Образовательные услуги (Грузия - Тендер #70679168)

სსიპ აჭარის ავტონომიური რესპუბლიკის დასაქმების სააგენტოს ქვეპროგრამის - „შშმ პირთა პროფესიული გადამზადებისა და დასაქმების ხელშეწყობის მიზნით" ფარგლებში, აჭარის ავტონომიური რესპუბლიკის ტერიტორიაზე მცხოვრები შშმ პირების დასაქმების ხელშეწყობის მიზნით, მათი შრომითი უნარების ინდივიდუალური შეფასების საფუძველზე კარიერული განვითარების გეგმის შედგენა, დასაქმებისთვის საჭირო პროფესიული და პრაქტიკული უნარ-ჩვევების შეძენა/ამაღლება, ინდივიდუალურ საჭიროებებზე მორგებული სასწავლო კურსის შეთავაზებით.

პროფესიული გადამზადების კურსი უნდა შემუშავდეს შშმ პირთა შრომითი უნარების ინდივიდუალური შეფასების საფუძველზე გამოვლენილ ძლიერ მხარეებზე დაფუძნებით. ასევე ინდივიდუალური შეფასების შედეგად უნდა შემუშავდეს სამუშაოს მაძიებლის ინდივიდუალური კარიერული განვითარების და დასაქმების გეგმა. ამასთანავე, დამატებით ქვეპროგრამის მოსარგებლეებისათვის უზრუნველყოფილი უნდა იქნას მოკლევადიანი სპეციალიზირებული ტრენინგ კურსით (CV/რეზიუმეს და სამოტივაციო წერილის შედგენა, გასაუბრებაზე მოქცევის წესები და სხვა), რაც ასევე მათ დასაქმებას შეუწყობს ხელს.
პროფესიები შეირჩევა პროგრამის მოსარგებლე პირთა უნარების, მათი საჭიროებებისა და აჭარის ვტონომიური რესპუბლიკის ტერიტორიაზე ოპერირებად დამსაქმებელთა გამოკითხვის შედეგების შესაბამისობის საფუძველზე (გამოკითხვის ორგანიზებას და ჩატარებას უზრუნველყოფს მიმწოდებელი). ქვეპროგრამის ფარგლებში პროფესიულ სწავლებას გაივლის 6 (ექვსი) შშმ პირი, ხოლო პრაქტიკული უნარების განვითარების კურს გაივლის 4 (ოთხი) შშმ პირი.

მიმწოდებელმა უნდა უზრუნველყოს:

