Архитектурные и сопутствующие услуги (Грузия - Тендер #70724321)

ხელვაჩაურის მუნიციპალიტეტის ტერიტორიაზე სხვადასხვა (ხიდები, წყლები, სკვერები, მოედნები) მშენებლობის სამუშაოების შესრულებაზე 2026 წლის განმავლობაში ტექნიკური ზედამხედველობის მომსახურების შესყიდვა.

1.2.1. ტექნიკური ზედამხედველობა მოიცავს შემდეგს:
ა) კონტროლი საპროექტო გადაწყვეტილების დაცვაზე;
ბ) ანაზღაურებისათვის წარმოდგენილი სამუშაოთა მოცულობის და პროექტთან შესაბამისობის დადასტურება, ფაქტიურად შესრულებულ სამუშაოთა მოცულობის და შემსყიდველთან შეთანხმებული შესაბამისი ერთეული სამუშაოთა ღირებულების დადასტურება,
გ) შესრულებული სამშენებლო სამუშაოების, გამოყენებული კონსტრუქციების, ნაკეთობებისა და მასალების საპროექტო გადაწყვეტასთან, სამშენებლო ნორმებისა და წესების მოთხოვნებთან,სტანდარტებთან, ტექნიკურ პირობებსა და სხვა ნორმატიულ დოკუმენტაციასთან შესაბამისობის კონტროლი,
დ) საპროექტო დოკუმენტაციაში გამოვლენილი დეფექტების აღმოფხვრისათვის საკითხის დროულად დაყენება და შესრულებაზე კონტროლი,
ე) მშენებლობაზე გამოყენებული კონსტრუქციების, ნაკეთობების და მასალების ტექნიკური პასპორტების, სერტიფიკატების, ლაბორატორიული შემოწმებების შედეგებისა და ხარისხის დამადასტურებელი სხვა დოკუმენტების არსებობის შემოწმება, სამუშაოების წარმოების ჟურნალის არსებობა,
ვ) ისეთი სამუშაოების და კონსტრუქციული ელემენტების დამოწმება, შეფასება და შესაბამისი აქტების შედგენაში მონაწილეობა, რომლებიც დაიფარებიან შემდგომი სამუშაოების შესრულების შედეგად,
ზ) შენობის ძირითადი და საპასუხისმგებლო კონსტრუქციების გამოცდისა და მიღება ჩაბარების განხორციელება,
თ) მონაწილეობა სამშენებლო კონტროლისა და მშენებლობის ცალკეული ეტაპის სამშენებლო სამუშაოთა ხარისხის შემოწმება შეფასებაში და პროექტთან შესაბამისობის დადგენაში, სამშენებლო ეტაპების და ფარული სამუშაოების აქტების შედგენაზე ზედამხედველობა.
ი) ტექნიკური ზედამხედველი ვალდებულია დაესწროს ყველა ფარულ სამუშაოს.
კ) პირველადი საშემსრულებლო ტექნიკური დოკუმენტის წარმოებაზე კონტროლი და სამშენებლო სამუშაოების წარმოებისას ნაკლოვანებებისა და დეფექტების გამოვლენის შემთხვევაში მასში ცვლილებების შეტანა,
ლ) კონტროლი სამშენებლო ორგანიზაციის მიერ საავტორო ზედამხედველობისა და სახელმწიფო მაკონტროლებელი ორგანოების მითითებების, მიწერილობების, აგრეთვე ტექნიკური ზედამხედველის იმ მოთხოვნათა შესრულებაზე, რომლებიც მიეკუთვნება სამშენებლო სამუშაოების ხარისხის, გამოყენებული კონტრუქციების, ნაკეთობების და მასალების, ცალკეული სამუშაოების დეფექტებისა და ნაკლოვანებების აღმოფხვრის საკითხებს,
მ)მონაწილეობა მუშა კომისიების მიერ ცალკეული სამშენებლო სამუშაოების ხარისხზე და საპროექტო მონაცემთა შესაბამისობაზე ჩატარებულ შემოწმებებში,
ნ) საჭიროების შემთხვევაში პროექტსა და შესასრულებელი სამუშაოების ხარჯთაღრიცხვაში ცვლილებების შეტანის მიზანშეწონილობისა და აუცილებლობის შესახებ შემსყიდველისათვის არგუმენტირებული წინადადებების წარდგენა, ასევე კორექტირებული პროექტებისა და ხარჯთაღრიცხვების მომზადება საპროექტო ორგანიზაციასთან შეთანხმებით ან მის გარეშე (შემსყიდველის მოთხოვნისამებრ),
ო) მშენებლობის პროცესში შემსყიდველისათვის ყოველკვირეულად ინფორმაციების მიწოდება მშენებლობის მიმდინარეობისა და გეგმა-გრაფიკის შესრულების შესახებ. ინფორმაციას თან უნდა დაერთოს ახსნა-განმარტება დაგეგმილი სამუშაოების დროულად შეუსრულებლობის მიზეზების მითითებით,
პ) სამუშაოების შესრულებისა და მასალის ხარისხის კონტროლი,
ჟ) ტექნიკური ზედამხედველი ვალდებულია დაესწროს შესრულებული სამუშაოების ოდენობისა და ღირებულების მიზნით დანიშნულ ექსპერტიზას.
რ) ტექნიკური ზედამხედველი ვალდებულია აწარმოოს უხარიხსხოდ შესრულებული სამუშაოს აღრიცხვიანობა,

