Ремонт и техническое обслуживание строительных сооружений (Грузия - Тендер #70703743)

სს "სსე"-ს სათაო ოფისის ლიფტების ტექნიკური მომსახურების (სათადარიგო ნაწილებით) შესყიდვა

1.2.1. შესყიდვის ობიექტის ტექნიკური პარამეტრების თავისებურებიდან გამომდინარე, მათი აღწერის თვალსაჩინოებისთვის ტექნიკური დავალება მოცემულია მიმაგრებული ფაილის სახით.

1.2.2. სატენდერო წინადადების წარდგენით, პრეტენდენტი ავტომატურად გამოხატავს თანხმობას ამ პუნქტში მიმაგრებულ ფაილზე "ტექნიკური დავალება" (აღნიშნული დანართად დაერთვება გასაფორმებელ ხელშეკრულებას).

*** პრეტენდენტს შეუძლია ადგილზე დაათვალიეროს ლიფტი.

*** პრეტენდეტმა არ უნდა წარმოადგინოს განფასების ცხრილის თითოეულ პოზიციაზე მითითებულ სავარაუდო ფასებზე მეტი.

1.4.1 ტექნიკური მომსახურების (სათადარიგო ნაწილებით) გაწევის ვადაა: ობიექტზე დაშვებიდან ეტაპობრივად, 2 წლის განმავლობაში.

1.4.2 ლიფტების ავარიული გათიშვის ან ხარვეზების აღმოჩენის შემთხვევაში „შემსყიდველის“ შეტყობინების (ელ. ფოსტის, ტელეფონის, ფაქსის და სხვა საშუალებებით) მიღებიდან 24 (ოცდაოთხი) საათის განმავლობაში მიმწოდებელი უნდა გამოცხადდეს და დაადგინოს საავარიო სიტუაციის გამომწვევი მიზეზები.

1.4.3 ლიფტების შემოწმების ან ავარიულად გაჩერების დროს, თუ დადგინდა ცხრილი#2-ში მითითებული დეტალების დაზიანების შემთხვევა, აუცილებელია გაფორმდეს შესაბამისი სადეფექტო აქტი და დაზიანების აღმოფხვრა უნდა განხორციელდეს სადეფექტო აქტის გაფორმებიდან 10 სამუშაო დღის განმავლობაში, რაზეც გაფორმდება შესაბამისი შესრულებული სამუშაოს მიღება-ჩაბარების აქტი.

1.4.4 იმის გათვალისწინებით, რომ სავალდებულო ტექნიკური მომსახურების გაწევა ხდება ეტაპობრივად 2 წლის განმავლობაში (თვეში ორჯერ), ამასთან ლიფტების დაზიანების დროის წინასწარ განსაზღვრა შეუძლებელია ამდენად, მიმწოდებლის მიერ გამოყოფილი ტექნიკური პერსონალის ობიექტზე შეუფერხებელი და ოპერატიული დაშვებისთვის მიმწოდებელმა წერილობით უნდა მიმართოს შემსყიდველს ხელშეკრულების გაფორმებიდან არაუმეტეს 5 სამუშაო დღის განმავლობაში. შემსყიდველი მიმწოდებლის პერსონალის ობიექტზე დაშვებას უზრუნველყოფს შესაბამისი პროცედურების დაცვით.

შენიშვნა:
ობიეტზე დაშვების პროცედურები გაწერილია 8.1 ველში მიმაგრებულ დოკუმენტში ,,ხელშეკრულების პროექტი მომსახურების შესყიდვის შესახებ" (2.9.2 თანხმობა ობიექტებზე დაშვების პროცედურებზე. ამ მიზნით პრეტენდენტი ვალდებულია გაეცნოს სატენდერო დოკუმენტაციის 8.1 ველში მიმაგრებული დოკუმენტს - ,,ხელშეკრულების პროექტის" მე-4 მუხლის 4.2 პუნქტს და ,,ხელშეკრულების პროექტის" დანართი #3–ს (სამუშაოთა უსაფრთხოდ წარმოების წესი და პირობები).

სს „საქართველოს სახელმწიფო ელექტროსისტემის“ სათაო ოფისი - ქ.თბილისი, ნ. ბარათაშვილის ქ. N2.

პრეტენდენტმა სატენდერო წინადადებით უნდა წარმოადგინოს ინფორმაცია კონკრეტული საგარანტიო ვადის შესახებ, კერძოდ:

1.7.1.1 ტექნიკური დავალების ცხრილი #2-ით გათვალისწინებული ტექნიკური მომსახურების გაწევა რომელიც ითვალისწინების დაზიანებული ნაწილების შეცვლას ან/და შეკეთებას საგარანტიო ვადა (ტექნიკური მომსახურების და სათადარიგო ნაწილის) შეადგენს ერთ წელს მიღება-ჩაბარების აქტის გაფორმების დღიდან.