1. მოამზადოს და სააგენტოსთან შეათანხმოს სამოქმედო გეგმა (ხელშეკრულების ხელმოწერის დღიდან 2 კვირის განმავლობაში).
2. განახორციელოს ქვეპროგრამაში ჩართვის მსურველთა შშმ პირთა მობილიზება და მათი შესაძლებლობებისა და მოთხოვნების გამოვლენა.
3. განახორციელოს სავარაუდო მოსარგებლეთა (20 პირი) შრომითი უნარების ინდივიდუალური შეფასება. აღიშნული შეფასების საფუძველზე გამოვლენილ ძლიერ მხარეებზე დაფუძნებით შეარჩიოს სავარაუდო პროფესია და შეადგინოს ინდივიდუალური განათლებისა და დასაქმების გეგმა შესაბამისი სპეციალისტების (მაგ.: ოკუპაციური თერაპევტი, ფსიქოლოგი, შრომთი კონსულტანტი და ა.შ.) ჩართულობით.
4. ქვეპროგრამის მოსარგებლის სურვილის გათვალისწინებით, უზრუნველყოს თითოეულ შშმ პირზე განათლებისა და დასაქმების გეგმის შედგენა არაუმეტეს სამი პროფესიული მიმართულებით.
5. მოამზადოს და სააგენტოსთან შეათანხმოს დამსაქმებელთა გამოკითხვის ფორმა, რომელიც უნდა შეიცავდეს:
5.1. შესავალს - ქვეპროგრამის მოკლე აღწერილობას;
5.2. ორგანიზაციის მზაობას ქვეპროგრამში ჩართულობის შესახებ – ქვეპროგრამაში ჩართულობის შემთხვევაში დამსაქმებელი იღებს ვალდბულებას მოსარგებლისათვის უზრუნველყოს სტაჟირება/საწარმოო პრაქტიკა და მისი მოთხოვნების და საჭიროებების გათვალისწინებით გადამზადებულ/მომზადებული პირის დასაქმების ხელშეწყობა წინასწარ განსაზღვრულ სამუშაო ადგილზე.
5.3. ზოგად ნაწილს – ინფორმაცია ორგანიზაციის საქმიანობის შესახებ, სამუშაო გარემოს ადაპირება, მოსარგებლის უნარ–ჩვევები, საწარმოო პრაქტიკაში/სტაჟირებაში ჩართული პირის სამუშაოს (ფუნქცია - მოვალეობების) აღწერა.
6. გამოკითხოს რეგიონში მოქმედი 16 კომპანია. გამოკითხვის შედეგად გამოვლენილი ორგანიზაციის მოთხოვნების ქვეპროგრამით მოსარგებლეთა შრომითი უნარებთან თანხვედრისას, სპეციალისტების ჩართულობით შეიმუშავოს სასწავლო პროგრამა და შესაბამისი პროგრამა შეათანხმოს სააგენტოსთან.
6.1. სასწავლო პროგრამა უნდა მოიცავდეს შემდეგ კომპონენტებს: სასწავლო თეორიული და პრაქტიკული კურსი, სუბსიდირებადი სტაჟირება (საწარმოო პრაქტიკა). შესაძლოა განხორციელდეს სამუშაოზე დაფუძვნებული სწავლება.
6.2. სასწავლო კურსი უნდა შედგებოდეს:
6.2.1. პროფესიული სწავლება - არაუმცირეს 200 საათისა, რომელიც უნდა მოიცავდეს, როგორც თეორიულ ასევე პრაქტიკულ კურსს, ხოლო სუბსიდირებადი სტაჟირება (პრაქტიკა) არაუმცირეს 120 საათი. პრეტენდენტმა, განფასებისას ქვეპროგრამით მოსარგებლეზე სუბსუდირებად სტაჟირებაზე უნდა გაითვალისწინოს შემოთავაზებული თანხის 11%-ი.
6.2.2. პრაქტიკული უნარების განვითარება - არაუმცირეს 80 საათისა, ხოლო სუბსიდირებადი სტაჟირება (პრაქტიკა) არაუმცირეს 70 საათისა. პრეტენდენტმა, განფასებისას ქვეპროგრამით მოსარგებლეზე სუბსუდირებად სტაჟირებაზე უნდა გაითვალისწინოს შემოთავაზებული თანხის 17%-ი.
