Ремонт и техническое обслуживание транспортных средств и оборудования и сопутствующие услуги (Грузия - Тендер #70679265)

ა.(ა).ი.პ. „თეთრიწყაროს კულტურის და სპორტის ცენტრი“-ს საკუთრებაში არსებული FORD TRANSIT და TOYOTA RAV4 -ის ავტოტექმომსახურების (სერვისი-სათადარიგო ნაწილებით) შესყიდვა.

ავტომანქანების შეკეთება და ტექნიკური მომსახურება მოიცავს:

•პროფილაქტიკური და დიაგნოსტიკური სამუშაოების ჩატარებას;
•ავტომანქანების დროულ, ოპერატიულ და რიგგარეშე შეკეთებას;
•სათადარიგო ნაწილების შეკეთებას ან/და შეცვლას;
•დაზიანებული ნაწილების შეკეთებას ან/და შეცვლას.
•ევაკუატორის მომსახურეობას.

პრეტენდენტს უნდა გააჩნდეს მოქმედი სერვისცენტრი ქ. თბილისში ან/და ქ თეთრიწყაროდან საავტომობილო გზით არაუმეტეს 80 კმ-ის დაშორებით, ერთდროულად არანაკლებ 2 ავტომანქანის მომსახურების საშუალებით.

მომსახურეობის გაწევის ვადა განისაზღვრება ხელშეკრულების გაფორმებიდან 2025 წლის 31 დეკემბრის ჩათვლით.
სავალი ნაწილის შეკეთება მოთხოვნიდან არაუგვიანეს 5 კალენდარული დღე.
რთული საკვანძო ნაწილების შეკეთება (ძრავი, გადაცემათა კოლოფი, ხიდი) მოთხოვნიდან არაუგვიანეს 14 კალენდარული დღე.

ავტომანქანების ტექმომსახურება უნდა განხორციელდეს პრეტენდენტის სერვისცენტრში. ქ. თბილისში ან/და ქ. თეთრიწყაროდან საავტომობილო გზით არაუმეტეს 80 კმ-ის დაშორებით.

ავტომანქანების შეკეთებისა და მომსახურებისათვის გამოყენებული სათადარიგო ნაწილები უნდა იყოს ახალი, ქარხნული და არ ავლენდეს დეფექტებს, რაზეც მიმწოდებელმა უნდა გაავრცელოს არანაკლებ 6 (ექვსი) თვიანი გარანტია, ან ფასების ცხრილის შესაბამისად მეორად ნაწილებზე ასევე გავრცელდეს 6 (ექვსი) თვიანი გარანტია გარდა ცვეთადი ნაწილებისა, როგორიცაა სამუხრუჭე ხუნდები, ზეთის, ჰაერის, კონდენციონერისა და საწვავის ფილტრები...) გარანტია არ ვრცელდება გარეგანი ზემოქმედების შედეგად მიყენებულ ზიანზე. მიმწოდებელი პასუხისმგებელია წუნდებული საქონლის გამოცვლაზე შესაბამისი მომსახურებით საკუთარი ხარჯით. შემსყიდველის მხრიდან საქონლის ექსპლუატაციის ნორმების დაცვის შემთხვევაში, თუ აღმოჩნდა რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებლი ვალდებულია აღმოჩენილი ხარვეზი აღმოფხვრას საკუთარი ხარჯებით, საჭიროების შემთხვევაში უზრუნველყოს წუნდებული საქონლის შეცვლა ახლით და ხარვეზით განხორციელებული მომსახურების გამოსწორება, ასეთი ხარვეზის/წუნის გამოვლენის შესახებ დეფექტური აქტის გაფორმების დღიდან 5 კალენდარული დღის ვადაში.

არგუმენტის საფუძველზე შემსყიდველი უფლებამოსილია განუსაზღვროს დამატებითი ვადა წუნდებული საქონლის შესაკეთებლად ან შესაცვლელად.

პრეტენდენტს, 2020 წლის 01 იანვრიდან ამ ტენდერის გამოცხადებამდე, უნდა გააჩნდეს ანალოგიური მომსახურების გაწევის გამოცდილება არანაკლებ 50 000 ლარისა. აღნიშნული ინფორმაცია პრეტენდენტმა უნდა დაადასტუროს კონკრეტული ხელშეკრულებების და მიღება-ჩაბარების აქტების წარმოდგენით (სისტემაში ატვირთვით) და/ან სახელმწიფო შესყიდვების ერთიან ელექტრონულ სისტემაში კონკრეტული SPA, NAT, CMR ნომრ(ებ)ის მითითებით.

არანაკლებ ორი მანქანის მომსახურება ერთდროულად.

• პრეტენდენტის მიერ სახელმწიფო შესყიდვების ერთიან ელექტრონულ სისტემაში ასატვირთი დოკუმენტაციის ჩამონათვალი:
- 1.3. პუნქტით მოთხოვნილი ინფორმაცია - ფასების ცხრილები (ფასების ცხრილების წარმოუდგენლობა ან განუფასებელი ფასების ცხრილების წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას)(ასევე აღნიშნული გრაფები შესავსებია დღგს-გადამხდელის შემთხვევაში). სატენდერო წინადადების ღირებულება წარმოდგენილი უნდა იყოს ეროვნულ ვალუტაში, რაც უნდა მოიცავდეს მომსახურების სრულყოფილად გაწევასთან დაკავშირებული ყველა ხარჯისა და საქართველოს კანონმდებლობით დადგენილი გადასახადების გათვალისწინებით.
- ინფორმაცია საგარანტიო ვადის შესახებ სატენდერო დოკუმენტაციის 1.7.1 პუნქტის მოთხოვნათა გათვალისწინებით;
- 2.2.1 პუნქტით მოთხოვნილი ინფორმაცია გამოცდილების შესახებ;

• პრეტენდენტის მიერ წარმოდგენილ პრეისკურანტში დაფიქსირებული საქონლის/მომსახურების ერთეულის ღირებულება არ უნდა აღემატებოდეს სატენდერო პირობების 1.3. პუნქტში მოცემულ შესაბამის პოზიციებზე დაფიქსირებულ ერთეულის სავარაუდო ღირებულებას.

• პრეისკურანტის დაზუსტების შემთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა.

• დაზუსტებას არ ექვემდებარება ფასების ცხრილი (პრეისკურანტი) თუ იგი არ არის წარდგენილი, ხოლო რომელიმე პოზიციის განუფასებლობის შემთხვევაში, ჩაითვლება რომ აღნიშნულ პოზიციაზე განსაზღვრულ საქონელს/მომსახურებას პრეტენდენტი გვთავაზობს უფასოდ.

• თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.

• პრეისკურანტში მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში, პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

1. ანგარიშსწორება მოხდება უნაღდო ანგარიშსწორებით.
2. ანგარიშსწორება განხორციელდება ეროვნულ ვალუტაში.
3. ანგარიშსწორების საფუძველია მხარეების, უფლებამოსილი პირების მიერ, ეტაპობრივად, ფაქტიურად გაწეული მომსახურების შესაბამისად გაფორმებული მიღება-ჩაბარების აქტი.

მიღება-ჩაბარების აქტის გაფორმებიდან არაუგვიანეს 10 სამუშაო დღისა.

რუსუდან შიხიაშვილი, 577685207, rusa.shikhiashvili@yahoo.com

• სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.

• პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.

• სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

• პრედენდენტს არა აქვს უფლება წარმოადგინოს ალტერნატიული სატენდერო წინადადება.

სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.