შენიშვნა: პრეტენდენტის მიერ შემოთავაზებული საგარანტიო ვადა არ უნდა იყოს ერთ წელზე ნაკლები მიღება-ჩაბარების აქტის გაფორმების დღიდან.

პრეტენდენტმა სატენდერო წინადადებით უნდა წარმოადგინოს 1.3 ველში მოცემული შევსებული ფასების ცხრილი. ფასების ცხრილის წარმოუდგენლობის ან მისი რომელიმე პოზიციის განუფასებლად წარმოდგენის შემთხვევაში, პრეტენდენტი დაექვემდებარება დისკვალიფიკაციას.

2.9.2 თანხმობა ობიექტებზე დაშვების პროცედურებზე. ამ მიზნით პრეტენდენტი ვალდებულია გაეცნოს სატენდერო დოკუმენტაციის 8.1 ველში მიმაგრებული დოკუმენტს - ,,ხელშეკრულების პროექტის" მე-4 მუხლის 4.2 პუნქტს და ,,ხელშეკრულების პროექტის" დანართი #3–ს (სამუშაოთა უსაფრთხოდ წარმოების წესი და პირობები).

იმ შემთხვევაში, თუ ტენდერში პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს „სსიპ - ლევან სამხარაულის სახელობის სასამართლო ექსპერტიზის ეროვნული ბიუროს“ დასკვნით ან კანონმდებლობის შესაბამისად აკრედიტებული შემფასებელთა სერტიფიკაციის ორგანოს მიერ სათანადოდ სერტიფიცირებული პირის შესაბამისი დასკვნით (ასეთ შემთხვევაში, დასკვნას თან უნდა დაერთოს შესაბამისი სერტიფიკატის ასლი) ან აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას. დასკვნაში საბოლოო შეფასება უნდა იყოს ერთმნიშვნელოვნად დადებითი ან უარყოფითი.

პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ფასწარმოქმნის ადეკვატურობის დამადასტურებელი დოკუმენტის წარმოუდგენლობა ან/და ისეთი დოკუმენტის წარმოდგენა, რომლითაც ვერ დადასტურდება ფასწარმოქმნის ადეკვატურობა, გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების „ელექტრონული ტენდერის ჩატარების წესის დამტკიცების შესახებ“ 32-ე მუხლის პირველი პუნქტის "დ" ქვეპუნქტის შესაბამისად.

ანგარიშსწორება განხორციელდება ეტაპობრივად, ფაქტიურად გაწეულ ტექნიკურ მომსახურებაზე (სათადარიგო ნაწილებით) გაფორმებული მიღება-ჩაბარების აქტის და ,,მიმწოდებლის“ მიერ სათანადო დოკუმენტაციის (თუ ,,მიმწოდებელი“ არის დღგ–ს გადამხდელი სათანადო ანფარიშფაქტურის) წარმოდგენის საფუძველზე. უნაღდო ანგარიშსწორების ფორმით ლარში.

ანგარიშსწორება განხორციელდება ეტაპობრივად, ფაქტიურად გაწეულ ტექნიკურ მომსახურებაზე (სათადარიგო ნაწილებით) გაფორმებული მიღება-ჩაბარების აქტის და ,,მიმწოდებლის“ მიერ სათანადო დოკუმენტაციის (თუ ,,მიმწოდებელი“ არის დღგ–ს გადამხდელი სათანადო ანფარიშფაქტურის) წარმოდგენიდან 8 (რვა) სამუშაო დღის ვადაში.

ელენე სახვაძე, 599690337, elene.sakhvadze@gse.com.ge

- ალტერნატიული სატენდერო წინადადება არ მიიღება;
- სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ;
- სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ;
- სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;
- ფასების ცხრილის წარმოუდგენლობის ან მისი რომელიმე პოზიციის განუფასებლად წარმოდგენის შემთხვევაში, პრეტენდენტი დაექვემდებარება დისკვალიფიკაციას.
- სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
- სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
- რეზიდენტი პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.), დაამოწმოს/დაადასტუროს კვალიფიციური ელექტრონული ხელმოწერით/კვალიფიციური ელექტრონული შტამპით. აღნიშნულისთვის პრეტენდენტს აქვს ორი შესაძლო გზა: 1) ყველა PDF დოკუმენტი სათითაოდ დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით; 2) გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით;
- სატენდერო დოკუმენტაციაში, შესყიდვის ობიექტის ტექნიკური და ხარისხობრივი მაჩვენებლების აღწერისას, სადაც მითითებულია კონკრეტული სასაქონლო ნიშანი, მოდელი, პატენტი ან მწარმოებელი კომპანია, იგულისხმება „მსგავსი“ ან/და „ეკვივალენტური“. ასეთ შემთხვევაში, პრეტენდენტი უფლებამოსილია წარმოადგინოს სატენდერო დოკუმენტაციით განსაზღვრული შესყიდვის ობიექტის მსგავსი ან/და ეკვივალენტური მახასიათებლების მქონე საქონელი;
- სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.
- „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამიისად, კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს.