Автотранспортные услуги (Грузия - Тендер #70484911)

სსიპ - სახელმწიფო სერვისების განვითარების სააგენტოს თანამშრომელთათვის სატრანსპორტო საშუალების დაქირავება მძღოლთან ერთად.

შესყიდვის ობიექტს წარმოადგენს სსიპ - სახელმწიფო სერვისების განვითარების სააგენტოს (შემდგომ - სააგენტო) თანამშრომელთა ტრანსპორტირება.

შესყიდვის ობიექტს წარმოადგენს სატრანსპორტო საშუალების დაქირავება მძღოლთან ერთად, სააგენტოს თანამშრომელთა ტრანსპორტირების მიზნით, ხელშეკრულების დადებიდან შემსყიდველის მიერ წერილობითი მოთხოვნიდან (მაგრამ არაუადრეს 2026 წლის 16 აპრილისა) 12 თვის განმავლობაში, შემდეგი სავარაუდო გრაფიკის მიხედვით:

მუხლი 1. შესყიდვის ობიექტს წარმოადგენს 1 სატრანსპორტო საშუალების დაქირავება მძღოლთან ერთად, სააგენტოს დიდი ლილოს მიმდებარე ტერიტორიაზე არსებული არქივის თანამშრომელთა ტრანსპორტირების მიზნით, ყოველ დღე, შაბათ-კვირის ჩათვლით შემდეგი სავარაუდო გრაფიკის მიხედვით:

1.1 სვლა-გეზი:
1.1.1 ქ. თბილისი, ფარნავაზ მეფის გამზ. N1-დან, წერეთლის მეტროსადგურის გავლით, დიდი ლილოს ტერიტორიაზე მდებარე ლილოს არქივში (ქ. თბილისი, ალიოშა ჯაფარიძის ქ. N7).
1.1.2 ტრანსპორტირების დაწყების დრო: სამუშაო დღეებში 08:00 საათი, ხოლო შაბათ-კვირას 09:00 საათი. დასრულების დრო: სამუშაო დღეებში 09:00 საათამდე, ხოლო შაბათ-კვირას 10:00 საათამდე.
1.1.3 დიდი ლილოს მიმდებარე ტერიტორიიდან უკუმიმართულებით გამოსვლა სამუშაო დღეებში 18:00 საათზე, ხოლო შაბათ - კვირას 17:00 საათზე.
1.1.4 სატრანსპორტო საშუალების მგზავრთა ადგილების რაოდენობა უნდა შეადგენდეს არანაკლებ 17 ერთეულს.

მუხლი 2. შესყიდვის ობიექტს წარმოადგენს 1 სატრანსპორტო საშუალების დაქირავება მძღოლთან ერთად, სააგენტოს დიდი ლილოს მიმდებარე ტერიტორიაზე არსებული არქივისა და საინფორმაციო-სამისამართო ბიუროს თანამშრომელთა ტრანსპორტირების მიზნით, ყოველ დღე, გარდა შაბათ-კვირისა, შემდეგი სავარაუდო გრაფიკის მიხედვით:

2.1 სვლა-გეზი N1:
2.1.1 მეტროსადგურ დელისის მიმდებარე ტერიტორიიდან, იუსტიციის სახლის, მეტროსადგურ ავლაბარისა და მეტროსადგურ ვარკეთილის გავლით დიდი ლილოს ტერიტორიაზე მდებარე ლილოს არქივში (ქ. თბილისი, ალიოშა ჯაფარიძის ქ. N7);
2.1.2 ტრანსპორტირების დაწყების დრო: სამუშაო დღეებში 08:00 საათი. დასრულების დრო: სამუშაო დღეებში 09:00 საათამდე.
2.1.3 დიდი ლილოს მიმდებარე ტერიტორიიდან უკუმიმართულებით გამოსვლა 18:00 საათზე.
2.1.4 სატრანსპორტო საშუალების მგზავრთა ადგილების რაოდენობა უნდა შეადგენდეს არანაკლებ 12 ერთეულს.

