Природное водное сырье (Грузия - Тендер #70654891)

სასმელი წყლის შესყიდვა 19 ლიტრიანი ბალონით (წყლის დისპენსერისათვის)

სასმელი წყალი 19 ლიტრიანი ბალონით დისპენსერისათვის - 11 000 (თერთმეტი ათასი) ცალი.

ტექნიკური მახასიათებლები:
• ნატურალური სასმელი წყალი ან წყაროს წყალი - დაფასოებული 19 ლიტრიან პოლიკარბონატის ბალონში დისპენსერისათვის, შესაბამისი მარკირებით.

შესყიდვის ობიექტის მიწოდების პირობები:
• პოლიკარბონატის ბალონები შემსყიდველს გადაეცემა უსასყიდლოდ - დროებით სარგებლობაში, ყოველი მომდევნო ახალი პარტიის მიწოდებამდე.
• შემსყიდველისათვის უსასყიდლოდ, დროებით სარგებლობაში (ხელშეკრულების მოქმედების ვადის ამოწურვამდე) გადასაცემი დისპენსერების რაოდენობაა ჯამში არაუმეტეს 160 ცალი (მხარეთა შეთანხმებით შესაძლებელია დისპენსერების რაოდენობის გაზრდა).
• შემსყიდველის მოთხოვნის შემთხვევაში, მიმწოდებელმა საკუთარი ხარჯებით უნდა უზრუნველყოს დისპენსერების განთავსება, ტექნიკური მომსახურება და აპარატების გამართულად ფუნქციონირება 24 საათის განმავლობაში ხელშეკრულების მოქმედების პერიოდში.
• დისპენსერი უნდა იყოს მინიმუმ ორ ონკანიანი (ფუნქციები წყლის გაციება და გაცხელება), სუფთა, ვიზუალურად და ტექნიკურად გამართული. შესაძლებელია დისპენსერი იყოს ექსპლუატაციაში ნამყოფი.
• შემსყიდველი უზრუნველყოფს მიმწოდებლისთვის ცარიელი ბალონების დაბრუნებას ყოველი მომდევნო პარტიის მიწოდებისას, ხოლო ბოლო პარტისას მიწოდებული ბალონების დაბრუნებას, ხელშეკრულების მოქმედების ვადის დასრულებამდე. ბალონების გატანას უზრუნველყოფს მიმწოდებელი მოთხოვნიდან 15 (თხუთმეტი) კალენდარული დღის ვადაში. თუ მხარეები სხვა რამეზე არ შეთანხმდებიან.
• მიმწოდებლის მოთხოვნის შემთხვევაში, შემსყიდველი მიმწოდებელს აუნაზღაურებს შესაბამის ზიანს მოთხოვნიდან 30 დღის ვადაში, თუ დაკარგა ბალონი/დისპენსერი ან მოხდა მათი დაზიანება შენახვის და ექსპლოატაციის წესების დაუცველობით, ან გარეგანი ზემოქმედების შედეგად (ბუნებრივი ცვეთის გარდა).

პროდუქტი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათ შორის:

მიწოდებული პარტია ორგანოლეპტიკური, ფიზიკო-ქიმიური, მიკრობიოლოგიური და სანიტარულ ჰიგიენური მაჩვენებლებით პარამეტრების მნიშვნელობით უნდა შეესაბამებოდეს პროდუქტის უვნებლობისა და უსაფრთხოების მოთხოვნებს.

თითოეული მოწოდებული პარტია უნდა იყოს ქარხნული წარმოების, ჰერმეტული შეფუთვით სათანადოდ ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად.

პროდუქტი უნდა შეესაბამებოდეს საქართველოს მთავრობის 2014 წლის 26 დეკემბრის N719 დადგენილებას „დაფასოებული ნატურალური მინერალური წყლისა და წყაროს წყლის ტექნიკური რეგლამენტის დამტკიცების შესახებ“.

პროდუქტი უნდა აკმაყოფილებდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით დამტკიცების შესახებ“ (დამტკიცებულია საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანებით) განსაზღვრულ სანიტარულ მოთხოვნებს. საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში – საკვები პროდუქციის მიმოქცევისას).

