Полные или частичные строительные работы и публичные работы (Грузия - Тендер #70679280)

აჭარის ავტონომიური რესპუბლიკის 2026 წლის რესპუბლიკური ბიუჯეტით განსაზღვრული შუახევის მუნიციპალიტეტზე გადასაცემი კაპიტალური ტრანსფერის ფარგლებში განსახორციელებელი კაპიტალური პროექტი (არსებული ბაგა-ბაღების და მიმდებარე ტერიტორიის კეთილმოწყობა) - სოფელ ხიჭაურში, ბაგა-ბაღის მიმდებარე ტერიტორიის კეთილმოწყობა

აჭარის ავტონომიური რესპუბლიკის 2026 წლის რესპუბლიკური ბიუჯეტით განსაზღვრული შუახევის მუნიციპალიტეტზე გადასაცემი კაპიტალური ტრანსფერის ფარგლებში განსახორციელებელი კაპიტალური პროექტი (არსებული ბაგა-ბაღების და მიმდებარე ტერიტორიის კეთილმოწყობა) - სოფელ ხიჭაურში, ბაგა-ბაღის მიმდებარე ტერიტორიის კეთილმოწყობა (იხ. ფასების ცხრილი და ნახაზები).

მომწოდებელმა სამუშაოები უნდა დაიწყოს ხელშეკრულების გაფორმების თარიღის მომდევნო კალენდარული დღიდან და დაასრულოს 75 (სამოცდათხუთმეტი) კალენდარული დღის ვადაში.

ელექტრონულ ტენდერში გამარჯვებული მიმწოდებელი სამუშაოებს ასრულებს ეტაპობრივად, სამუშაოები სრულდება - სოფელ ხიჭაურში.

შესრულებული და გადმოცემული სამუშაოების საგარანტიო პერიოდი შეადგენს 3 (სამი) წელს სამუშაოების დასრულებიდან.

შესყიდვაში მონაწილეობის მსურველ პირს 2023 წლის 1 იანვრიდან – ტენდერის გამოცხადების დღემდე საჭიროა ჰქონდეს შესრულებული არანაკლებ 215 000 (ორასთხუთმეტი ათასი) ლარის ოდენობის, ტენდერით გათვალისწინებული ანალოგიური ხასიათის: სამშენებლო ან/და სარემონტო ან/და სამონტაჟო სამუშაოების შესრულების გამოცდილება.
პრეტენდენტმა ელექტრონული სისტემის საშუალებით უნდა წარმოადგინოს სამუშაოს შესრულების დამადასტურებელი დოკუმენტები (ხელშეკრულება ან/და ხელშეკრულებასთან გათანაბრებული დოკუმენტ(ებ)ი ხარჯთაღრიცხვ(ებ)ით და მიღება-ჩაბარების აქტ(ებ)ი).
გამოცდილების სახით არასახელმწიფო შესყიდვის ხელშეკრულებ(ებ)ის ან/და ხელშეკრულებასთან გათანაბრებული დოკუმენტ(ებ)ის ხარჯთაღრიცხვ(ებ)ით და მათი შესრულების დოკუმენტ(ებ)ის წარმოდგენის შემთხვევაში მიმწოდებელი ვალდებულია დამატებით წარმოადგინოს აღნიშნულ სამუშაოებზე გამოწერილი საგადასახადო ანგარიშფაქტურ(ებ)ის დოკუმენტ(ებ)ი.
სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ ან სახელმწიფო შესყიდვების ერთიან ელექტრონულ სისტემაში სხვა პრეტენდენტის მიერ წარმოგენილ უცხო ქვეყანაში შედგენილ გამოცდილების შესახებ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა-ლეგალიზებული ან აპოსტილით დამოწმებული და მას თან უნდა ერთვოდეს ნოტარიულად დამოწმებული ქართული თარგმანი.
იმ პრეტენდენტებს, რომლებსაც მსგავსი სამუშაოები შესრულებული აქვთ შუახევის მუნიციპალიტეტის დაკვეთით, ანალოგიური სამუშაოების შესრულების გამოცდილების შესახებ ინფორმაცია უნდა წარმოადგინონ მხოლოდ დანართი N3-ის სახით.

ელექტრონულ ტენდერში გამარჯვებული მიმწოდებელი სამუშაოებს ასრულებს ეტაპობრივად, ხელშეკრულების გაფორმების თარიღის მომდევნო კალენდარული დღიდან 75 (სამოცდათხუთმეტი) კალენდარული დღის ვადაში.
● „ეტაპი“ - იგულისხმება წინასწარ დადგენილი კალენდარული დღე. ეტაპის სამუშაოების შესრულების წარმოდგენა განისაზღვრება შემდეგნაირად:
I ეტაპი - 30 (ოცდაათი) კალენდარული დღე სახელშეკრულებო ღირებულების 35 %-ის სამუშაოების შესრულების წარმოდგენა.
II ეტაპი - 30 (ოცდაათი) კალენდარული დღე სახელშეკრულებო ღირებულების 35 %-ის სამუშაოების შესრულების წარმოდგენა.
III ეტაპი - 15 (თხუთმეტი) კალენდარული დღე სახელშეკრულებო ღირებულების 30 %-ის სამუშაოების შესრულების წარმოდგენა.
მიმწოდებელი ვალდებულია ეტაპის განმავლობაში მინიმუმ ერთხელ წარმოადგინოს შესრულებული სამუშაოების დამადასტურებელი დოკუმენტაცია მიღება-ჩაბარების აქტი (ფორმა N2).
● ეტაპების მიხედვით შესრულებული სამუშაოების მიღება-ჩაბარებისათვის მიმწოდებელმა უნდა წარმოუდგინოს შემსყიდველს მიღება-ჩაბარების აქტი (ფორმა N2) და ფარული სამუშაოების აქტ(ებ)ი (ასეთის არსებობის შემთხვევაში) დადასტურებული შემსყიდველის წარმომადგენლ(ებ)ის მიერ.
● საბოლოო მიღება-ჩაბარებისათვის (სამუშაოების საბოლოოდ დასრულებისთვის) მიმწოდებელმა უნდა წარმოუდგინოს შემსყიდველს მიღება-ჩაბარების აქტი (ფორმა N2), ფარული სამუშაოების აქტი (ასეთის არსებობის შემთხვევაში).

