Типографские услуги и связанные с ними услуги (Грузия - Тендер #70395452)

შესყიდვის ობიექტს წარმოადგენს სსიპ - ცხოველთა მონიტორინგის სააგენტოს საქმიანობის ფარგლებში ბეჭდვა და მასთან დაკავშირებული მომსახურებების (შემდგომ - მომსახურება) სახელმწიფო შესყიდვა.

1.2.1. შესყიდვის ობიექტის დასახელება, რაოდენობა, ტექნიკური აღწერილობა, მასალის გადაცემიდან მომსახურების გაწევის ვადა მოცემულია თანდართულ დანართ N1-ში.
1.2.2. მიმწოდებელმა, შემსყიდველთან შეთანხმებით, უნდა უზრუნველყოს ბეჭდვასთან დაკავშირებული შემდეგი მომსახურებების გაწევა: გრაფიკული დიზაინის შექმნა, დასაბეჭდად გადაცემული მასალის რედაქტირება-მართლწერის შემოწმება, ნაბეჭდი მასალის შემდგომი გაფორმება, აწყობა-დაკაბადონება, ბეჭდვა და ადგილზე მიწოდება.
1.2.3. ცალკეულ შემთხვევაში, შემსყიდველის მოთხოვნის შესაბამისად, მიმწოდებელმა უნდა უზრუნველყოს საბეჭდი მასალის დიზაინის შექმნა. დაბეჭდვამდე დიზაინის საბოლოო ვერსია მიმწოდელმა უნდა შეათანხმოს შემსყიდველთან, ისევე როგორც ნებისმიერი დასაბეჭდი მასალის საცდელი ნიმუში. შემსყიდველის მოთხოვნის შესაბამისად, ნიმუშების ელექტრონული ვერსია მოწოდებულ უნდა იქნას მხარეთა მიერ ხელშეკრულებით განსაზღვრულ ელექტრონულ ფოსტაზე, ხოლო ბეჭდური ვერსიის წარდგენა მიმწოდებელმა უნდა განახორციელოს შემსყიდველის მისამართზე: ქ. თბილისი გურამიშვილის ჩიხი N5;
1.2.4. მომსახურების გაწევის შედეგად მიწოდებული საქონელი უნდა იყოს უფლებრივად და ნივთობრივად უნაკლო, მაღალ პოლიგრაფიულ დონეზე შესრულებული (ნაბეჭდი ასოები იკითხებოდეს გარკვევით, კონტურები მკაფიო, ფერები ნათელი, არაბუნდოვანი, არ უნდა გადადიოდეს ფერი და სხვა). ბეჭდვა და მასთან დაკავშირებული მომსახურებები, მისი დიზაინი და ხარისხი უნდა აკმაყოფილებდეს შემსყიდველის მოთხოვნებს.
1.2.5. მიმწოდებელი ვალდებულია დაიცვას ინფორმაციის კონფიდენციალურობა, რომელსაც შეიცავს შემსყიდველისგან დასაბეჭდად მიწოდებული მასალები.
1.2.6. მიმწოდებელი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების ან/და შენახვის პროცესში.
1.2.7. შესყიდვის ობიექტი ჩაითვლება მიღებულად შემსყიდველის მხრიდან ინსპექტირების და /ან შესაბამისად უფლებამოსილი პირის დადებითი შეფასებისა და მხარეთა მიერ შესაბამისი მიღება-ჩაბარების აქტის ხელმოწერის საფუძველზე.
1.2.8. მიმწოდებელმა უნდა განიხილოს შემსყიდველის პრეტენზიები გაწეული მომსახურების შესახებ და მიაწოდოს მოტივირებული პასუხი ყველა საკითხზე. ამასთან, მიმწოდებელი ვალდებულია, მოწოდებულ საქონელზე აღმოჩენილი წუნი/ხარვეზი აღმოფხვრას მოთხოვნიდან გონივრულ ვადაში (არაუმეტეს მომსახურების გაწევის ვადისა), სრულად საკუთარი ხარჯით, მათ შორის ტრანსპორტირების ხარჯის გათვალისწინებით.
1.2.9. ხელშეკრულების მოქმედების ვადის ამოწურვის მომენტისათვის სახელშეკრულებო ღირებულებიდან დარჩენილი თანხა არ წარმოშობს მხარეებს შორის რაიმე დამატებით ვალდებულებებს. მხარეთა შეთანხმების საფუძველზე სახელშეკრულებო ღირებულება შემცირდება აღნიშნული თანხით და განისაზღვრება ფაქტიურად შესრულებული მომსახურების ჯამური თანხით.

