Автотранспортные услуги (Грузия - Тендер #70655790)

შესყიდვის ობიექტს წარმოადგენს 2026 წლის განმავლობაში CPC მძღოლის (კოდი 95) პრაქტიკული მეცადინეობისა და ტესტირების ჩასატარებლად N3 კატეგორიის ავტოსატრანსპორტო საშუალების დაქირავების მომსახურება.

მომსახურება გაწეულ უნდა იქნას შემდეგი პირობებით/მახასიათებლებით:
1. მიმწოდებელმა CPC მძღოლის (კოდი 95) პრაქტიკული მეცადინეობის და ტესტირების ჩასატარებლად უნდა უზრუნველყოს 1 (ერთი) ერთეული N3 კატეგორიის ავტოსატრანსპორტო საშუალების განთავსება შემსყიდველის მიერ წინასწარ განსაზღვრულ სპეციალურ მოედანზე.
2. გასაწევი მომსახურების საორიენტაციო რაოდენობა 2026 წლის განმავლობაში შეადგენს 20 დღეს.
3. ავტოსატრანსპორტო საშუალებების ტექნიკური მახასიათებლები:
3.1. სტანდარტული გამწევი ფურგონის ან ტენტიანი ტიპის ნახევარმისაბმელით;
3.2. მთლიანი შემადგენლობის (გამწევი + ნახევარმისაბმელი) სიგრძე 16.5 მეტრი;
3.3. ავტოსატრანსპორტო საშუალებება აღჭურვილი უნდა იყოს შემდეგი ტიპის ხედვის სარკეებით: წინხედვის სარკე, მარჯვენა კარზე განთავსებული გვერდითი მაკონტროლებელი სარკე, უკანხედვის სარკეები - როგორც სტანდარტული, ასევე ოვალური ტიპის (მარჯვენა და მარცხენა მხარეს);
3.4. ტრანსმისია (გადაცემათა კოლოფი) - ავტომატური;
4. მომსახურების გაწევასთან დაკავშირებული ყველა სახის ხარჯის ანაზღაურება ეკისრება მიმწოდებელს.
5. მომსახურების გაწევის მთელი პერიოდის განმავლობაში ავტოსატრანსპორტო საშუალებას და მისაბმელს უნდა ჰქონდეს გავლილი სავალდებულო პერიოდული ტექნიკური ინსპექტირება საქართველოს მოქმედი კანონმდებლობით დადგენილი წესით.
6. მართვის უნარ-ჩვევების დაუფლების მიზნით პრაქტიკული მეცადინეობა და ტესტირება ტარდება სპეციალურად მოწყობილ მოედანზე. პრაქტიკული მეცადინეობა მოიცავს უსაფრთხოების წესების დაცვით, ავტოსატრანსპორტო საშუალებისა და მისაბმელის ერთობლივი ექსპლუატაციის დადგენილი მოთხოვნების შესაბამისად, ყოველდღიური პრაქტიკული საქმიანობის თანმიმდევრობისა და სპეციფიკური საკითხების შესწავლას, რაციონალური მართვის უნარების განვითარებას, დატვირთვა-გადმოტვირთვის სამუშაოებისა და ტვირთის უსაფრთხო დამაგრების ზოგადი პრინციპების გაცნობას, ასევე მათ პრაქტიკულ განხორციელებას.
7. პრაქტიკული მეცადინეობისა და გამოცდის დროს მძღოლებს ევალებათ შემდეგი მანევრების შესრულება:
7.1. 1 სადგომიდან წინსვლით გასვლა და უკუსვლით მარცხნივ გვერდით 2-ე სადგომზე შესვლა და გაჩერება;
7.2. 2-ე სადგომიდან წინსვლით გასვლა და 3-ე სადგომზე წინსვლით შესვლა და გაჩერება. 3-ე სადგომიდან უკუსვლით 4-ე სადგომზე მარჯვნივ გვერდულად შესვლა და გაჩერება; კონკრეტული მანევრის სრულყოფის მიზნით, კანდიდატს უფლება აქვს აღნიშნულ სადგომზე წინსვლით ერთჯერადად ასს-ს გასწორების;
7.3. 4-ე სადგომიდან წინსვლით გამოსვლა და 6-ე სადგომზე წინსვლით შესვლა და გაჩერება. 6 სადგომიდან 5-ე სადგომზე უკუსვლით მარცხნივ 90 გრადუსიანი კუთხით შესვლა და გაჩერება;
7.4. 5-ე სადგომიდან წინსვლით გასვლა და 2-ე სადგომზე წინსვლით შესვლა და გაჩერება. 2-ე სადგომიდან უკუსვლით მარცხნივ 90 გრადუსიანი კუთხით გამოსვლა და შემდგომ 7-ე სადგომზე უკუსვლით მარჯვნივ 90 გრადუსიანი კუთხით შესვლა და გაჩერება;
7.5. 7-ე სადგომიდან წინსვლით გამოსვლა და წინსვლით 1 სადგომზე შესვლა და გაჩერება. 1 სადგომიდან უკუსვლით გასვლა, მარცხენა კუთხით 360 გრადუსიანი შემობრუნება (წრე №8) და 1-ელ სადგომზე უკუსვლით შესვლა და გაჩერება.