1.2.2. ტექნიკური ზედამხედველი თავისი ვალდებულებების შესასრულებლად უფლებამოსილი და ვალდებულია სამუშაოების მწარმოებელს მოთხოვოს სამუშაოების დროული, ხარისხიანი და პროექტის სრული დაცვით შესრულება. მიმართოს მას ზეპირად, ხოლო შესრულებლობის შემთხვევაში წერილობით და ამის შესახებ აცნობოს ასევე შემსყიდველს.
1.2.3. იმ შემთხვევაში, თუ სამუშაოების მწარმოებელი არღვევს, რომელიმე ზემოაღნიშნულს და ამის თაობაზე ტექნიკურ ზედამხედველს არ გააჩნია ოფიციალური მიწერილობები, ჩაითვლება, რომ ტექნიკური ზედამხედველი არაჯეროვნად ასრულებს დაკისრებულ ვალდებულებებს, რის საფუძველზედაც შემსყიდველს შეუძლია ცალმხრივად შეწყვიტოს ხელშეკრულება ან მოთხოვოს ტექნიკური ზედამხედველის შეცვლა.
1.2.4. თუ მიმწოდებელი არ არის ტექნიკურ ზედამხედველობაზე აკრედიტაციის მოწმობის მქონე, მაშინ ტექნიკური ზედამხედველობა მიმწოდებლის სახელით უნდა განახორციელოს არანაკლებ 3 (სამი) პირმა, რომელთაც გააჩნიათ შესაბამისი ცოდნა და გამოცდილება და მათ შესახებ ინფორმაცია თან უნდა ერთვოდეს ხელშეკრულებას. აღნიშნული პირების შეცვლა/დამატება შესაძლებელია შემსყიდველთან შეთანხმებით იმის გათვალისწინებით, რომ მიმწოდებლის მიერ ჩასანაცვლებლად/დასამატებლად წარმოდგენილი პირი უნდა აკმაყოფილებდეს სატენდერო დოკუმენტაციით განსაზღვრულ მოთხოვნებს. ინფორმაციას შესრულებული სამუშაოების შესახებ ხელს აწერს არანაკლებ ორი ტექნიკური ზედამხედველი. აღნიშნულ ინფორმაციაზე მიმწოდებლის ხელმოწერა მოითხოვება მხოლოდ იმ შემთხვევაში, თუ იგი არის ტექნიკურ ზედამხედველობაზე აკრედიტაციის მოწმობის მქონე პირი.
1.2.5. მიმწოდებელი ვალდებულია სამუშაოების დასრულების შემდგომ წარმოადგინოს სრული ფორმა N2 კონკრეტულ ობიექტზე შესრულებეულ ყველა სამუშაოეზე, მიუხედავად იმისა, წარმოდგენილია თუ არა მასზე შუალედური ფორმა 2.
1.2.6. მიმწოდებელი ვალდებულია სისტემატიურად მიაწოდოს შემსყიდველს სამუშაოების მიმდინარეობისა და ტექნიკური ზედამხედველობის განხორციელების დამადასტირებელი ფოტო - მასალა ელექტრონულად, შემსყიდველთან შეთანხმებული ფორმით.