მომსახურების გაწევა უნდა განხორციელდეს ეტაპობრივად, ხელშეკრულების დადებიდან 2026 წლის 20 დეკემბრის ჩათვლით პერიოდში, სატენდერო დოკუმენტაციის 1.2. პუნქტით გათვალისწინებული მოთხოვნების შესაბამისად.

1.5.1. შემსყიდველი მიმწოდებელს დასაბეჭდ მასალას გაუგზავნის ხელშეკრულებით განსაზღვრული ელექტრონული ფოსტის მისამართზე. მიმწოდებელმა ნაბეჭდი მასალა უნდა მიაწოდოს სატენდერო დოკუმენტაციის 1.2 პუნქტით გათვალისწინებული მოთხოვნების შესაბამისად.
1.5.2. მიმწოდებლისთვის ელექტრონული ფოსტით მასალის (საბოლოო ვერსიის) გაგზავნის თარიღი ჩაითვლება მასალის გადაცემის თარიღად.

2.2.1.1. პრეტენდენტს უნდა ჰქონდეს, ბეჭდვითი მომსახურებების გაწევის არანაკლებ 4 (ოთხი) წლიანი გამოცდილება 2021 წლის 01 იანვრიდან 2025 წლის 31 დეკემბრის ჩათვლით პერიოდში; თითოეული კალენდარული წლის განმავლობაში შესრულებული ბეჭდვის მომსახურების ერთი პროექტი ჩაითვლება წლის გამოცდილებად. (ასატვირთი დოკუმენტი)
2.2.1.2. პრეტენდენტს 2.2.1.1. პუნქტში აღნიშნულ პერიოდში უნდა ჰქოდეს შემსყიდველისთვის/დამკვეთისთვის გაწეული ბეჭდვის მომსახურებების არანაკლებ 40 000.00 (ორმოცი ათასი) ლარის ღირებულების მინიმუმ ერთი პროექტი.
2.2.1.3. პრეტენდენტმა, გამოცდილების დამადასტურებელი ინფორმაცია უნდა წარმოადგინოს თანდართული დანართი N2-ის მიხედვით, მასში აღნიშნული ინფორმაციის დამადასტურებელ დოკუმენტებთან ერთობლიობაში: შემსყიდველთან/დამკვეთთან გაფორმებული ხელშეკრულებები და მიღება-ჩაბარების აქტები ან/და საგადასახადო ანგარიშ-ფაქტურები.
2.2.1.4. თუ შესყიდვის ობიექტის სახელმწიფო შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და დანართი N2-ის შესაბამის ველში მითითებულია CMR /SPA/NAT ნომრები, შესაბამისად, სისტემაში ანალოგიური ბეჭდვითი მომსახურების შესრულების სრულყოფილი დოკუმენტების არსებობის შემთხვევაში, პრეტენდენტის მიერ, 2.2.1.3. ქვეპუნქტში მითითებული სხვა დოკუმენტაციის წარმოდგენა სავალდებულო არ არის.

2.9.1. პრეტენდენტმა ელექტრონული სისტემის მეშვეობით უნდა წარმოადგინოს შემდეგი დოკუმენტები:
ა) ფასების ცხრილი, სატენდერო დოკუმენტაციის 1.3. პუნქტით განსაზღვრული ფორმის და მოთხოვნების შესაბამისად;
ბ) პრეტენდენტის გამოცდილებასთან დაკავშირებული ინფორმაცია, სატენდერო დოკუმენტაციის 2.2.1 პუნქტის მოთხოვნების შესაბამისად, დანართი N2-ის ფორმის გათვალისწინებით.