6.3. საგანმანათლებლო პროგრამაში უნდა იყოს გაწერილი, სასწავლო კომპონენტის და სტაჟირების ხანგრძლივობა, სწავლებისა და სტაჟირების ადგილი, გასავლელი მასალა და საათობა.
6.4. სამუშაოზე დაფუძნებული სწავლების შემთხვევაში, შემსყიდველის მოთხოვნისამებრ პროგრამასთან ერთად უნდა წარმოადგინოს კომპანიასთან და/ან მენტორთან გაფორმებული ხელშეკრულება.
7. განახორციელოს სასწავლო პროცესის ორგანიზება მოსარგებლეთა საჭიროებებზე ადაპტირებულ გარემოში.
მოსარგებლეთა მობილიზება და დამსაქმებელთა გამოკითხვა პარალელურ რეჟიმში უნდა განხორციელდეს. მოსარგებლის უნარებისა და დამსაქმებლის საჭიროებების თანხვედრისას განხორციელდება კონკრეტული მოსარგებლის ან მოსარგებლეთა სასწავლო პროცესის ორგანიზება. შესაბამისად, შესაძლოა მოსარგებლეთა გადამზადების პროცესი განხორციელდეს სხვადასხვა პერიოდში.
8. სასწავლო პროცესის საწყის ეტაპზე, მსმენელის მიერ სასწავლო საათების გაცდენის შემთხვევაში, მიმწოდებელს შეუძლია მიიღოს გადაწყვეტილება მისთვის მსმენელის სტატუსის შეწყვეტის და მოსარგებლის ჩანაცვლების შესახებ - მსგავსი უნარებისა და მოთხოვნების მქონე მოსარგებლის შემთხვევაში იმავე სასწავლო პროგრამაში ან სხვა მოსარგებლისათვის განახორციელოს ახალი სასწავლო პროგრამა.
ჩანაცვლება შესაძლებელია პროფესიული სასწავლო საათების არაუმეტეს 10%-ის ორგანიზებამდე. სტატუს შეჩერებული მსმენელისათვის ორგანიზებული სასწავლო საათები არ ნაზღაურდება.
თუ მოსარგებლეს შეუწყდება მსმენელის სტატუსი პროფესიული სასწავლო საათების 10% და მეტი ორგანიზების შემდგომ ნებისმიერ ეტაპზე, ჩანაცვლება აღარ ხდება და მიმწოდებელს უნაზღაურდება ორგანიზებული სასწავლო საათები.
საწარმოო პრაქტიკა ანაზღაურდება პრაქტიკის სრული კურსის გავლისა და პრაქტიკის განმახორციელებელი მენტორის მიერ შევსებული მსმენელის მომზადების დონის კმაყოფილების შეფასების კითხვარის და სარეკომენდაციო წერილის ფორმის მოწოდების შემდგომ.
9. უზრუნველყოს მოსარგებლეთა ტრანსპორტირება მათი საჭიროებების გათვალისწინებით;
10. ხელი შეუწყოს მოსარგებლეებში პროფესიული უნარ-ჩვევებისა და კომპეტენციების ჩამოყალიბებას.
11. უზრუნველყოს სწავლების ყველა კომპონენტის (თეორიული და პრაქტიკული კურსი პროფესიულ უნარებში) მაღალ საგანმანათლებლო დონეზე ჩატარება.
12. სააგენტოსთან შეათანხმოს მოსარგებლის საწარმოო პრაქტიკის ორგანიზებისათვის შერჩეული ობიექტები.
13. წარმოადგინოს ბრძანება/წერილი - მოსარგებლეთა ჩარიცხვის, ჯგუფ(ებ)ის დაკომპლექტების, სწავლის დაწყების, პროფესიული სტუდენტის სტატუსის შეწყვეტის შესახებ;
14. უზრუნველყოს სააგენტოს ინფორმირებულობა მოსარგებლის მიერ ქვეპროგრამით განსაზღვრული სასწავლო საათების 20% და მეტი გაცდენის შესახებ. სასწავლო კურსის 30% და მეტი გაცდენის შემთხვევაში შეუწყდება პროფესიული მსმენელის სტატუსი;