შენიშვნა: იმ შემთხვევაში თუ მიმწოდებელი არის აკრედიტირებული ორგანო საექსპერტო დასკვნების გაცემის სფეროში, მიმწოდებელს უფლება არ აქვს საზედამხედველო ობიექტზე გასცეს შესრულებული სამუშაოების შესაბამისობის ექსპერტიზის დასკვნა.

(1.2 პუნქტით მოთხოვნილი ინფორმაციის "დანართი N2 - ტექნიკური დავალება" წარმოდგენა სავალდებულოა).

მომსახურების გაწევის ვადაა ხელშეკრულების გაფორმებიდან 2026 წლის 31 დეკემბრის ჩათვლით პერიოდი, სისტემატიურად, უწყვეტ რეჟიმში, სამშენებლო სამუშაოების შესაბამისად.

1.5.1 მიმდინარე სამუშაოებზე ტექნიკური ზედამხედველობა უნდა განხორციელდეს სისტემატიურად.
1.5.2 შესრულებულ სამუშაოებზე ფორმა 2-ის შედგენის მიზნით სამშენებლო კომპანია მიმართავს ტექნიკურ ზედამხედველს და წარუდგენს ფორმა 2-ს, ასევე ფარული სამუშაოების აქტს, რომლის დადასტურების შემდეგ სამშენებლო კომპანია აღნიშნულ დოკუმენტებს წარუდგენს ინსპექტირების ორგანოს ექსპერტიზის დასკვნის/ინსპექტირების ანგარიშის მომზადებისათვის, რომელიც საბოლოოდ წარედგინება შემსყიდველ ორგანიზაციას.
1.5.3 ხელვაჩაურის მუნიციპალიტეტის ტერიტორიაზე, კონკრეტული სამშენებლო ობიექტ/ებ/ი, რომელთა სამშენებლო სამუშაოებზე მიმწოდებლის მიერ უნდა განხორციელდეს ტექნიკური ზედამხედველობა, განისაზღვრება შემსყიდველის მიერ მიმწოდებელზე წერილობითი შეტყობინებით წარმოდგენილი, სახელმწიფო შესყიდვების შესახებ გაფორმებული ხელშეკრულე/ბე/ბით.

1.7.1. შესრულებული მომსახურეის საგარანტიო ვადა შეადგენს, საბოლოო მიღება-ჩაბარების აქტის გაფორმებიდან 1 (ერთი) წელს.
1.7.2. საგარანტიო ვადის განმავლობაში, ობიექტის ექსპლუატაციის პროცესში რაიმე წუნის (ნაკლოვანებები, დეფექტი) აღმოჩენის შემთხვევაში მიმწოდებელი ვალდებულია შეტყობინების მიღებიდან, განახორციელოს განმეორებით ზედამხედველობა, წარმოქმნილი ნაკლოვანების/დეფექტების გამოსწორების პროცესში საკუთარი ხარჯებით.

იმ შემთხვევაში, თუ პრეტენდენტის აკრედიტაციის სფერო არ იქნება - სამშენებლო სამუშაოებზე ტექნიკური ზედამხედველობა, ან პრეტენდნეტი არ იქნება მოქმედი კანონმდებლობით განსაზღვრული უფლებამოსილი ორგანო (სსიპ ლევან სამხარაულის სახელობის სასამართლო ექსპერტიზის ეროვნული ბიურო და სხვა), მაშინ პრეტენდენტმა უნდა წარმოადგინოს მასთან დასაქმებული არანაკლებ 3 პირის შესახებ შემდეგი ინფორმაცია:
ა) პირადობის მოწმობის ასლი;
ბ) დიპლომის ასლი, რომლითაც დგინდება, რომ მათ უმაღლესი (აკადემიური ან პროფესიული) განათლება აქვს საინჟინრო-სამშენებლო სფეროში.
გ) მიმწოდებელსა და სპეციალისტს შორის გაფორმებული შრომითი ხელშეკრულება, რომლის მოქმედების ვადა უნდა აღემატებოდეს წინამდებარე ტენდერით განსაზღვრული მომსახურების გაწევის ვადას;

