Электрическое оборудование (Грузия - Тендер #70766263)

ავტომობილის სახურავზე დასამონტაჟებელი ციმციმას (თანმდევი მომსახურებით - მონტაჟი) სახელმწიფო შესყიდვა.

1.2.1 შესყიდვის ობიექტის ტექნიკური მახასიათებლები:
1.2.1.1 ციმციმა სადგამით, უნდა იყოს მოციმციმე ამრეკლი მოდულებით, არანაკლებ 20 ლურჯი ნათებით.
1.2.1.1.1 თითოეულ მოდულში ჩამონტაჟებული უნდა იყოს არანაკლებ 4 ცალი GEN III ტიპის არანაკლებ 3 ვატიანი შუქდიოდი.
1.2.1.1.2 შუქდიოდური მოდულების გარე შეფერილობა: გამჭვირვალე.
1.2.1.1.3 შუქდიოდური მოდულები ერთიანობაში უნდა ქმნიდეს ციმციმას გარე პერიმეტრს.
1.2.1.2 მედეგობა წყლისა და მტვრის მიმართ: არანაკლებ IP 67.
1.2.1.3 ციმციმის რეჟიმი: არანაკლებ 12 სახის.
1.2.1.4 ციმციმას კორპუსი (ზედა და ქვედა მხარე) დამზადებული უნდა იყოს შავი ან ვერფხლისფერი შეფერილობის ალუმინის მასალისაგან.
1.2.1.5 ციმციმას უნდა გააჩნდეს დამოუკიდებელი მართვის პანელი არანაკლებ 4 ღილაკით, საიდანაც შესაძლებელი უნდა იყოს ციმციმას წინა / უკანა ნაწილის დამოუკიდებლად ჩართვა-გამორთვა, სინათლის ნაკადის რეგულირება და ციმციმის რეჟიმის შეცვლა.
1.2.1.6 სირენას ბლოკის ხმები არანაკლებ: Yelp, Hi-Lo, Hi-Fi, Wail 1, Wail 2, manual, Tool, Horn, Siren, Yelp Relay, Super Siren, tones.
1.2.1.7 ციმციმას სამუშაო ძაბვა: 12ვ.
1.2.1.8 დენის ძალა: არაუმეტეს 10 ამპერი.
1.2.1.9 ციმციმას ზომები:
1.2.1.9.1 სიგრძე: 1200 მმ;
1.2.1.9.2 სიმაღლე სადგამის გარეშე: 65 მმ;
1.2.1.9.3 სიმაღლე სადგამით: 135 მმ;
1.2.1.9.4 სიგანე: 305 მმ;
1.2.1.9.5 დასაშვები ცდომილება ±10მმ.
1.2.1.10 ციმციმას უნდა გააჩნდეს არანაკლებ 100 ვატი სიმძლავრის, ციმციმაში ჩამონტაჟებული ხმამაღლა მოლაპარაკე.
1.2.1.11 ხმის კომპრესიის დონე: არანაკლებ 110 დბ.

1.2.2 რაოდენობა: 50 (ორმოცდაათი) კომპლექტი.

1.2.3 სატენდერო წინადადების ფასში პრეტენდენტმა უნდა გაითვალისწინოს შესყიდვის ობიექტის მიწოდებასთან დაკავშირებული ყველა ხარჯი (ტრანსპორტირება, სადენებისა და სამონტაჟო მასალის ღირებულება და სხვა).
1.2.4 შემსყიდველი ორგანიზაცია უფლებამოსილია ელექტრონული ტენდერის შერჩევა-შეფასების ეტაპზე გადაამოწმოს პრეტენდენტის მიერ შემოთავაზებული საქონლის ტექნიკური მახასიათებლები მწარმოებლის ოფიციალურ ვებ-გვერდზე (არსებობის შემთხვევაში).
1.2.5 იმ შემთხვევაში, თუ წარმოდგენილი ინფორმაცია შეუსაბამოა ან/და სრულად არ არის ასახული მწარმოებლის ოფიციალურ ვებ-გვერდზე ან/და მწარმოებელს არ აქვს ოფიციალური ვებ-გვერდი, შემსყიდველი უფლებამოსილია მოსთხოვოს პრეტენდენტს მწარმოებლის მიერ გაცემული წერილი შემოთავაზებული შესყიდვის ობიექტის ტექნიკური მახასიათებლების დასადასტურებლად.
1.2.6 შესყიდვის ობიექტის ნიმუში ატვირთულია სატენდერო დოკუმენტაციის 1.2 პუნქტში.

