Ремонт и техническое обслуживание медицинского и высокоточного оборудования (Грузия - Тендер #70788838)

შესყიდვის ობიექტია ჰემოდიალიზის სამედიცინო აპარატურის სერვისული ტექნიკური მომსახურების შესყიდვა.

1) პრეტენდენტმა უნდა უზრუნველყოს ჰემოდიალიზის სამედიცინო აპარატურის დიაგნოსტიკა და ტექნიკური მომსახურება. დიაგნოსტიკა უნდა მოხდეს შეტყობინების მიღებიდან (სატელეფონო კომუნიკაციის, წერილობითი ფორმით ან ელ. ფოსტაზე შეტყობინების მიღებიდან) 24 საათის განმავლობაში.
2) პრეტენდენტის მიერ ჩატარებული მომსახურების სახეობა და ღირებულება, თითოეულ შემთხვევაში, განისაზღვრება შესაბამისი ტექნიკური მომსახურების ფორმით და კანონმდებლობით დადგენილი დოკუმენტაციის გამოწერით (სასაქონლო ზედნადები, ანგარიშ-ფაქტურა);
3) მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით ან/და სახელშეკრულებო ღირებულების ამოწურვამდე;
4) თუ დიაგნოსტირების შედეგად გამოვლენილი დაზიანებული ნაწილის ან მომსახურების ფასი აღემატება სახელშეკრულებო ღირებულებას ან დარჩენილ სახელშეკრულებო ღირებულებას, აღნიშნული არ შევა ხელშეკრულებაში.

მომსახურება უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით, შემსყიდველის მოთხოვნის შესაბამისად, მოთხოვნიდან არაუგვიანეს 24 საათის განმავლობაში.

პრეტენდენტის მიერ მომსახურება განხორციელდება ეტაპობრივად (საჭიროებისამებრ), შესაბამისი მოთხოვნის საფუძველზე. შემდეგ მისამართზე: საქართველო, ქალაქი ბათუმი, პუშკინის ქუჩა, N164/ტბელ აბუსერიძის ქუჩა, N2; შპს "ბათუმის რესპუბლიკური კლინიკური საავადმყოფო".

1.7.1.1 შეცვლილ ნაწილზე უნდა გავრცელდეს საგარანტიო ვადა მიღება-ჩაბარების აქტის გაფორმებიდან არანაკლებ 6 (ექვსი) თვე.

1.7.1.2 მიმწოდებელმა, საგარანტიო ვადის პერიოდში გამოვლენილი წუნდებული საქონლის შეკეთება/შეცვლა უნდა უზრუნველყოს საკუთარი ხარჯებით, მოთხოვნიდან არაუგვიანეს 14 (თოთხმეტი) სამუშაო დღის ვადაში.

2.1.1.1. პრეტენდენტს უნდა ჰქონდეს ანალოგიური მომსახურების არანაკლებ 3 წლიანი გამოცდილება.

2.1.1.2. ზემოაღნიშნულის დასადასტურებლად პრეტენდენტმა სისტემაში უნდა ატვირთოს შესაბამისი მომსახურებების შესრულებაზე გაფორმებული ხელშეკრულებების ასლები (ხელშეკრულება) და ხელშეკრულების შესრულების დამადასტურებელი დოკუმენტაცია (ხელშეკრულებების შესაბამისი მიღება-ჩაბარების აქტები ან/და სხვა დოკუმენტები,რომლითაც დადასტურდება მომსახურების შესრულება/გაწევა).

2.1.1.3. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ 2.1.1.2. პუნქტში მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, CMR და სხვა) წარმოდგენა.

1. დოკუმენტის უცხოურ ენაზე წარმოდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თანგმანები ქართულ ენაზე.
2. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი, რომელიც შექმნილია პრეტენდენტის მიერ უნდა იყოს დამოწმებული კვალიფიციური ხელმოწერით/კვალიფიციური შტამპით.
3. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
4. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებითა და სატენდერო დოკუმენტაციით დადგენილ პირობებს.

