Мебель (Грузия - Тендер #70556479)

ხაშურის საქალაქო კულტურის სახლისთვის ავეჯის შესყიდვა

1. მიმწოდებელმა უნდა განახორციელოს პროდუქციის მიწოდება - ცხრილი N1-ის და თანმდევი სურათების შესაბამისად.
2. მიმწოდებელი ვალდებულია მისაწოდებელი საქონლის დიზაინი, ფერი და სხვა ტექნიკური დეტალები შეათანხმოს შემსყიდველთან.
3. მისაწოდებელი საქონლის ზომები საჭიროებს ადგილზე დაზუსტებას, ნახაზზე არსებული ზომების შესაძლო ცდომილება ± 5 სმ;
4. ავეჯში გამოყენებული ფურნიტურა უნდა იყოს ხარისხიანი;
5. მიმწოდებელი ვალდებულია პროდუქციის მიწოდების დროს საქონელი განათავსოს შემსყიდველის მიერ მითითებულ ადგილებზე
ა) ყველა სახის კარადების კედელზე სპეციალური მიმაგრებით;
ბ) ავეჯის გარნიტურის მონტაჟი, მისი მონტაჟისათვის საჭირო ყველა სახის აქსესუარების და მასალების უზრუნველყოფით.
6. მიმწოდებელმა თავისი ხარჯებით უნდა უზრუნველყოს პროდუქციის ადგილზე მიტანა და მონტაჟი შემსყიდველის მიერ მითითებულ კონკრეტულ ადგილზე;
7. პრეტენდენტი ვალდებულია გადასცეს შემსყიდველს უფლებრივად და ნივთობრივად უნაკლო, ახალი, ექსპლუატაციაში არ მყოფი, ხარისხიანი საქონელი, ნაკლის აღმოჩენის შემთხვევაში მიმწოდებელი ვალდებულია შემსყიდველის მიერ მითითებულ ვადაში აღმოფხვრას არსებული დეფექტები საკუთარი ხარჯით.

პროდუქციის მიწოდების ვადა: ხელშეკრულების გაფორმებიდან 60 კალენდარული დღე.

ქალაქი ხაშური

1. პრეტენდენტმა შემოთავაზებულ საქონელზე, მიღება-ჩაბარების აქტის გაფორმების დღიდან უნდა გაავრცელოს 2 (ორი) წლიანი გარანტია, სწორი ექსპლუატაციის პირობებში (გარდა გარეგანი ზემოქმედებით და მესამე პირის მხრიდან მიყენებული დაზიანებისა).
2. საგარანტიო პერიოდში, მიმწოდებელი ვალდებულია საკუთარი ხარჯებით უზრუნველყოს წუნდებული/დაზიანებული საქონლის ან/და მისი ნაწილის შეკეთება, ხოლო შეკეთების შეუძლებლობის შემთხვეაში – მისი შეცვლა ახლით, შემსყიდველი ორგანიზაციის მხრიდან სათანადო შეტყობინების მიღების დღიდან არაუმეტეს 10 (ათი) კალენდარული დღის განმავლობაში. შეკეთების ან/და ახლით შეცვლის შემთხვევაში, ტრანსპორტირება უნდა უზრუნველყოს მიმწოდებელმა საკუთარი ხარჯებით.
3. მიმწოდებლის მიერ შემსყიდველისთვის მიწოდებული პროდუქციის ხარისხის დაცვის მიზნით, შემსყიდველის მიერ დაკავებული იქნება ასანაზღაურებელი თანხის 5 %;
4. დაკავებული თანხის ანაზღაურება მოხდება საბოლოო მიღება-ჩაბარების აქტის გაფორმებიდან ერთი წლის გასვლის შემდეგ;
5. იმ შემთხვევაში, თუ შემსყიდველი მიერ შექმნილი ინსპექტირების ჯგუფის ან სპეციალური კომისიის მიერ აქტის შედგენისას დაფიქსირებული იქნება მიწოდებული პროდუქციის ნაკლი ან უხარისხობა, მიმწოდებელს აღნიშნული თანხა არ აუნაზღაურდება დეფექტების გამოსწორებამდე. ასევე თუ გამოვლენილი ხარვეზების შედეგად შემსყიდველს მიადგა ზარალი აღნიშნული გარანტიით განსაზღვრულ ღირებულებაზე მეტი ოდენობით, მიმწოდებელი ვალდებულია გადაუხადოს შემსყიდველს შესაბამისი ნარჩენი ღირებულება, ან აღმოფხვრას წუნი საკუთარი ხარჯებით
6. შემსრულებელი უფლებამოსილია მოითხოვოს ამ მუხლის მე-3 პუნქტით გათვალისწინებული ხარისხის დაცვის მიზნით დაკავებული თანხის ანაზღაურება სსიპ - საქართველოს ეროვნული ბანკის ან სსიპ - საქართველოს დაზღვევის სახელმწიფო ზედამხედველობის სამსახურის მიერ ლიცენზირებული საბანკო დაწესებულების ან სადაზღვევო ორგანიზაციის მიერ დაკავებული თანხის იდენტური ოდენობის გარანტიის წარდგენის საფუძველზე. გარანტია უნდა იყოს უპირობო, გამოუხმობადი და შემსყიდველ ორგანიზაციას უნდა აძლევდეს უფლებას გარანტიის გამცემისგან, პირველივე მოთხოვნისთანავე, მიიღოს შესაბამისი თანხა. გარანტიის მოქმედების ვადა უნდა აღემატებოდეს მიწოდებული პროდუქციის ხარისხის დაცვის მიზნით დაკავებული თანხის დაბრუნების ვადას არანაკლებ 30 (ოცდაათი) კალენდარული დღით.