შესყიდვის ობიექტის მიწოდების (თანმდევი მომსახურებით - მონტაჟი) ვადა: ხელშეკრულების ძალაში შესვლიდან არაუგვიანეს 45 (ორმოცდახუთი) კალენდარული დღე.

შესყიდვის ობიექტის მიწოდების (თანმდევი მომსახურებით - მონტაჟი) ადგილი: ქ. თბილისის მუნიციპალიტეტის ტერიტორია, მიმწოდებლის მიერ შემოთავაზებული სერვის ცენტრი.

1.7.1.1 შემოთავაზებული საქონელი უნდა იყოს ახალი და უნაკლო.
1.7.1.2 შესყიდვის ობიექტის საგარანტიო ვადა შეადგენს მიღება-ჩაბარების აქტის გაფორმებიდან 1 (ერთი) წელს.
1.7.1.3 საგარანტიო ვადაში შესყიდვის ობიექტის მიერ გამოვლენილი წუნის/ხარვეზის/დეფექტის შემთხვევაში, მიმწოდებელი ვალდებულია შეაკეთოს ან შეცვალოს ახლით წუნის/ხარვეზის/დეფექტის მქონე საქონელი.
1.7.1.4 წუნის/ხარვეზის/დეფექტის გამო საქონლის შეკეთების ან შეცვლის საჭიროების შემთხვევაში საქონლის ტრანსპორტირება უნდა უზრუნველყოს მიმწოდებელმა.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი ან/და სავაჭრო ნიშანი და მარკა ან/და მოდელი
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

3.1.1.1 პრეტენდენტი ვალდებულია უზრუნველყოს ფასების ცხრილით (დანართი N1) შემოთავაზებული შესყიდვის ობიექტის (სრული კომპლექტი) ნიმუშის შემსყიდველ ორგანიზაციაში წარმოდგენა.
3.1.1.2 წარმოდგენილი ნიმუში სრულად უნდა აკმაყოფილებდეს სატენდერო დოკუმენტაციის მოთხოვნებს.
3.1.1.3 პრეტენდენტის მიერ წარდგენილი შესყიდვის ობიექტის ნიმუში დაზუსტებას არ ექვემდებარება.
3.1.1.4 წარმოდგენილი ნიმუში პრეტენდენტს დაუბრუნდება წერილობითი მოთხოვნიდან გონივრულ ვადაში.

ქ. თბილისი, ჟ. შარტავას ქ. N7 (ქალაქ თბილისის მუნიციპალიტეტის მერიის ადმინისტრაცია).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის (საშემფასებლო) დასკვნა (დასკვნასთან ერთად წარმოდგენილ უნდა იქნას შესაბამისი უფლებამოსილების დამადასტურებელი დოკუმენტი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის 1-ელი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში, 2026 წლის ადგილობრივი ბიუჯეტის სახსრებიდან.

შესყიდვის ობიექტის მიწოდების შემდეგ, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

სოფიკო ცუხიშვილი, 598340929, s.tsukhishvili@tbilisi.gov.ge , ტექნიკურ საკითხებთან დაკავშირებით საკონტაქტო პირი - სანდრო კიკაბიძე, მობილური ტელეფონის ნომერი - 595556587; ელ-ფოსტა: s.kikabidze@tbilisi.gov.ge.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 ფასების ცხრილი (დანართი N1) MS Excel-ის ფორმატის ფაილის სახით, სატენდერო დოკუმენტაციის 2.1.1.1 პუნქტით მოთხოვნილი ინფორმაციის გათვალისწინებით.