Ремонт и техническое обслуживание транспортных средств и оборудования и сопутствующие услуги (Грузия - Тендер #70703710)

შესყიდვის ობიექტს წარმოადგენს შპს „სთარინგ ჯორჯია“-ს ბალანსზე რიცხული ავტოსატრანსპორტო საშუალებების რეცხვითი მომსახურების შესყიდვა. (CPV 50112300).

1.მომსახურების გაწევა იწარმოებს წინასწარ გაცემული პლასტიკური ბარათების სისტემის მეშვეობით;
ა) შემსყიდველის მოთხოვნიდან არა უმეტეს ორი სამუშაო დღის ვადაში მიმწოდებელი თავის ვებ- გვერდზე გაუხსნის შემსყიდველს სპეციალურ ანგარიშს და უზრუნველყოფს შემსყიდველის მიერ შეძენილი რაოდენობისა და სახეობის მომსახურების ჩარიცხვას აღნიშნულ ანგარიშზე, პლასტიკურ ბარათებზე მისი შემდგომი განაწილების მიზნით. სპეციალურ ანგარიშზე მომსახურების ჩარიცხვის მომენტიდან, შემსყიდველს უფლება აქვს ანგარიშზე არსებული ნაშთის ფარგლებში შეუზღუდავად, თავის შეხედულებისამებრ, მოახდინოს აღნიშნული მოსმახურების გადანაწილება მის კუთვნილ ერთ ან რამოდენიმე პლასტიკურ ბარათზე ინტერნეტით, მიმწოდებლის ვებ-გვერდის საშუალებით, შემსყიდველის საიდენტიფიკაციო სახელისა და პაროლის გამოყენებით;
ბ) შემსყიდველის სპეციალურ ანგარიშზე შეძენილი მომსახურების ჩარიცხვისას მიმწოდებელსა და შემსყიდველის უფლებამოსილ წარმომადგენელს შორის ფორმდება სათანადო მიღება-ჩაბარების აქტი, რომელშიც ფიქსირდება ანგარიშზე ჩარიცხული მომსახურების სახეობა, რაოდენობა, ღირებულება და სხვა აუცილებელი ინფორმაცია. პლასტიკური ბარათის/ბარათების დაკარგვასთან, დაზიანებასთან ან განადგურებასთან დაკავშირებული ყოველგვარი რისკი გადადის შემსყიდველზე;
გ) შემსყიდველის პირველად საიდენტიფიკაციო სახელსა და პაროლს მიმწოდებელი მიღება-ჩაბარების აქტით დალუქული კონვერტით გადასცემს შემსყიდველის უფლებამოსილ წარმომადგენელს და ამავდროულად უტარებს შესაბამის ინსტრუქტაჟს საიდენტიფიკაციო სახელისა და პაროლის შეცვლისა და გამოყენების წესების შესახებ. შემსყიდველი ვალდებულია ანგარიშის პირველ გამოყენებამდე და პლასტიკურ ბარათებზე მომსახურების გადატანამდე შეცვალოს მიმწოდებლის მიერ გადაცემული პაროლი და შემდგომში გამოიყენოს მხოლოდ მის მიერ შექმნილი ახალი პაროლი. პირველადი საიდენტიფიკაციო სახელისა და პაროლის შემსყიდველის წარმომადგენლისათვის გადაცემისთანავე ყოველგვარი პასუხისმგებლობა და რისკი საიდენტიფიკაციო სახელისა და პაროლის არასანქციონირებულ გამოყენებაზე, ელექტრონული ანგარიშიდან პლასტიკურ ბარათებზე მომსახურების უნებართვო გადატვირთვაზე და სხვა მსგავს შემთხვევებზე, აგრეთვე ამით გამოწვეულ ნეგატიურ შედეგებზე, გადადის შემსყიდველზე.
დ) პლასტიკური ბარათი ადასტურებს მისი წარმომდგენის უფლებას ავტოსამრეცხაოზე მიიღოს ბარათზე ჩატვირთული შესაბამისი მომსახურება. შემსყიდველის მოთხოვნის საფუძველზე შესაძლებელია პლასტიკურ ბარათზე კონკრეტული ავტომანქანის სახელმწიფო ნომრის და სერიის გამოსახვა. ასეთი ბარათის ავტოსამრეცხაოში წარმოდგენისას, გაირეცხება მხოლოდ ბარათზე აღნიშნული სახელმწიფო ნომრის და სერიის მქონე ავტომანქანა. პლასტიკური ბარათის დაკარგვის შემთხვევაში მისი ბლოკირების ვალდებულება შესაძლო ნეგატიური შედეგების თავიდან აცილების მიზნით ეკისრება თავად შემსყიდველს, რომელმაც უნდა მოახდინოს ბლოკირება თავისივე სპეციალური ანგარიშის გამოყენებით საკუთარი ვებ-კაბინეტიდ.