პრეტენდენტმა ფასების ცხრილში უნდა მიუთითოს მწარმოებელი ქვეყანა და მწარმოებელი. აღნიშნული ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ შემოთავაზებული საქონლის მწარმოებელი ქვეყნის და მწარმოებლის დასახელების ცვლილება გამოიწვევს პრეტენდენტის დისკვალიფიკაციას.

1. მიმწოდებელმა თავისი ხარჯებით უნდა უზრუნველყოს საქონლის ადგილზე მიტანა და მონტაჟი, შემსყიდველის მიერ მითითებულ კონკრეტულ ადგილზე;
2. პრეტენდენტი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანებისაგან ან გაფუჭებისაგან დანიშნულების ადგილამდე ტრანსპორტირების პროცესში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, არაუმეტეს 3 (სამი) სამუშაო დღის ვადაში უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე, ერთჯერადად, ფაქტიურად მიწოდებული პროდუქციის შესაბამისად.

2. ანგარიშსწორება განხორციელდება საქართველოს კანონმდებლობით გათვალისწინებული დოკუმენტების დადასტურებიდან და მიღება-ჩაბარების აქტის გაფორმებიდან.

ანგარიშსწორება მოხდება უნაღდო ანგარისწორებით ლარში, 10 (ათი) სამუშაო დღის ვადაში.

მაია კანთელაშვილი, 599112976, khashuri@procurement.gov.ge სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სახელმწიფო შესყიდვების ერთიანი ელექტრონული სისტემის შესაბამისი კითხვა-პასუხის მოდულის მეშვეობით ანდა შემსყიდველი ორგანიზაციის სატენდერო კომისიის აპარატში:

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად;
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 უცხოენოვან დოკუმენტსა და მის ქართულ ენაზე შესრულებულ თარგმანს შორის შეუსაბამობის შემთხვევაში პრიორიტეტის მინიჭების საკითხს წყვეტს სატენდერო კომისია.
10.1.4 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია უნდა იყოს ხელმოწერილი უფლებამოსილი პირის მიერ (საჭიროების შემთხვევაში, ატვირთული უნდა იქნეს მინდობილობა ან რწმუნებულება) და ბეჭედდასმული (ბეჭდის არსებობის შემთხვევაში).
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო წინადადებაში საერთო და ერთეულის ფასი გამოსახული უნდა იყოს ეროვნულ ვალუტაში;
10.1.7 იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N4 შესაბამისად. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.
10.1.8 ამხანაგობის არცერთი წევრი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება ამხანაგობის დისკვალიფიკაცია წინამდებარე ტენდერიდან დაზუსტების გარეშე;
10.1.9 ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები გაცემული უნდა იყოს ტენდერისათვის სტატუსის – „წინადადების მიღება დაწყებულია“ მინიჭების შემდეგ.