2.9.2. 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის ” 27-ე მუხლის მე-3 პუნქტის შესაბამისად, დაზუსტებას არ დაექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ხარჯთაღრიცხვა (ფასების ცხრილი) ან წარდგენილ ხარჯთაღრიცხვაში (ფასების ცხრილი) განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს, შესაბამისად ზემოაღნიშნულ შემთხვევებში მოხდება პრეტენდენტის დისკვალიფიკაცია.
2.9.3. სატენდერო წინადადებაში საერთო და ერთეულის ფასი გამოსახული უნდა იყოს ყველა ხარჯის გათვალისწინებით, აგრეთვე მოიცავდეს საქართველოს კანონმდებლობით დადგენილ გადასახადებს. ხარჯები, რომლებიც წინადადების ფასში არ იქნება გათვალისწინებული არ დაექვემდებარება ანაზღაურებას;
2.9.4. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
2.9.5. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
2.9.6. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში (შემდგომ – სისტემა) ატვირთული დოკუმენტ(ებ)ი ან/და ინფორმაცია დამოწმებული უნდა იყოს უფლებამოსილი პირის მიერ (მინდობილი პირის შემთხვევაში, ატვირთული უნდა იქნეს მინდობილობა ან რწმუნებულება) კვალიფიციური ელექტრონული ხელმოწერით ან/და კვალიფიციური ელექტრონული შტამპით .
2.9.7. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს სანოტარო წესით დამოწმებული თარგმანები ქართულ ენაზე. უცხოენოვან დოკუმენტსა და მის ქართულ ენაზე შესრულებულ თარგმანს შორის, უპირატესობის მინიჭების საკითხს წყვეტს სატენდერო კომისია.

4.1.1.1. იმ შემთხვევაში, თუ ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე პრეტენდენტი ვალდებულია, დაასაბუთოს ფასწარმოქმნის ადეკვატურობა.
4.1.1.2. პრეტენდენტის მიერ ფასწარმოქმნის ადეკვატურობა შესაძლებელია დასაბუთდეს ექსპერტიზის დასკვნით ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტის ასლი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე მომსახურების ერთეულის ფასთან მიმართებაში.
4.1.1.3 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს პრეტენდენტის დისკვალიფიკაციას.

7.2.1. ანგარიშსწორება განხორციელდება ეტაპობრივად, ფაქტიურად შესრულებულ მომსახურებაზე შემსყიდველსა და მიმწოდებელს შორის მიღება-ჩაბარების აქტის გაფორმების და მიმწოდებლის მიერ საგადასახადო ანგარიშ-ფაქტურის (დღგ-ს გადამხდელის შემთხვევაში) წარმოდგენის შემდეგ.
7.2.2. მიმწოდებელთან ანგარიშსწორება განხორციელდება უნაღდო ანგარიშსწორების ფორმით, საქართველოს ეროვნულ ვალუტაში - ლარში.
7.2.3. დაფინანსების წყაროა: შემსყიდველის 2026 წლის ადგილობრივი თვითმმართველი ერთეულის ბიუჯეტი.

ანგარიშსწორება განხორციელდება ეტაპობრივად, სატენდერო დოკუმენტაციის 7.2.1. პუნქტში მითითებული დოკუმენტ(ებ)ის წარმოდგენიდან 10 (ათი) სამუშაო დღის განმავლობაში.

ინგა გაბრიაძე, 577665580, gabriadzeinga591@gmail.com

10.1.1. ბეჭდვა და მასთან დაკავშირებული მომსახურებების სახელმწიფო შესყიდვის შესახებ ხელშეკრულების პროექტი მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.2. ხელშეკრულების მოქმედების ვადის ამოწურვის მომენტისათვის ხელშეკრულების საორიენტაციო ღირებულებიდან დარჩენილი თანხა (ასეთის არსებობის შემთხვევაში) არ წარმოშობს მხარეებს შორის რაიმე დამატებით ვალდებულებებს, მხარეთა შეთანხმების საფუძველზე ხელშეკრულების საორიენტაციო ღირებულება შემცირდება აღნიშნული თანხით და განისაზღვრება ფაქტიურად გაწეული მომსახურების ჯამური ღირებულებით.