Инженерные услуги (Грузия - Тендер #70484886)

ქალაქ თბილისში, საბურთალოს რაიონში, ვაშლიჯვრის დასახლება, ზონა II-ში (საკადასტრო კოდი: 01.10.18.006.077) მდებარე N33-ე საბავშვო ბაგა-ბაღის რეაბილიტაციისათვის, დეტალური საპროექტო-სახარჯთაღრიცხვო დოკუმენტაციის შედგენის მომსახურების სახელმწიფო შესყიდვა;

ქალაქ თბილისის N33-ე საბავშვო ბაგა-ბაღის რეაბილიტაციის დეტალური პროექტის მოსამზადებლად და სამშენებლო სამუშაოების წარმოებისთვის, გამაგრება-გაძლიერების სამუშაოები უნდა ჩაუტარდეს ქ. თბილისში, ვაშლიჯვრის დასახლება, ზონა II-ში მდებარე N33-ე საბავშვო ბაგა-ბაღის შენობას (მიწის ნაკვეთის საკადასტრო კოდი: 01.10.18.006.077) და მუხრან მაჭავარიანის ქუჩის მხრიდან არსებულ (საბავშვო ბაღის ეზოს) საყრდენ კედელს.
მიმწოდებელი (საპროექტო და სამშენებლო სამუშაოების განმახორციელებელი) ვალდებულია მოამზადოს საბავშვო ბაღის შენობის რეაბილიტაციის დეტალური პროექტი, აწარმოოს სამშენებლო-სამონტაჟო და გაშვება-გამართვის სამუშაოები ამ მოთხოვნების და თანდართული ტექნიკური სპეციფიკაციების და სხვა ტექნიკური დოკუმენტების მოთხოვნების შესაბამისად.
სამუშაოები უნდა შესრულდეს საქართველოში მოქმედი და მიღებული საერთაშორისო სამშენებლო ნორმების და სტანდარტების შესაბამისად.
საპროექტო გადაწყვეტები და შესრულებული სამუშაოების ხარისხი უნდა უზრუნველყოფდეს საბავშვო ბაღის საიმედო და უსაფრთხო ფუნქციონირებას მსგავსი შენობა-ნაგებობებისათვის სტანდარტებით განსაზღვრული სრული საექსპლუატაციო ვადის განმავლობაში.

1.4.1. ქალაქ თბილისის N33-ე საბავშვო ბაგა-ბაღის რეაბილიტაციისათვის, დეტალური საპროექტო-სახარჯთაღრიცხვო დოკუმენტაციის შედგენის ვადაა, ხელშეკრულების გაფორმების დღიდან 180 (ას ოთხმოც) კალენდარულ დღე.
მათ შორის:
ა) ხელშეკრულების გაფორმების დღიდან 150 (ას ორმოცდაათი) კალენდარულ დღეში, უნდა განხორციელდეს , სრული საპროექტო-სახარჯთაღრიცხვო დოკუმენტაციის შედგენის მომსახურება, რომელიც ექვემდებარება კომპლექსურ ექსპერტიზას.
ბ) სრული საპროექტო-სახარჯთაღრიცხვო დოკუმენტაციის წარმოდგენის ვადიდან 30(ოცდაათი) კალენდარულ დღეში, უნდა განხორციელდეს ქალაქ თბილისის მუნიციპალიტეტის არქიტექტურის სამსახურთან საპროექტო დოკუმენტაციის შეთანხმება - მშენებლობის ნებართვის მიღება.
1.4.2. საინჟინრო-გეოლოგიური კვლევა უნდა ჩატარდეს ხელშეკრულების გაფორმებიდან არაუგვიანეს 30 (ოცდაათი) კალენდარული დღის განმავლობაში. საინჟინრო-გეოლოგიური კვლევას აუცილებელია დაესწროს ა(ა)იპ „თბილისის საბავშვო ბაგა-ბაღების მართვის სააგენტო“-ს თანამშრომელი, რა დროსაც შედგება შესაბამისი აქტი იმის დასადასტურებლად, რომ კვლევა ჩატარდა. წინააღმდეგ შემთხვევაში შემსყიდველი არ ჩათვლის საპროექტო დოკუმენტაციას სრულად შესრულებულად.