პრეტენდენტის მიერ წარმოდგენილი ზედნადები ხარჯების; ზედნადები ხარჯების (შრომითი დანახარჯიდან) და გეგმიური მოგების ზღვრული ოდენობა არ უნდა აღემატებოდეს საქართველოს მოქმედი კანონმდებლობით დადგენილ ნორმებს.

ა) თუ ელექტრონულ ტენდერში ელექტრონული ვაჭრობის შედეგად ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის დასკვნა (აკრედიტებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი). აღნიშნული დასაბუთების და/ან ექსპერტიზის დასკვნის წარმოუდგენლობა გამოიწვევს ტენდერში მონაწილე პრეტენდენტის დისკვალიფიკაციას.
ბ) ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.
წარმოდგენილ ექსპერტიზის დასკვნას თან უნდა ერთვოდეს ხარჯთაღრიცხვა, რომლის საფუძველზეც მოხდა დასკვნის შედგენა.
გ) ფასწარმოქმნის ადეკვატურობის დამადასტურებელი დოკუმენტი შედგენილი და გაცემული უნდა იყოს საქართველოს მთავრობის 2017 წლის 26 სექტემბრის N439 დადგენილებით დამტკიცებული "სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდის" მოთხოვნების შესაბამისად.

მიმწოდებლის მოთხოვნის შესაბამისად შემსყიდველი უფლებამოსილია მიმწოდებელთან განახორციელოს წინასწარი ანგარიშწორება მიმწოდებლის მიერ წარმოდგენილი ავანსად გადასარიცხი თანხის იდენტური ოდენობის, უპირობო, გამოუთხოვარი საბანკო გარანტიის საფუძველზე, რომელიც არ უნდა აღემატებოდეს სახელშეკრულებო ღირებულების 35%-ს. აღნიშნული საბანკო გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებული სამუშაოს დასრულების ვადას;
შემსყიდველის მიერ ავანსად გადახდილი თანხის გამოქვითვა განხორციელდება მიმწოდებლის მიერ ანგარიშსწორებისათვის წარმოდგენილი ფაქტიურად შესრულებული სამუშაოების მოცულობების ღირებულებიდან 50%-ის ოდენობით, ყოველ წარმოდგენილ შესრულებაზე, ვიდრე სრულად არ გამოიქვითება მიმწოდებელზე გაცემული ავანსის თანხა.
უპირობო, გამოუთხოვადი წანასწარი ანგარიშწორების (საავანსო) გარანტია წარმოდგენილი უნდა იქნას ეროვნულ ვალუტაში - ლარში.

შემსყიდველი ანგარიშსწორებას ახორციელებს შემდეგი წესის შესაბამისად:
ა) ეტაპობრივად, ფაქტიურად შესრულებული სამუშაოების მიღებიდან 10 (ათი) სამუშაო დღის ვადაში, შემსყიდველის შესაბამისი წლის ბიუჯეტში გათვალისწინებული ასიგნების ფარგლებში;
ბ) საბოლოო ანგარიშსწორება განხორციელდება, ხელშეკრულებით გათვალისწინებული წესით, შესრულებული სამუშაოების შესახებ საბოლოო მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

ხელშეკრულების საგნის შუალედური და საბოლოო მიღება-ჩაბარების აქტის გაფორმებამდე შესრულებული სამუშაოების ხარისხი, მოცულობა, რაოდენობა, ღირებულება და მათი შესაბამისობა საპროექტო-სახარჯთაღრიცხვო დოკუმენტაციასთან, მიმწოდებლის მიერ წარმოდგენილი აქტების (ფორმა N2) გათვალისწინებით უნდა დადასტურდეს სსიპ ,,ლევან სამხარაულის სახელობის ექსპერტიზის ეროვნული ბიურო“-ს საექსპერტო დასკვნით ან სხვა აკრედიტებული პირის დასკვნით. დასკვნის მოპოვებამდე შემსყიდველი უფლებამოსილია შესრულებულ სამუშაოზე შეაჩეროს მიღება-ჩაბარება და საბოლოო ანგარიშსწორება. შუალედური მიღება-ჩაბარების აქტები გაფორმდება მიმწოდებლის მიერ წარმოდგენილ შესრულებულ სამუშაოების შესახებ ინფორმაციების გათვალისწინებით, რომლებშიც მხარეთა შეთანხმებით მითითებული იქნება ასანაზღაურებელი და შესაჩერებელი თანხების ოდენობა, არანაკლებ 5%-სა. შეჩერებული თანხების ანაზღაურება მოხდება საბოლოო ანგარიშსწორებისას ექსპერტიზის დასკვნის გათვალისწინებით ან/და შემდგომი შუალედური ანგარიშსწორებისას მიღება-ჩაბარების აქტებში გათვალისწინებული ოდენობით.

გიორგი ივანაძე, 577154386, giorgi.i1992@gmail.com