Инженерные услуги (Грузия - Тендер #70724255)

ქალაქ თბილისის მუნიციპალიტეტის მასშტაბით განსახორციელებელი სამუშაოების შესასრულებლად შედგენილი საპროექტო-სახარჯთაღრიცხვო დოკუმენტაციის ექსპერტიზის დასკვნის/ინსპექტირების ანგარიშის წარმოდგენის მომსახურება.

1.2.1 მიმწოდებელს საპროექტო-სახარჯთაღრიცხვო დოკუმენტაცია და ექსპერტიზის მომსახურების მიწოდების ვადები გადაეცემა წერილობითი დავალებით.
1.2.2 შემსყიდველის მიერ გადაცემული საპროექტო-სახარჯთაღრიცხვო დოკუმენტაცია მიმწოდებლის მხრიდან შეთანხმებულად ითვლება, თუ გადაცემიდან 3 (სამი) სამუშაო დღის ვადაში არ აცნობა შემსყიდველს დამატებითი დოკუმენტაციის წარდგენის თაობაზე.
1.2.3 საპროექტო-სახარჯთაღრიცხვო დოკუმენტაციის სრულყოფილად გადაცემის შემდეგ იწყება ინსპექტირების ეტაპი, რომლის ვადებიც განისაზღვრება სახელშეკრულებო პირობების შესაბამისად.
1.2.4 მიმწოდებელმა წერილობითი დავალებით მიღებული დოკუმენტაცია უნდა შეისწავლოს, არსებობის შემთხვევაში მიუთითოს შენიშვნები და გასცეს რეკომენდაციები.
1.2.5 ინსპექტირების ეტაპზე თუ საჭირო გახდა დამატებითი დოკუმენტების წარმოდგენა შემსყიდველის მხრიდან, ამ დოკუმენტაციის წარმოდგენის პერიოდი არ ჩაითვლება შესრულების ვადებში, მიმწოდებელს შეუჩერდება მიწოდების ვადის ათვლა.
1.2.6 საპროექტო-სახარჯთაღრიცხვო დოკუმენტაციის ექსპერტიზის დასკვნის/ინსპექტირების ანგარიშის წარმოდგენის ვადა განახლდება, შემსყიდველის მხრიდან მხოლოდ დამატებითი დოკუმენტაციის გაგზავნის შემდგომ.
1.2.7 ჩატარებული ინსპექტირების ღირებულების ანაზღაურება არ არის დამოკიდებული ინსპექტირების შედეგებზე.
1.2.8 ექსპერტიზის დასკვნა/ინსპექტირების ანგარიში წარმოდგენილ უნდა იქნეს 1 ეგზემპლარი მატერიალური სახით და ასევე, ელექტრონული ვერსია CD დისკზე ჩაწერილი.
1.2.9 განსახორციელებელი სამშენებლო სამუშაოების საორიენტაციო ღირებულება განსაზღვრულია დანართი N1-ში.
1.2.10 მომსახურების ღირებულების ანაზღაურება მოხდება პრეტენდენტის მიერ სატენდერო წინადადებით განსაზღვრული, სამშენებლო სამუშაოების ღირებულების საპროექტო-სახარჯთაღრიცხვო დოკუმენტაციის ექსპერტიზის დასკვნის/ინსპექტირების ანგარიშის წარმოდგენის მომსახურების პროცენტული ოდენობის შესაბამისად.

შენიშვნა: ტექნიკური დავალება და მომსახურების ხარჯთაღრიცხვა (დანართი N1) ატვირთულია სატენდერო დოკუმენტაციასთან ერთად.

მიწოდების საერთო ვადა: ეტაპობრივად, წერილობითი დავალებებით განსაზღვრულ ვადებში, ხელშეკრულების ძალაში შესვლიდან 2026 წლის 25 დეკემბრის ჩათვლით. ხელშეკრულების პროექტს თან ერთვის დეტალური მიწოდების ვადების ცხრილი, რომლის ოდენობაც დამოკიდებულია პროექტით შესასრულებელი სამუშაოების საორიენტაციო ღირებულებაზე.