5. პრეტენდენტი ვალდებულია სატენდერო წინადადების წარდგენის ეტაპზე წარმოადგინოს შემდეგი დოკუმენტაცია:
5.1. სატენდერო დოკუმენტაციის (კითხვარის) 1.3. პუნქტის შესაბამისად, ფასების ცხრილი (დანართი #1) და სატენდერო დოკუმენტაციის 2.2.1 პუნქტით გათვალისწინებული მოთხოვნები.

4.1.1.1. იმ შემთხვევაში, თუ ტენდერში ყველაზე დაბალი წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.2. ფასწარმოქმნის ადეკვატურობის 20%-ით ან მეტით ფასის კლების შემთხვევაში, პრეტენდენტის მიერ წარმოდგენილი ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე, ხარჯთაღრიცხვის ერთეულებთან მიმართებით.

7.2.1. ანგარიშსწორება მიმწოდებელთან განხორციელდება ეტაპობრივად, ფაქტიურად მიწოდებული შესყიდვის ობიექტების მიხედვით, მიმწოდებლის მიერ წარმოდგენილი მიღება-ჩაბარების აქტისა და შესაბამისი საგადასახადო დოკუმენტაციის საფუძველზე (საგადასახადო დოკუმენტაციაში დამატებით მითითებული უნდა იქნას ხელშეკრულების ნომერი);

7.2.2. ანგარიშსწორება განხორციელდება ეროვნულ ვალუტაში - ლარში, უნაღდო ანგარიშსწორების ფორმით, მიმწოდებლის მიერ ფაქტიურად მიწოდებული შესყიდვის ობიექტის ღირებულების შესაბამისად;

7.2.3. ანგარიშსწორება განხორციელდება მიმწოდებლის საბანკო რეკვიზიტებზე.

7.3.1. ანგარიშსწორება განხორციელდება მიღება-ჩაბარების აქტის და საგადასახადო დოკუმენტაციის საფუძველზე, აღნიშნული დოკუმენტაციის მიმწოდებლის მიერ შემსყიდველისათვის წარდგენიდან არაუმეტეს 30 (ოცდაათი) კალენდარული დღის განმავლობაში.

შენიშვნა: ორგანიზაციის სპეციფიკური დაფინანსებიდან გამომდინარე, ვერ განხორციელდება სახელმწიფო შესყიდვების სააგენტოს რეკომენდაციის გათვალისწინება ანგარიშსწორების განხორციელების ვადებთან დაკავშირებით.

ნინო ცინცაძე, 577464525, ninocincadze02@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. ალტერნატიული სატენდერო წინადადება არ განიხილება.

10.1.2. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ. კანონმდებლობით გათვალისწინებული ყველა გადასახადები) გათვალისწინებით.

10.1.3. პრეტენდენტმა სატენდერო წინადადების ფასი უნდა მიუთითოს კანონმდებლობით გათვალისწინებული ყველა გადასახადის ჩათვლით.

10.1.4. საავანსო ანგარიშსწორება არ გამოიყენება;

10.1.5. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი/მიმწოდებელი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

10.1.6. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

10.1.7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.

10.1.9. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.

10.1.10.პრეტენდენტი ვალდებულია სატენდერო დოკუმენტაციის/კითხვარის პუნქტში მიმაგრებული დანართები წარმოადგინოს იმ ფორმით, რა ფორმითაც არის მითითებული სატენდერო დოკუმენტაციაში.

10.1.11. პრეტენდენტს უნდა ჰყავდეს ჰემოდიალიზის სამედიცინო აპარატურის სპეციალისტ(ებ)ი (სერვის ინჟინერი), რომელსაც გააჩნია აღნიშნულ საქმიანობაში სათანადო კომპეტენცია, ცოდნა და გამოცდილება და გავლილი აქვს შესაბამისი სწავლების კურსი.