Природное водное сырье (Грузия - Тендер #70565033)

საგარეჯოს მუნიციპალიტეტის მერიისთვის და საკრებულოსთვის არაგაზირებული ნატურალური სასმელი წყლის შესყიდვა.

ტექნიკური მახასიათებლები:
•არაგაზირებული ნატურალური სასმელი წყალი - დაფასოებული 19 ლიტრიან პოლიკარბონატის ბალონში დისპენსერისათვის.
• შენახვის ვადა წარმოებიდან არანაკლებ 3 თვე, ხოლო მიწოდებიდან არანაკლებ 2 თვე.
მიმწოდებლის ვალდებულება:
• ბალონები შემსყიდველს გადაეცემა უსასყიდლოდ - დროებით სარგებლობაში, ყოველი მომდევნო ახალი პარტიის მიწოდებამდე.
. შემსყიდველ ორგანიზაციას დროებით სარგებლობაში (ხელშეკრულების ვადის ამოწურვამდე) უსასყიდლოდ გადასცეს 7 ცალი (მხარეთა შეთანხმებით შესაძლებელია დისპენსერების რაოდენობის გაზრდა) მინიმუმ 2 რეჟიმიანი წყლის (ფუნქციები წყლის გაციება და გაცხელება), დისპენსერების მიწოდება უნდა განხორციელდეს შემსყიდველი ორგანიზაციის მიერ მითითებულ მისამართებზე ხელშეკრულების გაფორმებიდან 3 (სამი) სამუშაო დღის ვადაში.
. დროებით სარგებლობაში გადმოცემული დისპენსერების ექსპლოატაციისას, მათი მწყობრიდან გამოსვლის შემთხევაში, საკუთარი სახსრებით დაუყოვნებლივ უზრუნველყოს დისპენსერის შეცვლა ან შეკეთება (გარდა იმ შემთხვევისა, როცა დისპენსერის დაზიანება გამოწვეულია შემსყიდველის ბრალეულობით).

შენიშვნა: საგარეჯოს მუნიციპალიტეტის მერიას ესაჭიროება სულ 1200 (ათას ორასი) ცალი წყლის ბალონი, ხოლო საკრებულოს 600 (ექვსასი) ცალი.
შენიშვნა: შემსყიდველი არ იღებს ვალდებულებას შესყიდვის ობიექტის საქონლის რაოდენობების სრულად დაკვეთის შესახებ.

პროდუქტი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათ შორის:

მიწოდებული პარტია ორგანოლეპტიკური, ფიზიკო-ქიმიური, მიკრობიოლოგიური და სანიტარულ ჰიგიენური მაჩვენებლებით პარამეტრების მნიშვნელობით უნდა შეესაბამებოდეს პროდუქტის უვნებლობისა და უსაფრთხოების მოთხოვნებს.

პროდუქტის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს და მოქმედ სტანდარტებს.

თითოეული მოწოდებული პარტია უნდა იყოს ქარხნული წარმოების, ჰერმეტული შეფუთვით სათანადოდ ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად.

პროდუქტი უნდა შეესაბამებოდეს საქართველოს მთავრობის 2014 წლის 26 დეკემბრის N719 დადგენილებას „დაფასოებული ნატურალური მინერალური წყლისა და წყაროს წყლის ტექნიკური რეგლამენტის დამტკიცების შესახებ“..

პროდუქტი უნდა აკმაყოფილებდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ (დამტკიცებულია საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანებით) განსაზღვრულ სანიტარულ მოთხოვნებს. საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში – საკვები პროდუქციის მიმოქცევისას).

პროდუქტი უნდა აკმაყოფილებდეს საქართველოს მთავრობის 2014 წლის 15 იანვრის N72 დადგენილებით დამტკიცებული ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს, პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს პროდუქტს და უვნებელია ადამიანის ჯანმრთელობისათვის.

1.4.1. საქონლის მიწოდება ხორციელდება ეტაპობრივად, ხელშეკრულების გაფორმებიდან არსუგვიანეს 2026 წლის 31 დეკემბრის ჩათვლით შემსყიდველი ორგანიზაციის მოთხოვნების შესაბამისად.

1.4.2. წყლის მიწოდება უნდა განხორციელდეს შემსყიდველის მოთხოვნის შესაბამისად, მოთხოვნიდან 3 სამუშაო დღის ვადაში.

1.4.3. წყლის დისპენსერების განთავსება მითითებულ მისამართზე უნდა განხორციელდეს შემსყიდველის მოთხოვნის შესაბამისად, შემსყიდველის მოთხოვნიდან 3 სამუშაო დღის ვადაში. დისპენსერები მისამართებზე განთავსებული უნდა იყოს ხელშეკრულების ვადის ამოწურვამდე.

1.4.3.1. შემსყიდველი უფლებამოსილია მიმწოდებელს მოსთხოვოს დროებით სარგებლობაში გადაცემული დისპენსერ(ებ)ის გატანა ხელშეკრულების მოქმედების ვადის ამოწურვამდე, რისთვისაც უნდა განუსაზღვროს არანაკლებ 10 სამუშაო დღე.

ხელშეკრულების გაფორმებიდან ეტაპობრივად შემსყიდველის მოთხოვნიდან (სატელეფონო ან ელეტქრონულ ფოსტაზე დაფიქისრებული მოთხოვნიდან) 3 სამუშაო დღის ვადაში. მიწოდების ადგილია ქ. საგარეჯო დავით აღმაშენებლის ქ.N 9.

