Услуги в области экологии (Грузия - Тендер #70788757)

საქართველოში ატმოსფერული ჰაერის ხარისხის დაბინძურების ინდიკატორული გაზომვების სახელმწიფო შესყიდვა.

საქართველოში ატმოსფერული ჰაერის ხარისხის დაბინძურების ინდიკატორული გაზომვების სახელმწიფო შესყიდვა. (დეტალურად იხ. დანართი N1)

მიმწოდებელი ვალდებულია უზრუნველყოს პასიური სინჯის ამღები მოწყობილობების (ცხრილი N1-ში მითითებული ტექნიკური სპეციფიკაციებისა და ცხრილი N2-ში მითითებულ რაოდენობების გათვალისწინებით) განთავსება ცხრილი N2-ში მითითებულ ქალაქებში სააგენტოს მიერ განსაზღვრულ წერტილებში. 2026 წლის განმავლობაში განთავსება უნდა მოხდეს ხელშეკრულების გაფორმებიდან 4-ჯერ, სხვადასხვა თვეში, კერძოდ: 1. მარტში; 2. ივნისში; 3. სექტემბერში და 4. ნოემბერში (არაუგვიანეს 05 ნოემბრისა).

პრეტენდენტმა ტექნიკური დავალებით (დანართი N1) გათვალისწინებული პასიური სინჯის ამღები მოწყობილობები უნდა განათავსოს ტექნიკური დავალების ცხრილი N2-ში გათვალისწინებულ ქალაქებში შესაბამისი კვარტლებისა და რაოდენობების გათვალისწინებით.

პასიური გაზომვების სინჯების განთავსების კრიტერიუმები:

- მილაკის შესასვლელის ირგვლივ ნაკადი არ უნდა ფერხდებოდეს ნებისმიერი წინაღობით, რომელიც ზეგავლენას ახდენს ჰაერის ნაკადზე შესასვლელის მიმდებარედ.

- მილაკი უნდა განთავსდეს მიწის ზედაპირიდან 2 მეტრიდან 4 მეტრამდე, მიზანშეწონილია განთავსების სიმაღლე შერჩეული იქნას იმგვარად, რომ იგი ადვილად ხელმისაწვდომი არ იყოს ადამიანისთვის.

- მილაკი არ უნდა მდებარეობდეს დაბინძურების წყაროებთან უშუალო სიახლოვეს, რათა თავიდან იქნას აცილებული შესასვლელში ატმოსფერულ ჰაერთან განუზავებელი გაფრქვევის პირდაპირი შეღწევა.

- მაღალი ტურბულენტობის არეალიდან სინჯის აღების თავიდან აცილების მიზნით, მილაკი არ უნდა განთავსდეს შენობა-ნაგებობის კუთხეში.

- გზისპირა სინჯების აღება უნდა ხდებოდეს ავტომობილების ძირითადი შეჯგუფების არეალიდან (გზაჯვარედინები, საზოგადოებრივი ტრანსპორტის გაჩერებები, პარკინგის მოედნები, ხშირი საცობის არეალები) სულ მცირე 25 მეტრის დაშორებით, ხოლო გზისპირიდან არაუმეტეს 10 მეტრი მანძილის დაშორებით.

- ზოგიერთი ზედაპირი შეიძლება იყოს აბსორბენტი და მილაკის შესასვლელთან ამცირებდეს კონცენტრაციას, ამიტომ, მილაკის დამჭერის სიგრძე უნდა იყოს არანაკლებ 5 სმ.

1. ფასების ცხრილის (დანართი N2) წარმოუდგენლობა, ან მასში შემოთავაზებული სინჯარის მწარმოებელი ქვეყნის, მწარმოებლის და მოდელის (არსებობის შემთხვევაში) მიუთითებლობა, ასევე მისი განუფასებლად წარმოდგენა, დაზუსტებას არ ექვემდებარება და გამოიწვევს პრეტენდენტის დისკვალიფიკაციას ელექტრონული ტენდერიდან. გარდა იმ შემთხვევისა, როცა შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.

2. იმ შემთხვევაში, თუ სინჯარას არ გააჩნია მოდელი, ფასების ცხრილის (დანართი N2) შესაბამის გრაფაში უნდა გაკეთდეს შესაბამისი ჩანაწერი, მაგალითად - "მოდელი არ გააჩნია" ან მსგავსი აღმნიშვნელი ჩანაწერი. წინააღმდეგ შემთხვევაში, თუ წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შეუძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია პრეტენდენტი დაზუსტების გარეშე დაექვემდებარება დისკვალიფიკაციას ელექტრონული ტენდერიდან.

მიმწოდებელი ვალდებულია უზრუნველყოს პასიური სინჯის ამღები მოწყობილობების (ცხრილი N1-ში მითითებული ტექნიკური სპეციფიკაციებისა და ცხრილი N2-ში მითითებულ რაოდენობების გათვალისწინებით) განთავსება ცხრილი N2-ში მითითებულ ქალაქებში სააგენტოს მიერ განსაზღვრულ წერტილებში. 2026 წლის განმავლობაში განთავსება უნდა მოხდეს ხელშეკრულების გაფორმებიდან 4-ჯერ, სხვადასხვა თვეში, კერძოდ: 1. მარტში; 2. ივნისში; 3. სექტემბერში და 4. ნოემბერში (არაუგვიანეს 05 ნოემბრისა).

