Образовательные услуги (Грузия - Тендер #70629896)

დასაქმების ხელშეწყობა პროფესიული მომზადების გზით

ქვეპროგრამის ფარგლებში განხორციელდება:
პროფესიული უნარების შეძენა/ამაღლების მსურველ სამუშაოს მაძიებელთა მომზადება. სწავლება განხორციელდება მოკლევადიანი ინტენსიური სასწავლო მოდულით, რომელიც მოიცავს თეორიულ და პრაქტიკულ კურსს პროფესიული მიმართულებით, ცოდნის შეძენა/ამაღლებას უცხო ენაში (ინგლისური) - პროფესიისთვის საჭირო ტერმინოლოგიის შესწავლას, სამუშაო გამოცდილების და პრაქტიკული უნარ-ჩვევების განვითარებას საწარმოო პრაქტიკის უზრუნველყოფის გზით.
ქვეპროგრამის ფარგლებში სულ მომზადდება 20 პირი.

პროფესიული მომზადების მიმართულებებია:

1. საოჯახო სასტუმროს მართვა და მომსახურების სერვისი;
2. კულინარია.

რეგიონალური და მუნიციპალური შრომის ბაზრის თავისებურებების გათვალისწინებით:
1. საოჯახო სასტუმროს მართვა და მომსახურების სერვისის ჯგუფის სწავლება განხორციელდება ქედის მუნიციპალიტეტში.
2. კულინარიის ხელოვნების ჯგუფის სწავლება განხორციელდება შუახევის მუნიციპალიტეტში.

ჯგუფი შეიქმნება არანაკლებ 7 მოსარგებლის არსებობისას, ხოლო ჯგუფში მოსარგებლეთა მაქსიმალური რაოდენობაა 10.
შემსყიდველის მოთხოვნის საფუძველზე, შესაძლოა კონკრეტული ჯგუფის შემთხვევაში შეიცვალოს მოსარგებლეთა დასაშვები მინიმალური ან/და მაქსიმალური რაოდენობა.

მიმწოდებელი ვალდებულია:

1. უზრუნველყოს მოსარგებლეთა შერჩევის მიზნით ორგანიზებულ კონკურსში ჩართულობა სააგენტოს მოთხოვნის საფუძველზე;
2. სასწავლო პროცესის ორგანიზებამდე წარმოადგინოს ქვეპროგრამით დადგენილი მიმართულებების შესაბამისი საგანმნათლებლო პროგრამები:
2.1. საგანმანათლებლო პროგრამა უნდა მოიცავდეს სრულ სასწავლო კურსს:
2.1.1. სასწავლო თეორიულ და პრაქტიკულ კურსის პროფესიული მიმართულებით;
2.1.2. უცხო ენის (ინგლისური) შემსწავლელ კურსს;
2.2.3. საწარმო პრაქტიკა/სტაჟირების თემატიკას, საათობრივ განწერას, სწავლის ადგილს და განსაზღვრულ მისაღწევ შედეგს. იმ შემთხვევაში, თუ სასწავლო პროცესის ორგანიზება დაგეგმილია რეალურ გარემოში (ობიექტზე), საგანმანათლებლო პროგრამასთან ერთად უნდა წარმოადგინოს ინფორმაცია მენტორ(ებ)ის შესახებ, ასევე მენტორთან გაფორმებული ხელშეკრულება ან სხვა დამადასტურებელი დოკუმენტი (მაგ.: ბრძანება). (მენტორი - კომპანიის წარმომადგენელი/თანამშრომელი, ვინც ასწავლის მოსარგებლეს ობიექტზე. მისი ანაზღაურება განისაზღვრება ერთეული ბენეფიციარის ღირებულების არანაკლებ 7 პროცენტით. მენტორის ცვლილების შემთხვევაში, მიმწოდებელმა აღნიშნულის შესახებ უნდა აცნობოს შემსყიდველს და ასევე წარმოადგინოს ახალი მენტორის დოკუმენტაცია).
შემუშავებული საგანმანათლებლო პროგრამები მიმწოდებელმა უნდა წარმოადგინოს სასწავლო პროცესის ორგანიზებამდე არანაკლებ 7 (შვიდი) დღით ადრე.
3. განახორციელოს საგანმანათლებლო პროგრმებში ცვლილების შეტანა სააგენტოს მოთხოვნის შემთხვევაში;
4. წარმოადგინოს ბრძანებები: ჯგუფების დაკომპლექტების, სწავლის დაწყებისა და მსმენელის გარიცხვის, სწავლის დასრულების შესახებ და სხვა.
5. განახორციელოს სწავლების ყველა კომპონენტის ჩატარება ქვეპროგრამით გათვალისწინებული მოთხოვნების შესაბამისად:

5.1. საოჯახო სასტუმროს მართვა და მომსახურების სერვისი - პროფესიული მიმართულებით სასწავლო თეორიული და პრაქტიკული კურსი, რომლის ხანგრძლივობა უნდა განისაზღვროს არანაკლებ 300 საათით; ინგლისური ენის კურსი, რომლის ხანგრძლივობა უნდა განისაზღვროს არანაკლებ 100 საათით, საწარმოო პრაქტიკა/სტაჟირება, რომლის ხანგრძლივობა უნდა განისაზღვროს არანაკლკებ 100 საათით.
5.2. კულინარიის ხელოვნება - პროფესიული მიმართულებით სასწავლო თეორიული და პრაქტიკული კურსი, რომლის ხანგრძლივობა უნდა განისაზღვროს არანაკლებ 400 საათით; საწარმოო პრაქტიკა/სტაჟირება, რომლის ხანგრძლივობა უნდა განისაზღვროს არანაკლკებ 100 საათით.
სწავლება პროფესიული მიმართულებით შესაძლოა განხორციელდეს სასწავლო სივრცესა და იმიტირებულ სამუშაო გარემოში, ან სასწავლო სივრცესა და რეალურ სამუშაო გარემოში (ობიექტზე). თითოეული პროფესიული მიმართულებით შესაძლოა სწავლება განხორციელდეს ერთზე მეტ ობიექტზე.
6. უზრუნველყოს სასწავლო პროცესის ორგანიზება მაღალსაგანმანათლებლო დონეზე, მატერიალურ-ტექნიკური ბაზით და უსაფრთხოების ნორმების სრული დაცვით. საჭიროებისამებრ, მოსარგებლე უზრუნველყოს სწავლებისათვის აუცილებელი ინვენტარითა (მაგ.: შრომითი ინსტრუმენტები, მასალები, სიმულატორები და ა.შ.) და სპეციალური ტანსაცმელით.
7. უზრუნველყოს მოსარგებლე პირისათვის საწარმოო პრაქტიკა/სტაჟირების ორგანიზება:
7.1. გამოყოს მინიმუმ ერთი თანამშრომელი, რომელიც საწარმოო პრაქტიკის დროს ზედამხედველობას გაუწევს მოსარგებლეებს და იქნება ანგარიშვალდებული სააგენტოს წინაშე;
7.2. აჭარის დასაქმების სააგენტოსთან ერთად, შეარჩიოს საწარმოო პრაქტიკის ობიექტი ქედისა და შუახევის მუნიციპალიტეტებში მოქმედი ორგანიზაციებიდან. იმ შემთხვევაში, თუ სწავლის პროცესში მოსარგებლეს აქვს დასაქმების შეთავაზება, მიმწოდებელმა უნდა უზრუნველყოს აღნიშნულ ობიექტთან მოლაპარაკება საწარმოო პრაქტიკის ორგანიზების შესახებ. დამსაქმებელს ექნება იგივე პირობები და ვალდებულებები, რაც საწარმოო პრაქტიკის სხვა ობიექტებს.
8. საწარმოო პრაქტიკა/სტაჟირების ორგანიზებამდე უნდა მოხდეს შერჩეული ობიექტების შეთანხმება სააგენტოსთან სტაჟირების ორგანიზებამდე არანაკლებ 7 დღით ადრე;
9. უზრუნველყოს საწარმოო პრაქტიკის დაწყებისა და დასრულების შესახებ ბრძანების წარმოდგენა;
10. საწარმოო პრაქტიკის განმახორციელებელ კომპანიასთან ერთად საწარმოო პრაქტიკის ორგანიზების გეგმისა და გრაფიკის შემუშავება და სააგენტოსთან შეთანხმება;
11. შეიმუშავოს და სააგენტოსთან შეათანხმოს საწარმოო პრაქტიკის დღიური.
12. წარმოადგინოს საწარმოო პრაქტიკის ობიექტიების მიხედვით კურატორები (კურატორი - პირი, ვინც გაუწევს მოსარგებელთა ზედამხედველობას საწარმოო პრაქტიკა/სტაჟირების პროცესს და მისი დასრულების შემდგომ შეაფასებს. კურატორის ანაზღაურება განისაზღვრება პროფესიული მიმართულების შესაბამისი საგანმანათლებლო პროგრამის მიხედვით. კურატორი შესაძლოა იყოს საწარმოო პრაქტიკის განმახორციელებლი კომპანიის წარმომადგენელი/თანამშრომელი, ან იმ შემთხვევაში, თუ კომპანიას არ ყავს შესაბამისი კომპეტენციის თანამშრომელი, აღნიშნულ ფუნქციას შეასრულებს მიმწოდებელი ორგანიზაციის წარმომადგენელი).