ინფორმაციასთან ერთად წარმოდგენილი უნდა იქნეს აღნიშნული პირების თანხმობები წინამდებარე ტენდერით გათვალისწინებული მომსახურების შესრულებაზე.

ასევე წარმოდგენილი უნდა იქნას ინფორმაცია აღნიშნული პირების სამუშაო გამოცდილების თაობაზე, კერძოდ: თითოეულ პირს 2020 წლის 01 იანვრიდან ტენდერის გამოცხადების თარიღამდე საჭიროა ჰქონდეს განხორციელებული ტექნიკური ზედამხედველობა არანაკლებ 4500000 (ოთხი მილიონ ხუთასი) ლარის ოდენობის შენობის/ნაგებობის მშენებლობის სამუშაოებზე; აღნიშნული ინფორმაციის დადასტურების მიზნით, პრეტენდენტის მიერ წარმოდგენილი უნდა იქნას მომსახურების შესრულების დამადასტურებელი დოკუმენტის ასლები (მომსახურების მიღება-ჩაბარების აქტი, ან/და დამკვეთის მიერ გაცემული შესრულებული მომსახურების დამადასტურებელი ცნობა ან სხვა), რომლითაც დასტურდება იმ სამუშაოების ღირებულება, რომელთა ტექნიკური ზედამხედველობაც განახორციელა აღნიშნულ პირმა

ამასთან აღნიშნული პირებიდან თითოეულს უნდა გააჩნდეს სპეციალობით მუშაობის არანაკლებ
3 (სამი) წლის სტაჟი, რის დასადასტურებლადაც წარმოდგენილი უნდა იქნას შესაბამისი დოკუმენტაცია (ცნობა, ხელშეკრულება, ამონაწერი და სხვა).

შენიშვნა: სტაჟის მოთხოვნა გამომდინარეობს საქართველოს მთავრობის 2019 წლის 31 მაისის N256 დადგენილებიდან ,,სანებართვო დოკუმენტაციის საექსპერტო შეფასებისა და ტექნიკური ზედამხედველობის განხორციელების დროებითი წესის შესახებ’’.

შესყიდვაში მონაწილეობის მსურველი შეიძლება იყოს ერთ-ერთი შემდეგი პირი:

2.7.1.1. სსიპ აკრედიტაციის ერთიანი ეროვნული ორგანო - აკრედიტაციის ცენტრის მიერ აკრედიტებული ინსპექტირების პირები, რომელთა აკრედიტაციის სფეროს წარმოადგენს - სამშენებლო სამუშაოებზე ტექნიკური ზედამხედველობა-ინსპექტირება (მხოლოდ ინსპექტირება, ტექნიკური ზედამხედველობის გარეშე, არ ჩაითვლება). პრეტენდენტის მიერ წარმოდგენილი უნდა იქნას აკრედიტაციის დამადასტურებელი დოკუმენტი.

2.7.1.2. მოქმედი კანონმდებლობით განსაზღვრული უფლებამოსილი ორგანო (სსიპ ლევან სამხარაულის სახელობის სასამართლო ექსპერტიზის ეროვნული ბიურო და სხვა).

2.7.1.3. ნებისმიერი პირი, რისთვისაც პრეტენდენტმა უნდა წარმოადგინოს მასთან დასაქმებული არანაკლებ 3 პირის შესახებ შემდეგი ინფორმაცია 2.4.1. პუნქტის შესაბამისად.