მუხლი 3. შესყიდვის ობიექტს წარმოადგენს 2 სატრანსპორტო საშუალების დაქირავება მძღოლთან ერთად, სააგენტოს ქვემო ქართლის სამოქალაქო რეესტრის სამსახურის (ქ. მარნეულის ლოკაცია, ქ. გარდაბნის ლოკაცია) თანამშრომელთა ტრანსპორტირების მიზნით, ყოველ დღე, გარდა შაბათ-კვირისა, შემდეგი სავარაუდო გრაფიკის მიხედვით:
3.1 სვლა-გეზი:
3.1.1 ქ. თბილისი, დიდი დიღომი, მაღაზია გუდვილის მიმდებარე ტერიტორიიდან, მეტროსადგური „ტექნიკური უნივერსიტეტის“ (ბუკიას ბაღთან), მეტროსადგურ ისანის გავლით, ქ. მარნეულის იუსტიციის სახლამდე (მის. ქ. მარნეული, რუსთაველის N1);
3.1.2 ტრანსპორტირების დაწყების დრო - 07:30 საათი, დასრულების დრო -09:00 საათამდე.
3.1.3 ქ. მარნეულის იუსტიციის სახლიდან უკუმიმართულებით გამოსვლა 18:30 საათზე.
3.1.4 სატრანსპორტო საშუალების მგზავრთა ადგილების რაოდენობა უნდა შეადგენდეს არანაკლებ 12 ერთეულს.
3.2 სვლა-გეზი:
3.2.1 ქ. რუსთავი, XX მიკ. რაიონის მიმდებარე ტერიტორიიდან, მეგობრობის გამზირის, რუსთავის მერიის გავლით ქ. გარდაბნის იუსტიციის სახლამდე (მის: დ. აღმაშენებლის ქ. N 81ა);
3.2.2 ტრანსპორტირების დაწყების დრო - 08:10 საათი, დასრულების დრო - 09:00 საათამდე;
3.2.3 ქ. გარდაბნის იუსტიციის სახლიდან უკუმიმართულებით გამოსვლა 18:30 საათზე;
3.2.4 სატრანსპორტო საშუალების მგზავრთა ადგილების რაოდენობა უნდა შეადგენდეს არანაკლებ 8 ერთეულს.

მუხლი 4. შესყიდვის ობიექტს წარმოადგენს საქართველოს მასშტაბით სატრანსპორტო საშუალების დაქირავება მძღოლთან ერთად სააგენტოს თანამშრომელთა ტრანსპორტირების მიზნით მოთხოვნის შესაბამისად (სააგენტოს წარმომადგენლისგან მოთხოვნის შესახებ მიმწოდებელს ეცნობება მინიმუმ 1 სამუშაო დღით ადრე) საერთო ჯამში 40 000 კმ:
4.1 მომსახურება უნდა განხორციელდეს საქართველოს მასშტაბით, ერთდროულად არაუმეტეს 5 სატრანსპორტო საშუალებით. ერთი სატრანსპორტო საშუალების მგზავრთა ადგილების რაოდენობა უნდა შეადგენდეს არანაკლებ 3 ერთეულს, საერთო ჯამში 30 000 კმ.
4.2 სააგენტოს მოთხოვნის შემთხვევაში მიმწოდებელი ვალდებულია გამოყოს ერთდროულად არანაკლებ (საჭიროების შემთხვევაში დასაშვებია ნაკლები) 8 სატრანსპორტო საშუალება მგზავრთა ადგილების რაოდენობით არანაკლებ 18 ერთეული, საერთო ჯამში 10 000 კმ.
4.3 მომსახურების ერთეულის ფასის მითითებისას, პრეტენდენტმა უნდა გაითვალისწინოს მოცდენის დრო - დაახლოებით 30 წთ.
4.4 მომსახურების გაწევისთვის კილომეტრაჟის ათვლა დაიწყება სააგენტოს მოთხოვნით განსაზღვრული ადგილიდან/მისიმართიდან - სააგენტოს ტერიტორიული სამსახურიდან (თუ მხარეები სხვა პირობაზე არ შეთანხმდებიან). მომსახურების ანგარიშსწორება განხორციელდება ფაქტობრივად გავლილი მანძილის მიხედვით, მანქანის მოძრაობის საწყისი პუნქტიდან დანიშნულების პუნქტამდე (ცალმხრივი სვლა-გეზის შემთხვევაში, უკუმიმართულების ხარჯს ფარავს მიმწოდებელი);
4.5 მომსახურების გაწევა უნდა მოხდეს 10:00-20:00 საათებში. გამონაკლის შემთხვევებში შემსყიდველი ორგანიზაციის საჭიროებიდან გამომდინარე, შემსყიდველს უფლება აქვს მოითხოვოს მომსახურების გაწევა დღე-ღამის სხვა მონაკვეთშიც.


