Отделочные строительные работы (Грузия - Тендер #70544377)

ქ. თბილისი, ცაბაძის ქ. N 1-ში ს/კ 01.13.07.024.004.01.525 საოფისე ფართის სრულ სარემონტო-სარეაბილიტაციო სამუშაოების სახელმწიფო შესყიდვა

1.2.1 ქ. თბილისი, ცაბაძის ქ. N 1-ში ს/კ 01.13.07.024.004.01.525 საოფისე ფართის სრულ სარემონტო-სარეაბილიტაციო სამუშაოები;

შენიშვნა:
1.2.2 მშენებლობა უნდა განხორციელდეს თანდართული საპროექტო და სახარჯთაღრიცხვო დოკუმენტაციის შესაბამისად.
1.2.3 შესყიდვის სავარაუდო ღირებულების კლების შემთხვევაში, პრეტენდენტის მიერ წარმოდგენილ ხარჯთარღიცხვა - დანართი N1-ის მე-7 სვეტში ერთეული ფასის კლება უნდა განხორციელდეს სატენდერო დოკუმენტაციის ხარჯთარღიცხვა - დანართი N1-ის მე-5 სვეტის ზღვრული ერთეულის ფასებიდან.
1.2.4 პრეტენდენტმა უნდა წარმოადგინოს სატენდერო დოკუმენტაციის 1.3 პუნქტში ატვირთული ხარჯთაღრიცხვა - დანართი N1 Excel-ის ფორმატის სახით.
1.2.5 პრეტენდენტი ვალდებულია სატენდერო დოკუმენტაციის 1.3 პუნქტში ატვირთული ხარჯთაღრიცხვა - დანართი N1-ში განაფასოს მხოლოდ მე-7 სვეტი, რის შემდგომაც ფორმულა ავტომატურად დაიანგარიშებს შესყიდვის ობიექტის მე-8 სვეტში ჯამურ ღირებულებას.
1.2.6 პრეტენდენტს ეძლევა შესაძლებლობა სატენდერო დოკუმენტაციის 1.3 პუნქტში ატვირთული ხარჯთაღრიცხვა - დანართი N1-ში შეამციროს გეგმიური მოგების პროცენტული მაჩვენებელი, რის შემდგომაც ფორმულა ავტომატურად დაიანგარიშებს ჯამურ ღირებულებას.
1.2.7 ხარჯთაღრიცხვა - დანართი N1-ის წარმოუდგენლობის ან განუფასებლად წარმოდგენის შემთხვევაში პრეტენდენტი ექვემდებარება დისკვალიფიკაციას.

შესყიდვის ობიექტის მიწოდება განხორციელდება: ხელშეკრულების გაფორმების შემდეგ, შემსყიდველის წერილობითი მოთხოვნის შესაბამისად, მოთხოვნიდან არაუგვიანეს 60 (სამოცი) კალენდარული დღის განმავლობაში.

შესყიდვის ობიექტის მიწოდების ადგილია: ქ. თბილისი, ცაბაძის ქ. კორპუსი N 1, ს/კ 01.13.07.024.004.01.525.

1.6.1 შესრულებული სარემონტო სამუშაოს ხარისხის საგარანტიო ვადად განისაზღვრება ყოველი კონკრეტული ან/და საბოლოო მიღება-ჩაბარების აქტის გაფორმებიდან 2 (ორი) წელი;
1.6.2 გარანტია გავრცელდება გათბობის და კომუნიკაციების სისტემებზეც, სამზარეულოსა და სველი წერტილების აქსესუარების ჩათვლით;
1.6.3 სამუშაოების დასრულების შემდეგ საგარანტიო ვადის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.
1.6.4 სამუშაოს ხარისხის დაცვის უზრუნველსაყოფად მიწოდებული სამუშაოს ღირებულებიდან დაკავებული იქნება 5%. დაკავებული 5%-დან 2,5%-ის გადახდა განხორციელდება სამუშაოს სრულად დასრულებისა და საბოლოო მიღება-ჩაბარების აქტის გაფორმების შემდეგ, ხოლო დარჩენილი 2,5%-ის გადახდა მოხდება ხარვეზების აღმოფხვრის და საგარანტიო ვადის გასვლის შემდეგ.
1.6.5 მიმწოდებლის მხრიდან, საგარანტიო პერიოდის სრული ვადის ამოწურვამდე, დარჩენილ 2,5%-ზე უპირობო, გამოუთხოვადი საბანკო გარანტიის წარმოდგენის შემთხვევაში, შესაძლებლია განხორციელდეს თანხის გადახდა. გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან, ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში, რომლის მოქმედების ვადა არანაკლებ 60 კალენდარული დღით უნდა აღემატებოდეს სამუშაოების ხარისხის საგარანტიო ვადას.
1.6.6 თუ მიმწოდებელი არ ასრულებს სატენდერო პირობების 1.6.3 პუნქტის მოთხოვნებს მაშინ 1.6.4 პუნქტით განსაზღვრული დარჩენილი 2,5% არ ანაზღაურდება.
1.6.7 თუკი ხელშეკრულების საგარანტიო პერიოდის ვადის გასვლამდე გამოვლენილი ხარვეზების შედეგად შემსყიდველს მიადგა ზარალი დარჩენილ 2,5%-ზე მეტი ოდნობით, მიმწოდბელი იღებს ვალდებულებას გადაუხადოს შემსყიდველს შესაბამისი ნარჩენი ღირებულება ან აღმოფხვრას წუნი საკუთარი ხარჯებით.

