Услуги по очистке и санации (Грузия - Тендер #70654843)

ქ. ბათუმში, 20000 მაყურებელზე გათვლილი UEFA-ას IV კატეგორიის საფეხბურთო სტადიონის შიდა პერიმეტრის დაგვა-დასუფთავების მომსახურება.

1.2.1. ბათუმის ცენტრალურ სტადიონზე დაგეგმილი ღონისძიების შემთხვევაში შიდა პერიმეტრზე არსებული ტერიტორიის დაგვა-დასუფთავება:

1.2.1.1. ბათუმის ცენტრალურ სტადიონზე დაგეგმილი ღონისძიების ზუსტი დროის თაობაზე მიმწოდებელს შემსყიდველის მიერ ეცნობება ღონისძიების გამართვამდე 1 (ერთი) დღით ადრე;
1.2.1.2. მიმწოდებელმა სტადიონის ტრიბუნებზე მისასვლელ დერეფნებში, შემსყიდველის მიერ განსაზღვრულ ადგილებში უნდა განათავსოს არანაკლებ 30 ერთეული დეკორატიული ურნა;
1.2.1.3. მიმწოდებელმა ღონისძიების დასრულებისთანავე ან შემსყიდველის მიერ მითითებულ დროს, არაუმეტეს 3 დღის ვადაში უნდა უზრუნველყოს ბათუმის ცენტრალური სტადიონის ტრიბუნების (მათ შორის კიბეები), გასასვლელების-შემოსასვლელების, ტრიბუნებზე მისასვლელი დერეფნებისა და სადარბაზოს კიბეების დასუფთავება, მოგროვებული ნარჩენების განთავსება სპეციალურ კონტეინერებში და სტადიონიდან გატანა;
1.2.1.4. მიმწოდებელმა ტრიბუნებისა (მათ შორის კიბეები) და სადარბაზოს კიბეების დასუფთავება უნდა უზრუნველყოს ცოცხის გამოყენებით, ხოლო ტრიბუნებზე მისასვლელი დერეფნებისა და სტადიონზე გასასვლელების-შემოსასვლელების დასუფთავება ქუჩის ელექტრომტვერსასრუტებით.

ხელშეკრულების გაფორმებიდან 2026 წლის 31 დეკემბრის ჩათვლით.

მომსახურების გაწევის ადგილია ქალაქ ბათუმში, ყოფილი მანქანათმშენებელი ქარხნის ტერიტორიაზე (მიწის ნაკვეთის ს/კ 05.27.05.053) 20 000 მაყურებელზე გათვლილი UEFA-ას IV კატეგორიის საფეხბურთო სტადიონის შიდა პერიმეტრი.

2.2.1.1. პრეტენდენტს 2019 წლის 01 იანვრიდან ტენდერის გამოცხადებამდე პერიოდში გაწეული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის მომსახურება (ქუჩების, სკვერების, მოედნების დასუფთავება) საერთო ღირებულებით არანაკლებ 200 000 (ორასი ათასი) ლარის ოდენობით;
2.2.1.2. პრეტენდენტის მიერ წარმოდგენილი უნდა იქნას მომსახურების მიწოდებაზე გაფორმებული ხელშეკრულებების რეესტრი სატენდერო დოკუმენტაციის დანართი N3-ის შესაბამისად;
2.2.1.3. პრეტენდენტის მიერ წარმოდგენილი უნდა იქნას ხელშეკრულებების რეესტრში (დანართი N3) მოყვანილი ხელშეკრულებების ასლები, წარმოდგენილი ხელშეკრულებების ფარგლებში გაწეული მომსახურების დამადასტურებელი დოკუმენტის ასლები (მიღება-ჩაბარების აქტი ან გაწეული მომსახურების დამადასტურებელი სხვა დოკუმენტი), რომელშიც მითითებული იქნება გაწეული მომსახურება და რომელსაც უნდა დაერთოს შესაბამისი საგადასახადო ანგარიშ-ფაქტურა.
2.2.1.4. სახელმწიფო შეყიდვის შემთხვევაში თუ პრეტენდენტის მიერ წარმოდგენილ გამოცდილების შესახებ ინფორმაციის დანართი N3-ში მითითებული იქნება NAT/SPA/CMR ან სხვა ნომრები და ხელშეკრულების შესრულების მიმდინარეობის ანგარიშში ატვირთული იქნება ხელშეკრულების ასლები ხარჯთაღრიცხვით/ფასების ცხრილით, მომსახურების გაწევის მიღება-ჩაბარების აქტების ქსეროასლები და შესაბამისი საგადასახადო ანგარიშ-ფაქტურები; ამ შემთხვევაში მათი დამატებით წარმოდგენა საჭიროებას არ წარმოადგენს.

2.3.1.1. პრეტენდენტს საკუთრებაში ან საქართველოს სამოქალაქო კოდექსით ნებადართული (იჯარა, თხოვება და ა.შ) ფორმით უნდა გააჩნდეს შემდეგი სახის სპეცტექნიკა:

• ნაგავმზიდი სპეცავტომანქანა (7-8 კუბ.მ. ტევადობის);
• ქუჩის სახვეტი მტვერსასრუტი - 5 ერთეული.