მუხლი 5. დამატებითი მოთხოვნები
5.1 მიმწოდებელმა მომსახურების განხორციელებისთვის უნდა უზრუნველყოს სატრანსპორტო საშუალების ყოველდღიურად საექსპლუატაციოდ გამართულ მდგომარეობაში ყოფნა;
5.2 მომსახურების გაწევა უნდა განხორციელდეს ავსტოსატრანსპორტო საშუალებ(ებ)ით, რომელსაც გავლილი აქვს გეგმიური ტექნიკური დათვალიერება.
5.3 სატრანსპორტო საშუალება აღჭურვილი უნდა იყოს გათბობისა და კონდიცირების სისტემით; აღნიშნული სისტემა უნდა ფუნქციონირებდეს იმგვარად, რომ სატრანსპორტო საშუალებაში შენარჩუნებულ იქნას შესაბამისი ტემპერატურა.
5.4 სააგენტოს მიერ ტრანსპორტირება შესაძლებელია მოთხოვნილ იქნეს აუცილებელი საჭიროების შემთხვევაში საქართველოს კანონმდებლობით დადგენილ უქმე და დასვენების დღეებში.
5.5 სატრანსპორტო საშუალება უნდა იყოს მოწესრიგებული, დაცული უნდა იყოს ჰიგიენური ნორმები, სავარძლები არ უნდა იყოს დაზიანებული. სატრანპორტო საშუალების გამოშვების წელი - არანაკლებ 2006 წ. ინფორმაცია უნდა დასტურდებოდეს სატრანსპორტო საშუალების რეგისტრაციის მოწმობით.

ხელშეკრულების დადების შემდგომ, შემსყიდველის წერილობითი მოთხოვნიდან 2 სამუშაო დღეში (მაგრამ არაუადრეს 2026 წლის 16 აპრილისა) 12 თვის განმავლობაში.

იხილეთ ტექნიკური დავალება სატენდერო კითხვარის 1.2 პუნქტის სახით.

პრეტენდენტს 2021 წლის 1 იანვრიდან სატენდერო წინადადების მიღების დამთავრებამდე პერიოდში, უნდა ჰქონდეს სატრანსპორტო საშუალებებით მგზავრთა გადაყვანის გამოცდილება. მის მიერ აღნიშნულ სფეროში გაწეული მომსახურების ღირებულება, მითითებულ პერიოდში, ჯამურად უნდა შეადგენდეს არანაკლებ 450 000 ლარს.
პრეტენდენტმა ყოველივე ზემოაღნიშნულის დასადასტურებლად უნდა წარმოადგინოს დამკვეთთან/შემსყიდველთან გაფორმებული ხელშეკრულებები და შესაბამისი მიღება-ჩაბარების აქტები, ან/და შესრულების დამადასტურებელი სხვა დოკუმენტები, ან/და მიუთითოს ელექტრონულ სისტემაში არსებული ტენდერის ან CMR ნომერი.

პრეტენდენტმა ერთიან ელექტრონულ სისტემაში უნდა წარმოადგინოს ინფორმაცია მატერიალურ-ტექნიკური ბაზის შესახებ. კერძოდ, ინფორმაცია პირველი, მეორე და მესამე მუხლით გათვალისწინებულ სატრანსპორტო საშუალებებზე ტრანსპორტირებისთვის შემოთავაზებული სატრანსპორტო საშუალებების გამოშვების წელის, მარკის და მოდელის შესახებ. ასევე, წარმოდგენილი ინფორმაციით პრეტენდენტმა უნდა მიუთითოს საჭირო ავტოსატრანსპორტო საშუალებების რაოდენობიდან რამდენი იქნება მის საკუთრებაში და მოქმედი კანონმდებლობის შესაბამისად იჯარით/ქირავნობით/თუ სხვა ფორმით სარგებლობაში მომსახურების გაწევის სრული ვადის გათვალისწინებით.

