოს ურთიერთთავსებადი, რაც შემოწმდება ნიმუშის წარმოდგენის ეტაპზე.

- ტენდერში მონაწილე „დისკვალიფიცირბულ" პრეტენდენტს ნიმუშების დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 დღის განმავლობაში, ხოლო „გამარჯვებულ" პრეტენდენტს საქონლის სრულად მიწოდების შემდეგ 30 დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშის დაბრუნებაზე;

- შემოთავაზებული საქონლის ნიმუშები დაზუსტებას არ ექვემდებარება.

თბილისი ნოე რამიშვილის ქ. N38, საქართველოს შსს საპატრულო პოლიციის დეპარტამენტის ადმინისტრაციული შენობა. 18:00 საათამდე.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

4.1.1.2 დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი დამატებითი მტკიცებულებების გარეშე, პირველივე წერილობითი მოთხოვნის წარდგენიდან მომდევნო 5 სამუშაო დღის ვადაში,გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

7.1.1.1 წინასწარი ანგარიშსწორების (ავანსი) გამოყენება შესაძლებელია, ხელშეკრულების საერთო ღირებულების არაუმეტეს 50%-ის ოდენობით, საავანსო თანხის იდენტური ოდენობის უპირობო გამოუთხოვადი გარანტიის წარმოდგენის საფუძველზე, რომლის მოქმედების ვადა 60 (სამოცი) კალენდარული დღით უნდა აღემატებოდეს მოწოდების ვადას) რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები.

7.1.1.2 წინასწარი ანგარიშსწორების (საავანსო) გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან ეროვნულ ვალუტაში - ლარში.

7.1.1.3 დარჩენილი ღირებულების გადახდა მოხდება ავანსად მიღებული თანხის სრულად გამოქვითვის შემდეგ.

7.1.1.4 წინასწარი ანგარიშსწორება განხორციელდება მიმწოდებლის მიერ წარმოდგენილი შესაბამისი ოდენობის საავანსო თანხის საბანკო გარანტიის წარმოდგენიდან 10 (ათი) სამუშაო დღის განმავლობაში.

- ანგარიშსწორება განხორციელდება საქონლის მიწოდების შემდეგ, შესაბამისი "მიღება-ჩაბარების" აქტ(ებ)ის გაფორმებისა და საქართველოს კანონმდებლობით დადაგენილი შესაბამისი დოკუმენტების წარმოდგენის შემდეგ.

- ანგარიშსწორების ვალუტა - ლარი.

- გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე.

ანგარიშსწორება განხორციელდება ფაქტობრივად მოწოდებული შესყიდვის ობიექტის მიხედვით, საქონლის მიწოდების შემდეგ შესაბამისი მიღება-ჩაბარების აქტ(ებ)ისა და საქართველოს კანონმდებლობით გათვალისწინებული შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

სოფიო ნატრიაშვილი, 577773989, natriashvili@mia.gov.ge სატენდერო პირობებთან დაკავშირებით: ანა ლაგაზიძე 595 51 13 23 PatrolPolice@procurement.gov.ge

დამატებითი ინფორმაცია:

• ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში მოცემული პირობების შესახებ დამატებითი ინფორმაციისა და განმარტებების მოთხოვნა შესაძლებელია სისტემის შესაბამისი მოდულის მეშვეობით ან/და სატენდერო კომისიის აპარატის იმ წევრისგან, რომლის საკონტაქტო ინფორმაციაც მითითებულია სატენდერო დოკუმენტაციის 9.1 პუნქტის ველში;

• შემსყიდველ ორგანიზაციასა და პრეტენდენტს შორის ნებისმიერი მიმოწერა მიმდინარეობს სისტემის შესაბამისი მოდულის მეშვეობით და სისტემის გამოყენების გარეშე მიმოწერა სავალდებულო არ არის. შეტყობინება ოფიციალურად მიღებულად ჩაითვლება მისი სისტემაში ატვირთვის მომენტიდან;

• ელექტრონულად შევსებული სატენდერო დოკუმენტაციის პირობების ველებსა და ატვირთულ დოკუმენტებს შორის წინააღმდეგობის არსებობის შემთხვევაში უპირატესობა ენიჭება სატენდერო დოკუმენტაციის ველებს;

• პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შსს საპატრულო პოლიციის დეპარტამენტის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.