მიმწოდებელმა უნდა წარმოადგინოს კურატორთა სია პროფესიების მიხედვით და მათთან გაფორმებული ხელშეკრულება ან სხვა დამადასტურებელი დოკუმენტი (მაგ.: ბრძანება).
13. შეათანხმოს პრაქტიკის ობიექტთან პროგრამის მარკეტინგული მიზნებისათვის ფოტო/ვიდეო გადაღების ორგანიზება.
14. საწარმოო პრაქტიკის დასრულების შემდეგ დამსაქმებელს მოსთხოვოს საწარმოო პრაქტიკის განმახორციელებელი დაწესებულების (კურატორის) მიერ საწარმოო პრაქტიკის მონაწილის (მოსარგებლის) მომზადების დონის კმაყოფილების შეფასების კითხვარის და სარეკომენდაციო წერილის ფორმის შევსება. შევსებული კითხვარი და სარეკომენდაციო წერილი წარმოუდგინოს სააგენტოს. რეკომენდაცია მომავალ დამსაქმებელთან ივსება მოსარგებლის საწარმოო პრაქტიკის კომპონენტის 35 და მეტი ქულით შეფასების შემთხვევაში.
15. შეიმუშავოს და სააგენტოსთან შეათანხმოს მექანიზმი თითოეულ ჯგუფში საუკეთესო მსმენელის გამოსავლენად;
16. უზრუნველყოს სააგენტოს ინფორმირებულობა მოსარგებლის მიერ ქვეპროგრამით განსაზღვრული სასწავლო საათების 20% და მეტი გაცდენის შესახებ; 30% და მეტის გაცდენის შემთხვევაში, სააგენტოსთან შეთანხმებით, შეუწყვიტოს მოსარგებლეს სტატუსი. ქვეპროგრამით მოსარგებლეთა ჩანაცვლება ხდება მოსარგებლისათვის მსმენელის სტატუსის შეწყვეტისას საწყისი ორი კვირის განმავლობაში. ჩანაცვლების შემთხვევაში, საბოლოო (ჩანაცვლებულ) მოსარგებლეს, ეთვლება ქვეპროგრამით გათვალისწინებული სრული საათები.
17. უზრუნველყოს მოსარგებლეთა შეფასება შემდეგი სისტემით:
17.1. სწავლება პროფესიული მიმართულებით 40 ქულა; უცხო ენა 10 ქულა; საწარმოო პრაქტიკა 50 ქულა.
17.2. სწავლება პროფესიული მიმართულებით 50 ქულა; საწარმოო პრაქტიკა 50 ქულა.
18. სააგენტოს მოთხოვნის საფუძველზე წარმოადგინოს სწავლების მიმდინარეობის ნებისმიერ ეტაპზე პროფესიული მომზადების კომპონენტით მოსარგებლეთა შეფასების ანგარიში.
19. წარმოადგინოს ქვეპროგრამის მოსარგებლეთა სწრებადობის ანგარიში ყოველთვიურად.
20. წარმოადგინოს სრული სასწავლო კურსის დასრულების შემდგომ საბოლოო ანგარიში.
სააგენტოს მოთხოვნის საფუძველზე შუალედურ ან/და საბოლოო შეფასების გამოცდაზე უზრუნველყოს სააგენტოს მონიტორინგის ჯგუფის ან/და მოწვეული პირების დასწრება.
21. სასწავლო თეორიული და პრაქტიკული კურსის დასრულების შემდგომ, უზრუნველყოს ქვეპროგრამის მოსარგებლეთა მიერ სააგენტოს მიერ შემუშავებული ქვეპროგრამის მოსარგებლეთა კმაყოფილების კითხვარის შევსება.
22. სრული სასწავლო კურსის დასრულების შემდგომ, უზრუნველყოს მოსარგებლეებისათვის კვალიფიკაციის დამადასტურებელი სერთიფიკატის გადაცემა:
სერთიფიკატი უნდა შეიცავდეს:
 სარეგისტრაციო ნომერს
 მოსარგებლის სახელ-გვარს
 დამკვეთისა და მიმწოდებლის დასახელებას
 პროგრამის დასახელებას, რომლის ფარგლებშიც მოხდა მომზადება
 საბოლოო შეფასებას
 თანდართულ დანართს, რომელშიც უნდა იყოს მითითებული:
სარეგისტრაციო ნომერი, მოსარგებლის სახელ-გვარი და პირადი ნომერი, სასწავლო პროგრამის კომპონენტიბი და ჯამური შეფასება, რა იცის და რა შეუძლია კურსდამთავრებულს.
სერთიფიკატს ძალა აქვს მხოლოდ თანდართულ დანართთან ერთად.
სერთიფიკატის დიზაინის შეთანხმება უნდა მოხდეს დასაქმების სააგენტოსთან. სააგენტოს მოთხოვნის საფუძველზე შესაძლებელია სერთიფიკატის ფორმაში შევიდეს ცვლილება.