15. წარმოადგინოს მოსარგებლეთა სწრებადობის ანგარიში;
16. წარმოადგინოს შუალედური შეფასების ანგარიში;
შუალედური ანგარიშის მოწოდება, მიმწოდებელმა უნდა უზრუნველყოს სასწავლო თეორიული და პრაქტიკული კურსის დასრულებისას.
17. წარმოადგინოს სრული სასწავლო კურსის დასრულების შემდგომ საბოლოო ანგარიში;
სააგენტოს მოთხოვნის შესაბამისად შუალედურ ან/და საბოლოო შეფასების გამოცდაზე უზრუნველყოს მოწვეული პირების დასწრება.
18. საწარმოო პრაქტიკის დასრულების შემდეგ დამსაქმებელს მოსთხოვოს საწარმოო პრაქტიკის განმახორციელებელი დაწესებულების (მენტორის) მიერ პრაქტიკის შეფასების ფორმის შევსება. საწარმოო პრაქტიკის კომპონენტის 35 და მეტი ქულით შეფასების შემთხვევაში ივსება ასევე რეკომენდაცია მომავალ დამსაქმებელთან.
19. ქვეპროგრამის მიმდინარეობისას იხელმძღვანელოს შემდეგი შეფასებით:
 სასწავლო თეორიული და პრაქტიკული კურსი - 60 ქულა
 სტაჟირება/პრაქტიკა - 40 ქულა.
20. მოთხოვოს ქვეპროგრამით მოსარგებლეს სწავლების დასრულების შემდგომ სააგენტოს მიერ შემუშავებული მონაწილეთა კითხვარის შევსება.
21. სწავლების დასრულების შემდეგ უზრუნველყოს გადამზადებული მოსარგებლისათვის სერტიფიკატის გადაცემა;
მოსარგებლე სერტიფიკატს იღებს წინასწარ განსაზღვრული სტანდარტების შესაბამისად ცოდნის, უნარებისა და კომპეტენციების ფორმალურად შეფასებისა და დადასტურების შემდგომ. შემსყიდველის მოთხოვნისამებრ მიმწოდებელმა უნდა წარმოადგინოს, სერტიფიცირებისა და ვალიდაციის კომისიის შემადგენლობა.
სერთიფიკატი უნდა შეიცავდეს:
• რეგისტრაციის ნომერს;
• მოსარგებლის სახელ-გვარს;
• დამკვეთისა და გადამზადების მიმწოდებლის სახელწოდებას;
• პროგრამის დასახელებას, რომლის ფარგლებშიც მოხდა გადამზადება;
• მოსარგებლის საბოლოო შეფასებას;
• თანდართულ დანართს, რომელიც მოიცავს რეგისტრაციის ნომერს და მოსარგებლის სახელ-გვარს და პირად ნომერს, ასევე სასწავლო პროგრამის კომპონენტის (პროფესიული უნარების, საწარმოო პრაქტიკა) შესაბამისად რა იცის და რა შეუძლია კურსდამთავრებულს; მოსარგებლეთა შეფასებას პროგრამაში შემავალი კომპონენტების ან/და სასწავლო კურსების მიხედვით;
• სერთიფიკატს ძალა აქვს მხოლოდ თანდართულ დანართთან ერთად;
სერტიფიკატის დიზაინის შეთანხმება უნდა მოხდეს დასაქმების სააგენტოსთან; სააგენტოს მოთხოვნის საფუძველზე შეიძლება სერტიფიკატის ფორმაში შევიდეს ცვლილება;
22. სასწავლო პროცესის დასრულების შემდგომ უზრუნველყოს დაჯილდოვების (სერტიფიკატების გადაცემის) ცერემონიალის ორგანიზება.
23. ქვეპროგრამის დასრულების შემდგომ განახორციელოს გამოვლენილი ძლიერი და სუსტი მხარეების ანალიტიკური შეფასება. სასწავლო პროგრამის სრულად დასრულების შემდგომ ორ კვირაში.