შენიშვნა:
ა) მიმწოდებელმა უნდა უზრუნველყოს ავტოსატრანსპორტო საშუალებების როგორც გარედან, ისე შიდა (სალონი, საბარგული) რეცხვა. ამასთან, რეცხვა უნდა მოხდეს ხელით სპეციალური მოწყობილობების, ინვენტარისა და სარეცხი საშუალებების გამოყენებით; რეცხვის შემდეგ უნდა მოხდეს ავტომობილის გამშრალება;
ბ) მომსახურების გაწევის დროს მიმწოდებლის ბრალეულობით შემსყიდველის ავტოსატრანსპორტო საშუალებაზე მიყენებული ნებისმიერი ზარალის აღმოფხვის ხარჯების ანაზღაურება ეკისრება მიმწოდებელს.

მიმწოდებელმა პლასტიკური ბარათების მოწოდება უნდა განხორციელდეს ერთჯერადად შემსყიდველის მოთხოვნისამებრ, მოთხოვნიდან არაუგვიანეს 2 (ორი) სამუშაო დღეში. ხოლო რეცხვითი მომსახურება უნდა განხორციელდეს ავტოსამრეცხაო სადგურზე შემსყიდველის მიერ პლასტიკური ბარათის წარდგენისთანავე.

მიმწოდებელს ექსპლუატაციაში უნდა გააჩნდეს არანაკლებ 5 (ხუთი) ავტოსამრეცხაო ქ. თბილისში, მათგან არანაკლებ 2 უნდა მდებარეობდეს შემსყიდველი ორგანიზაციის მისამართიდან (ქ. თბილისი, პ. მელიქიშვილის გამზ. N1) 5 კმ–ის რადიუსში. თითოეულ მისამართზე მდებარე ავტოსამრეცხაოს უნდა გააჩნდეს სათანადოდ აღჭურვილი არანაკლებ 2 ბოქსი, რათა უზრუნველყოფილი იქნას ოპერატიული და რიგგარეშე (მომსახურების საჭიროების შესახებ, შემსყიდველის წინასწარი შეტყობინების შემთხვევაში) მომსახურება.
მომსახურების გაწევა უნდა განხორციელდეს პლასტიკური ბარათების საშუალებით, ქვეყნის მასშტაბით, მიმწოდებლის ექსპლუატაციაში არსებულ ავტოსამრეცხაოებში.
მიმწოდებელმა უნდა წარმოადგინოს ინფორმაცია სამრეცხაოების ადგილმდებარეობების შესახებ.

ინფორმაცია არანაკლებ 3 (სამი) წლიანი ანალოგიური ხასიათის მომსახურების გამოცდილების შესახებ სრულად 2023,2024 და 2025 წლებში.
ყოველივე ზემოაღნიშნულის დადასტურების მიზნით, პრეტენდენტმა უნდა წარმოადგინოს შესაბამისი ხელშეკრულება და ამავე ხელშეკრულებების საფუძველზე შესრულების დამადასტურებელი დოკუმენტ(ებ)ი (წლების მიხედვით ცალცალკე გაფორმებული ხელშეკრულების ასლები, მიღება ჩაბარების აქტები, დადასტურებული საგადასახადო ანგარიშფაქტირები და გადახდის დამადასტურებელი დოკუმენტები). სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT და ა.შ. ნომერი - ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის.

მომსახურების გაწევისას მიმწოდებელმა უნდა გამოიყენოს მაღალი ხარისხის სარეცხი და საწმენდი სპეციალური საშუალებები (ქაფი, გელი, სპეციალური სითხეები, შუშების და საბურავის საწმენდი საშუალებები და სხვა) და ტექნიკური მოწყობილობები.

პრეტენდენტი უნდა აკმაყოფილებდეს ელექტრონული დოკუმენტისა და ელექტრონული სანდო მომსახურების შესახებ საქართველოს კანონით გათვალისწინებულ მოთხოვნებს.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

ანგარიშსწორება განხორციელდება ეტაპობრივად უნაღდო ანგარიშსწორების გზით,ფაქტიურად გაწეული მომსახურების შესაბამისად. მიღება-ჩაბარების აქტისა და საგდასახადო ანგარიშ-ფაქტურის (არსებობის შემთხვევაში) საფუძველზე.

მიღება–ჩაბარების აქტის გაფორმებიდან და საგადასახადო ანგარიშ-ფაქტურის წარმოდგენიდან (არსებობის შემთხვევაში) არაუგვიანეს 10 (ათი) სამუშაო დღის განმავლობაში.

ავთანდილ ტყეშელაშვილი, 599233053, avto.tkeshelashvili@gmail.com