შენახვის ვადა ჩამოსხმის თარიღიდან უნდა შეადგენდეს მინიმუმ 3 (სამი) თვეს, ხოლო მოწოდების პერიოდისათვის წყლის შენახვის ვადა უნდა შეადგენდეს მინიმუმ 2 (ორი) თვეს. ამასთან სავალდებულოა ყოველი მიწოდებისას წყალი იყოს ახალი ჩამოსხმული, რაც უნდა დასტურდებოდეს წყლის ჭურჭელზე შესაბამისი აღნიშვნით (მითითებული უნდა იყოს ჩამოსხმის დღე, თვე, რიცხვი).

1. პრეტენდენტმა უნდა მიუთითოს შესყიდვის ობიექტის წარმოების ქვეყანა და მწარმოებელი კომპანია, ხოლო არსებობის შემთხვევაში - სასაქონლო ნიშნის, პატენტის, მოდელის შესახებ, ინფორმაცია დანართი N1- ის შესაბამისად.
2. იმ შემთხვევაში, თუ პრეტენდენტი არ მიუთითებს მწარმოებელ ქვეყანასა და მწარმოებლის დასახელებას, არსებობის შემთხვევაში - სასაქონლო ნიშნის შესახებ ინფორმაციას პრეტენდენტი დაზუსტების გარეშე დაექვემდებარება დისკვალიფიკაციას.

2.7.1.1. პრეტენდენტი და ასევე, მისაწოდებელი პროდუქტის მწარმოებელი რეგისტრირებულნი უნდა იყვნენ ეკონომიკურ საქმიანობათა რეესტრში ან განაცხადი უნდა ჰქონდეთ გაკეთებული აღნიშნულ რეესტრში რეგისტრაციის ან/და რეგისტრაციის ვადის გაგრძელების თაობაზე, საქართველოს კანონმდებლობით დადგენილი წესით, სადაც „გამოყენებული ეკონომიკური საქმიანობის სახეების ცნობარში"/საქმიანობის აღწერაში მითითებული იქნება შესყიდვის ობიექტის შესაბამისი საქმიანობის სახე/სახეები. აღნიშნული გადამოწმებული იქნება სატენდერო კომისიის მიერ საჯარო რეესტრის ეროვნული სააგენტოს ვებ-გვერდზე.
2.7.1.1.1. თუ შემოთავაზებული პროდუქტი იმპორტირებულია მაშინ 2.7.1.1. პუნქტის მოთხოვნები არ ვრცელდება მისაწოდებელი პროდუქტის მწარმოებელზე.

2.7.1.2 თუ შემოთავაზებული საქონელი იწარმოება საქართველოში, პრეტენდენტმა სატენდერო კომისიას უნდა წარმოუდგინოს მისაწოდებელი პროდუქტის მწარმოებელზე საქართველოს მთავრობის 2014 წლის 26 დეკემბრის №722 დადგენილებით დამტკიცებული „ბიზნესოპერატორის აღიარების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს მიერ მინიჭებული აღიარების/პირობითი აღიარების დამადასტურებელი დოკუმენტი (გარდა საქართველოს კანონმდებლობით დადგენილი გამონაკლისებისა, რომლის შესახებაც მიმწოდებელმა უნდა წარმოადგინოს ინფორმაცია/დოკუმენტი) ან საქართველოს მთავრობის 2015 წლის 16 ოქტომბრის №533 დადგენილებით დამტკიცებული „სურსათის/ცხოველის საკვების უვნებლობის სახელმწიფო კონტროლის განხორციელების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს მიერ გაცემული შესაბამისობის შეფასების სერთიფიკატი.

2.7.1.3. თუ შემოთავაზებული საქონელი იწარმოება საქართველოში, პრეტენდენტმა სატენდერო კომისიას უნდა წარმოუდგინოს სსიპ სურსათის ეროვნული სააგენტოს მიერ გაცემული დოკუმენტი, რომელშიც მითითებული იქნება შემოთავაზებული დაფასოებული წყლის კატეგორია - "ნატურალური მინერალური წყალი" ან "წყაროს წყალი".

2.7.1.4. იმპორტირებული პროდუქტის შემოთავაზების შემთხვევაში პრეტენდენტმა სატენდერო კომისიას უნდა წარმოუდგინოს შემოთავაზებული პროდუქციის დამამზადებელ საწარმოზე ან მწარმოებელზე მასერთიფიცირებელი/ავტორიზებული ორგანიზაციის ან/და ოფიციალური წარმომადგენლობის მიერ გაცემული, ძალაში მყოფი, ISO22000 ან FSSC 22000 სერტიფიკატი;

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა/ინსპექტირების ანგარიში (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ხართაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ხარჯთაღრიცხვით განსაზღვრული მომსახურების (საქონლის) მიწოდების შესაძლებლობა. ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება ფაქტობრივად მიღებული საქონლის ღირებულების გათვალისწინებით, შესაბამისი მიღება-ჩაბარების აქტის ხელმოწერისა და საგადასახადო დოკუმენტების დადასტურების შემდგომ.

ანაზღაურებისთვის საჭირო დოკუმენტების წარმოდგენიდან არაუგვიანეს 10 სამუშაო დღის ვადაში.

ხატია ძაბილაშვილი, 598126294, shesyidvebisagarejo@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ელექტრონული ტენდერის ჩატარების წესის“ შესაბამისად.
2. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
3. პრედენდენტს არა აქვს უფლება წარმოადგინოს ალტერნატიული სატენდერო წინადადება.
4. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა. PDF ფაილი უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით.
5. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
6. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.