Услуги в области бухгалтерского учета, аудита и налогообложения (Грузия - Тендер #70766253)

აუდიტორული მომსახურების შესყიდვა.

1.1. შესყიდვის ობიექტის დასახელება:

"საქართველოში სისხლის ნაკადის ინფექციებისას ანტიმიკრობული საშუალებების რაციონალური გამოყენების პროგრამაში მიკრობიოლოგიური დიაგნოსტიკის გაძლიერება" - საგრანტო პროექტის ფარგლებში 01.01.2025-31.12.2025 პერიოდის ფინანსური აუდიტორული მომსახურების შესყიდვა (აღნიშნულ პერიოდში ხარჯი შეადგენს 198 188.04 ლარს (მათ შორის #2502 - 111188.04 ლარი და #3196 - 87000 ლარი)).

1.2. მომსახურების/სამუშაოს აღწერა (ტექნიკური დავალება):

ამ შესყიდვით განსაზღვრული მომსახურება გულისხმობს დადებული საგრანტო ხელშეკრულების ფინანსური ანგარიშგების და საგადასახადო დავალებების აუდიტს 01.01.2025-31.12.2025 პერიოდში.
განსახორციელებელი კონკრეტული დავალებები:

ა) მომსახურების მიმწოდებლის მიერ, უნდა შეფასდეს პროექტის მიმდინარეობის მთლიანი პერიოდის განმავლობაში განხორციელებული ფინანსური და საბუღალტრო ოპერაციების სიზუსტე/სისწორე, მისი შესაბამისობა წარმოდგენილ დოკუმენტაციასთან და მომსახურების ღირებულების შესაბამისობა პროექტის ბიუჯეტით გათვალისწინებულ ღირებულებასთან.
ბ) პროექტის ფარგლებში განხორციელებული ფინანსური და საბუღალტრო ანგარიშგება.
გ) აუდიტორული მომსახურებით უნდა დადგინდეს პროექტის ბიუჯეტთან ანგარიშსწორების სისწორე.
დ) მიმწოდებელმა აუდიტორულ დასკვნასთან ერთად უნდა წარმოადგინოს რეკომენდაციები შემდგომი საქმიანობის სწორად და ზუსტად განხორციელების მიზნით.


მოსალოდნელი გაზომვადი შედეგები:
პროექტის ფარგლებში განხორციელებული სამუშაოები და მათი ფინანსური ანგარიშგება.

შესრულებული სამუშაოს შეფასების ინდიკატორები:

1. ჩატარებული აუდიტორული შემოწმების დასკვნები;
2. რეკომენდაციები;

მომსახურების გაწევა აუდიტორმა უნდა უზრუნველყოს აუდიტის საერთაშორისო სტანდარტების (ISA) ან მსგავსი საერთაშორისო სტანდარტებისა და დონორი ორგანიზაციის სახელმძღვანელო მოთხოვნების (იხ. თანდართული დონორის ინსტრუქციები) შესაბამისად.

ერთჯერადად, არაუგვიანეს 2026 წლის 20 მარტისა.

მომსახურების გაწევის ადგილი: სსიპ „ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი“, კახეთის გზატკეცილი #99, თბილისი.

აუდიტორული შეფასების დასკვნა/რეკომენდაციები წარმოდგენილი უნდა იქნას ქართულ და ინგლისურ ენებზე.

პრეტენდენტს 01.01.2021-დან ტენდერის გამოცხადების დღემდე პერიოდში უნდა გააჩნდეს 2 ან მეტი ხელშეკრულების ფარგლებში აუდიტორული მომსახურების გაწევის გამოცდილება.

1. იმ შემთხვევაში, თუ მოთხოვნილი გამოცდილების შესახებ ინფორმაციის დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტმა აღნიშნული ინფორმაცია უნდა წარმოადგინოს დანართი N2-ის ფორმით და მიუთითოს შესაბამისი SPA ან/და NAT ან/და CMR ან/და სხვა შესყიდვის საშუალების ნომრები და არ წარმოადგინოს დოკუმენტაცია.