აღნიშნული ინფორმაციის დასადასტურებლად პრეტენდენტმა ერთიან ელექტრონულ სისტემაში უნდა წარმოადგინოს საკუთრების ან/და სარგებლობის უფლების დამადასტურებელი დოკუმენტ(ებ)ი. საკუთრების შემთხვევაში წარმოდგენილ უნდა იქნას საკუთრების დამადასტურებელი დოკუმენტ(ებ)ი, ხოლო სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა ტოლი უნდა იყოს ან აღემატებოდეს ხელშეკრულებით გათვალისწინებული მომსახურების გაწევის ვადას, ასევე, ატვირთული უნდა იქნას მატერიალურ-ტექნიკური საშუალებების მესაკუთრის საკუთრების დამადასტურებელი დოკუმენტაცია.

მიმწოდებლის მიერ შემოთავაზებული სატრანპორტო საშუალების ჩანაცვლება შემსყიდველთან შეთანხმების გარეშე დაუშვებელია ამასთან, ჩანაცვლებული სატრანსპორტო საშუალება არ უნდა აუარესებდეს სატენდერო წინადადების დროს შემოთავაზებული სატრანპორტო საშუალების პირობებს.

1. პრეტენდენტმა სისტემის მეშვეობით უნდა წარმოადგინოს წინამდებარე კითხვარის 1.3 პუნქტით გათვალისწინებული ფასების ცხრილი, ხოლო მისი წარმოუდგენლობის შემთხვევაში სატენდერო წინადადება არ ექვემდებარება დაზუსტებას.

2. დაუშვებელია პრეტენდენტის მიერ ტენდერში ქვეკონტრაქტორით მონაწილეობა. ასევე ქვეკონტრაქტორის გამოცდილება არ ჩაითვლება პრეტენდენტის გამოცდილებად.

1. ტენდერის სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან აუდიტორული დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). წარმოდგენილი ინფორმაცია და დოკუმენტ(ებ)ი უნდა ადასტურებდეს პრეტენდენტის მიერ ხელშეკრულებით ნაკისრი ვალდებულებების შესრულების შესაძლებლობას, როგორც დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

2. პრეტენდენტის მიერ ფასწარმოქმნის ადეკვატურობის დასაბუთების მიზნით, პირველი პუნქტით განსაზღვრული დასკვნის წარმოდგენის შემთხვევაში, ფასწარმოქმნის ადეკვატურობის შეფასება გაკეთებული უნდა იყოს შეფასების მომენტისთვის არსებული მდგომარეობის განხილვის შედეგად მიღებული მონაცემების გათვალისწინებით და არა სამომავლოდ განსახორციელებელ მანიპულაციაზე ან მომავალში ჩასატარებელ რაიმე ღონისძიებაზე ან მოვლენაზე დაყრდნობით.

2 Процентов

4 Процентов

ხელშეკრულების უზრუნველყოფის საბანკო/სდაზღვევო გარანტიის ვადა ერთი თვით უნდა აღემატებოდეს ხელშეკრულების მოქმედების ვადას.

1. ხელშეკრულების შესრულების უზრუნველყოფის მიზნით წარმოდგენილი საბანკო/სადაზღვევო გარანტია მიმწოდებელს არ დაუბრუნდება მის მიერ ხელშეკრულების პირობების შეუსრულებლობის ან არასრული შესრულების შემთხვევაში.
2. ხელშეკრულების შესრულების უზრუნველყოფის მიზნით, მიმწოდებლის მიერ წარმოდგენილი ხელშეკრულების შესრულების უზრუნველყოფის --%-იანი საბანკო/სადაზღვევო გარანტია გამოიყენება ნებისმიერი ზარალის ანაზღაურების მიზნით, რომელიც მიადგება შემსყიდველს მიმწოდებლის მიერ ხელშეკრულების პირობების შეუსრულებლობის ან არასრული შესრულების გამო.
3. იმ შემთხვევაში, თუ მიმწოდებელი უზრუნველყოფს ხელშეკრულებით ნაკისრი ვალდებულებების სრულად შესრულებას ან ხელშეკრულების მოქმედება შეწყდება მიმწოდებლისაგან დამოუკიდებელი მიზეზებით, შემსყიდველი ვალდებულია მიმწოდებლის წერილობითი მოთხოვნის საფუძველზე უზრუნველყოს გარანტიის დაუყოვნებლივ დაბრუნება.
4. მიმწოდებლის მიერ ხელშეკრულებით გათვალისწინებული ვალდებულებების დარღვევის (ხელშეკრულებით გათვალისწინებული ვალდებულებების შეუსრულებლობა და/ან შესრულებაზე უარის თქმა და/ან ხარვეზის აღმოსაფხვრელად მიმწოდებლის მიერ შესაბამისი ღონისძიებების განუხორციელებლობა) შემთხვევაში, მიმწოდებელს საბანკო/სადაზღვევო გარანტიით გათვალისწინებული თანხა არ დაუბრუნდება.
5. მიმწოდებლისაგან დამოუკიდებელი მიზეზების გამო, ხელშეკრულების შეწყვეტის შემთხვევაში, შემსყიდველი მიმწოდებლის მოთხოვნისთანავე უზრუნველყოფს ხელშეკრულების შესრულების უზრუნველყოფის საბანკო/სადაზღვევო გარანტიის დაბრუნებას.