1.5.1. შენობისა და ეზოს მდგომარეობის შესწავლა და რეაბილიტაციის პროექტის შემუშავება უნდა მოხდეს მისამართზე: ქალაქ თბილისში, საბურთალოს რაიონში, ვაშლიჯვრის დასახლება, ზონა II-ში (საკადასტრო კოდი: 01.10.18.006.077);
1,5,2 ხელშეკრულების გაფორმებიდან ყოველი 30 (ოცდაათი) კალენდარული დღის გასვლის შემდეგ მიმწოდებელი ორგანიზაცია ვალდებულია შემსყიდველთან წარადგინოს დეტალური ანგარიში პრეზენტაციის სახით შესრულებული მომსახურების მიმდინარეობის შესახებ შემდეგ მისამართზე: ქ. თბილისი, მიცკევიჩის ქ. 29-29ა, მე-3 სართული, ა(ა)იპ თბილისის საბავშვო ბაგა-ბაღების მართვის სააგენტო;
1.5.3. მშენებლობის მთელ პერიოდში განახორციელოს საავტორო ზედამხედველობა; მშენებლობის პერიოდში მინიმუმ კვირაში ერთხელ მივიდეს სამშენებლო ობიექტზე, უშუალოდ ადგილზე გაეცნოს, შეამოწმოს ნაწარმოები სამუშაოებისა და პროექტის შესაბამისობა.
1.5.4. აღმოფხვრას მშენებლობის პროცესში გამოვლენილი - პროექტის ხარვეზები და უსასყიდლოდ განახორციელოს პროექტის კორექტირება.

2.2.1.1 პრეტენდენტს 2022 წლის 01 იანვრიდან ამ ტენდერის გამოცხადების დღემდე უნდა გააჩნდეს არანაკლებ 300 000 (სამასი ათასი. ლარი) ლარის ღირებულების შენობ(ებ)ის (მათ შორის საგანმანათლებლო დაწესებულებების, ან სკოლების, ან ბაგა-ბაღების, ან სხვა საზოგადოებრივი დანიშნულების მქონე შენობ(ებ)ის ან მრავალსართულიანი საცხოვრებელი სახლების) აღდგენა-გამაგრება-რეკონსტრუქციის სამუშაოების საპროექტო-სახარჯთაღრიცხვო დოკუმენტაციის შედგენის მომსახურების გამოცდილება

2.2.1.2. სატენდერო დოკუმენტაციის მოთხოვნების დაკმაყოფილების მიზნით გამოცდილებაში ჩაითვლება სრულად დასრულებული ხელშეკრულება, ხელშეკრულების არ არსებობის შემთხვევაში ობიექტი. მიმდინარე ხელშეკრულება/ობიექტი გამოცდილებაში არ ჩაითვლება;
2.2.1.3. პრეტენდენტის მიერ სისტემის მეშვეობით წარმოსადგენი გამოცდილების დამადასტურებელი დოკუმენტაცია:
ა) იმ შემთხვევაში, თუ სატენდერო დოკუმენტაციის 2.2.1.1. ქვეპუნქტით მოთხოვნილი მომსახურების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და მომსახურების შესყიდვისა და მიწოდების დამადასტურებელი დოკუმენტები ატვირთულია სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს ინფორმაცია სატენდერო განცხადების ან CMR ნომრების შესახებ; შესაბამის სატენდერო განცხადების ან CMR ნომრებს მინიჭებული უნდა ჰქონდეს სტატუსი "შესრულებული ხელშეკრულება" ან "მიმდინარე ხელშეკრულება - საგარანტიო პერიოდი".
ბ) იმ შემთხვევაში, თუ სატენდერო დოკუმენტაციის 2.2.1.1. ქვეპუნქტით მოთხოვნილი მომსახურების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს დასრულებული ხელშეკრულება, ამავე ხელშეკრულების ფარგლებში გაფორმებული მიღება-ჩაბარების აქტ(ებ)ი ან/და სხვა დამადასტურებელი დოკუმენტები;


შენიშვნა: ინფორმაცია გამოცდილების შესახებ წარმოდგენილ უნდა იქნას დანართი N2–ის შესაბამისად;