ქვეპროგრამის მოსარგებლე შესაბამის სერტიფიკატს აიღებს სწავლების სრული კურსის გავლისა და საბოლოო გამოცდის ჩაბარების შემდგომ (100 ქულიდან არაუმცირეს 51 და მეტი ქულის დაგროვების შემთხვევაში).
23. მიმწოდებელმა ყველა მოსარგებლეს უნდა გადასცეს ფასიანი საჩუქარი, რომელიც ხელს შეუწყობს მათ პროფესიულ განვითარებას. ამასთან, დამატებით, თითოეულ ჯგუფში გამოვლენილ წარჩინებულ მოსარგებლეს გადასცეს დამატებითი საჩუქარი.
თითოეული ჯგუფიდან ერთი წარჩინებული მსმენელისათვის გადასაცემი საჩუქრის ღირებულებად განისაზღვროს ქვეპროგრამით განსაზღვრული ერთეული მოსარგებლის ღირებულების არანაკლებ 25% და არაუმეტეს 35%. პროფესიული მომზადების დანარჩენ მოსარგებლეებს გადასაცემი საჩუქრის ღირებულებად განისაზღვროს ქვეპროგრამით განსაზღვრული ერთეული მოსარგებლის ღირებულების არანაკლებ 5% და არაუმეტეს 7%.
24. უზრუნველყოს მოსარგებლეთათვის მოკლევადიანი ტრენინგ კურსის - რეზიუმესა და სამოტივაციო წერილის შედგენა, გასაუბრებაზე მოქცევის წესი - ორგანიზება/განხორციელება. აღნიშნული სახის ტრენინგები უნდა ჩატარდეს საწარმოო პრაქტიკის დაწყებამდე.
25. სასწავლო პროცესის დასრულების შემდგომ უზრუნველყოს დაჯილდოების (სერტიფიკატების გადაცემის) ცერემონიალის ორგანიზება/განხორციელება.
26. სასწავლო პროცესის დასრულების შემდგომ, ერთი თვის ვადაში უზრუნველყოს კომპონენტის ძლიერი და სუსტი მხარეების გამოვლენა და ანალიტიკური შეფასების წარმოდგენა სააგენტოსთვის.