1. პრეტენდენტმა უნდა წარმოადგინოს ISO17025 სტანდარტით აკრედიტირებული ლაბორატორიის შესახებ სერთიფიკატი, სადაც პრეტენდენტმა უნდა უზრუნველყოს სინჯის ამღები მოწყობილობების საანალიზოდ გაგზავნა და დასკვნის მომზადება.

2. პრეტენდენტმა უნდა წარმოადგინოს ინფორმაცია ელექტრონული მისამართის ვებ გვერდის სახით ან/და აკრედიტირებული ლაბორატორიის მიერ გაცემული წერილის სახით სინჯის ამღები მოწყობილობების მწარმოებლის მიერ დადგენილი ტექნიკური პირობების შესახებ (EN13528 მეთოდი ან მისი საერთაშორისო ანალოგი).

პრეტენდენტმა უნდა წარმოადგინოს შეთანხმების დოკუმენტი, გაფორმებული მასსა და ISO17025 სტანდარტით აკრედიტირებულ ლაბორატორიას შორის, რომლის მიხედვითაც დადასტურდება მზაობა, პრეტენდენტთან ტენდერში გამარჯვების შედეგად ხელშეკრულების გაფორმების შემთხვევაში, შესაბამისი ლაბორატორიის მიერ წინამდებარე სატენდერო დოკუმენტაციის ტექნიკური დავალებით განსაზღვრული მომსახურების განხორციელების შესახებ, ვადით არანაკლებ 2026 წლის 31 დეკემბერი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერთიფიცირებული აუდიტის დასკვნით (დასკვნას თან უნდა ახლდეს დასკვნის გამცემი ორგანოს შესაბამისი უფლებამოსილების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

მიმწოდებელთან ანგარიშსწორება განხორციელდება ფაქტობრივად მიღებული შედეგის, ლაბორატორიული დასკვნის საფუძველზე (ანაზღაურებას არ დაექვემდებარება დაკარგული ან/და დაზიანებული სინჯარების ღირებულება).

მიმწოდებელთან ანგარიშსწორება მოხდება ეტაპობრივად, ფაქტობრივად გაწეული მომსახურების შედეგად მხარეებს შორის გაფორმებული მიღება–ჩაბარების აქტისა და შესაბამისი საგადასახადო დოკუმენტაციის წარმოდგენიდან 10 (ათი) სამუშაო დღის ვადაში.

ზურაბ მიქიაშვილი, 574053535, Zurab.Mikiashvili@nea.gov.ge

10.1 დამატებითი ინფორმაცია/დოკუმენტები

1. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე, ვალდებულია სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
3. პრეტენდენტს არა აქვს უფლება წარმოადგინოს ალტერნატიული წინადადება.
4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარებში.
6. ანგარიშსწორება მოხდება უნაღდო ანგარიშსწორებით ლარში.
7. სახელმწიფო შესყიდვის დაფინანსების წყარო: 2026 წლის - სახელმწიფო მიზნობრივი ქვეპროგრამა „გარემოს დაბინძურების მონიტორინგი".

8. პრეტენდენტის მიერ შესყიდვების ერთიან ელექტრონულ სისტემაში ასატვირთი ინფორმაცია/დოკუმენტაცია:

ა) თანხმობა ტექნიკურ დავალებაზე - დანართი №1-ის შესაბამისად;

ბ) ფასების ცხრილი (დანართი №2);

გ) პრეტენდენტმა უნდა წარმოადგინოს ISO17025 სტანდარტით აკრედიტირებული ლაბორატორიის შესახებ სერთიფიკატი, სადაც პრეტენდენტმა უნდა უზრუნველყოს სინჯის ამღები მოწყობილობების საანალიზოდ გაგზავნა და დასკვნის მომზადება;

დ) პრეტენდენტმა უნდა წარმოადგინოს ინფორმაცია ელექტრონული მისამართის ვებ გვერდის სახით ან/და აკრედიტირებული ლაბორატორიის მიერ გაცემული წერილის სახით სინჯის ამღები მოწყობილობების მწარმოებლის მიერ დადგენილი ტექნიკური პირობების შესახებ (EN13528 მეთოდი ან მისი საერთაშორისო ანალოგი);

ე) პრეტენდენტმა უნდა წარმოადგინოს შეთანხმების დოკუმენტი, გაფორმებული მასსა და ISO17025 სტანდარტით აკრედიტირებულ ლაბორატორიას შორის, რომლის მიხედვითაც დადასტურდება მზაობა, პრეტენდენტთან ტენდერში გამარჯვების შედეგად ხელშეკრულების გაფორმების შემთხვევაში, შესაბამისი ლაბორატორიის მიერ წინამდებარე სატენდერო დოკუმენტაციის ტექნიკური დავალებით განსაზღვრული მომსახურების განხორციელების შესახებ, ვადით არანაკლებ 2026 წლის 31 დეკემბერი.