2. პრეტენდენტის მიერ იმ გამოცდილების შესახებ ინფორმაციის წარმოსადგენად, რომელშიც დამკვეთს წარმოადგენს კერძო სამართლის სუბიექტი (არა შემსყიდველი ორგანიზაციები), პრეტენდენტი ვალდებულია წარმოადგინოს ორმხრივად (როგორც დამკვეთის ასევე შემსრულებლის მხრიდან) შესაბამისი უფლებამოსილი პირების მიერ, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, კვალიფიციური ელექტრონული ხელმოწერით ხელმოწერილი ან კვალიფიციური ელექტრონული შტამპით დამოწმებული დოკუმენტი, კერძოდ: ხელშეკრულებ(ებ)ი და მიღება-ჩაბარებ(ებ)ის აქტები ან/და სხვა დამადასტურებელი დოკუმენტ(ებ)ი, საიდანაც უნდა იდენტიფიცირდებოდეს როგორც სამუშაოების შინაარსი და ღირებულება, ასევე საანგარიშგებო პერიოდში შესრულებული სამუშაოების ღირებულება, დაწყებისა და დასრულების ვადების მითითებით. თუ აღნიშნული ელექტრონული დოკუმენტი ვერ მოწმდება შესაბამისი პირის კვალიფიციური ელექტრონული ხელმოწერით ან/და შტამპით, ამ შემთხვევაში, პრეტენდენტმა სისტემაში უნდა ატვირთოს მატერიალური დოკუმენტის სანოტარო წესით დამოწმებული ელექტრონული ასლი.

1. ერთი ან მეტი თანამშრომლის, შესაბამისი უფლებამოსილი ორგანოს მიერ გაცემული აუდიტორული საქმიანობის დამადასტურებელი სერტიფიკატი;

2. ერთი ან მეტი აუდიტორის, სახელმწიფო აუდიტის სამსახურის შესახებ საქართველოს ორგანული კანონის შესაბამისად, სსიპ "საჯარო აუდიტის ინსტიტუტის" მიერ გაცემული საჯარო სექტორში აუცილებელი მომსახურების გაწევის უფლების მქონე სერტიფიკატი;

ფასწარმოქმნის ადეკვატურობის დამადასტურებელი დოკუმენტი არ მოითხოვება, ვინაიდან აღნიშნული მომსახურება წარმოადგენს ინტელექტუალურ საქმიანობას.

ანგარიშსწორება განხორციელდება ლარებში.
ანგარიშსწორება განხორციელდება ტექნიკური დავალების შესაბამისი დასკვნის წარმოდგენის შემდეგ, მიღება-ჩაბარების აქტის საფუძველზე.

მიღება-ჩაბარების აქტის გაფორმებიდან 10 სამუშაო დღის ვადაში.

ნინო მარჯანიძე, 593689988, nino.marjanidze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაცია და სატენდერო წინადადების ფასი) წარდგენით პრეტენდენტი ავტომატურად გამოხატავს თანხმობას ამ პუნქტის „ა“-„ე“ ქვეპუნქტებში განსაზღვრულ მოთხოვნებზე:

ა. პრეტენდენტის მიერ წარმოდგენილი დოკუმენტაცია ხელმოწერილი უნდა იყოს უფლებამოსილი პირის მიერ.

ბ. ანგარიშსწორება განხორციელდება უნაღდო ანგარიშსწორებით ლარში, ტექნიკური დავალების შესაბამისი დასკვნის წარმოდგენის შემდეგ, მიღება-ჩაბარების აქტის საფუძველზე, აქტის გაფორმებიდან 10 სამუშაო დღის ვადაში.

გ. პრეტენდენტის მიერ სატენდერო წინადადების წარმოდგენა დასაშვებია უცხო ენაზე, ასეთ შემთხვევაში სატენდერო დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.

დ. მომსახურების გაწევისთვის შემოთავაზებული ფასები უნდა მოიცავდეს მომსახურების სრულყოფილად გაწევასთან დაკავშირებულ ყველა ხარჯს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.

ე.პრეტენდენტის მიერ წარმოდგენილ ფასების ცხრილში, ერთეულის ღირებულება (ლარი) უნდა განისაზღვროს მეასედის სიზუსტით.