ხელშეკრულების ხელმოწერის დღიდან - 2026 წლის 18 დეკემბრის ჩათვლით.

აჭარის ავტონომიური რესპუბლიკის ადმინისტრაციული ტერიტორიის ფარგლები.

პრეტენდენტმა უნდა წარმოადგინოს გამოცდილების და კვალიფიკაციის დამადასტურებელი შემდეგი დოკუმენტები:
• დასაქმების სფეროში პროექტების განხორციელების მინიმუმ 5 წლიანი მუშაობის გამოცდილება;
• დასაქმების სფეროში მინიმუმ 3 განხორციელებული პროექტი;
• შშმ პირების პროფესიული გადამზადების კუთხით განხორციელებული მინიმუმ სამი ტრენინგი.

სამუშაო ჯგუფის გამოცდილება:
ჯგუფის ხელმძღვანელი:
• მინიმუმ 3 წლიანი სამუშაო გამოცდილება დასაქმების და პროფესიული მომზადება–გადამზადების სფეროში.
• მინიმუმ 3 წლიანი გამოცდილება სასწავლო პროგრამების განვითარებასთან დაკავშირებული პროექტების განხორციელებაში.

ჯგუფის წევრები:

1. შრომის ბაზრის ინსტიტუტებთან თანამშრომლობის სპეცილისტი:
• მინიმუმ 3 წლიანი მუშაობის გამოცდილება დასაქმების სფეროში;
• 3 წლის სამუშაო გამოცდილება შრომის ბაზრის ინსტიტუტებითან თანამშრომლობის კუთხით.

2. სპეციალისტი კარიერული დაგეგმარებისა და პროფესიული ორიენტაციის კუთხით:

• მინიმუმ 3 წლიანი მუშაობის გამოცდილება დასაქმების და პროფესიული ორიენტაციის/კარიერის დაგეგმვის სფეროში.

3. სპეციალისტი მომუშავე პროფესიულ - საგანმანათლებლო კუთხით:
• მინიმუმ 3 წლიანი სამუშაო გამოცდილება პროფესიული განათლების სფეროში;
• 3 წლის სამუშაო გამოცდილება პროფესიული სწავლების /სასწავლო პროგრამების განვითარებასა და მათ განხორციელებაში.

ფასწარმოქმნის ადეკვატურობა შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო/აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

1. ანგარიშსწორება ხორციელდება ორ ეტაპად - სასწავლო თეორიული და პრაქტიკული კურსის დასრულების და სრული სასწავლო კურსის დასრულების შემდგომ.
2. მოსარგებლისათვის მსმენელის სტატუსის შეწყვეტის შემთხვევაში სასწავლო პროგრამის საწყის ეტაპზე (არაუმეტეს 10%-ის ორგანიზებამდე) შემდგომი ჩანაცვლების შესაძლებლობით, სტატუს შეჩერებული მსმენელისათვის ორგანიზებული სასწავლო საათები არ ნაზღაურდება. ხოლო, შემდგომ ეტაპზე მსმენელის სტატუსის შეწყვეტის შემთხვევაში, მიმწოდებელს აუნაზღაურდება პრაქტიკულად შესრულებული სამუშაო - მსმენელის სტატუსის შეწყვეტამდე ჩატარებული საათები.
3. საწარმოო პრაქტიკა ანაზღაურდება პრაქტიკის სრული კურსის გავლისა და პრაქტიკის განმახორციელებელი მენტორის მიერ შევსებული მსმენელის მომზადების დონის კმაყოფილების შეფასების კითხვარის და სარეკომენდაციო წერილის ფორმის მოწოდების შემდგომ.
4. შესრულებულ მომსახურებად ჩაითვლება მიმწოდებლის მიერ წარმოდგენილი შუალედური და საბოლოო ანგარიში, რომელიც უნდა მოიცავდეს მომსახურების შემადგენელ კომპონენტს: სწავლება პროფესიული მიმართულებით, საწარმოო პრაქტიკა. მიმწოდებელმა ხელშეკრულებით გათვალისწინებული მომსახურების შესრულების ასანაზღაურებლად შემსყიდველს უნდა წარუდგინოს შემდეგი დოკუმენტები:
4.1. შესრულებული სამუშაოს ანგარიში;
4.2. მიღება-ჩაბარების აქტი.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ჯემალ ხიმშიაშვილი, 577278758, dasaqmebis.saagento@gmail.com

1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. იმ შემთვევაში თუ პრეტენდენტი არის არარეზიდენტი პირი დოკუმენტები დამოწმებული უნდა იყოს პრეტენდენტის უფლებამოსილი პირის ხელმოწერით და (ბეჭდის არსებობის შემთხვევაში) ორგანიზაციის ბეჭდით.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრედენდენტს არა აქვს უფლება წარმოადგინოს ალტერნატიული სატენდერო წინადადება.