ანგარიშის ფორმები და კითხვარები მიმწოდებელს მიეწოდება შემსყიდველის მიერ.

ქვეპროგრამის ხანგრძლივობის ვადაა ხელშეკრულების ხელმოწერის დღიდან 2026 წლის 18 დეკემბრის ჩათვლით.

ძირითადი სპეციალისტ(ებ)ის შეცვლის შემთხვევაში მიმწოდებელმა აღნიშნულის შესახებ უნდა აცნობოს შემსყიდველს და წარუდგინოს კვალიფიკაციის დამადასტურებელი დოკუმენტაცია.
ძირითადი სპეციალისტ(ებ)ის შეცვლა დასაშვებია არანაკლებ იმავე კვალიფიკაციის მქონე სპეციალისტით.

ხელშეკრულების ხელმოწერის დღიდან 2026 წლის 18 დეკემბრის ჩათვლით.

1. საოჯახო სასტუმროს მართვა და მომსახურების სერვისის ჯგუფის სწავლება განხორციელდება - ქედის მუნიციპალიტეტში.
2. კულინარიის ხელოვნების ჯგუფის სწავლება განხორციელდება - შუახევის მუნიციპალიტეტში.

1. პრეტენდენტს, 2023 წლიდან ტენდერის გამოცხადების დღემდე, უნდა გააჩნდეს სასტუმრო, სარესტორნო მომსახურების და კულინარიის მიმართულებების სასწავლო გამოცდილება.

 სისტემაში უნდა აიტვირთოს არანაკლებ 2023 წლიდან ტენდერის გამოცხადების დღემდე, სამ სხვადასხვა წელს გაფორმებული ხელშეკრულებების და მიღება-ჩაბარების ასლები.
 სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის მიერ ხელმოწერით დამოწმებული დოკუმენტი, სადაც მითითებული იქნება შესაბამისი SPA/CMR/NAT და ა.შ. ნომერი. ამ შემთხვევაში დამატებითი დოკუმენტაციის წარმოდგენა სავალდებულო არ არის.

პრეტენდენტს უნდა გააჩნდეს, ტექნიკურ დავალებაში მითითებულ საორიენტაციო პროფესიების შესაბამისი მატერიალურ-ტექნიკური ბაზა, რათა უზრუნველყოფილი იქნეს, ტექნიკური დავალების მიხედვით, საორიენტაციო პროფესიებში ეფექტური და ხარისხიანი მომზადების პროცესი. (იმ შემთხვევაში, თუ მატერიალურ-ტექნიკური ბაზა არ არის პრეტენდენტის საკუთრებაში, წარმოდგენილი უნდა იქნეს ხელშეკრულება, რომელიც დაადასტურებს აღნიშნული მატერიალურ-ტექნიკური ბაზით სარგებლობის უფლებას).