პრეტენდენტის სატენდერო წინადადება უნდა შეიცავდეს:
2.9.1 ფასების ცხრილს - დანართი N1-ის შესაბამისად;
2.9.2 ტექნიკურ დავალებას - დანართი N2-ის შესაბამისად.
2.9.3 ინფორმაციას პრეტენდენტის პერსონალის გამოცდილების შესახებ - სატენდერო დოკუმენტაციის 2.4.1 პუნქტის შესაბამისად;

შენიშვნა: იმ შემთხვევაში თუ არ იქნება ან/და განუფასებლად იქნება წარმოდგენილი დანართი N1 პრეტენდენტის სატენდერო წინადადების დაზუსტების განხილვა არ განხორციელდება და პრეტენდენტი დაექვემდებარება დისკვალიფიკაციას, ,,ელექტრონული ტენდერის ჩატარების წესის დამტკიცების შესახებ’’ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 27-ე მუხლის მე-2, მე-3 პუნქტებისა და 32-ე მუხლის პირველი პუნქტის ,,ბ’’ ქვეპუნქტის საფუძველზე.

შენიშვნა: იმ შემთხვევაში თუ მიმწოდებელი არის აკრედიტირებული ორგანო საექსპერტო დასკვნების გაცემის სფეროში, მიმწოდებელს უფლება არ აქვს საზედამხედველო ობიექტზე გასცეს შესრულებული სამუშაოების შესაბამისობის ექსპერტიზის დასკვნა.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება. სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-18 მუხლის მე-5 პუნქტის შესაბამისად, შესყიდვის თავისებურებიდან გამომდინარე (ინტელექტუალური მომსახურება) შემსყიდველი ორგანიზაცია არ ითვალისწინებს ფასწარმოქმნის ადეკვატურობის დასაბუთების ვალდებულებას.

7.2.1. ანგარიშსწორება მიმწოდებელთან ხორციელდება უნაღდო ანგარიშსწორების ფორმით ხელშეკრულებით გათვალისწინებულ რეკვიზიტებზე გადარიცხვით, ანგარიშსწორების ვალუტა – ლარი.
7.2.2. მიმოწოდებელთან ანგარიშსწორება განხორციელდება ა(ა)იპ ,,ხელვაჩაურის მუნიციპალური ინსპექციის, ინფრასტრუქტურისა და კეთილმოწყობის სამმართველო’’-ს მიერ 2026 წლის განმავლობაში განხორციელებულ/განსახორციელებელ სხვადასხვა (ხიდები, წყლები, სკვერები, მოედნები) ინფრასტრუქტურული ობიექტების მშენებლობის ფარგლებში მშენებლობის სამუშაოების ღირებულების (მშენებელთან/მშენებლებთან დადებული ხელშეკრულებ(ებ)ის ღირებულება) შესაბამისი პროცენტის ოდენობით, დანართის №1 შესაბამისად. ანგარიშსწორება განხორციელდება მიმწოდებლის მიერ დადასტურებული ფორმა 2-ის წარმოდგენის შემდეგ, შედგენილი ექსპერტიზის დასკვნაში/ინსპექტირების ანგარიშში მითითებული შესრულებული სამუშაოების ღირებულების პროპორციულად. ტექნიკური ზედამხედველობის ღირებულება განისაზღვრება საერთო პროცენტული განაკვეთით, დანართის №1 შესაბამისად.
7.2.3. მიმწოდებელი ვალდებულია, საბოლოო ანგარიშსწორებამდე შემსყიდველის მოთხოვნიდან 5 (ხუთი) კალენდარული დღის ვადაში წარმოადგინოს საგარანტიო პერიოდში ნაკისრი ვალდებულების შესრულების უზრუნველყოფის გარანტია 5500 (ხუთი ათას ხუთასი) ლარის ოდენობით, რომლის მოქმედების ვადა უნდა იყოს მინიმუმ 1 (ერთი) წელი საბოლოო მიღება-ჩაბარების აქტის გაფორმების დღიდან. გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის’’ მიერ ლიცენზირებული სადაზღვევო კომპანიიდან. წინააღმდეგ შემთხვევაში მიმწოდებელთან ხელშეკრულების მოქმედება ცალმხრივად შეწყდება და დარჩენილი ნაწილის ანგარიშსწორება აღარ განხორციელდება, რაზედაც მომწოდებელს შემდგომში არ ექნება პრეტენზია. საბოლოო მიღება-ჩაბარების აქტის შემდეგ გამოვლენილი ხარვეზის მიმწოდებლის მიერ შესაბამის ვადაში გამოუსწორებლობის შემთხვევაში აღნიშნული გარანტიით გათვალისწინებული თანხა სრულად ჩაირიცხება ა(ა)იპ ,,ხელვაჩაურის მუნიციპალური ინსპექციის, ინფრასტრუქტურისა და კეთილმოწყობის სამმართველო’’-ს ანგარიშსზე, მიუხედავად ხარვეზის აღმოფხვრისათვის საჭირო თანხის ოდენობისა. თანხა სრულად იქნება გამოყენებული ხარვეზების აღმოფხვრისათვის. გარანტიის ამოქმედება არ ათავისუფლებს მიმწოდებელს საგარანტიო ვადის ფარგლებში მის ვალდებულებებისაგან, რისი დაკმაყოფილებაც ვერ მოხერხდება გარანტიის ფარგლებში.