პროდუქტი უნდა აკმაყოფილებდეს საქართველოს მთავრობის 2014 წლის 15 იანვრის N72 დადგენილებით დამტკიცებული ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს, პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს პროდუქტს და უვნებელია ადამიანის ჯანმრთელობისათვის.

1.4.1 საქონლის მიწოდების ვადა: ხელშეკრულების გაფორმებიდან ეტაპობრივად, 2026 წლის 20 დეკემბრის ჩათვლით.

1.4.2 სასმელი წყლის მიწოდება უნდა განხორციელდეს შემსყიდველის მოთხოვნის შესაბამისად, ეტაპობრივად, მოთხოვნიდან არაუგვიანეს 3 (სამი) კალენდარული დღის ვადაში.

1.4.3 სასმელის წყლის დისპენსერების განთავსება მითითებულ მისამართებზე უნდა განხორციელდეს შემსყიდველი ორგანიზაციის მოთხოვნის შესაბამისად, შემსყიდველის მოთხოვნიდან არაუგვიანეს 5 (ხუთი) კალენადრული დღის ვადაში. დისპენსერები მისამართებზე განთავსებული უნდა იყოს ხელშეკრულების ვადის ამოწურვამდე.

1.4.3.1 შემსყიდველი უფლებამოსილია მიმწოდებელს მოსთხოვოს დროებით სარგებლობაში გადაცემული დისპენსერ(ებ)ის და ცარიელი ბალონების გატანა ხელშეკრულების მოქმედების ვადის ამოწურვამდე, რისთვისაც მიმწოდებელს განესაზღვრება არანაკლებ 15 (თხუთმეტი) კალენდარული დღე.

მოთხოვნა/შეტყობინება შესაძლებელია განხორციელდეს ელ-ფოსტის ან ოფიციალური წერილის მეშვეობით.

სასმელი წყლის/ბალონების მიწოდების ადგილი: ქ. თბილისი, ქიზიყის ქუჩა №5ა.
დისპენსერების მიწოდების ადგილი: ქ. თბილისი (შემსყიდველი ორგანიზაციის მოთხოვნის შესაბამისად)

1.7.1 სასმელი წყლის ვარგისიანობის ვადა უნდა შეადგენდეს წარმოებიდან არანაკლებ 3 თვეს, ხოლო მიწოდებიდან არანაკლებ 2 თვეს.

1.7.2 ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია 3 (სამი) კალენდარული დღის ვადაში გამოასწოროს იგი ან შეცვალოს ახალი შესყიდვის ობიექტით, შემსყიდველის მხრიდან დამატებითი დანახარჯების გაწევის გარეშე.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი/ბრენდი და წარმოშობის ქვეყანა.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

2.7.1.1 პრეტენდენტი და ასევე, მისაწოდებელი პროდუქტის მწარმოებელი რეგისტრირებული უნდა იყოს ეკონომიკურ საქმიანობათა რეესტრში ან განაცხადი უნდა ჰქონდეს გაკეთებული აღნიშნულ რეესტრში რეგისტრაციის ან/და რეგისტრაციის ვადის გაგრძელების მიზნით, საქართველოს კანონმდებლობით დადგენილი წესით, სადაც „გამოყენებული ეკონომიკური საქმიანობის სახეების ცნობარ“-ში/საქმიანობის აღწერაში მითითებული იქნება საკვებ პროდუქტებთან დაკავშირებული საქმიანობის სახე/სახეები. აღნიშნული გადამოწმებული იქნება სატენდერო კომისიის მიერ საჯარო რეესტრის ეროვნული სააგენტოს ვებ-გვერდზე.
2.7.1.1.1 თუ შემოთავაზებული პროდუქტი იმპორტირებულია მაშინ 2.7.1.1 პუნქტის მოთხოვნები არ ვრცელდება მისაწოდებელი პროდუქტის მწარმოებელზე.

