Ремонт и техническое обслуживание транспортных средств и оборудования и сопутствующие услуги (Грузия - Тендер #70544304)

შესყიდვის ობიექტია სსიპ სურსათის ეროვნული სააგენტოს საკუთრებაში არსებული ტრაქტორების შეკეთება და ტექნიკური მომსახურება

მომსახურება უნდა გაეწიოს დანართი N1-ში მითითებულ 37 ერთეულ ტრაქტორს
1.2.1. მომსახურება გაწეულ უნდა იქნეს საქართველოს კონტროლირებად ტერიტორიაზე.
1.2.2. მომსახურება გაწეული უნდა იქნას დაუყოვნებლივ, რიგგარეშე;
1.2.3. სპეც.ტექნიკისთვის მომსახურება უნდა განხორციელდეს მიმწოდებელსა და შემსყიდველს შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს სათადარიგო ნაწილებისა და გასაწევი მომსახურების დეტალური აღწერა.
1.2.4.მიმწოდებელი ვალდებულია, სპეც.ტექნიკისთვის ტექ-მომსახურების გაწევისას 1 (ერთი) სამუშაო დღის განმავლობაში, აცნობოს შემსყიდველს სპეც.ტექნიკის შეკეთებისათვის საჭირო მომსახურების ჩამონათვალი, მისი ღირებულების მითითებით (დეფექტური აქტი). თუ მომსახურების გაწევისათვის აუცილებელია დეფიციტური ნაწილის გამოყენება, აღნიშნულის თაობაზე ცალკე უნდა იქნეს მითითებული დეფექტურ აქტში. დეფექტური აქტი ადგილზე ხელმოწერით უნდა დაადასტუროს მძღოლმა, ან სააგენტოს თანამშრომელმა;
1.2.5. დეფექტური აქტის მიღების შემდეგ შემსყიდველი უგზავნის მიმწოდებელს დაკვეთის ფურცელს, რომელშიც ასახული იქნება სპეც.ტექნიკაზე გასაწევი მომსახურების ჩამონათვალი (შესაძლებელია დაკვეთა განხორციელდეს შემსყიდველის უფლებამოსილი პირის ზეპირი მითითების საფუძველზე ან სატელეფონო საუბრით);
1.2.6. ხელშეკრულებით გათვალისწინებული მომსახურების ვადებია:
1.2.6.1. დეფექტური აქტის წარდგენა – არაუგვიანეს 2 სამუშაო დღისა
1.2.6.2.საცხებ-საპოხი მასალების შეცვლა – არაუგვიანეს 2 სამუშაო დღისა
1.2.6.3.სავალი ნაწილის შეკეთება/შეცვლა – დეფექტური აქტის წარდგენიდან 3 სამუშაო დღეში
1.2.6.4.ელექტრო დეტალების შეცვლა/აღდგენა - დეფექტური აქტის წარდგენიდან 3 სამუშაო დღეში
1.2.6.5.ძირითადი აგრეგატების შეკეთება/შეცვლა – დეფექტური აქტის წარდგენიდან 10 სამუშაო დღეში
1.2.6.6. თუ სპეც-ტექნიკას დასჭირდა ისეთი დეტალ(ებ)ი, რომლ(ებ)იც არ არ არის გაყიდვაში ადგილობრივ ბაზარზე, მომწოდებელს მიეცეს შეძენა/შეკეთებისთვის ვადა არაუმეტეს 25 (ოცდახუთი) კალენდარული დღის ოდენობით
1.2.7. მომსახურების დასრულებისთანავე, მიმწოდებელი ვალდებულია აცნობოს შემსყიდველს აღნიშნულის შესახებ, რაზეც შემდგომში შედგება მომსახურების გაწევის აქტი. თუ მომსახურების გაწევა დასრულდა არასამუშაო დღეს, მაშინ შემსყიდველისთვის ცნობება უნდა მოხდეს პირველივე სამუშაო დღეს;
1.2.8. მხარეებს შორის ამ მუხლში აღნიშნული დოკუმენტებისა და ინფორმაციის მიწოდება შესაძლებელია განხორციელდეს როგორც წერილობით ასევე ელექტრონული ფოსტის მეშვეობით;
1.2.9. ხელშეკრულების მოქმედების პერიოდში შეიძლება მოთხოვნილ იქნეს ისეთი მომსახურება, რომელიც არ არის ასახული პრეისკურანტში (ფასების ცხრილი). აღნიშნულ შემთხვევაში ანაზღაურება მოხდება ყოველ კონკრეტულ შემთხვევაში, მხარეთა შეთანხმებით საფუძველზე, საბაზრო ფასის გათვალისწინებით.პრეისკურანტში ტექნიკური მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს;
1.2.10. დეტალის შეცვლა გულისხმობს არსებული დეტალის შეცვლას ახლით და ამისათვის საჭირო ყველა მომსახურების გაწევას (მაგ. სხვა დეტალების მოხსნა-დაყენებას და ა.შ.) რაც გათვალისწინებული უნდა იყოს სატენდერო წინადადების ღირებულებაში;
1.2.11. პრეტენდენტს საკუთრებაში ან სარგებლობაში უნდა გააჩნდეს მობილური სერვის ჯგუფი, რომლის საშუალებითაც შემსყიდველს ადგილზე უნდა გაუწიოს რეგლამენტური მომსახურება.
1.2.12. მიმწოდებელმა უნდა უზრუნველყოს სერვის ცენტრებს შორის სპეც.ტექნიკისთვის ტრანსპორტირება ევაკუატორის საშუალებით, ასევე უნდა უზრუნველყოს სერვისით მომსახურება მობილური ჯგუფის მეშვეობით საქართველოს კონტოლირებად ტერიტორიაზე.
1.2.13. შემსყიდველი უფლებამოსილია ნებისმიერ ეტაპზე ადგილზე შეამოწმოს პრეტენდენტის სერვისცენტრი სატენდერო დოკუმენტაციით განსაზღვრულ პირობებთან მისი შესაბამისობის დადგენის მიზნით.

მომსახურების გაწევის ვადა ხელშეკრულების გაფორმებიდან 2026 წლის 25 დეკემბრის ჩათვლით;

1.5.1. პრეტენდენტს საკუთრებაში ან სარგებლობაში უნდა ჰქონდეს სერვის ცენტრები საქართველოს ტერიტორიაზე (არანაკლებ 1 სერვის ცენტრი აღმოსავლეთ საქართველო, არანაკლებ 1 სერვის ცენტრი დასავლეთ საქართველო).
1.5.2. პრეტენდენტმა უნდა უზრუნველყოს მობილური სერვის ჯგუფით მომსახურება და სერვის ცენტრებს შორის ტრაქტორების ტრანსპორტირება ევაკუატორის საშუალებით.

გაწეულ მომსახურებაზე უნდა ვრცელდებოდეს გარანტია:
1.7.1.1. ძრავზე გაწეულ მომსახურებაზე – მომსახურების გაწევიდან არანაკლებ 1 წელი;
1.7.1.2. სხვა დანარჩენ მომსახურებაზე – მომსახურების გაწევიდან არანაკლებ 6 თვე;
1.7.1.3. საგარანტიო ვადის განმავლობაში მიმწოდებელი ვალდებულია დაუყოვნებლივ, შემსყიდველისათვის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება

პრეტენდენტმა შესყიდვის ობიექტის მომსახურების სფეროში გამოცდილების დადასტურების მიზნით, უნდა წარმოადგინოს - 2023-2025 წწ შესრულებული მომსახურების დამადასტურებელი დოკუმენტები (ხელშეკრულება; მიღება-ჩაბარების აქტები/სამუშაოს შესრულების დოკუმენტი) ჯამურად არანაკლებ 100,000 ლარისა. სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT და ა.შ. ნომერი - ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის.

2.3.1. პრეტენდენტს საკუთრებაში ან სარგებლობაში უნდა გააჩნდეს, არანაკლებ 2 (ორი) სერვის ცენტრი საქართველოს ტერიტორიაზე (არანაკლებ 1 სერვის ცენტრი აღმოსავლეთ საქართველო, არანაკლებ 1 სერვის ცენტრი დასავლეთ საქართველო) სადაც საჭიროების შემთხვევაში ტექნიკის სერვისი განხორციელდება.
2.3.2. ზემოაღნიშნულის დასადასტურებლად პრეტენდენტმა ერთიანი ელექტრონული სისტემის მეშვეობით უნდა წარმოადგინოს წერილობითი ინფორმაცია, სადაც მითითებული იქნება ინფორმაცია სერვისცენტრ(ებ)ის მისამართ(ებ)ის შესახებ.

