Мебельные аксессуары (Грузия - Тендер #70629963)

სსიპ შემოსავლების სამსახურის მიერ ერთჯერადი ჭიქების (CPV 39222120 - ერთჯერადი ჭიქები) სახელმწიფო შესყიდვა.

ერთჯერადი ჭიქა, რაოდენობა: - 1 500 000 ცალი.

ტექნიკური მახასიათებლები:
მასალა: ქაღალდი ან/და მუყაო ან/და ბიოდეგრარირებადი მასალა, ერთჯერადი, ჭიქის მოცულობა არანაკლებ 180 მლ არაუმეტეს 210 მლ. ზედა დიამეტრი არანაკლებ 65მმ - არაუმეტეს 80მმ, სასმელი წყლის დისპენსერზე განსათავსებლად;
ფერი - თეთრი, წარწერების გარეშე, საკვები პროდუქტებისათვის განკუთვნილი, ჯანმრთელობისათვის უსაფრთხო, სანიტარული და ტექნიკური ნორმების დაცვით ახალი, ქარხნულად დამზადებული, არა დეფორმირებული; ერთშრიანი ან/და ორშრიანი, გამოსადეგი როგორც ცხელი, ისე ცივი სასმელებისთვის, თბოგამძლე - არ უნდა განიცდიდეს დეფორმაციას ცხელი სითხის გამოყენებისას.
შეფუთული ქარხნულად, ტრანსპორტირებისა და შენახვისთვის ჰიგიენურად დაცული, შეფუთვაში თითოეულში 50 ან/და 100 ცალი.

შენიშვნა: პრეტენდენტის მიერ როგორც პირველად, ასევე დაზუსტებულ წინადადებაში არ მოითხოვება პარამეტრების დაზუსტება სადაც არ არის გამოყენებული დაკონკრეტებული ტერმინები (ზომები). ვინაიდან, მათი გადამოწმება შესაძლებელია ნიმუშების ვიზუალური დათვალიერებით.


შესყიდვის ობიექტის აღწერილობა, ტექნიკური პარამეტრები, რაოდენობა/მოცულობა მითითებულია ფასების ცხრილი დანართი N1-ში, ხოლო სავარაუდო ნიმუში მითითებულია დანართი N2-ში.

საქონლის მიწოდება უნდა განხორციელდეს ხელშეკრულების გაფორმებიდან არაუგვიანეს 10 (ათი) სამუშაო დღის ვადაში.

საქონლის მიწოდების ადგილია ქ.თბილისი, აბზიანიძის ქ. N4.

პრეტენდენტი ვალდებულია ფასების ცხრილში (დანართი N1) მიუთითოს შემოთავაზებული შესყიდვის ობიექტის წარმოშობის ქვეყანა, მწარმოებელი კომპანია და მოდელი.

(აღნიშნული ინფორმაციის ქართულ ენაზე თარგმნა და ნოტარიული წესით დამოწმება სავალდებულო არ არის).

1. შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში. პრეტენდენტის მიერ წარმოდგენილი (ერთიან ელექტრონულ სისტემაში ატვირთული) ყველა დოკუმენტი და/ან ინფორმაცია ხელმოწერილი ან/და ბეჭედდასმული უნდა იყოს ხელმძღვანელის ან უფლებამოსილი პირის მიერ (უფლებამოსილი პირის შემთხვევაში წარმოდგენილი უნდა იქნას (ატვირთულ უნდა იქნას ერთიან ელექტრონულ სისტემაში) უფლებამოსილების დამადასტურებელი შესაბამისი დოკუმენტ(ებ)ი).

2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე.

4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.

5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

6. სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).

7. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

8. პრეტენდენტის მიერ ერთიან ელექტრონულ სისტემაში ატვირთული დოკუმენტები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

პრეტენდენტმა შემსყიდველ ორგანიზაციაში უნდა წარმოადგინოს მის მიერ შემოთავაზებული საქონლის კერძოდ, ერთი შეკვრა ერთჯერადი ჭიქების სრულყოფილი ნიმუში ფასების ცხრილის (დანართი N1) მიხედვით.

ქ.თბილისი, გორგასლის ქ. #16.

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია, ასევე, დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია, ასევე, დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, მიმწოდებლის მიერ ფაქტობრივად მიწოდებული საქონლის ღირებულების შესაბამისად.
ანგარიშსწორება განხორციელდება მიმწოდებლის საბანკო რეკვიზიტებზე.

ანგარიშსწორება მიმწოდებელთან განხორციელდება ხელშეკრულების შესაბამისად გაფორმებული ინსპექტირების აქტის, საბოლოო მიღება-ჩაბარების აქტის, სასაქონლო ზედნადებისა და საგადასახადო ანგარიშფაქტურის საფუძველზე (იმ შემთხვევაში თუ მიმწოდებელი დღგ–ს გადამხდელია, ხოლო თუ მიმწოდებელი არ არის დღგ-ს გადამხდელი, მაშინ მიმწოდებელმა უნდა წარმოადგინოს შესაბამისი ცნობა სსიპ შემოსავლების სამსახურიდან) არაუგვიანეს 10 (ათი) სამუშაო დღის განმავლობაში.

ნატო ასლანიშვილი, 599618811, nnataaslanishvili@gmail.com