2.7.1.2 თუ შემოთავაზებული საქონელი იწარმოება საქართველოში, პრეტენდენტმა სატენდერო წინადადებასთან ერთად უნდა წარმოადგინოს მისაწოდებელი პროდუქტის მწარმოებელზე საქართველოს მთავრობის 2014 წლის 26 დეკემბრის №722 დადგენილებით დამტკიცებული „ბიზნესოპერატორის აღიარების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს (შემდგომში - სეს) მიერ მინიჭებული აღიარების/პირობითი აღიარების დამადასტურებელი დოკუმენტი (გარდა საქართველოს კანონმდებლობით დადგენილი გამონაკლისებისა, რომლის შესახებაც მიმწოდებელმა უნდა წარმოადგინოს ინფორმაცია/დოკუმენტი) ან საქართველოს მთავრობის 2015 წლის 16 ოქტომბრის №533 დადგენილებით დამტკიცებული „სურსათის/ცხოველის საკვების უვნებლობის სახელმწიფო კონტროლის განხორციელების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს (შემდგომში - სეს) მიერ გაცემული შესაბამისობის შეფასების სერთიფიკატი.

2.7.1.3 იმპორტირებული პროდუქტის შემოთავაზების შემთხვევაში პრეტენდენტმა სატენდერო კომისიას სატენდერო წინადადებასთან ერთად უნდა წარუდგინოს შემოთავაზებული პროდუქციის დამამზადებელ საწარმოზე ან მწარმოებელზე მასერთიფიცირებელი/ავტორიზებული ორგანიზაციის ან/და ოფიციალური წარმომადგენლობის მიერ გაცემული, ძალაში მყოფი, რომელიმე სერტიფიკატი: ISO22000, FSSC 22000, HACCP, IFS FOOD, BRC, SQF.

2.9.1 მიმწოდებელი ვალდებულია შემსყიდველის მოთხოვნის შემთხვევაში წარუდგინოს მას, იმპორტირებული პროდუქტის მოწოდების შემთხვევაში, საქონლის წარმოშობის სერტიფიკატი და ხარისხის დამადასტურებელი დოკუმენტი ან/და შესაბამისობის სერტიფიკატი. ხოლო ადგილობრივი წარმოების შემთხვევაში, მხოლოდ ხარისხის დამადასტურებელი დოკუმენტი ან/და შესაბამისობის სერტიფიკატი.

2.9.2 პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.1.1.1 მიმწოდებელი ვადებულია 2026 წლის 01 დეკემბრის შემდგომ მისაწოდებელი საქონლის ანაზღაურების მიზნით, შემსყიდველის მოთხოვნის შემთხვევაში, მოთხოვნიდან 5 (ხუთი) სამუშაო დღის განმავლობაში შემსყიდველ ორგანიზაციაში წარმოადგინოს საავანსო საბანკო გარანტია შემსყიდველის მიერ მითითთებულ ოდენობაზე.

7.1.1.2 საავანსო საბანკო გარანტია უნდა იყოს უპირობო და გამოუთხოვადი (რაც გულისხმობს, რომ გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები). საავანსო საბანკო გარანტიის მოქმედების ვადა 30 (ოცდაათი) კალენდალური დღით უნდა აღემატებოდეს ხელშეკრულებით გათვალისწინებული საქონლის მიწოდების ვადას.

7.1.1.3 საავანსო საბანკო გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

ანგარიშსწორება მოხდება უნაღდო ანგარიშსწორებით ლარში.
სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორება შემსყიდველის მიერ მოხდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ნინო გეწაძე, 577556121, n.gecadze@mia.gov.ge ტექნიკურ საკითხებთან დაკავშირებით დაუკავშირდით მანანა კორძახიას ტელ: 591 88-82-28

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.

10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

10.1.3 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.

10.1.4 პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.

10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მისაწოდებელი საქონლის ფასების ცხრილი დანართი N1-ის მიხედვით, ტექნიკური მონაცემების, მწარმოებლის/ბრენდის და წარმოშობის ქვეყნის მითითებით (შესყიდვის ობიექტის წარმოშობის ქვეყნის ან/და მწარმოებლის/ბრენდის შესახებ ინფორმაციის წარმოუდგენლობა, ასევე ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

10.2.2 სატენდერო დოკუმენტაციის 2.7.1 პუნქტის მოთხოვნებით გათვალისწინებული დოკუმენტაცია.