2.3.1.2. იჯარის ან საქართველოს სამოქალაქო კოდექსით ნებადართული სხვა ფორმის შემთხვევაში წარმოდგენილი უნდა იქნეს შესაბამისი ხელშეკრულების ასლ(ებ)ი, რომლებიც გაფორმებული უნდა იყოს სატენდერო წინადადების მიღების დამთავრებამდე და მისი მოქმედების ვადა მინიმუმ ერთი თვით უნდა აღემატებოდეს მომსახურების გაწევის დასრულების ვადას;
2.3.1.3. ავტომანქანებზე წარმოდგენილი უნდა იქნას ავტომანქანის რეგისტრაციის მოწმობების ქსეროასლები (რომლებიც უნდა იყოს წაკითხვადი);
2.3.1.4. ინფორმაცია წარმოდგენილი უნდა იქნეს დანართი N4-ის შესაბამისად;

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

7.2.1.ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.
7.2.2. შემსყიდველი ანგარიშსწორებას განახორციელებს ეტაპობრივად, მიმწოდებელის მიერ ფაქტობრივად გაწეული მომსახურების შესაბამისად შედგენილი მიღება-ჩაბარების აქტისა და საგადასახადო დოკუმენტაციის წარმოდგენის შემდეგ.
7.2.3. თუ, საბოლოოდ გაწეული მომსახურების ღირებულებამ არ შეადგინა მიმწოდებელთან დადებული ხელშეკრულებით გათვალისწინებული თანხა, ასეთ შემთხვევაში, შემსყიდველი გადაუხდის მიმწოდებელს ფაქტიურად გაწეული მომსახურების ღირებულებას. აღნიშნულიდან გამომდინარე მიმწოდებელს პრეტენზია არ უნდა გააჩნდეს აუთვისებელი თანხის ანაზღაურებაზე.

7.3.1. სატენდერო დოკუმენტაციის 7.2. პუნქტით გათვალისწინებული დოკუმენტაციის წარმოდგენიდან 10 (ათი) სამუშაო დღე.

ილია ქამადაძე, 593343633, ajarapmc@procurement.gov.ge

10.1.1. ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია.
10.1.2. სატენდერო წინადადების ღირებულება უნდა მოიცავდეს ამ ტენდერით გათვალისწინებულ მომსახურეებასთან დაკავშირებულ ყველა ხარჯსა და საქართველოს კანონმდებლობით გათვალისწინებულ გადასახადებს და გადასახდელებს.
10.1.3. ყველა ინფორმაცია თუ დოკუმენტი, რომელიც აიტვირთება სახელმწიფო შესყიდვების ერთიან ელექტრონულ სისტემაში, შედგენილი უნდა იყოს ქართულ ენაზე.
10.1.4. უცხო ენაზე შედგენილი დოკუმენტებს თან უნდა ერთვოდეს ნოტარიულად დამოწმებული ქართული თარგმანი.
10.1.5. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად დამოწმებული უნდა იყოს შესაბამისი უფლებამოსილი პირის ელექტრონული ხელმოწერით ან პრეტენდენტის კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.6. არარეზიდენტი პირის ან წარმომადგენლობა/ფილიალის, მათ შორის ამხანაგობის წევრი არარეზიდენტი პირის ან არარეზიდენტი პირის წარმომადგენლობა/ფილიალის შემთხვევაში:
10.1.6.1 სათაო კომპანიის მიერ გაცემული ნებისმიერი სახის ცნობა ან/და ინფორმაცია დამოწმებული უნდა იყოს სათაო კომპანიის ხელმძღვანელობაზე უფლებამოსილი პირის მიერ, ასევე, წარმოდგენილი უნდა იყოს ხელისმომწერი პირის უფლებამოსილების დამადასტურებელი დოკუმენტი;
10.1.6.2. სათაო კომპანიიდან ან/და უცხო ქვეყნიდან მოთხოვნილი ინფორმაციის დამადასტურებელი დოკუმენტაციის ასლების წარმოდგენის შემთხვევაში, მათი ორიგინალთან (დედანთან) შესაბამისობა დამოწმებული უნდა იყოს ნოტარიულად.
10.1.7. პრეტენდენტი ვალდებულია სახელმწიფო შესყიდვების ერთიან ელექტრონულ სისტემის მეშვეობით წარმოადგინოს 1.2., 1.3., 2.2.1., და 2.3.1. პუნქტებში მითითებული დანართები და დოკუმენტაცია/ინფორმაცია.
10.1.8. დაზუსტებას არ ექვემდებარება ტექნიკური დოკუმენტაცია, თუ, პრეტენდენტის მიერ:
10.1.8.1. საერთოდ არ არის წარმოდგენილი ფასების ცხრილი, ან ის წარმოდგენილია განუფასებლად;
10.1.8.2. სახელმწიფო შესყიდვების მარეგულირებელი კანონმდებლობით გათვალისწინებულ სხვა შემთხვევებში.
10.1.9. ტენდერში ამხანაგობის მონაწილეობის შემთხვევაში პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.
10.1.10. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.11. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებულია კონკრეტული სასაქონლო ნიშანი, მოდელი, პატენტი ან მწარმოებელი კომპანია, იგულისხმება „მსგავსი“ "ანალოგიური" და „ეკვივალენტური“. ამასთან, სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას კონკრეტული სასაქონლო ნიშნის, მოდელის, პატენტის ან მწარმოებელი კომპანიის გამოყენება, ზემოაღნიშნული დათქმის მიუხედავად, არ ათავისუფლებს პრეტენდენტს მათი მოწოდების ვალდებულებისგან, თუ ეს აუცილებელია სამუშაოს ხარისხიანი ან/და სრულყოფილი შესრულებისთვის.