ანგარიშსწორება განხორციელდება ეტაპობრივად, მომსახურების გაწევის შესახებ მიღება-ჩაბარების აქტის გაფორმების შემდეგ.

ანგარიშსწორება განხორციელდება ხელშეკრულების შესრულების შესახებ მიღება-ჩაბარების აქტის გაფორმებიდან და საგადასახადო ანგარიშფაქტურის წარმოდგენიდან არაუგვიანეს 10 სამუშაო დღის განმავლობაში.

გია ბექაური, 555465567, g.bekauri@sda.gov.ge

10.1.1 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები და გადასახდელები) გათვალისწინებით, დღგ-ს ჩათვლით;
10.1.2 როგორც თქვენთვის ცნობილია, 2019 წლის 1 იანვრიდან შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ყველა ელექტრონულ დოკუმენტზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით. აღნიშნული წესით შესრულებული დოკუმენტი იურიდიული ძალის მქონეა.

დოკუმენტების ელექტრონულად დამოწმება შესაძლებელია შემდეგი ფორმით:
1) სატენდერო წინადადებისა თუ დაზუსტებული ინფორმაციის ელექტრონულად წარსადგენად შესაძლებელია თავფურცელის (წერილის სახით) უფლებამოსილი პირის მიერ ელექტრონულად ხელმოწერილი ან ორგანიზაციის ელექტრონული შტამპით დამოწმებული სახით მომზადება, რომელშიც მითითებული იქნება, რა მიზნით წარადგენთ დოკუმენტებსა თუ ინფორმაციას და აქვე ჩამოთვლით იმ დოკუმენტებსა თუ ინფორმაციას, რომლის წარმოდგენასაც გეგმავთ სატენდერო წინადადებისა თუ დაზუსტებული ინფორმაციის სახით. ასეთ შემთხვევაში წერილის დანართ(ებ)ი არ საჭიროებენ ელექტრონულად დამოწმებას. ერთიან ელექტრონულ სისტემაში ასეთი სახით წარმოდგენილი დოკუმენტაცია ჩაითვლება ელექტრონულად დამოწმებულად ან 2) სავალდებულოა პრეტენდენტის მიერ შექმნილი ნებისმიერი დოკუმენტის (მათ შორის: ფასების ცხრილი, გეგმა-გრაფიკი და სხვა) დამოწმება ელექტრონული ხელმოწერით ან/და კვალიფიციური ელექტრონული შტამპით.

10.1.3 სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.1.4 ალტერნატიული სატენდერო წინადადება არ განიხილება;
10.1.5 ხელშეკრულების ფორმა და პირობები მოცემულია 8.1 პუნქტში, რომელიც დაზუსტდება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 33-ე მუხლის პირველი პუნქტის შესაბამისად.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის (მათ შორის ფასების ცხრილთან დაკავშირებით) საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ"სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-8 მუხლის შესაბამისად;
10.1.8 სატენდერო წინადადებასთან ერთად, პრეტენდენტმა უნდა წარმოადგინოს საკუთარი ორგანიზაციის შესახებ ის ინფორმაცია (მათ შორის საბანკო), რომელიც არ არის შევსებული ელექტრონულ სისტემაში არსებულ მიმწოდებლის პროფილში.
10.1.9 სახელმწიფო შესყიდვებში ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით. აღნიშნული წესისგან გათავისუფლებული არიან არარეზიდენტი პირები. შესაბამისად, მათ მიერ შექმნილი ნებისმიერი დოკუმენტი, ხელმოწერილი და ბეჭედდასმული (არსებობის შემთხვევაში) უნდა იყოს უფლებამოსილი პირის მიერ და ატვირთული იქნას სახელმწიფო შესყიდვების ერთიან ელექტრონულ სისტემაში.