Ремонт и техническое обслуживание медицинского и высокоточного оборудования (Грузия - Тендер #70395440)

საწვავგამართველ სადგურის პროგრამული და ტექნიკური მომსახურეობის უზრუნველყოფა

საწვავგამართველ სადგურის პროგრამული და ტექნიკური მომსახურეობის უზრუნველყოფა
სასწვავგამმართველი სვეტის მომსახურეობის
ტექნიკური დავალება
კომპანიის საკუთრებაში არსებული საწვავგამართველ სადგურის პროგრამული და ტექნიკური უზრუნველყოფის მხარდაჭერა კერძოდ:
საწვაგამმართველი სადგურის მექანიკური და ავტომატიზირებული სისტემების მართვა. ინფორმაცის (საწვავის, მძღოლისა და სატრანსპორტო საშუალების მიხედვით) მოძიება და მოწოდება. ახალი ბარათების დამზადება და ძველის გაახლება. საწვავის მომწოდებელი ტუმბოების რეგულირება დოზიმერის საშუალებით. საწვავგასამართი სადგურის ავტომატიზაციის პროცესების მეთვალყურეობა. მწყობრიდან გამოსული დეტალ(ებ)ის დროულად შეცვლა ან/და შეკეთება.
კვირაში ერთხელ საწვავგასამართი სადგურის მარიგებელი სვეტების შემოწმება. სვეტების რაოდენობა შეადგენს 2 (ორი) ერთეულს,საწვავმიმწოდებელი ონკანები 4 (ოთხი) ერთეულს. საწვავის ჩამოსასხმელი სვეტების პასპორტის მონაცემების მიხედვით, სიზუსტის კლასთან (±0.5% - ის ფარგლებში) შესაბამისობაში მოყვანა.
საჭიროების შემთხვევაში, შემოწმება უნდა განხორციელდეს სამჯერადი ჩამოსხმით, საქსტანდარტის (ან/და სხვა უფლებამოსილი ორგანოს მიერ, უფლებამოსილების დამადასტურებელი დოკუმენტის წარმოდგენით, მომსახურების გაწევისას) მიერ დაკალიბრებული საქართველოს სტანდარტების, ტექნიკური რეგლამენტების და მეტროლოგიის ეროვნული სააგენტოს 10 ან 20 ლიტრიანი საწყაოებით, საჭიროების შემთხვევაში საქსტანდარტის (ან სხვა კომპენტენტური ორგანოს) მიერ დაკალიბრებული საქართველოს სტანდარტების, ტექნიკური რეგლამენტების და მეტროლოგიის ეროვნული სააგენტოს 50 ლიტრიანი მეორე კლასის საწყაოთი გადამოწმების შესაძლებლობით. აგრეთვე აღნიშნული მომსახურება, საკონტროლო ჩამოსხმა შესაბამისი აქტის შედგენით, უნდა განხორციელდეს საწვავის ჩამოსასხმელი სვეტების დოზატორის ნებისმიერი ტექნიკური მანიპულირების შემდეგ.
შემოწმების და გამართვის შემდგომ მომწოდებელი ადგენს აქტს, რომელშიც აისახება საკონტროლო ჩამოსხმის შედეგები, აქტს ხელს აწერს შემსყიდველისა და მიმწოდებლის წარმომადგენლები, აქტის ერთი ეგზემპლიარს იტოვებს მომწოდებელი ხოლო მეორე რჩება შემსყიდველს, მარიგებელი სვეტები ილუქება ხელშეკრულების მონაწილე ორივე მხარის წარმომადგენლების დასწრებით და დალუქვის აქტების შედგენით.
საწვავგასამართი სადგურების მარიგებელი სვეტების მწყობრიდან გამოსვლის შემთხვევაში შემსყიდველის (ინსპექტირების ჯგუფის) წარმომადგენელი აცნობებს მიმწოდებელის წარმომადგენელს, რომელიც ვალდებულია 2 საათის განმავლობაში მოახდინოს არსებული ხარვეზის დიაგნოსტიკა და შესაბამისი აღმოფხვრითი ღონისძიებების ჩატარება.
მწყობრიდან გამოსული საწვავგასამართი სადგურების მარიგებელ სვეტებზე არსებული ხარვეზის აღმოფხვრისათვის საჭირო სათადარიგო ნაწილებით უზრუნველყოფას ახდენს მიმწოდებელი 1 დღიდან 5 დღემდე ვადაში (თუ სათადარიგო ნაწილის ჩანაცვლებისათვის ვადა აღემატება 2 დღეს მიმწოდებელმა უნდა აცნობოს ამის შესახებ შემსყიდველს).
მიმწოდებელი ვალდებულია თავის ხარჯებით მოახდინოს სათადარიგო ნაწილებისა და საწყაოების ტრანსპორტირე.
მიმწოდებელი ვალდებულია მოახდინოს კვირაში ერთხელ არსებული ავტომატიზაციის სერვერის ბაზის მონაცემების შენახვა და დაზიანების შემთხვევაში აღდგენა, საჭიროების შემთხვევაში მოახდინოს საწვავგასამრთი სადგურის ავტომატიზირებული სისტემის პროგრამის ხარვეზების გამოსწორება, ავზების კალიბრაციისა და პროგრამული ხარვეზების გასწორება, ავტომატიზირებული სისტემის გამშვები ბარათების (RFID Card) დარეგისტრირება ან გამოცვლა, ავტომატიზირებული სისტემის პროგრამის კონფიგურაციების გასწორება, კოდების აღდგენა, მწყობრიდან გამოსული ავტომატიზირებული სისტემის მოწყობილობების გამოცვლა/დაპროგრამება.
მიმწოდებელმა სამუშაო პროცესში უნდა დაიცვას შრომის, ტექნიკური და სახანძრო უსაფრთხოების წესები.