2.9.1. შესყიდვა ხორციელდება პრეისკურანტის საფუძველზე, პრეისკურანტის სავარაუდო ზღვრული ღირებულებაა 261,031.00 ლარი დამატებული ღირებულების გადასახადის გათვალისწინებით;
2.9.2. ტრაქტორების ტექნიკური მომსახურების ღირებულება უნდა მოიცავდეს, ამ მომსახურების გაწევისათვის საჭირო ყველა მომსახურების, დეტალისა და მასალის ღირებულებას;
2.9.3. წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში;

2.9.4. პრეისკურანტის სავარაუდო ერთეულთა ზღვრულ ფასებთან მიმართებაში, პრეტენდენტის მიერ წარდგენილი წინადადების შემცირებული ფასების შემოთავაზების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტში მოცემული ჩამონათვალის ერთეულის ფასებზე. პრეტენდენტის მიერ (შერჩევა- შეფასების ეტაპზე; ხელშეკრულებაზე მოწვევის ეტაპზე) წარმოდგენილ დაზუსტებულ პრეისკურანტში,რომელიმე პოზიციის ერთეულის ფასის გაზრდა (რომელიც პრეტენდენტს მითითებული აქვს თავდაპირველ პრეისკურანტში) დაუშვებელია და გამოიწვევს პრეტენდენტის დისკვალიფიკაციას.

4.1.1.1. შესყიდვის სავარაუდო ღირებულებასთან მიმართებაში, საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობის დადასტურების მიზნით, პრეტენდენტმა უნდა წარმოადგინოს შესაბამისი უფლებამოსილების მქონე დამოუკიდებელი აუდიტორისა ან აუდიტორული კომპანიის მიერ გაცემული დასკვნა, რომელიც დაადასტურებს, რომ შემოთავაზებულ ფასად, პრეტენდენტს სრულად და შეუფერხებლად შეუძლია ტენდერით გათვალისწინებული ვალდებულებებისა და მოთხოვნების შესრულება.
4.1.1.2. ტენდერის მიზნებისთვის, შესაბამისი კვალიფიკაციისა და უფლებამოსილების მქონე პირად შემსყიდველი განიხილავს - დამოუკიდებელ აუდიტორს ან აუდიტორულ კომპანიას, რომელიც რეგისტრირებულია ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ოფიციალურ რეესტრში, ვებ გვერდზე: https://www.saras.gov.ge.

3 Процентов

5 Процентов

წარმოდგენილი გარანტიის მოქმედების ვადა, სულ მცირე 30 დღით უნდა აღემატებოდეს გამარჯვებულ პრეტენდენტთან გაფორმებული ხელშეკრულების მოქმედების ვადას

შემსყიდველს უნდა წარედგინოს საქართველოში რეგისტრირებული და შესაბამისი უფლებამოსილების მქონე საფინანსო დაწესებულების საბანკო გარანტია.

7.2.1. ფაქტობრივად მოწოდებულ მომსახურებაზე, მხარეებს შორის გაფორმდება მიღება-ჩაბარების აქტი შესაბამისი ღირებულების ასახვით, რომელიც წარმოადგენს ანგარიშსწორების საფუძველს.
7.2.2. ანგარიშსწორება განხორციელდება ეროვნულ ვალუტაში - ლარში.
7.2.3. ანგარიშსწორების ფრომა იქნება უნაღდო, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე;

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე;

მათე საჯაია, 597726676, mate.sajaia@nfa.gov.ge

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.2. სახელმწიფო შესყიდვების ერთიან ელექტრონულ სისტემაში, პრეტენდენტის მიერ ატვირთული დოკუმენტები ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით, საქართველოს კანონის - „ელექტრონული დოკუმენტისა და ელექტრონული სანდო მომსახურების შესახებ“- შესაბამისად;