2.2.1.1 პრეტენდენტს, 2024 წლის 01 იანვრიდან ტენდერის გამოცხადების თარიღამდე, უნდა გააჩნდეს შენობ(ებ)ის სარემონტო-სარეაბილიტაციო სამუშაოების შესრულების (ფაქტობრივი შესრულება) გამოცდილება ჯამში არანაკლებ შესყიდვის სავარაუდო ღირებულების 100%-ის ოდენობით.
2.2.1.2 პრეტენდენტის მიერ, სატენდერო დოკუმენტაციის 2.2.1.1 პუნქტით განსაზღვრული მოთხოვნის დასადასტურებლად ერთიანი ელექტრონული სისტემის მეშვეობით წარმოდგენილი უნდა იყოს შესაბამისი ხელშეკრულებ(ებ)ი და ხელშეკრულებ(ებ)ის შესაბამისი მიღება-ჩაბარების აქტ(ებ)ი ან/და დადასტურებული ანგარიშ-ფაქტურები ან/და დადასტურებული ზედნადებები ან/და სხვა დამადასტურებელი დოკუმენტაცია.
2.2.1.3 პრეტენდენტმა უნდა წარმოადგინოს არანაკლებ 3 (სამი) სარეკომენდაციო წერილი სხვადასხვა ორგანიზაციიდან, მათ შორის არანაკლებ 1 (ერთი) სარეკომენდაციო წერილი სახელმწიფო ორგანიზაციიდან, რომელებიც დაადასტურებენ პრეტენდენტის მიერ შესრულებული სამუშაოების, ანალოგიური სამუშაოების (სარემონტო-სარეაბილიტაციო სამუშაოები) სრულყოფილ, დროულ და ჯეროვან შესრულებას.
2.2.1.4 სარეკომენდაციო წერილები გაცემული უნდა იყოს არაუადრეს 2024 წლის 01 იანვრისა.

პრეტენდენტმა ობიექტზე სამუშაოების დაწყებამდე უნდა წარმოადგინოს სარემონტო-სარეაბილიტაციო სამუშაოების შესრულების გეგმა-გრაფიკი.

2.7.1.1 მიმწოდებელი ვალდებულია, შესრულებულ სამუშაოებზე (ეტაპობრივი შესრულებისა და საბოლოოდ სამუშაოების დასრულების შემთხვევაშიც), საკუთარი ხარჯებით უზრუნველყოს სსიპ ,,ლევან სამხარაულის სახელობის სასამართლო ექსპერტიზის ეროვნული ბიურო“-ს მიერ ან სხვა აკრედიტებული პირის მიერ გაცემული ექსპერტიზის დადებითი დასკვნის (პროექტთან, სამშენებლო ნორმებთან და წესებთან შესაბამისობა, შესრულებული სამუშაოების ხარისხის და შესრულებული სამუშაოთა მოცულობების ფორმა №2-ით წარმოდგენილი სამუშაოების მოცულობებთან შესაბამისობა) წარმოდგენა (დასკვნასთან ერთად წარმოდგენილი უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი);

2.7.1.2 მომწოდებლის მიერ, სამუშაოების პროცესში განხორციელებული ფარული სამუშაოების ყოველ კონკრეტულ შესრულებაზე, (მომთხოვნის მხრიდან წარმომადგენლის დასწრებით) ტექნიკური ზედამხედველობის გაწევა და ასევე შესაბამისი ექსპერტიზის დასკვნის წარმოდგენა (საქართველოში აკრედიტებული საექსპერტო ორგანოს მიერ), რაც დაადასტურებს საქართველოში მოქმედი სამშენებლო ნორმებით გათვალისწინებულ ჯეროვნად და სრულყოფილად სამუშაოების შესრულებას.

2.8.1.1 ტენდერში განსაზღვრული ყველა მოთხოვნა, რომელიც ვრცელდება ტენდერში მონაწილე პრეტენდენტებზე, აგრეთვე, ანალოგიურად გავრცელდება იმ ქვეკონტრაქტორ კომპანიებზე, რომლებიც განახორციელებენ სატენდერო დოკუმენტაციით გათვალისწინებულ სარემონტო ან/და სამშენებლო სამუშაოებს;
2.8.1.2 მიმწოდებელმა ინფორმაცია ქვეკონტრაქტორის დაქირავების შესახებ შემსყიდველს უნდა აცნობოს წინასწარ, წერილობითი ფორმით;
2.8.1.3 მიმწოდებელმა საკუთარი ხარჯებით უნდა მოიპოვოს ყველა სამუშაოსთან დაკავშირებული და სხვა საჭირო ნებართვ(ებ)ა.