1. მომსახურების გაწევა უნდა განხორციელდეს ეტაპობრივად, ხელშეკრულების გაფორმებიდან 2026 წლის 31 დეკემბრის ჩათვლით შემყიდველის მოთხოვნის შესაბამისად.
2. სატვირთო ავტოსატრანსპორტო საშუალებით სარგებლობის დრო 1 (ერთი) დღის განმავლობაში შეადგენს არაუმეტეს 8 საათს.

მომსახურების გაწევის ადგილად განისაზღვრება შემსყიდველის მოთხოვნის შესაბამისად მითითებულ მისამართებზე, სააგენტოს ცენტრალური ოფისიდან (ქ. თბილისი, ვაჟა-ფშაველას გამზ. №16) სამანქანო გზით არაუმეტეს 50 კილომეტრის დაშორებისა.

პრეტენდენტს უნდა გააჩნდეს ტექნიკური დავალებით განსაზღვრული მახასიათებლების შესაბამისი ავტოსატრანსპორტო საშუალება და ნახევარმისაბმელი, რასთან დაკავშირებითაც ვალდებულია წარმოადგინოს მფლობელობის ან/და სარგებლობის უფლების დამადასტურებელი დოკუმენტაცია (შესაბამისი ტექნიკური პასპორტი ან/და იჯარის ხელშეკრულება).

1. იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-თ ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით (შესაბამისი ტენდერის უნიკალური ნომრის მითითებით), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტ(ებ)ი.
2. დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 32-ე მუხლის პირველი პუნქტის „დ“ ქვეპუნქტის საფუძველზე.

მიმწოდებელთან ანგარიშსწორება განხორციელდება ეტაპობრივად, ფაქტობრივად გაწეული მომსახურების შესაბამისად, უნაღდო ანგარიშსწორებით - ლარში, მხარეთა მიერ გაფორმებული მიღება-ჩაბარების აქტის საფუძველზე.

მიმწოდებელთან ანგარიშსწორება განხორციელდება მხარეთა შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ლაშა პაპელიშვილი, 599888896, lpapelishvili@lta.gov.ge

1. პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით წარმოსადგენი ინფორმაცია/დოკუმენტაცია:
1.1. ფასების ცხრილი დანართი №1-ს შესაბამისად;
1.2. ავტოსატრანსპორტო საშუალების და ნახევარმისაბმელის მფლობელობის ან/და სარგებლობის დამადასტურებელი დოკუმენტი.

2. სახელმწიფო შესყიდვების ერთიან ელექტრონულ სისტემაში (შემდგომში - სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.
3. ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, ხელმოწერილი უნდა იყოს უფლებამოსილი პირის მიერ. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
4. წინადადების ფასი გამოსახული უნდა იყოს ეროვნულ ვალუტაში საქართველოს კანონმდებლობით განსაზღვრული ყველა გადასახადის გათვალისწინებით.
5. ფასების ცხრილის წარმოუდგენლობა ან განუფასებლად წარმოდგენა (შეუსაბამობა „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 27-ე მუხლის მე-3 პუნქტთან) გამოიწვევს პრეტენდენტის დისკვალიფიკაციას დაზუსტების გარეშე.
6. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე.
7. სატენდერო დოკუმენტაციით მოთხოვნილი, სისტემაში ასატვირთი ყველა დოკუმენტი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმან(ებ)ი;
8. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
9. პრეტენდენტი ვალდებულია საქონლის და მომსახურების ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
10. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
11. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
12. პრედენდენტს არა აქვს უფლება წარმოადგინოს ალტერნატიული წინადადება.
13. სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.