1. პრეტენდენტმა, უნდა წარმოადგინოს მომზადების პროგრამაში მოწვეული ძირითადი სპეციალისტები:

 სისტემაში უნდა აიტვირთოს:
1.1. შესაბამისი განათლების დამადასტურებელი მოწმობა/ან ცნობა სამუშაო გამოცდილების შესახებ, იმ მიმართულების/პროფესიის შესაბამისად, რომელზეც წარდგენილია მასწავლებელი;
1.2. CV/რეზიუმე;
1.3. პროფესიული განათლების მასწავლებლის ცნობა.

2. უცხოელი ტრენერის შემთხვევაში პრეტენდენტმა უნდა უზრუნველყოს თარჯიმნის მომსახურება, რომელსაც უნდა გააჩნდეს შესაბამისი განათლების დამადასტურებელი დოკუმენტი და თარჯიმნად მუშაობის მინიმუმ 1 წლიანი გამოცდილება.

 სისტემაში უნდა აიტვირთოს: მოწვეული სპეციალისტების დიპლომი და რეზიუმე.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების უპირობოდ შესრულების შესაძლებლობას.
დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი.

1. ანგარიშსწორების ფორმა უნაღდო, ეროვნულ ვალუტაში.
2. ანგარიშსწორება განხორციელდება ეტაპობრივად, წარმოდგენილი ანგარიშის საფუძველზე, ფაქტიურად გაწეული მომსახურების (თითოეული მოსარგებლის სწრებადობის) შესაბამისად. საბოლოო ანგარიშსწორებისას მოხდება სრული გაწეული მომსახურების შესაბამისი ანგარიშსწორება.
3. მოსარგებლისათვის სტატუსის შეწყვეტის შემთხვევაში, მომწოდებელს აუნაზღაურდება პრაქტიკულად შესრულებული სამუშაო - მოსარგებლის სტატუსის შეწყვეტამდე განვლილი საათები.
4. მოსარგებლისათვის სტატუსის შეწყვეტისას, ჯგუფის სრულად დაკომპლექტების მიზნით, სარეზერვო სიიდან ჩანაცვლების შემთხვევაში, არ ნაზღაურდება სტატუსშეწყვეტილი მოსარგებლისათვის ორგანიზებული სასწავლო საათები, ხოლო ჩანაცვლებულ მოსარგებლეს ეთვლება პროგრამით გათვალისწინებული სრული საათები.
5. მიმწოდებლის მიერ შესრულებულ მომსახურებად ჩაითვლება მომწოდებლის მიერ წარმოდგენილი ანგარიში სწრებადობის შესახებ (სწავლის დაწყებიდან ყოველი თვის დასრულებისას), შუალედური ანგარიში (სწავლის დაწყებიდან ორი თვის შემდგომ) და საბოლოო ანგარიში (სრული სასწავლო კურსის დასრულების შემდგომ). მიმწოდებელმა, ხელშეკრულებით გათვალისწინებული მომსახურების შესრულების ასანაზღაურებლად, შემსყიდველს უნდა წარუდგინოს შემდეგი დოკუმენტები:
4.1. შესრულებული სამუშაოს ანგარიში;
4.2. მიღება-ჩაბარების აქტი.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ჯემალ ხიმშიაშვილი, 577278758, dasaqmebis.saagento@gmail.com

1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი.
2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. იმ შემთვევაში, თუ პრეტენდენტი არის არარეზიდენტი პირი, დოკუმენტები დამოწმებული უნდა იყოს პრეტენდენტის უფლებამოსილი პირის ხელმოწერით და (ბეჭდის არსებობის შემთხვევაში) ორგანიზაციის ბეჭდით;
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტს არა აქვს უფლება, წარმოადგინოს ალტერნატიული სატენდერო წინადადება.