2.9.1 შემსყიდველი უფლებამოსილია სამუშაოების მიმდინარეობის ნებისმიერ ეტაპზე განახორციელოს სამუშაო პროცესის ზედამხედველობა;
2.9.2 საჭიროების (შემსყიდველის მითითებით) შემთხვევაში, მიმწოდებელი ვალდებულია ობიექტებზე სამუშაოები აწარმოოს უქმე დღეებშიც;
2.9.3 მიმწოდებელი ვალდებულია სამუშაოების შესრულებისას წარმოქმნილი ნარჩენები (ინერტული) განათავსოს მუნიციპალიტეტის მიერ სპეციალურად საამისოდ გამოყოფილ ადგილზე;
2.9.4 შესრულებული სამუშაოების საბოლოო ფორმა N 2 წარმოდგენილი უნდა იყოს ფაქტიურად შესრულებული სამუშაოების მიხედვით, დაზუსტებული მოცულობების შესაბამისად, დადებითი საექსპერტო დასკვნით დადასტურებული;
2.9.5 მიმწოდებელმა სამუშაოების განხორციელების განმავლობაში საქართველოს მოქმედი კანონმდებლობის და არსებული ნორმების შესაბამისად, უნდა მიიღოს აუცილებელი ზომები ტექნიკური უსაფრთხოების და გარემოს დაცვის უზრუნველსაყოფად. ასევე გარემოზე ეკოლოგიური ზემოქმედების, სამუშაოებით გამოწვეული ხმაურის, ვიბრაციის და მტვრის გავლენის მინიმუმადე დაყვანა;
2.9.6 მიმწოდებელმა უნდა უზრუნველყოს სამუშაოების წარმოებისას, შესყიდვის ობიექტის არსებული ინფრასტრუქტურის დაუზიანებლობა. ხოლო ასეთის არსებობის შემთხვევაში თავად უზრუნველყოს დამდგარი ზიანის აღმოფხვრა;
2.9.7 მიმწოდებელი საქართველოში ტექნიკური უსაფრთხოების და გარემოს დაცვასთან დაკავშირებით მოქმედი კანონების და ნორმების შესაბამისად ვალდებულია მიიღოს უსაფრთხოების აუცილებელი ზომები სარემონტო სამუშაოების ზონაში ხანძრის გაჩენის და აფეთქების თავიდან ასაცილებლად. მიმწოდებელი ვალდებულია სამუშაოები შეასრულოს საქართველოში მოქმედი სამშენებლო ნორმებით და წესებით, აგრეთვე პროექტით გათვალისწინებული უსაფრთხოების წესების დაცვით;
2.9.8 სამუშაოების დასრულებაზე წარმოდგენილი წერილი და ობიექტის საბოლოო ანგარიში უნდა მოიცავდეს დასრულებული სამუშაოების მიღება-ჩაბარებ(ები)ისათვის განსაზღვრულ, მიმწოდებლის მიერ სავალდებულოდ წარმოსადგენ დოკუმენტაციას;
2.9.9 სამუშაოების დასრულების შემდგომ მიმწოდებლის მიერ წარმოდგენილი დოკუმენტაციის და დადებითი საექსპერტო დასკვნის წარმოდგენის შემდეგ, რომელიც დაადასტურებს შესრულებული სამუშაოების შესაბამისობას და სატენდერო დოკუმენტაციით მოთხოვნილ სამუშაოებს, გაფორმებული იქნება შესაბამისი მიღება-ჩაბარების აქტი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნითუნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა. ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის 1-ლი, მე-2, მე-3, მე-5, მე-6 და მე-7 პუნქტებით განსაზღვრული პირობები.

ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში, მიღება- ჩაბარების აქტის შესაბამისად.

7.3 შესყიდვის ობიექტის ღირებულება ანაზღაურდება, მიღება-ჩაბარების (შესრულების) აქტის გაფორმებისა და ანგარიშ-ფაქტურის (საქართველოს კანონმდებლობით განსაზღვრულ შემთხვევაში) გამოწერის თარიღიდან (რომელიც უფრო გვიან დადგება) არაუგვიანეს 10 (ათი) სამუშაო დღისა.

ქეთევან გოგიბერიძე, 551526284, q.gogiberidze@tbsg.ge ტექნიკურ საკითხებთან დაკავშირებით საკონტაქტო პირი: გიორგი გორგილაძე 598 281 091.

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის 1.3. პუნქტით გათვალისწინებული დანართ(ებ)ი შესაძლებელია წარმოდგენილ იქნეს MS Excel-ის ფორმატის ფაილის სახით, რაც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.;
10.1.4 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ექვივალენტური“;
10.1.5 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
10.1.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 სატენდერო დოკუმენტაციის 1.3 პუნქტით გათვალისწინებული ხარჯთაღრიცხვა - (დანართი N1 MS Excel-ის ფორმატის სახით).
10.1.7.2 სატენდერო დოკუმენტაციის 2.2.1 პუნქტით გათვალისწინებული დოკუმენტაცია.