1. პირები, რომლებიც პასუხისმგებელი იქნებიან ამ ტენდერით გათვალისწინებული ვალდებულების შესრულებაზე, უნდა იყვნენ:

ა) უმაღლესი განათლების მქონე არქიტექტორი, პროფესიით მუშაობის არანაკლებ ხუთ წლიანი გამოცდილებით;
ბ) უმაღლესი განათლების მქონე ინჟინერ-კონსტრუქტორი / ინჟინერ-მშენებელი, კონსტრუქტორად მუშაობის არანაკლებ ხუთ წლიანი გამოცდილებით;
გ) უმაღლესი განათლების მქონე სპეციალისტი(ელექტრო ინჟინერი), რომელსაც აქვს სუსტი დენების სფეროში პროფესიით მუშაობის არანაკლებ ხუთ წლიანი გამოცდილება;
დ) უმაღლესი განათლების მქონე სპეციალისტი(ინჟინერი), რომელსაც აქვს გათბობა/გაგრილება/ვენტილაციის სფეროში, პროფესიით მუშაობის არანაკლებ ხუთ წლიანი გამოცდილება;

2. ზემოთ აღნიშნული ინფორმაციის დასადასტურებლად წარმოდგენილი უნდა იყოს:

1) ამ პირების CV და დიპლომის ასლი;
2) ამ პირების პრეტენდენტთან სამართლებრივი ურთიერთობის დამადასტურებელი დოკუმენტი, ვადით არანაკლებ 2027 წლის 31 იანვრამდე;

მიმწოდებელი ვალდებულია წარმოადგინოს მომსახურების გაწევის კალენდარული გეგმა-გრაფიკი (ტექნიკური დავალების პირობების შესაბამისად).

მიღება-ჩაბარების აქტის გაფორმდება მოხდება მხოლოდ სრული საპროექტო-სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ;

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება;

3 Процентов

5 Процентов

ხელშეკრულების შესრულების უზრუნველყოფის გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებული მომსახურების გაწევის ვადას;

6.4.1 ტენდერში გამოყენებულ იქნება ხელშეკრულების შესრულების უზრუნველყოფის გარანტია, ხელშეკრულების საერთო ღირებულების 3%/5%–ის ოდენობით.
6.4.2 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.3 თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს;

1. ანგარიშსწორება განხორციელდება ერთჯერადად, საბოლოო მიღება-ჩაბარების აქტის გაფორმებიდან 10 (ათი) სამუშაო დღის ვადაში;
2. სამუშაოს ხარისხის დაცვის მიზნით, მიმწოდებლის მიერ გაწეული მომსახურების ღირებულებიდან დაკავებული იქნება ხელშეკრულების ღირებულების 10%. 5%-ის დაბრუნება მოხდება მიღება-ჩაბარების აქტის გაფორმების შემდეგ, ხოლო დარჩენილი 5% ქ. თბილისის მერიის არქიტექტურულ სამსახურთან პროექტის შეთანხმების შემდგომ.
3. დაფინანსება: 2026 წლის ადგილობრივი თვითმართველი ერთეულის ბიუჯეტის სახსრებით;

ანგარიშსწორება მოხდება 2026 წლის ადგილობრივი თვითმართველი ერთეულის ბიუჯეტის სახსრებით, საბოლოო მიღება-ჩაბარების აქტის გაფორმებიდან 10 (ათი) სამუშაო დღე

ქეთევან შერგელაშვილი, 599687788, ketishergelashvili20@gmail.com

1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

3. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.

(საჭიროების შემთხვევაში წარმოდგენილ უნდა იქნას მინდობილობა ან რწმუნებულება).

4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.

5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

6. პრეტენდენტის მიერ ერთიან ელექტრონულ სისტემაში ასატვირთი მონაცემები:

6.1. ფასების ცხრილი - დანართი N1 (ფასების ცხრილის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას);
6.2. ინფორმაცია პრეტენდენტის გამოცდილების შესახებ - დანართი N2;
6.3. ინფორმაცია პრეტენდენტის პერსონალის გამოცდილების შესახებ;
6.4. სამუშაოთა წარმოების კალენდარული გეგმა-გრაფიკი;

შენიშვნა: სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

7. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის დანართი N3-ის სახით.