ანგარიშსწორება ხორციელდება მომსახურების გაწევის დამადასტურებელი დოკუმენტ/ებ/ის გაფორმებიდან არაუგვიანეს 10 (ათი) სამუშაო დღის განმავლობაში.

სოფიკო ბერიძე, 557722853, KhelvachauriMI@procurement.gov.ge სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემაში არსებული „კითხვა-პასუხის“ მოდულის მეშვეობით ან/და სატენდერო კომისიის აპარატში, მის. ქ. ბათუმი, დიდაჭარის ქ. N23ა.

10.1.1. პრეტენდენტის მიერ წარმოდგენილ სატენდერო წინადადებაში საერთო ფასი წარმოდგენილი უნდა იყოს მომსახურების შესრულებასთან დაკავშირებული ყველა ხარჯისა და საქართველოს კანონმდებლობით გათვალისწინებულ გადასახადების გათვალისწინებით.
10.1.2. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ სატენდერო წინადადებაზე ან მის შემადგენელ დოკუმენტზე (გარდა excel-ის ფორმატის ფაილისა), უნდა იყოს შესრულებული კვალიფიციური ელექტრონული ხელმოწერა ან/და დასმული უნდა იყოს კვალიფიციური ელექტრონული შტამპი. იგივე წესი უნდა იქნეს დაცული პრეტენდენტის მიერ სხვა, შემდგომი დოკუმენტების წარდგენის საჭიროების წარმოშობის შემთხვევაში (მაგალითად, დაზუსტებული ტექნიკური დოკუმენტაცია და სხვა). აღნიშნული ვალდებულებისაგან განთავისუფლებულია სახელმწიფო შესყიდვების ერთიან ელექტრონულ სისტემაში ,,მიმწოდებლად’’ რეგისტრირებული არარეზიდენტი მომხმარებელი.
10.1.4. კვალიფიციური ელექტრონული ხელმოწერა ან/და დასმული კვალიფიციური ელექტრონული შტამპი უნდა იყოს შესრულებული უფლებამოსილი პირის მიერ. საჭიროების შემთხვევაში ერთიან ელექტრონულ სისტემაში ატვირთულ უნდა იქნეს ნოტარიულად დამოწმებული მინდობილობა/რწმუნებულება, რომელიც დაადასტურებს პირის უფლებამოსილებას სატენდერო წინადადების ან მისი შემადგენელი დოკუმენტის ხელმოწერაზე.
10.1.5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6. სატენდერო პირობების შესახებ დამატებითი ინფორმაციისა და განმარტებების მიღების საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.7. წინამდებარე შესყიდვა ხორციელდება ,,სახელმწიფო შესყიდვის შესახებ’’ საქართველოს კანონისა და ,,ელექტრონული ტენდერის ჩატარების შესახებ წესის’’ სახელმწიფო შესყიდვების სააგენტოს თავმჯდომარის
2017 წლის 14 ივნისის №12 ბრძანების შესაბამისად.