Услуги в области бухгалтерского учета, аудита и налогообложения (Грузия - Тендер #70454726)

აუდიტორული მომსახურების შესყიდვა.

1. კომპანიის კაპიტალში განხორციელებული ცვლილების შედეგად კომპანიის კაპიტალის განსაზღვრის შესახებ აუდიტორული დასკვნის მომზადება (10 აუდიტორული დასკვნა);
2. უძრავ-მოძრავი ქონების შეფასება (200 აუდიტორული დასკვნა);
3. დროებით სარგებლობის მიზნით აქტივის გამოყენების/ქირავნობის ფასის განსაზღვრა (15 აუდიტორული დასკვნა).
4. არამატერიალური ატივების შეფასება (5 აუდიტორული დასკვნა).

მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით, ეტაპობრივად, შემსყიდველის შესაბამისი მოთხოვნიდან 10 (ათი) კალენდარული დღის განმავლობაში.

აუდიტორული დასკვნა მიმწოდებელმა შემსყიდველს უნდა ჩააბაროს შემდეგ მისამართზე: ქ. თბილისი, მარატ ნოზაძის ქ.27.

• პრეტენდენტს 2021 წლის პირველი იანვრიდან ტენდერის გამოცხადებამდე უნდა გააჩნდეს უძრავ-მოძრავი ქონების შეფასების მომსახურების გაწევის გამოცდილება, რის დამადასტურებლადაც უნდა წარმოადგინოს:
არანაკლებ სამი ხელშეკრულება, თითოეული არანაკლებ 5 000 ლარის ღირებულებით;
შესაბამისი მიღება-ჩაბარების აქტ(ებ)ი (ან სხვა ორმხრივად დამოწმებული დოკუმენტი);
შეფასებული აქტივების ჩამონათვალი.


• პრეტენდენტს 2021 წლის პირველი იანვრიდან ტენდერის გამოცხადებამდე უნდა გააჩნდეს კომპანიის კაპიტალში განხორციელებული ცვლილების შედეგად კომპანიის კაპიტალის განსაზღვრის შესახებ აუდიტორული დასკვნის მომზადების გამოცდილება, რის დამადასტურებლადაც უნდა წარმოადგინოს:
არანაკლებ ერთი ხელშეკრულება;
შესაბამისი მიღება-ჩაბარების აქტ(ებ)ი (ან სხვა ორმხრივად დამოწმებული დოკუმენტი).


გამოცდილების ზემოაღნიშნული კომპონენტები (უძრავ-მოძრავი ქონების შეფასება და კაპიტალის ცვლილების აუდიტი) შესაძლებელია დაკმაყოფილდეს ერთი და იმავე ხელშეკრულებით.

პრეტენდენტის თანამშრომელს/თანამშრომლებს (ინდივიდუალური აუდიტორის შემთხვევაში აუდიტორს ან/და მის თანამშრომელს) უნდა გააჩნდეთ აკრედიტებული შემფასებელთა სერტიფიკაციის ორგანოს მიერ გაცემული უძრავი და მოძრავი ქონების შეფასების სერტიფიკატი. აღნიშნული დოკუმენტი პრეტენდენტის მიერ წარმოდგენილი (ატვირთული) უნდა იყოს სატენდერო წინადადებასთან ერთად.

პრეტენდენტი (ინდივიდუალური აუდიტორის შემთხვევაში - აუდიტორი) რეგისტრირებული უნდა იყოს საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების - ბუღალტრული აღრიცხვის, ანგარიშგებისა და აუდიტის ზედამხედველობის სამსახურის აუდიტორული ფირმების სახელმწიფო რეესტრში, ვებგვერზე www.saras.gov.ge.

აღნიშნულ ტენდერში არ გამოიყენება ფასწარმოქმნის ადეკვატურობის დასაბუთება, ვინაიდან აღნიშნული ტენდერით განსაზღვრული მომსახურება არის ინტელექტუალური მომსახურება, რომლის შეფასების კრიტერიუმებისა და ფასწარმოქმნის დასაბუთების სტანდარტის დადგენა შეუძლებელია.

ანგარიშსწორება მოხდება უნაღდო ანგარიშსწორების წესით, სათანადო აუდიტორული დასკვნის შემსყიდველისთვის გადაცემისა და მხარეთა მიერ გაწეული მომსახურების შესახებ მიღება-ჩაბარების აქტი(ებ)ს გაფორმების და ანგარიშ-ფაქტურის დადასტურების შემდეგ.

ანგარიშსწორება განხორციელდება უნაღდო ანგარიშსწორების წესით, მიღება-ჩაბარების აქტის გაფორმებიდან და ანგარიშ-ფაქტურის დადასტურებიდან 10 (ათი) სამუშაო დღის განმავლობაში.

აკაკი თეთრაძე, 599088480, a.tetradze@ggtc.ge

1. პრეტენდენტს არა აქვს უფლება წარმოადგინოს ალტერნატიული წინადადება;
2. სატენდერო წინადადების ღირებულება უნდა მოიცავდეს შესყიდვის ობიექტის მიწოდებასთან დაკავშირებულ ყველა ხარჯსა და კანონით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
3. სატენდერო წინადადების ერთეულის ფასის და საერთო ღირებულების წარმოდგენა დასაშვებია მხოლოდ საქართველოს ეროვნულ ვალუტაში (ლარი);
4. პრეტენდენტმა მის მიერ შექმნილი, წინადადების სახით წარსადგენი დოკუმენტები (მაგ., საქონლის ტექნიკური სპეციფიკაცია, ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით.;
5. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში,მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.