ხელშეკრულების გაფორმებიდან 2026 წლის 31 დეკემბრის ჩათვლით, ყოველდღიურად, 24 საათის განმავლობაში

ქ. ბათუმი სულხან საბა ორბელიანის 29 შპს ბათუმის ავტოტრანსპორტის ავტოგასამართი სადგური (საბოლო მომხმარებლის კოდი1580067)

ვინაიდან აღნიშნული ტენდერით განსაზღვრული შესყიდვის ობიექტი არის ინტელექტუალური მომსახურება, სატენდერო კომისიამ მიზანშეწონილად მიიჩნია, არ მოითხოვოს ფასწარმოქმნის ადეკვატურობის დასაბუთების დოკუმენტი, თუ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

მომსახურეობაზე ეტაპობრივად (ყოველთვიურად), მიღება–ჩაბარების აქტის გაფორმებიდან და მიმწოდებლის მიერ შემსყიდველისათვის საქართველოს კანონმდებლობით დადგენილი საგადასახადო დოკუმენტაცის წარდგენიდან არაუგვიანეს 10 (ათი) სამუშაო დღის ვადაში.

ანგარიშსწორება განხორციელდება (ყოველთვიურად) მიმწოდებლის მიერ ანგარიშსწორებისათვის საჭირო დოკუმენტაციის წარდგენიდან 10 (ათი) სამუშაო დღის ვადაში, მიმწოდებლის მიერ მითითებული რეკვიზიტების მიხედვით.

ამირან შაქარაძე, 577403322, atgabat@gmail.com შესყიდვების განყოფილების უფროსი

1. ფასების ცხრილი;


1. პრეტენდენტის მიერ წარმოდგენილ სატენდერო წინადადებაში ფასი წარმოდგენილი უნდა იყოს მომსახურების შესრულებასთან დაკავშირებული ყველა ხარჯისა და საქართველოს კანონმდებლობით გათვალისწინებულ გადასახადების გათვალისწინებით.
2. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
3. პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ სატენდერო წინადადებაზე ან მის შემადგენელ დოკუმენტზე, უნდა იყოს შესრულებული კვალიფიციური ელექტრონული ხელმოწერა ან/და დასმული უნდა იყოს კვალიფიციური ელექტრონული შტამპი. იგივე წესი უნდა იქნეს დაცული პრეტენდენტის მიერ სხვა, შემდგომი დოკუმენტების წარდგენის საჭიროების წარმოშობის შემთხვევაში (მაგალითად, დაზუსტებული ტექნიკური დოკუმენტაცია და სხვა). აღნიშნული ვალდებულებისაგან განთავისუფლებულია სახელმწიფო შესყიდვების ერთიან ელექტრონულ სისტემაში ,,მიმწოდებლად’’ რეგისტრირებული არარეზიდენტი მომხმარებელი.
4. კვალიფიციური ელექტრონული ხელმოწერა ან/და დასმული კვალიფიციური ელექტრონული შტამპი უნდა იყოს შესრულებული უფლებამოსილი პირის მიერ. საჭიროების შემთხვევაში ერთიან ელექტრონულ სისტემაში ატვირთულ უნდა იქნეს ნოტარიულად დამოწმებული მინდობილობა/რწმუნებულება, რომელიც დაადასტურებს პირის უფლებამოსილებას სატენდერო წინადადების ან მისი შემადგენელი დოკუმენტის ხელმოწერაზე.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო პირობების შესახებ დამატებითი ინფორმაციისა და განმარტებების მიღების საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
7. წინამდებარე შესყიდვა ხორციელდება ,,სახელმწიფო შესყიდვის შესახებ’’ საქართველოს კანონისა და ,,ელექტრონული ტენდერის ჩატარების შესახებ წესის’’ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად