Образовательные услуги (Грузия - Тендер #70766275)

23 (ოცდასამი) მებაჟე-ოფიცრისთვის, "ძვირფასქვიანი საიუველირო ნაწარმის" და "ძვირფასი ლითონების" შეფასების სფეროში მომზადების კურსის და სერტიფიცირების სახელმწიფო შესყიდვა.

,,ძვირფასქვიანი საიუველირო ნაწარმის’’ მომზადების სრული კურსი უნდა მოიცავდეს:

1. ბრილიანტის შეფასება - არანაკლებ 50 სთ;
ა) ბრილიანტების შესახებ ზოგადი საკითხები;
ბ) ბრილიანტის ფერისა და სისუფთავის განსაზღვრა;
გ) ბრილიანტის დამუშავების ფორმების და ხარისხის განსაზღვრა;
დ) ბრილიანტების ხარისხის დადგენა და შეფასება;
2. ფერადი ძვირფას იქვების შეფასება (ლალი, საფირონი, ზურმუხტი) - არანაკლებ 12 სთ;
ა) ფერადი ძვირფასი ქვების შესახებ ზოგადი საკითხები;
ბ) ფერადი ძვირფასი ქვების დიაგნოსტიკა და შეფასება (ლალი, საფირონი, ზურმუხტი);
3. მოასანიტი და სხვა იმიტაციები - არანაკლებ 5 სთ;
ა) მოასანიტის გარჩევის საშუალებები, ტესტები;
4. ნაკეთობის ღირებულების გამოყვანა - არანაკლებ 25 სთ;
ა) ნაკეთობაში ძვირფასი ქვების ხარისხის დადგენა;
ბ) ნაკეთობაში ძვირფასი ქვის წონის და ხარისხის დადგენა;
გ) ძვირფასი ქვების პრეისკურანტი;

,,ძვირფასი ლითონების’’ მომზადების სრული კურსი მოიცავს:
1. ძვირფასი ლითონები და მათ შენადნობები - არანაკლებ 12 სთ;
ა) ძვირფასი ლითონების დახასიათება და მათი თვისებები ;
ბ) ძვირფასი ლითონები და მათი შენადნობები;
გ) ძვირფასი ლითონების შენადნობები ფერის მიხედვით;
2. სინჯის განსაზღვრის მეთოდები - არანაკლებ 18 სთ;
ა) ძვირფასი ლითონის სინჯის დადგენა სასინჯი ხსნარებისა და სასინჯი ქვის გამოყენებით;
ბ) ძვირფასი ლითონის სინჯის დადგენა ელეტრონული ტესტერის გამოყენებით;
გ) ძვირფასი ლითონის სინჯის დადგენა ხვედრითი წონის განსაზღვრის მეთოდით;
3. სინჯები და დამღები - არანაკლებ 12 სთ;
ა) ძვირფასი ლითონების სინჯების სისტემა (მეტრული, ზოლოტნიკური, კარატული) და მათი
ურთიერთგადაყვანა;
ბ) ნაკეთობის სინჯის აღმნიშვნელი დამღები ქვეყნების მიხედვით და დამღების პერიოდები;
4. დამცავი და დეკორატიული საფარები - არანაკლებ 8 სთ;

კურსები უნდა ჩატარდეს ქართულ ენაზე.
თითოეული კურსი უნდა დასრულდეს შესაბამისი გამოცდით თეორიულ და პრაქტიკულ ნაწილში, რომლის დადებითი შეფასების შემთხვევაში მსმენელი აიღებს შემფასებლის კვალიფიკაციას და შესაბამის სერტიფიკატს.

კურსების და სერტიფიცირების მონაწილეთა რაოდენობა - 23 (ოცდასამი) მსმენელი.

ერთი მსმენელის მომზადების ღირებულებაში პრეტენდენტმა უნდა გაითვალისწინოს ტრენინგის, ტესტირების და სერტიფიცირების ორგანიზება-განხორციელებასთან დაკავშირებული ხარჯები, სასწავლო მასალისა და ტრენინგებთან დაკავშირებული სხვა ხარჯები.

პრეტენდენტმა შერჩევა-შეფასების ეტაპზე, ერთიანი ელექტრონული სისტემის საშუალებით, უნდა წარმოადგინოს ინფორმაცია სატრენინგო სივრცის შესახებ, შესაბამისი მისამართის მითითებით, ფართი უნდა მდებარეობდეს: ქ. თბილისში (ფასების ცხრილი დანართი N1 -ის შესაბამისად). ამასთანავე, სატრენინგო სივრცე აღჭურვილი უნდა იყოს შესაბამისი ტექნიკითა და საჭირო ინვენტარით (მოხერხებული საოფისე მაგიდებითადასკამებით), საკანცელარიო ინვენტარით.

მომსახურების გაწევა (ტრენინგის, ტესტირების და სერტიფიცირების ჩატარება) უნდა დაიწყოს ხელშეკრულების გაფორმების შემდეგ, შემსყიდველის მოთხოვნიდან არაუგვიანეს 5 (ხუთი) სამუშაო დღის განმავლობაში და დასრულდეს პრეტენდენტის მიერ წარმოდგენილი სასწავლო პროგრამით გათვალისწინებულ ვადებში, მაგრამ არაუმეტეს 2026 წლის 25 დეკემბრისა.

ტრენინგის, ტესტირების და სერტიფიცირების ჩატარებისათვის ფართის გამოყოფა უნდა უზრუნველყოს მიმწოდებელმა, რომელიც უნდა განხორციელდეს ქ.თბილისში.

აღნიშნული ინფორმაცია წარმოდგენილი უნდა იყოს ფასების ცხრილი დანართი N1 -ის შესაბამისად.

,,ძვირფასქვიანი საიუველირო ნაწარმის’’ და ,,ძვირფასი ლითონების’’ შეფასების სფეროში მომზადების კურსებს უნდა უძღვებოდეს შესაბამისი პროგრამის მფლობელი სერტიფიცირებული ტრენერ(ებ)ი. პრეტენდენტმა შერჩევა-შეფასების ეტაპზე უნდა წარმოადგინოს შესამამისი სერთიფიკატ(ებ)ი, რომელშიც უნდა ფიქსირდებოდეს პროგრამა და ტრენერის სახელი და გვარი.

1. შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში. პრეტენდენტის მიერ წარმოდგენილი (ერთიან ელექტრონულ სისტემაში ატვირთული) ყველა დოკუმენტი და/ან ინფორმაცია ხელმოწერილი ან/და ბეჭედდასმული უნდა იყოს ხელმძღვანელის ან უფლებამოსილი პირის მიერ (უფლებამოსილი პირის შემთხვევაში წარმოდგენილი უნდა იქნას (ატვირთულ უნდა იქნას ერთიან ელექტრონულ სისტემაში) უფლებამოსილების დამადასტურებელი შესაბამისი დოკუმენტ(ებ)ი).
2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.
3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე.
4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.
5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
6. სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).
7. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
8. მიმწოდებელი ვალდებულია ნებისმიერი ცვლილება ქვეკონტრაქტორთან და აკრედიტაციასთან დაკავშირებით არანაკლებ ერთი თვით ადრე აცნობოს შემსყიდველს.
9. პრეტენდენტის მიერ ერთიან ელექტრონულ სისტემაში ატვირთული დოკუმენტები,„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

შესყიდვის ობიექტის თავისებურებიდან გამომდინარე, რადგან აღნიშნული მომსახურება წარმოადგენს ინტელექტუალურ საქმიანობას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების მე-18 მუხლის მე-5 პუნქტის თანახმად, აღნიშნულ ტენდერში ფასწარმოქმნის ადეკვატურობის დამადასტურებელ დოკუმენტები არ მოითხოვება.

ანგარიშსწორება მიმწოდებელთან განხორციელდება ლარებში, უნაღდო ანგარიშსწორების ფორმით, მიმწოდებლის მიერ ფაქტიურად გაწეული მომსახურების ღირებულების შესაბამისად.
ანგარიშსწორება განხორციელდება მიმწოდებლის საბანკო რეკვიზიტებზე;

ანგარიშსწორება მიმწოდებელთან გამხორციელდება მომსახურების გაწევის შემდეგ (ტრენინგის, ტესტირების და სერტიფიცირების ჩატარების შემდეგ) ინსპექტირების, მიღება-ჩაბარების აქტე(ბი)ს გაფორმებისა და მიმწოდებლის მიერ საქართველოს კანონმდებლობით დადგენილი შესაბამისი დოკუმენტების (მათ შორის საგადასახადო ანგარიშფაქტურა) წარმოდგენიდან (იმ შემთხვევაში თუ მიმწოდებელი არ არის დღგ-ს გადამხდელი, მაშინ მიმწოდებელმა უნდა წარმოადგინოს შესაბამისი ცნობა სსიპ „შემოსავლების სამსახურიდან“) არაუგვიანეს 10 (ათი) სამუშაო დღის განმავლობაში.

სოფია პოლოზიანი, 599933315, s.poloziani@rs.ge