ექსპერტიზის დასკვნის/ინსპექტირების ანგარიშის მიწოდების ადგილი: ქ. თბილისი, ჟიული შარტავას ქუჩა N7, ქალაქ თბილისის მუნიციპალიტეტის მერიის ადმინისტრაციული შენობა.

2.7.1 პრეტენდენტს უნდა გააჩნდეს სსიპ „აკრედიტაციის ერთიანი ეროვნული ორგანო - აკრედიტაციის ცენტრი“-ს მიერ გაცემული მოქმედი შესაბამისი აკრედიტაცია. პრეტენდენტმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრი“-ს მიერ გაცემული აკრედიტაციის მოწმობა, რომლის მოქმედების ვადაც უნდა შეადგენდეს არანაკლებ 2026 წლის 31 დეკემბრის ჩათვლით პერიოდს.
2.7.2 პრეტენდენტმა უნდა წარმოადგინოს შესაბამისი სსიპ „აკრედიტაციის ერთიანი ეროვნული ორგანო - აკრედიტაციის ცენტრი“-ს მიერ დამოწმებული, აკრედიტაციის სფეროს შესახებ დოკუმენტი, სადაც მკაფიოდ იქნება მითითებული, რომ ორგანოს (პრეტენდენტს) უფლება აქვს ჩაატაროს შემდეგ სფეროებში კონსტრუქციული და სახარჯთაღრიცხვო ნაწილის ინსპექტირება: 1. საინჟინრო-გეოლოგიური კვლევის/დასკვნის მოქმედ დოკუმენტებთან შესაბამისობის შეფასება/ინსპექტირება; 2. პროექტის კონსტრუქციული ნაწილის (სამოქალაქო და სამრეწველო შენობა-ნაგებობების, ხიდების, საავტომობილო გზების) მოქმედ დოკუმენტებთან შესაბამისობის შეფასება/ინსპექტირება; 3. პროექტის საინჟინრო ქსელების: კანალიზაცია, წყალარინება და მათი ტექნოლოგიური ნაწილის მოქმედ დოკუმენტებთან შესაბამისობის შეფასება/ინსპექტირება; 4. ობიექტის ხარჯთაღრიცხვის ინსპექტირება.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება 2026 წ. ქ. თბილისის ბიუჯეტის სახსრებით, ეტაპობრივად, მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ცირა მაღრაძე, 599722004, ts.magradze@tbilisi.gov.ge ტელ: +99532 237 8571. ტექნიკურ საკითხებთან დაკავშირებით საკონტაქტო პირი: შალვა ზარიძე, ტელეფონის ნომერი: 595-28-28-22, ელ. ფოსტა: infrastructure@tbilisi.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი (არ ვრცელდება სატენდერო დოკუმენტაციის №1 დანართზე) ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში წარმოდგენილ უნდა იქნას მინდობილობა ან რწმუნებულება). სავალდებულოა პრეტენდენტის მიერ მომსახურების ხარჯთაღრიცხვა ატვირთული იქნას MS Excel-ის ფორმატის ფაილის სახით, დანართი N1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯარო სამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. მომსახურების ხარჯთაღრიცხვა წარმოდგენილ უნდა იქნას MS Excel-ის ფორმატის ფაილის სახით, დანართი №1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. სსიპ „აკრედიტაციის ერთიანი ეროვნული ორგანო - აკრედიტაციის ცენტრი“-ს მიერ გაცემული აკრედიტაციის მოწმობა, რომლის მოქმედების ვადაც უნდა შეადგენდეს არანაკლებ 2026 წლის 31 დეკემბრის ჩათვლით პერიოდს.
3. სსიპ „აკრედიტაციის ერთიანი ეროვნული ორგანო - აკრედიტაციის ცენტრი“-ს მიერ დამოწმებული, აკრედიტაციის სფეროს შესახებ დოკუმენტი, სადაც მკაფიოდ იქნება მითითებული, რომ ორგანოს (პრეტენდენტს) უფლება აქვს ინსპექტირება ჩაატაროს სატენდერო პირობების 2.7.2 პუნქტით განსაზღვრულ სფეროებში.

შენიშვნა: სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.