Инженерные услуги (Грузия - Тендер #70603770)

ქ. თბილისში, მთაწმინდის რაიონის ტერიტორიაზე ბინათმესაკუთრეთა ამხანაგობების საერთო საკუთრებაში არსებული, ივ. მაჩაბელის ქ. N11-ში მდებარე შენობის (კულტურული მემკვიდრეობის ძეგლი)კაპიტალური გამაგრების სამუშაოების საპროექტო დოკუმენტაციის შედგენა

1.2.1 ქ. თბილისში, მთაწმინდის რაიონის ტერიტორიაზე ბინათმესაკუთრეთა ამხანაგობების საერთო საკუთრებაში არსებული, ივ.მაჩაბელის ქ. N11 -ში მდებარე შენობის (კულტურული მემკვიდრეობის ძეგლი) კაპიტალური გამაგრების სამუშაოების საპროექტო დოკუმენტაცია შედგენილი უნდა იყოს დანართი N1-ის გათვალისწინებით

1.2.2. მომსახურების გაწევის დროს მიმწოდებელმა უნდა უზრუნველყოს ობიექტზე გასვლა, ადგილობრივ მოსახლეობასთან ურთიერთობა, ინფორმაციის მოპოვება, მათთან მიზნობრივი კოორდინირება და სრული საპროექტო დოკუმენტაციის შედგენა. საავტორო ზედამხედველობა სამშენებლო სამუშაოების განხორციელების პროცესში, კონსულტაციების გაწევა და საჭიროების შემთხვევაში პროექტის კორექტირება შემჭიდროებულ ვადებში შემსყიდველთან შეთანხმებით;

1.2.3. შესასრულებელი სამუშაოების შედგენისას მიმწოდებელმა უნდა იხელმძღვანელოს ქვეყანაში მოქმედი სამშენებლო ნორმებითა და წესებით. ხარჯთაღრიცხვები შედგენილი უნდა იქნას საქართველოს მთავრობის 2014 წლის 14 იანვრის N52 და N55 დადგენილებებით გათვალისწინებული სამშენებლო ნორმების, წესების და ტექნიკური რეგულირების სხვა დოკუმენტების მოთხოვნათა შესაბამისად.

1.2.4. შესაბამისი დოკუმენტაცია დაკომპლექტებული და წარმოდგენილი უნდა იყოს ელექტრონული ვერსიის სახით (DWG და PDF ფორმატში(PDF ფაილის ზომა არ უნდა აღემატებოდეს 20მგბ-ს); მოცულობათა უწყისი, ხარჯთაღრიცხვა (გამსხვილებული, რესურსული) EXCEL-ის ფორმატში და ნაბეჭდი სახით, ფონტით "Sylfaen", ხოლო ლათინური სიმბოლოები - "Calibri"-ით (სამ ეგზემპლარად).

შესყიდვის ობიექტის მიწოდების საბოლოო ვადაა 2026 წლის 21 დეკემბერი.

ქ. თბილისი, ივ.მაჩაბელის ქ. N11

1. პრეტენდენტს კულტურული მემკვიდრეობის ძეგლ(ებ)ის სტატუსის მქონე შენობა/ნაგებობების სარეაბილიტაციო ან/და სარეკონსტრუქციო ან/და გამაგრებითი სამუშაოებისათვის 2023 წლის 1 იანვრიდან შედგენილი უნდა ქონდეს არანაკლებ 3 პროექტი, რომელზეც გაცემული უნდა იყოს ნებართვა პროექტის შეთანხმების შესახებ სსიპ ქ. თბილისის მუნიციპალიტეტის არქიტექტურის სამსახურიდან (მითითებული უნდა იქნეს ბრძანების ნომერი და თარიღი) და უნდა გააჩნდეს ჯამურად არანაკლებ 240 000 (ორას ორმოცი ათასი) ლარის ღირებულების საპროექტო დოკუმენტაციის შედგენის გამოცდილება.

აღნიშნული ინფორმაცია მოცემული უნდა იყოს დანართი N2-ში რომელიც სატენდერო წინადადებასთან ერთად ატვირთული უნდა იქნას ერთიან ელექტრონულ სისტემაში.

2. თუ დანართი N2-ში ნაჩვენები მომსახურება არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით, ამ შემთხვევაში უნდა აიტვირთოს მომსახურების გაწევის დამადასტურებელი შემდეგი დოკუმენტაცია: ხელშეკრულება, მიღება-ჩაბარების აქტი გაწეული მომსახურების ღირებულების მითითებით და გაწეულ მომსახურებაზე გადახდილი თანხის დამადასტურებელი დოკუმენტი (დადასტურებული საგადასახადო ანგარიშ-ფაქტურა ან საგადახდო დავალება), წარმოდგენილი უნდა იქნეს დამკვეთის მიერ შესყიდვების ერთიანი ელექტრონული სისტემის გამოყენებით გაფორმებული ხელშეკრულების ელექტრონული ტენდერის ნომერი ან CMR ნომერი (ასეთის არსებობის შემთხვევაში) რის საფუძველზეც მოხდა ქვეკონტრაქტის გაფორმება.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად შეადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულის გათვალისწინებით, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ მოითხოვება ფასწარმოქმნის ადეკვატურობის დასაბუთების ვალდებულება.

ანგარიშსწორება განხორციელდება ეტაპობრივად, მხარეებს შორის გაფორმებული მიღება-ჩაბარების აქტის საფუძველზე, რომელიც გაფორმდება გამაგრებითი სამუშაოებისათვის შედგენილი საპროექტო დოკუმენტაციის სსიპ ქ. თბილისის მუნიციპალიტეტის არქიტექტურის სამსახურთან შეთანხმების შემდეგ (წარმოდგენილი უნდა იქნეს შესაბამისი დამადასტურებელი დოკუმენტაცია).

მიღება-ჩაბარების აქტის გაფორმებიდან არაუგვიანეს 10 სამუშაო დღის განმავლობაში.

მზია კაპანაძე, 551422227, mziakap11@gmail.com ტექნიკურ საკითხებთან დაკავშირებით: თანადაფინანსებული პროექტების განყოფილების უფროსი - ირაკლი თუმანიშვილი. ტელ: 591 025566

1.სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
2. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
3. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი.
4. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5.სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის ან სხვა პრეტენდენტის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
6.შემსყიდველ ორგანიზაციაში წარმოსადგენი ყველა დოკუმენტის ნამდვილობაზე პასუხისმგებელია პრეტენდენტი.
7. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8.სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.